PA
By ~ Pau Lian
Pa, na damlai a kei a dia na gimthuak na te thawnlou ahi aw, na kahna te kaza a, na kho-ul luang puappuapte kamu a, kei gilvah ding na deihman a na neksik non piak laini te leng ka thei, kei gilvahtak a om ing a, nang gilkial a tuivuak dawndawn a na sungte kilok a om a a gin hun a lamdang ka sak mahmah lai a na ngaihtuah na na geel ding tun ka theikhe ta, Pa, non thuhilhna te zalou hilou kahi aw, ka zekai kha a hon ngaidam in. Na damlai a non itna zah sang a thupi zaw in tu in vanmun ah kei a din non ngetsak ziak in ka zaktheihna te honsuah in a om a, ka mitte sukvak in a om a, na itna ka theisiam ta, na damlai in kipak chi in natung ah gen ngeikei mahleng tu in ka kiang a om hi a kon theih man in na tung ah kipahthu kon gen ahi Pa, na laitah ding kuan na khut a hon vaan chin a, ka hatlai in ka thu mangtheikei mah leteh tun ka om nawnlouh nung in zaw non mangta di aw bawi chi a kama paukhe theileng hilou, ka khotheih a pan na khut veidan ka et a ka theihsiam dante a non nget ngutngut lai natawm a aw ka chih theihlouh tel ka ngaihtuah a, zumhuaina in ka lata a, kisiikna in ka pumdim ta ahi, dam hilai le chin kei na tapa hichia hinkhua kikheng a ka om hon mulehteh kipak mah ding hive chin maw... na deihdan zalou hilou ka hi... ka zekai kha a, tun ka theita.. nang na omlai a non lungkham pih bang in tunzaw ana lungkham nawn ken aw, khamuangta in chi in kakiang a hongthuum huthut ka zak in ka kidek zoukei a, ka thumlai ka khawl top a, a mel ka engu khongta hi.
Hiai phiangsan pa, kamzol namai e, kei zak ding sese a hon hichi thum, ka huanhai uh a gukkhiak teng tu in ki-bill nave, chiktan le hon daih mahmah kei get venchin maw chin thumlai hinapi ka lungsim siat chihtak a hon siat man in ka thumna leng sunzom nuam nawnlou in ka pawtkhia a, huai nungsang tuh huai apa pautheilou soisa sek, khamtheih guih leh guktak hatpa Sonboi tuh vengsung ah leng kamu kha nawnkei uh. Neih lehlam lampang lah a zuak beisa hita, apa a sih le a vaktudi neilou a koilam hiam a taimang hinchia chi in min leng gen kheukhou uhi.
Kum 11 bang apai liam nung in nikhat ka omna vaigam lam a ka bazar kaina uah Thang chin hon kisam a, kenleng ka etleh pasal thausim meihmaih, officer meltak khat Swift-desire car ah tuang in hon nuiphei demdam hi. Kei honsam hidia gingta loulua ka hihman in ka lawmte ka en a, Thang kici min neilah omlou hingal chi in kei himah maw nonsap ka chih leh tuapa'n "eh hon thei nawnlou maw, Sonboi keivoi, nidang a vengsung a thawmngaih gige a om a mite van gupa" hon chi hi, kenleng, "karesei aw, zehouh teh.. huailai a na mel toh tua namel van leh lei a kikhia eivoi ka chi a, amah leng gari apan hon kumkhia in khut kilen in ka kihou nilouh uhi. Aman leng "khopi leh asehvel ah vengte ka mu cheuhcheuh zel a hilele mi'n nidang a ka omdan theisuah lua uh adiam hon hou gina khollou ua, a dikdik a vengte muhkhak bangle linlua ka hi, nang toh innveng nailua khat i hih ziak keleu a maingal chihman a kon houpih ahi, paidih banghiam vane ni" chi in a car chabi honla in restaurent khat ah hon lutpih hi.
