KA NA THEITA

By ~ AchillesLal Yatze Fdgg

Nang mah thu in mi na kingaisak theikei a himahleh mi ngaihtheih di’n na omthei chih- ka na theita.

Bangchituk in mi khual mahle chin mi khenkhat in nang ahon khual samkei di uh chih- ka na theita.

Mi muanngamna di’n kum tam a ngai thei a, huaite suksiatna di’n second khat sung lel leng ahithei chih- ka na theita.

Na lawmhoih pen in leng ahon suknat hun a omthei a, huaihun chia na ngaihdam di ahi chih- ka na theita .

Na hinkhua ah bang a naneih chih hizaw lou in kua a na neih chih a poimoh zaw ahi chih- ka na theita.

Mi’n ngaihdam ahon nget leh suanlam tuamtuam ziak a na nawlkhin hetlouh di ahi chih- ka na theita.

Mi thil hoih hih toh nang na kitehkaak hetlouh di ahi chih- ka na theita

Thil i hih peuhmah ah ei a moh pawtu i hi chih- ka na theita.

Kei leh ka lawmhoih pen in thil ka hih u hiam ahihkeh bangmah ka hih louh un leng hun manpha tak ka zangkhawm thei uh chih- ka na theita

Tup tangtun na di’n hun sawttak ngai ahi chih- ka na theita.

Na lungsim in a hon thuzoh thei a, tuabang in nang le na lungsim na thuzoh thei chih- ka na theita.

Mi thupi i chih te thil ahih dia kipiate ahun tak a hih a bangmah sukbuai theihlouhte ahi chih- ka na theita.

Buaina na tuah hun a hon nawlkhin dia na gintakte hon kaithou theitu ahithei uh chih- ka na theita .

Ka heh hunchiang in heh theihna right neimah ka hi a, himahleh va kheltat(thuk) di ahi chitchiat kei chih- ka na theita.

Mi nih in thil kibang a enkhawm theituak ua, himahleh a muhdan uh a tuamtuak chih- ka na theita.

Bangchituk in na ta vengbit sawm mah leteh a ki hihnaa thouthou di ua, nang leng huai kawmkawm in na kihihnaa kha thou ding chih- ka na theita.

Mi na hinkhua a nakhual penpente’n le ahon paisan pah di uh chih- ka na theita.

Mi hoihtak hih nasawm kawm a miteng lungsim suknat louh nasawm leh a haksa mahmah diing a, thil na gintak na paipih tinten diing leng ahaksa mahmah ding chih- ka na theita.

Mite’n nathil gente a mangngilh di ua, na thilhihhoihte le a thei nawnkei pah di uh. Himahleh amau tung a na omdan(a hoih/hoihlou) pen a mangngilh ngeikei di uh chih- ka na theita.

Thuguuk theihkhiak sawm in hahpan lawken, huai in na hinkhua hon kheng lamdang thei ahi chih- ka na theita.

Khat veivei chiang in  mi khenkhat nang hon bahsaktu hidia na gintakte nang hon hihhattu ahithei uh chih- ka na theita.

Itna diktak i neih leh i it-te toh mun gamla tak ah kikhen mahle ahon bahsak tuankei chih- ka na theita.

Mi’n nang hon ngaileh chih na deih dan bangtak a ahon hihtheih kei uleh nang hon ngailou ahi tuan kei uh chih- ka na theita.

Pichinna i chih na hinkhua ah experience bangzah natuak a, thil bangzah na zir khia a chih ahi zaw a, na birthday lopmun ziak ahikei zaw chih- ka na theita.

Mi nih a kinak ziak ua a kingailou ahikei ua, akinak louh ziak ua a kingai leng ahituan samkei uh chih- ka na theita.

Naupangte lunglutna khemkhem hiam ahihkeh ngaihsak louh diing hiam ahikei chih- ka na theita.

Mingaihdam gige a omkia ahunkei a, nang leh nang leng na kingaihdam theih poimoh ahi chih- ka na theita..

Mihausate thil teng neite ahikei ua, thil neupen tan poimohte ahi zaw uh chih- ka na theita.

Sum chiilte le sum muh khiak a haksat luat ziak ahi thei chih- ka na theita.

Milak a pautam luat hoihlou ahi chih- ka na theita.

Mi pautawmte le a lungsim ua gen di neilou ahituan samkei uh chih- ka na theita.

~~x~~x~~

 ©Siamsinna leh Vakiangbu