KUMTAWN SIHNA GAWTMUN MEIDIL
By ~ Suan Naulak
Part I
Gawtmun koi ah a om di ?? :
Gawtmun omna di miteng in a theih ut ahi
hi. Rozer Scarle, University of Durham a Professor in a gen dan in, amau
pawl in meidil asui dan uh hici’n ana gen hi.
Leitung lailung (core) khah asat dan 6000
degree Celcius vel a sa ahi achi hi. Hilehle, nidang a leitung ah
meidil om ahi chi a ka na gintak khah dik khin lou di’n ka ging achi hi.
Aziak ahihleh, leitung ah a om theih na dia mun omsun chu tuisuahgiat
tawdop a tuisa pawtna khah asat dan 450 degree C a, asatna mun ahi ding
achi hi. Anawn ah, vangam omna di pen agen nawnna ah hicin agen hi,
“Huihkhua a Thermosphere kicihna mun khat a om a, tua mun ahi diing” chi
in a gingta hi. Tua a kigente bel thudik ahi i chi thei kei hi. Hilehle
ginglou mite’n le vangam leh gawtmun tungtang le ana buaipih khop tek
uh ana hisam hi.
Tualeh, Russia Scientist te’n Siberia gam
a, anasepna uah munkhat Mile 9 a thuk a tohna uah, Meidil hi awmtak dia
agintak uh a mukhia uh hi. A satdan 2000 degree F ahi achi uh hi. Hiai
hun lai a a Director pa uh Dr Victor Azza in, hiai hun in hiai kokhuk ah
mi mau leh ham zengzung, a naa e, a naa e chia ham vengvung aza uh achi
hi. Hiai hun ah a thil muhkhiat lamdang tak uh agingta ua, Scientist
tamtak in a nasep uh kholsan in a apiangthak zengzung uh achi hi.
Laisiangthou a kigen gawtmun di’n a gingta uh hi. Thukhun thak leh
Thukhun lui gendan toh le akibang chi in Laisiangthou siamte’n le a
pompih uh hi. Russia gam bel Pathian omkei, Gawtmun omkei chia gindan
ana paipih gam ahih ziak aleng Pathian in hici bang thil lamdang amuh
khiat sak uh ahi ding achi pawl leng ana om veve zel hi.
Bangteng hileh, Gawtmun omna mun diktat
theikei mah le hang le, laisiangthou siamte leh misiamte apat in leng a
om ngei ahi cih i na mu khin uh hi.
Part II:
Gawtmun sat diing dan:
Ahihleh gawtmun bang chi bang in asa dia
leh? cih le mi teng2 in a theih ut ana hi hi. Tui ahihleh 100 degree in
asou sa vut2 thei hi. I tung ua nisa sat dan leu2 ahihleh 6,000 degree C
vel ding a gintak ahi. Huci bang a sa ahih ziak a nisa gei a om2 atui
mang zei uh hi.
Gawtmun satdan ahihleh 445 degree C a sa
ahi diing chi in Mark Austin in Newspaper khat ah ana gelh hi. Tua asat
dan ahihleh tui ki suangsou leh thum vel a sa ahi diing hi. Tua bang ah,
Laisiangthou in gawtmun asat diing dan hicin ana gen hi. Kilakna 21:8
ah ‘ … Meidawite leh gingta lou te tan ding kaat(brimstone);sulphur huan
sou, sat bang a sa diing ahi. Boiling point of Sulphur= 716.6 K=446 (at
normal pressure). Hiai ahihleh, JORGE MIRA PEREZ University of Santiago
Decompostile, Spain gam a Physicist khat in ana khuat khiat ahi.
Tuabanah, Perez in a sep pih Josevina, Physicists khat ma toh Madrid
(Spain) Khopi a Bishop pa kiah a tangtel uh leh a thil khuat khiat uh
adik hia cih ava dot ualeh aman le adik ahi ci in ana pompih hi.
Part III:
Gawtmun bang chi bang mun ahi di leh ??
Gawtmun chu kihuatna mun leh kimuhdahna
mun ahi diing hi. Zudawn leh thang huaina tampite ah ana kibualte kiah
gawtmun lauh huai didan i genpih chiang un, gawtmun chu anuam ding ahi,
aziak chu i iit le i ngaih teng toh kim tak a kimuh khawmna di mun ahih
ziak in ana chi sek uh hi. Ahihleh, Jail bang ziak a nuam lou ahia ? I
chih leh migilou chi teng toh omkhwmna mun ahih ziak in ahi. Tua mah
bang in, gawtmun le mi gilou ban ah, sual hihte ban ah, lungsim hoihlou
pu leh iitna kici himhim neiloute omkhawmna mun diing ahihziak in nuam
chih bang chu agin tak huai kei hi. Tua ban ah, gawtmun chu kamsia a
kihouna di mun ban ah, tanchinhoih agen di uh chu sihna tanchinpha
ahihna di mun ahih ziak in nuam lou mahmah diing hi. Meikuang sung hia,
tui kisuang sou hiam sung ah na iit pen toh omkhawm lecin anuam tuan
diam?? Hiaichu gawtmun noplouh didan genna hoih tak khat ahi.
Tua ban ah, gawtmun chu sihna nasan muh
nawnlouhna di mun ahi… Hiai leitung ah i lauh pen uh chu sihna leh natna
ahi. Ahi a, gawtmun ah bel sihna nasan muh nawnlouh na di mun ahi. Hiai
thu tuh, Sadhu Sundar Singh Laibu gelh, “Spiritual World” ah chiang tak
in a muh theih hi. Gawtmun natna chu leitung a natnate sang a aza a
tamzaw a natna ahi ding hi. Huaiziakin, hiai mun chu tangtawn a sih
theih nawnlouhna di mun ahi hi.
Part IV:
Gawtmun chu abei thei nawnlou diing mun ahi:
Gawtmun abei theihlouh diing thu khah
Kihilhna bu ah 13 vei a tuang hi. Gawtmun abei theihlouh na di thu hici
bang in a kigen hi. Suangpi liantak kum 100 val a upa khat leitung a
vasa neu penpen khat in amuk ah vataat henla, hun tampi abei chiang in a
suangpi inn chia a lian atat zoh natan inle gawtmun chu kipanpan dek
ahi pan diing a kichi hi. Hicibang chu thil hithei ahi kei na a hilehle,
gawtmun abei thei ngeilou di genna ahi hi.
Tua ban ah, gawtmun asat diingdan chu
Pathian thangpaihna ahi ding hi. Deut. 32:22 ah, ” ka heh a kuang a,
Sheol toh Khon a kang, lei a thil tung toh a kang khin, tang kingaknate a
kang ” ana kici hi.
August 22, 2012 at 3:59pm
©Siamsinna leh Vakiangbu
Comments
Post a Comment