Nekding tuamtuam nekawm in ka kihoulim ua, nidang a a gamtatdante ban ah ana sukhak mimal chih a ngaihdam a nget ut dante agen ban a, mimal chih kiang a vapai a ngaihdam va nget daudau pen thu namai ahihlouh man a ka hinkhua a kikhekna, khotang siatna ka bawl pen tawpsan a keiziak a mi khat leh nih chidam leh lungmuang tak a alup uh kan a ngaihdam ngetna thupi omlou ahi hon chi hi. Nidang a apa muhsun sum leh pai, apa sakhau gumphut a sawksak a, a sumteng a laksak tonton kamuh laini toh tua a omdan kilehbulh ka sa mahmah a, nidang a vakthap a a om hun natawm a apa duatdan lamdang sa a veng leh pam in a tapa duatkhial na e akichih vengvung laite ka mitkha ah a hon kilang dundun hial hi. Kenleng akiang ah.. "Uson mi maimai lou neive maw, na buaihuai luat lai ale maimailou, na mihoih lelah maimailou, thupi lua nahi, tua bang sepna chiah ale na sep" ka chi hi. Sonpu inleng, "Thang, keiziak bangmah omlou ahi, ka sepna zaw private maimai ahi. Sawt ka semta a a senior penphial a kapan ziak lel ahi" hon chi hi. "Aihleh nangziak a kikhek hilou, na bangchi kikhek e" ka chih leh hon enluak zezen a, "nang neive ka khosak dan alom aha a thei, keiziak bangmah a omkei, nangpa bang in pa hampha nei hileng hiaitan ka tungkei ding, kapa pautheilou, bukimlou angsung ah ka khanglian a, kanu mel leng mumanlou in langbei tak in ka khosa uh, ka khotheih apan ka ngaihtuahna ah bangdia hichi lawmlawm a hamse thuak ka hia ka chi a, kaki ngaisia a, sihpah ka utman in lu-leh-taw phawklou in ka khosa, himahleh hia kapa piangsual chi a a damsung simmawh tak a kana kou ekek in katung ah khatvei mah le kamsia azangkei, a khutlum inleng hon beng ngamkei, hon hehpihlou, hon tailou kasak a, gamsa bang in ka khosak pih kha, a itna kei a dia hon suahkhiakte ka theihsiam apan tuni tan nikhat lelleng kapa ka lungsim a ka phawkkhak louhni a om naikei, kapa simah leh, kei a hon taisan tuankei-a damlai a a deihpen zaw ka zui kei a ka kisik petmah, a damlai a gelhthoh hilhial a a lukham nuai a kei adia akep kava muh in ka lungtang a dawt paileh a, huai a kigente ka zuihlouh hun in ka phawk khe khazel a zuilou thei ka hikei, ka lungsim na tuntun ahi Thang, kapa zaw PA thupi pen eive" hon chi hi.
"Bang kigelh himhim eita huai a Uson" ka chih leh Sonpu in leng "gen-uang zekleng kei tungthu nang a theidi pen nahi, innveng naichik leng ihi, na theihnop nak intuh i gen mah keidia, na theihsa mahbang a kapa painken a paumawk ahi, ka nu'n ka neulai in a hon sihsan ta, kapa toh khosatou nepnep a om in kapa'n deihsakna toh kuhkal tak in school te bang ah ana kaisak sam a, mi tate, mi tute bang a pil a, siam dia hon deihlai in kingaihsiatna khukpi ah kana kitalpuk ta, naupang hai hilai mahleng highschool ah lawmte'n kapa chi a suang mahmah a a genchaign un keipa bel sit huai kasa, a khenchiang in hon tawng ua, neihzoh louh man leng hikawm, ka khekol tokek tebang chiang khong a hon holhsak in ka heh a, mi khongtoh kisual in lawm leh vuallak ah buaina bawl in kaneu a pan kei utthu leng hilou in kana khangsuahta, hon thuhilh a kam a hontai ngeetngeet ding omlou ahih na toh kapa ngeileng a chang in hon tai ngeilouh ziak in hon itlou ding kana sakha, ka hong khanglian a, miten apate uh school a poimawhni a a saptheih lai un ken kapa heutu te tawh kihou dia sap chihte thil hitheilou a hong hita, milak a ka kihou chiang un kiang a om peuhmah in kapa khut vei mualmualte lamdang sa in a nui ua, huaipen ken zumna a laa in kapa ka ngaihna a bei hiaihiai, milak a hon kitonpih di leh non houpih louh ding ka chizel a, hon houpih chiang in heh in ka taisan zel, ka letnung in nangleng na theiding, kapa kei khamtheih man dingphet lawh in naa mi seplit teng ava sem a, a sum muhsung ka sigui leh ka sung ah ka thun beita, hiamhleh kapa'n huaite poi salou in mivan na guk sang in chi in kho-ul luang puappuap in na a sem a, a sum muhsunte hon pezel a veng leh pam in a tapa a duatsual ta non chi uh, kapa'n zaw hon duat ahi, mi a ka guk ding a veng a himahleh a vengzou nawnkei, gawng dingdeng in thagim mahmah leh ihmut khamlou in na asem a, ka bel neihsun uh, ka zuakbei louhteng in nekding ka huan ua, huansam in hon ompih lou ka chih lai in kei kholai a vakthap kapai chia mungellou a ann ka nekte tuchiang a ka ngaihtuah chiang in huailai a kapan ann ana ngawl gige dan eive maw chih ka theithak hi.
