SPA ~ Real Life story of a woman
Translated by Lalkhuptong Lalk ( in Paite )
Translator’s Note : Kon let tei chhin aw adik na diam ah ….
Writer’s Note : (Haikha
ZO-Rose group Khat, numei private Group ah Admin ka hih lai a member
khat in hon thot ahi a, a hon ngetna bang in, hun sawtpek apan ana hita
mahleh tun ah Zo-Rose ah kon post thei pan a, a hong thontu kiang ah le
ngaihdam ka ngen ahi. A original mah kon post ahi.) A simtute ngaihdan
ahimai bangmah ka care kei.)
Hiai kha, thil zumhuai leh nalhlou tak
ahi a, hilele midang adia pilvanna leh atung a thil hoihlou hong tung
thei dite lak ah kiven theihna di ahi si a, zum leh zah khuallou a kon
genkhiak ut ahi. Mizo nungak tampi, Phailam(Vaigampur) lam ah nasep a
kilawh tampi ka om ua, ka nesepte uh line tuamtuam ahi vek hi. Lawmte
deihsakna leh gam changkang zaw ah ka om utta hi. SPA ah mizo nungak a
deih uh a chih ziak un, India gam khopi lian khat ah (Amin zaw gen dah
ni) kana ngaihsang gige 5 Star Hotel ah ka vasempan teisam hi. Siam
mumal le neilou leh Zir masa loupi in training ka vapanpah a, training
sung in Rs. 5500/- ka lawh a, training zoh in Rs. 8500 leh incentives
chi in lawh tungtang hon promise uhi. SPA tamtak a om a, SPA khempeuh ah
zong sepdan kibang veklou maithei hi. SPA ah sem tengteng ka soisel
utna ziak le hituanlou in, ka experience apan kon gen ut ziak maimai
ahi. SPA ah sem nahi kon chihna le hituanlou in, kei mah experience hon
gendek ka hihna ah.. midang kuamah na ngaihsiam uh kon ngen a. Hon
theisiam zaw in leh hon ngaidam un chih kon ngen masa ahi.
Kou lawmta nihte ( kei bang ngial houh
class VII lek passed, lehkha saimlou ka hi) 5 Star hotel ah nasep kon
mu uh chu ka kipak petmah uhi. Kum tamtak pailiamta mahleh hiai hunlai
in kum 20 ka na pelpan chauh hi. Lehkha saimlou himahleng ka sakmel leh
ka duang ana ching a/ ana hoih a huaiziak in ka vanduai petmah hi.
Mihing ngeina dan in ka training sung un
hon employ tu te leh ka seppihte leh staff te’n ka tung uah etlahna a
neih uh ka haih kei uhi. Hon luppih ut ziak un thil chi tuamtuam in hon
khemkual zel ua, hilehleng kuaman hon force kei ua,
Vauna leh khemna chi tuamtuam tuak zel
in hoihtak in training chu ka zou suak hamham uhi. Khopi bouruak ka sik
thuk zel ua. Ka omna gam uh chiamzel in leh midangte hon theihpihlouh
inle anuam a om ka ut tei zel a. Hih louh ding kichite khopi omdan chih
ziak in ka na hih sam zel hi. Poilou chih thuah zel in bangteng ka hong
experience ta hi. Hilehleng hiai thil tengteng kisikna leh kibawlhoih
theihlouhna hong tung ding lam ka na ngaihtuah phakei hi. Ka omdan kha a
loose deuhdeuh a, poisaklouh ka hau deuhdeuh ta hi. ka loh tawmchik toh
Khopi omdan expensive Car ah enjoyment ka ut petmah mai hi.
Beer apan in, Whiskey, Rum, Brandy leh zu
te ah ka luttou/kaisangtou zel a, ann nekkhawmna leh Disco leh lawm
leh vual kipolh khawmna ah Pasal toh ka omkhawm zel a. Huchi kawmkawm in
kiss apan kipolh ka hong luttou zel a. Namdangte lak a kipan namdang ah
ka kisuan zel hi. Car ah hon pothei leh disco na mun a hon pithei leh
zu hon khilai theite lawi ka hinkhua ah hong belh zel hi.
SPA ka hih apan ka hoih deuhdeuh a, zum
leng ka zum thei nawn kei hi. SPA ah mi atam petmah a, mi tuamtuam hong
lut zel ua, foreigners atam thei petmah hi. SPA omdan chu hichidan ahi.
Ka massage dite vuaktang in a lum ua, a zahmoh omna mun uh towel ngou in
ka tuamsak hi. Kizuutna sathau leh numei khut a pasal ka zuut chiang in
pasal chu phur lou theilou uh ahi a, kei mah ngei leng ka utna a hong
om zel hi. Sap (foreigners) ngaisang nam i hi ua, Sap pasal, Lian
henhawn leh muscle hoihtak neite ka zuut chiang in bel, kei le ka sa
utna a sang mahmah hi. Numei sang mah in Pasal utna asang zaw chih ka
thei giugiau hi. Sathau in a phei apan kon zuut a, a breathing hong
chituam in a kin-gang mahmah hi. A khe kal akipan a c**l ka mu thei a,
bakah pasal utna chu a langlou theikei. Towel ngou pen aminpu maimai
ahita. A taw tanpha in zuut angai vek a, anunglam ka massage zoh in hong
thallup leh chu ‘AW’, kei leng ka zum a, amah leng a zum tei sam hi.
