SIHAL TOH AAK HONG KIGAL DAN UH......
Shared by ~ Blake Khuptong Paite
SIHAL TOH AAK HONG KIGAL DAN UH......
Nidang
lai a akk leh sihal lawmta hoih mahmah ahi uh hi. Himahleh sihal bel
guk pil leh khel mahmah ahihman in aak pen nek di in en gge hi. Aak inle
sihal chalak pil dan thei ahihman in kiveng thei tawp in kiveng hi.
Nikhat....
Sihal in aak kiang ah tuzan koi ah na giak d ? chi a..aak in gilbem ah
chi hi. Sihal in le zankal ah gilbem a va et leh aak ana omlou hi. A
zing non lamchiah, sihal in aak kiang ah tuzan koi ah na giak d ? chi'n
dong non leuleu a , aak in le gilzawl ah chi a, sihal in le gngta non a
gilzawl a va et leh ana omlou leuleu hi..
A tawp a sihal
in le aak pildan hon theikheta. Sihal in aakpi giahna ding kan non
leuleua, Aakpi, tuzan koi ah giak d ? a chih leh aak in gilbem ah chi
a, sihal in le gilzawl a va et leh ana om petmah a api tuah in gam lak
ah asa ne hi.
A zingchiang in aknoute hong kikhomkhawm ua
sihal buluh din hong kisa uh hi...Lampi a hong pai ua, gul tuak kha
uhi. Gul in, " aaknou chiakchiak koi a hoh d ? " a chih leh aknoute'n "
nu phula d, pa phula d , Sangak dai kai d " chi ua, gul in zong amaute
zui hi..
Hong pai non leuleu u leh khuai toh hong kituak
non ua amau le ama a te kan dan in kan ua, amau " nu phula d pa phula
d " chi non leuleu uhi. A non in ukeng hon tuak ua amau le ama ate dan
in hon kan ua, amau le gen non in ukeng inle va zui hi.
Hong
paipai ua Sangak buk hong tungta uhi. aaknoute'n amei chih na teng
thai zak ua. Khuai puanpi kawm ah pang a. Gul tuilak ah bel sung ah pang
a...Ukeng inkong ah pang hi. Ukeng in vanlam ah tui hon phih leh vuah
hong zu a..sihal le a kawt nipnep sa in inn hong tung hi..votsa lua mei
a oi dk leh aak in ana thai mit gai a, oi theilou a..votsa lua puanpi
kawm a atawmlut leh, huai ah le Khuai hon in ana deh ua, amah le
taikhia a khuai hon deh theilou d chi a bel sung aa a tawmlut leh Gul
in ana tu zawmah lai hi. A om na d omlou in innkong ah taipawt a votsa
in thuak den hi. Huai apan tuni tan dong aak leh sihal kihou thei nai
tadihlou uhi.
------------------------------------------------
2nd version shared by Thanuam Dahpa
SIHAL TOH AAK HONG KIGAL DAN UH
Nidang
a aak leh sihal lawmta hoih mahmah ahi uhi.Himahleh sihal bel guk pil
leh khel mahmah ahihman in aak pen nek ding in en gige hi. Aak inle
sihal chalak pildan thei ahihman in kiveng thei mahmah hi.
Nikhat
Sihal in aak kiang ah tuzan koi ah na giak dia ? chi a..aak in "Gilbem
ah" chi hi..sihal in leng zankal a gilbem a va-et leh aak ana omlou a,
a zing nawn lam in tuzan koi ah na giak ding chi nawn leuleu a, aman
"Giilzawl ah" chi hi. Sihal inle gingta nawn a gilzawl a va-et leh ana
omlou leuleu hi. A tawp in sihal in leng aak pildan hon theikhia in
dong non nawn leuleu hi."Tuzan koi a giak ding" acih leh aak in gilbem
ah, chi a sihal in leng gilzawl a va-et leh ana om a api tuah in gamlak
ah asa ne hi.
A zingciang in aaknoute hong
kikhawmkhawm ua sihal buluh ding in hong kisa uhi...Lampi a hong pai
uleh Gul tuak kha uhi. Gul in "aaknou ciakciak koi a hoh ding"acih leh
aaknou te'n "nu phula ding, pa phula ding, Sangak daikai ding" chi ua
gul in zong amaute zui hi. Hong pai nawn leuleu ua leh Khuai toh hong
kituak nawn ua Khuai in leng ama ate kandan in kan a Aaknou in "nu phula
ding pa phula ding" chi nawn leuleu hi.A nawn in ukeng hon tuak ua
Ukeng in leng ama ate dan in hon kan a Aaknou in leng gennawn in ukeng
in leng vazui hi. Hong paipai ua Sangak buk hong tungta uhi.
Aaknou
in amei chihna teng thaizak a,Gul' puanpi kawm ah pang a,Gul tuilak ah
belsung ah pang a,ukeng innkong ah pang hi. Ukeng in vanlam ah tui hon
phih leh vuah hong zu a Sihal leng a kawt nipnep sa in inn hong tung hi.
