SEN A VANG NGAIH
By ~ Thathang Vualnam Nlu
Hun leh nite hong bei zel in singtang khua lian lou khat apan
Minthang hong piang khia hi. Amah ahihleh a pi leh pu a ding a tu muh
masak pen a hih bak ah nu leh pa a dia a ta masa pen ahihman in
hawmthoh mahmah uhi.. Hunte hong pai zel in Minthang inle let lam hong
manoh hiaihiai hi. Huchi in skul khong hong kai theita ahihman in a nu
leh pa'n le lou khong kuan san zel in a pi leh pu in ana enkol liliai uh
hi. Huchia skul khong hong kaikai chiang in a lawmte lak a ahat lou pen
chih mah tak vuak khong thuak sek hi. A chang in innlam kap sa khong a
pai ni a tam mahmah hi. Hunte hong bei zel in kumte khong hong thak zel a
Minthang le hong lian hiaihiai hi. Huchi in skul khong hong lut hun non
ahihman in amah le skul hong kai pan nonta hi.
Skul a hong kai chiang in a lawmte lak ah siampen hihna bang a tang
deuh gige hi. Huchi ahihman in a lawmte muhsit leh engbawl hong thuak
toutou hi. Huchi a hong omsung Pathian hehpihna zar a kum tawp exam hong
pia in a class pumpi uah siampen hihna hong la hi. Exam lah zouta
ahihman in sun chia hih theihtheih hih in a nu leh pa nasep bang seppih
zel hi. Nite hong bei zel ahihman in kua peuh in i ngaklah Christmas
bang hong nai hiaihiai ta hi. Huchi in mundang a om alawmte uh innlam
khong ah hong tung zungzung in amau khom in nuam a sa mahmahh uh hi.
Christmas bang hong tung dek petmah chiang in Minthang leng a nute toh a
khokiang ua khua ah van lei din hong hoh ua, a van deih teng hong
leizoh un innlam zuan in hong kik non uhi. Huchia hong om sung in
Christmas te bang hong zangzou in kumthak bang hong tung nonta hi.
Huchih sung alawmte mundang a omte leng a siamsinna maban uh sunzawm
ding in a omna mun chiat uh hong zuan siausiau non uh hi. Amah le a khua
ua kai thei nonlou ahihman in mundang ah pai d cih ciah neisa in dai lo
a hyh man in, a khua kiang wa khua 1 a siamsin na mabang zawm ding in
nu leh pa'n lem hong sa uh hi.
Huchi in amah leng a khua uh nusia in a laisimna d mun khua zuan in
hong pai hi. A khua hong tun in a pute inn ah hong pai ngal hi. A
tunphet in kihah siang in hong tawldam hi. Hong tawldam khit in a pu toh
a skul kai na d mun uah admission vabawl ua a bawlkhit in a pute inlam
zuan in hong paikhe non uhi Huchi in a book d khong hon ngaihtuah zoh
tak in innlam ah hng pai ua, a pute inn hong tun un khua bang hong mui
sim pian hi.
Innkong a varandah a tutna sau a tutlai in a innkiangte uh nau
Chiching hong pawtkhia amuh in a lungsim ah Chiching vuak ngaihtuah den
bang phial hi. Huchia phunlou paulou a a omsung in ann nek hong hun a,
ann ne d in hong pai a, ann nek zoh phet kuangte khong heppih in ahih
thei bangbang in a pi thil hih hihpih hi. A zoh in innkong lam a
pawtkhiak leh den a ami muh nu Chiching toh hong ki-entuah kha chet in
nui sim heuhau kawm in atutna ngei mah ah hong tu non hi. Huchia hong
tutlai in a gingtak louhpi in den a mimuh nu pen a nu toh a pu te innlam
zuan in paiphei ua a pute inn ah hong hoh ua huchia thil tuam khong
hong gen a om laitak un Chiching nu pen in innsung ah lutsan in amau
tegel vuak om kha uhi.
Huchia a kimuh masakna pen uh ahihman in a zum tuak mahmah uh hi.
Hong kinel dek pah ahihman un amin khong uh hong kidong tuah ua a class d
zah khong uh kidong a a om laitak un Chiching nu pen inn ah pai din
hong pawtkhia a a pi in thil tuamtuam khong gen in zingchia skul lut d
ahihman un Minthang pen in melthei le nei nailou d ahih toh zingchia
Chiching pen i a kuan chiah tawnphei din hong kivaikhak zoh un mangpha
khong hong kikhak in amah le a pi toh innsung ah lut in sawtlou hong tu
uhi. Thil tuamtuam khong gen in a skul kai na ua hoihtak a om ding bang
in kithuhilh uh hi. Huchia hong paupau sung un zan bang le sawt sim man
ta ahih na ah lum ding in hong kisa ua a pi in a lupna d puan khong hon
bawlsak zoh in Minthang leng lum di in hong kisa a, hong lum in gim sim
ahihman in a theihlouh kar in hong ihmu kha in hi. Zinglam a khua hon
phok hak sim a, a theihphet in thoupah in a puante bang hem in a hep zoh
in hong kihahsiang azia sung in a pi le hong thoukhia in mei hong toh
in ; mei hon tawhkhit in tui bang hong suan zoh in ann huan d in hong
kithoikhe linliin non hi.
Ann leh meh hong huankhit un inn khong hong hahsiang pah vetvet uhi.