Alou theilou ahi. Na theihsiam uh ka gingta. Towel ngou a ka khuh dek
chiang in a towel ake zel a. Nam dang numei ka hi a ka lak ah hatna
(Utna le chihtheih veve) a nasa mahmah thei mahmah a, Pasal inle namdang
leh chi dang deuh nungak test utna nei di ahi chih ka thei kilkel a
huai kawmkal ah numei chituam deuh ma ah a utna uh a zual deuh chi ka
thei veve thou hi.
Gamdang ah ka kilawh nasan ahihleh
Sum/lawh atam zawk leh hoih deuh deih ziak ahi. Abiktak in Namdang numei
lak ah utna a hong piang chiang in Pasal in phallouh neilou leh it le
neilou ahi chih ka genchiang ngam hi. A Bangkhem a bangkhem chiang in
khoihsak louh a deih kei uhi. Frank top tamai ni. Non zuut sak thei diam
? Sum bangzah kon pe dia ? Zuut ding hileh sum bang zah nala dia ? Huai
zoh in hon tawpsak inla bangzah kon hap a ngailai dia le ? Tawpsak
(blow Job) nang in bangzah a ngai dia ? Atam zawk leh huchi kia in a
lungkim kei uhi. Hon luppih inla sum na chih zahzah kon pe di achi ua.
Sum offer atam thei petmah a, US Dollar ahih ngial leh houh ka pakta
petmah hi. Sum deihziak a gam dang a kilawh leh sum tampi muhtheih/don
theih na chance leh midang theihlouh ahihleh poilou chih ngaihtuana
kinei hi. Sap pasalte luppih ut himhim leh massage sung ah ka feeling a
sousang petmah leh sum tampi nial haksat ziak in amau deihdan in sum
ziak in ka luppih zelzel hi.
Muante Tangpua Translated the remaining story…
Hichibang tengteng hi midang leh
sungkuante kiang ah Bonus/Tips ka mu hoih petmah uh chi in a kigen sek
hi. Hun saulou chik sung in US dollar a tawmpen in 250 apat 500 tan
khong a kisemsuah man sek hi. Hichituk a a hlawk/met dan kitheita
ahihchiang in ka massage te uh kha a sa utna uh sukpawt kia a kitumdenta
a, himahleh kisikna di leh Pathian ma a thil zumhuai pi ahihlam a
kitheikei hi. Pasal leh tate ma ah lungtang tawng apat a kisuanglah gige
leh maizum tak a om na di ana hi chih le ana kiphawkkha kei hi. A
hunlaitak in sum kia ana kideih a, sum ahi kipahna hon petu ana kichi a,
huchibang thil teng ana kihih a, himahleh sum sang mah in ah zahtat
huaina (respect) a na manpha zawtham hi. Sum in sawtlou chik kipahna kan
a leitheikei. Saptuam leh khotang ah lungsim a nuam thei nawnkei himhim
a, nu leh pa leh sungkuante, lawm leh pasal leh tate kiang ah ka thil
hih te ziak in lungsim guk tak in a kizum thei petmah hi. Siam kitangsak
thei nawnlou in ngaihdam zong a kingaidam thei nawnkei hi. Hiai ziaktak
ahi ZO nungak vaigam ah ana om thang khin te’n ZOGAM ah hong omnawn du a
utlouhna ziak uh leh ZOGAM ah hong paikik haksa a sakna pen uh hi a ka
theih ahi. Suanlam in,I gam uh zaw a nuam kei lua, bang a kihih tuan
dia…Bang a ka sep di ? Zogam ah nasep di ka mutei kei chi in suanlam i
bawl sek uhi.
I gam uh a zawngkhallua a gamdang ah
kilawh din pai zaw mai ni i chi ngei uhi. Huaiban ah Philippines te
bangbang i hi kha du chih ka lau sim sek hi. A gam uh a zawngkhal man in
gam dangdang ah kilawh di’n a pawtkhe ua, na sem ding in pasal sang in
numei ana deihzaw sek nak uhi. Khovel ah tuailai nawhchizuak tam pen
Philippines te a chi i chithei hial ding! Sepna hoihtak promise a sex
slave suaksak tu leh a hinkhua uh susetu pen khat ahihleh mahni gam
pawtsan a khawpi lam ah sum tamzaw sepsuah utna lungtang ahi ka chi thei
tei ta hi.Bangteng hileh a tung a ka genkhitsa kisiknate kha hon
theihpih unla, kuamah tung ah tangtung kei leh chih ka deihdan ahi. Spa
himhim ka gensia ahikei, spa ziak a thil om sek leh thil hong tangtung
thei te gen ka hi zaw. Himahleh, gentak sa mah bang in spa i chih hi a
kibangkei vek thei a, hiai a thil tung te a langkhat lam a tunglou thei
ahi. Himahleh i tate, sanggamte leh lawmte hinkhua pilvan theih na dia i
zang phatuamthei uh ahihleh ka kipak petmah ding hi. Kimlou tak a gen
himahleng ka lungsim ahihleh a nuam tuam mahmah hi.
Shared by Thanglianmoi Guite (in Mizo )
Original story written by Lucy Hmar
©Siamsinna leh Vakiangbu
Comments
Post a Comment