Votsa lua mei a awi dek leh aak in ana thaimit gai ahihman in Awi
theilou a votsa lua puanpi kawm ah a tawm lut hi. Huai ah leng Khuai hon
in ana deh ua amah leng taikhia a khuai hon deh theilou ding chi abel
sung ah atawm lut leh gul in anatu zawmah lai hi. A om na ding omlou a
innkong a a taipawt a votsa in thuakden hi. Huai apan tuni tan dong aak
leh sihal kihou theinai tadihlou uhi..hahaha
Writer's Note : (Gelhdan nalhzaw leh simnop zaw dia letter maihkhakte ka hon koih ahi)
________________________
Another version shared by Bk Suan
SIHAL or SANGAK TOH AAK HONG KIGAL DAN UH
Nidanglai
pekpek in Aak leh Sangak lawm hoih mahmah ahi uhi. Himahleh Sangak in
bel a lawm Aak nek di ngen in enlah a, pilkhel tak in chan/tan bawl
den hi. Tua hang in Aak in a lawm Sangak pildan sim(guk) theih ahihman
in kiveng khinkhian a, pilsiamtak in thuah hi.
Nikhat
Sangak in Aak kiang ah, " Lawm, tuzan koi ah na giak dia ? " chi in
dong a, Aak inle "Gilbem ah" chi hi dawng hi. Sangak in leng nitak a
Gilbem a va-et leh Aak ana omlou hi. A zing nawn lam in Sangak in
Aak kiang ah, " tuzan koi ah na giak dia ? " chi in dong nawn leuleu
a, Aak in leng "Giilzawl ah" chi in Gilbem ah giakdaih hi. Sangak in
leng zankal a Gilzawl a va-et leh ana omlou zel hi. A tawptawp in
Sangak in a lawm Aak khemdan hon theikhia khongta hi. Huchi in, nikhat
Sangak in Aak kiang ah, " tuzan koi ah na giak dia ? " chi in dong non
a, Aak in Gilbem chimah leh, a nitak in Gilzawl va-en a , Aak huai ah
ana giak petmah hi. Sangak in leng Aakpi tuah in gamlak ah asa ne hi.
A
zingchiang in Aknou leh a Tui (egg) leng Akpi phula ding in hong
kuankhia uhi. Lampi ah hong paipai uleh Gulngawngsan hon tuak ua, Gul
in leng "Aknou chiakchiak koi a hoh ding ?" chi in na dong hi. Aknou in
leng "nu phula ding, pa phula ding, Sangak daikai ding" chi'n dawng a,
Gul in zong, Sangak tung ah kua lungdam om ding, ken leng hon zui ning ,
chi in zui pah hi.
Amau teng hong pai nawn leuleu ua
Taanai(miksi chikhat) hawn hon tuak non uhi. Taanai te'n leng, " Aknou
chiakchiak koi a hoh ding ? " chi'n ana dong ua, Aknou in leng, " nu
phula ding, pa phula ding, Sangak daikai ding " chi'n dawng non a,
Taanai te'n leng Sangak tung ah kua lungdam om dia , kou leng hon zui
nu'ng , chi in zui uhi.
Huchi'n lampi ah, Khuai Ukeng,
Bizang, Naanghiam leh Suktuahte nupa kichite a banban in hon tuak ua,
amau leng Gul leh Taanaite dotdan mah in ana dong ua, Aknou leh a amah
ana zuite'n leng, Ama a dan mah in dawng kik uh ahihman un, zui chiat
uhi. Hiaiteng hong kizui in Sangak tenna lam hon zuan nainai uhi. Hong
paipai uleh Sangak buk hong tung thei khong uhi.
Sangak buuk a vatun tak un Sangak ana omlou a, amau leng panmun hong kihawm chiat uhi.
Aknou in meiphual phiatdalhsa a koih ding.
Aktui Vutlak a phual ding.
Taanai hawn belpuansia kawm ah pang ding.
Gulngawngsan tuithei sung ah pang ding.
Naanghiam tuitheibul a baang ah pang ding.
Khuai hawn Puanpi kawm ah pang ding
leh
Suktuahte
nupa in Innkong lam a hong taipawt leh Bizang a ana khoh ding chidan
in panmun hong kihawm uhi. Huchi in , Ukeng hong kipan a, vanlam ah Tui
hon phih leh khua hong niim in huihpi vuahpi hong zupah hi. Aknou in
Sangak meiphualsa hon thaidalh a, a dangte leng a panmun chiat uah ana
pang khinkhian uhi.
Vuah tampi zu ahihman in Sangak leng
kawt nipnep sa in inn hong tung hi. Votsa lua a mei a awi dek leh
aknou in ana thaidalh gai ahihman in a mei ana dur lou a, mei
tawh/chih dia kisa a vutlak hon thaipat leh Aktui hong puakdarh in a
maiteng ah kidenna hi. Aman leng salua,,,, salua,,,, chi a akiang a om
belpuansia a lak leh Taanai hawn in ana deh/kei ua, Naa salua a khut
Tuithei sung a adiah leh Gul in ana tu zel hi. Mangbang sim kawm a
tuithei bul a baang/zuak a maiphei leh Naanghiam in a khut ana aat
zawmah lai. Aman leng mei lah tawh ngam nonlou khuadam lah sa ahih
chiang in ; puanpi kawm ah kilup mai ning chi a, puanpi hon hawk leh
Khuai hawn in ana bawm luai-luai ngal uhi. Laulua,,, alohngaihna
theilou a Innkong lam hong taikhat leh Suktuahte nupa in nuamtak in
Bizang in ana khoh liam geih uhi...
Huai ni apan tuni tan dong Aak leh Sangak( Sihal) kihou theinailou uhi.
Moral : Lawmhoih leh ginom tung ah tatkhelh thil hoihlou ahi.
©Siamsinna leh Vakiangbu
Comments
Post a Comment