Huchia inn hong hah sung un ann nek hong hun man zel ahihman in ann
khong hong ne uh hi . Ann a neklai un Chiching in hong tawnphei man
ahihman in gil vah a le ne manlou phial in hong kham pah a hong kisa
vitvit in a pi kiang a kuan dekta uh ahihdan hon hilh in skul kai kuan
ding in hong kizuipawt uh hi . Huchia hong paipai sung un a skul kai na d
mun uh hong tung in a room chiat uah hong paiphei pah uhi. Huchia
tutna d khong hong bawl fel khit un asembly dak hong ging in make line
din hong paikhia uh hi . Minthang inle melthei nei nailou ahihman in
Chiching va zuihzuih ding lah nuamsa chiah lou ahi dia, a lawm d zong
a hong dakdaak lai in mikhat in vahoupih guih mok a ; Hiai a skul kai
thak ahihdante khong gen in min khong kihilh tuah in a lawmpa a ding kia
a min a dawng hi . A lawmpa min ahihleh Khualpu ahi. Amah ahihleh a
kailui ahih ban ah, mi pautawm khollou ahihna toh lawm bang hau mahmah
hi . Huchia asembly hong zohkhiat tak un class room sung ah hong lut in
hong chiak nuanua uh hi.
Huchi bang kar a hong om venvung sung un skul kai hong top hun man in
innlam zuan in hong chiah kikta uh hi. Niteng hun teng a hong kimu gige
Ahihman un a kar uah itna kichi hong om in abul pantatu d om zoklou
ahihman in sawt pi bang hong om khe leiluai uh hi huchia hong om sung in
summer vacation bang hong nai hiai ahihman in laisim bang hong tha it
tuak mahmah ahihman un a kimuh vang mahmah ta uh hi. Huchia Chiching
nitaklam laisim a om laitak in naupang khat in lai vapia a, kua a mahmah
de o chi in a laithon bang hong en ngam pah lou zezen hi. A min a
kigelh dan apat chu a muhchil lungkuai Minthang hi d in gingta mawk in
kikoukhe kha zezen hi. Huchia laithon hong phelkhia in hon simkhia hi. A
sim kawm bang in nuikhe kha teptup hi. Hong sim zoh in aman le a puan
kawm ah kuamah muhlouhna d mun a chihna mun ah va kem in, aman le
thukkik na lai gelh pah hi...
It luat uu, non lai at ka na mu ah ka kipak mahmah hi. Huchi bang a
non itna non piak ka tan dia le ka gingtak louh non piak kei a ching lou
himah leng ken le non itna bangbang in kon it in kon ngai tei sam hi. I
kha maw ken maw nang kon muh apat hoih hong sa ing a, skul kai kuan
chiang khong a mi bang in hong dem chiang ua kei a guk a ana kipak thei
lua kei ve . Nang zaw ka SEN A VANG NGAIH NA Hi. Ka kipak
Sausim na a poikei maw u..
Lai at tu... Na nau .
Huchia gelhkhit phet in bang ka gelh chihle ththei man lou hial in a
note bu a hong koih hi . A nau sam in Minthang kia a laibu khelh vape d
in sawl a anau in leng thuamang tak in vapia pah in hong taikik non
chenchen pah hi.
Ka lung gulh leh deih pen toh kingai a om ta ka hihman in a om na
peuhpeuh nuam thei mahmah hi. Hun in khol ni nei ngeilou a ahihman in
exam bang zou d dinmun in om ta uh hi. Exm zou leh uh Minthang in a khua
ua kik non ngai d chih khong a ngaihtuah chiah haksa bang a sa thei
mahmah hi. Huchia exam hong zou in a zoh ni un hong kiton thei non
ahihman un a aam mahmah uh hi. Huchia a hong pai sung un thill tuamtuam
khong gen in hong paipai uleh a inn uh hong tung dek petmah ahihman un
nitak chia kimu ding in hong kithukim ua. A gen mah bang un nitak hong
kimu thei uh hi. Hucia hong paipai kawm un mun 1 a tutna d mun uh hon
mu uh a hong tutei sam uhi. Minthang in zingchia a itpen paisan d
ahihna ah zanhak bang ut phial mah leh huchi d tan hial in zaw ataksa uh
naupang law deuh lai zel uhi Huchia a om sung gingom tak amah a dia ana
om ding in Chiching kiah ngen in Chichng inle a cHih bang a ana om d
ahih dan leh thusia lasia in hong tuam zong itna guikhau bang tatsak lou
ding in gen hi. Huchia a omsung un zansawt man d lau ahihman un pai hon
sawm uh hi. Huchia hong pai lai un Chiching in a u Minthang kia amah
lou a omzou mahmah lou d ahihman in kigu ding bang peuh in zawn hi
Huchi hial dia naupang kisa law deuh lai ahih bang gen in maban khual
ngai ahihna ah khatvei tei kimu non d i hi chi in hon hehnem in kikhen
theita uh hii.........
Beita beita
Writer's Note:ya tangthua phuah tom pet mh ngai na a ana simsak tute
kiah ah kipak mahmah ka hy cih kong gelh a hy... Min kijan te phuah tom maimai
a hih ban a a thu om dan le bulbal nei lo ahih na ah kisin na maimai dan a kon gelh a hi.
©Siamsinna leh Vakiangbu
Comments
Post a Comment