Huai pata te khamtheih hihtuak houh uh hinte chi a mipi muanmawh tun na theita maw Thang" hon chi a kap keuhkeuh kawm in ama a tui om hon dawn a, kenleng kapang a tissue paper kala guih a, khitui a luan ut leh luang hen, napa khitui zah leng na mit ah na luangsak naikei ding ka chi a huaizawh in huai lai a kigelh tungtang na gen naikei ka chih leh hon gending ka hi hon chi a, tui a dawn khit in hon kisa nawn hi. Nikhat, ani chiah zaw ka theikei, ka pianni champha a tunni zaw ahi ding, huaini a kapa kei pianni lopna a kipahpihna leh thuhilhna gelh kholhsa a ana koih bak ah khatvei mawngmawng kum 20 chingthei hial tapa neita keive chi a kisuanpih mahmah a bawngsa serlang lei a limtak a na huanni a a gelh zaw ahi ding, himahleh huaini inn paizoulou in lanva luipang ah ka op a, a zingchiang zingkal damdawi inn ah hon puak man un huai sa tuh ka nekha kei, ka dam nung inleng genkhak in kapa'n leng a nei nawnkei, a sihni nitaklam a a lukham kawm hah ten a muh uh hiai bang ahi..
''BAWI.. na nu ang a nawizu nelou sapsap ding in hatzou tak in khovel non pal a, mi tate nute nawizu nelou chi a deldep tak a a omlai un nang zaw gamsa bang in na hat a, huai ka muh chiang in kipahna ziak in ka mittui in kamit te a dal a mitdel bangmai a kho mulou in ka omni a tam, pasal toupi ka hi chih na thei, himah leh nang ka kinepna pen na hi ka chi a, kon deihthoh a na ut bang in kon omsak, kei napa pautheilou, mi pate bang a hoih theinapi a gentheilou ka hi, himah leh nang a din guhtui kangzen in na ka sem ding, ka damlai a ka omdan a ka deihdan kigente na theihlouh tawp inleng ka sihnung chiang in non theimai na ding, kalung kelou himhim ding ahi aw bawi..
Kipahluat chiang bang a leng mittui daithei mah ahi, nanu laitah ding kuan a a kammal nanung maw ''ita zaw na sung a suak ahi, na sisan lum a luanlai teng in ana na thuaksak kei dia, ittak leh deihthoh tak in nakem dia, nau dinmun in na ding dia, pa tenglak a pa thupi pen ahi chih a theihna din ittak in na kem di aw.." hon chi ahih ziak a na tung a a siamthei bangpen a om ka hi, tun kum 20 melmu na hita, ka tapa piching hita chi a kipahna etsak na in bawngsa, naneu a pan na duhpen kana huan a, nikhat mawngmawng na pianna pa toh nekhawm nawnni chi in hon ngak mah leng kon ngak zoukei, zinglam dak 2 bang a gintak tawh, zingchia nasem a kuanngai ding ahih man ih taptung ah meiphual ah na meh ding kana sung a, nong pai hunhun in nei in aw chi a hiai lehkha table tung a na simngei lamen a kana koih ahi, pianni champha a manpha pen leh gilvah huaipen in hon zang in aw .. chih ahi. Himahleh kei huaini OD a buaisia ka hih man in ni 2 inn ka paitheilouh ziak in ka pa'n a lehkha table a pan a lakhia a, lukham nuai a koih chuh ahi ding, a sa te ana lakhia a, ana emsak a khintung ah ana housak hi. Huai sahoute bang chi zenzen a chi in ka damtak in kane a, a ziakbei in ka pianchampha lawpna tuh ek in ka thakhe daita.
Huailou leng laidang khat a om a, huai a ki gelh tuh a damlouh nung a a gelh ahi chih isim mai inleng aki thei, huai a ki gelh bel..
''Mihing damkum saupi dia seh himahleh lungngaihna leh sepgimna ziak in hihtom in a omta, mi a din bang hikei mahleng nang a ding bek a ''hero'' a penpen ka hihzawh khak leh chi in ka hatna tengtoh kon nungdelh a, himahleh nang na hatzawk ziak in kon delhpha kei a, ka gaal pek a na paita, mi bang in awsuak ding neikei mahleng kon sam a, naza ahi chih kathei, naza a himah leh napa awnem sang in leitung noptalna ten honsam zouzaw ahih man in huai in nanak ah hon kai a, nang a ding inleng kei napa hichi lel dinmun a hon dinpih zou kiang zot ding a haksa lotel ding, himahleh ka lung a kekei, khatveitei na lampi na enthak dia, non nungngatsan na a pan non kihei hun chiang in kei miphalou napa.. PA .. chihtaklouh namu nawnkei dia, non zong dia, na muhsun ding zaw ka han a napa, milak a na zumpihpa hansuang ahi ding.
Kei ngai in kapkei mah leteh kei napa, pasal toupi nang ngai a inn a na omlouh chiang a thawmhau mahmah a om kapzel ahi chih thei in, kamittui luanna nung i puanpi te ah leng aki langlai ding, naneulai a na zun tehna a gialgawp pen ka sawpsian a, tun zaw nang ngai a ka kahna mittui luangten a suknit puanpi sawp ding a omkei.. nanglou a sawp ding leng a omkei. Ka hihtheih a tawm mahmah ta, siding ka hita, ka sih non lapkeileh leng ka sihnung a hiai lai na simkhak leh hiai thei in aw.. napa na tung ah a lungke ngeikei.. kon itna na theihsiam chiang in dahna luankhi nullou in pahna luankhi nulzaw inla.. na hinkhua ka manglam a leng ka matphaklouh ding a nuam in hong omsawm in aw bawi... ka tapa napa kipahna ah lut in chi a, hichi tel lawmlawm a kapa itna a thupi lai a chan hitel hing a maw ka chih ziak a ama deihna bang a hinkhua zang hita ka hi hon chi a, kenleng tukhawng in napa'n na hinkho nuamzat nikhat chauh hon chaim theih leh maw ka chih leh Sonboi inleng chimah tham hang ei, noukhawng non pilvan mahmah ding uh hilou hia Thang... Vangnei tak hi chin a .. innkuan kim a omlai zaw ngaih huai ahi.. kei a din zaw akikhelta.. himahleh kapa zaw a khase kei ding .. a damlai in a hon vengzou kei a, sawtpi dam henla hon vengden zouleh chih a ut himahleh a hehpihna kamsuak ten a sihnung in hon veng a huai ahi kapa a lungkim ding ka chih na.. chih phet leng hilou a amah lah omlou ahih chiang a maw suanlam hoih bawl a kisiamtan ngai hilehle hiam kisiamtan na in a damlai ua pate deihdan ana zuih kei leh bel vangtahna kisuangsawn thei ahi. Kapa om nawnkei mahleh a damsung a tup leh ngiim a semsuah ta-a damlai a a tup-sileng ka tapa aki-enkai zoukei kha ding chi a laigelh thupi tak hon nutsiat te'n ka hinkhua a khek a, a tup tangtung sak zou in kapa asi ta.. PA ..CHI IN KAKI KOU A, KA THUM A.. VAN A GENSAKTU A OM KAPA KAMU A.. KEI A DIN ZAW KAPA A SI NAIKEI.. chi in houlim nuamtak ka kihoulim lai un waiter ten ka bill uh hon pia in ka nekman uh ka pia ua, kimu zelzel ni chikawm in aman a gari omna lam a manawh a, kenleng ka vakna ding bazar lam manawh in ka kikhenta uh.
*fiction
beita...beita...beita...
©Siamsinna leh Vakiangbu
Pa, na damlai a kei a dia na gimthuak na te thawnlou ahi aw, na kahna te kaza a, na kho-ul luang puappuapte kamu a, kei gilvah ding na deihman a na neksik non piak laini te leng ka thei, kei gilvahtak a om ing a, nang gilkial a tuivuak dawndawn a na sungte kilok a om a a gin hun a lamdang ka sak mahmah lai a na ngaihtuah na na geel ding tun ka theikhe ta, Pa, non thuhilhna te zalou hilou kahi aw, ka zekai kha a hon ngaidam in. Na damlai a non itna zah sang a thupi zaw in tu in vanmun ah kei a din non ngetsak ziak in ka zaktheihna te honsuah in a om a, ka mitte sukvak in a om a, na itna ka theisiam ta, na damlai in kipak chi in natung ah gen ngeikei mahleng tu in ka kiang a om hi a kon theih man in na tung ah kipahthu kon gen ahi Pa, na laitah ding kuan na khut a hon vaan chin a, ka hatlai in ka thu mangtheikei mah leteh tun ka om nawnlouh nung in zaw non mangta di aw bawi chi a kama paukhe theileng hilou, ka khotheih a pan na khut veidan ka et a ka theihsiam dante a non nget ngutngut lai natawm a aw ka chih theihlouh tel ka ngaihtuah a, zumhuaina in ka lata a, kisiikna in ka pumdim ta ahi, dam hilai le chin kei na tapa hichia hinkhua kikheng a ka om hon mulehteh kipak mah ding hive chin maw... na deihdan zalou hilou ka hi... ka zekai kha a, tun ka theita.. nang na omlai a non lungkham pih bang in tunzaw ana lungkham nawn ken aw, khamuangta in chi in kakiang a hongthuum huthut ka zak in ka kidek zoukei a, ka thumlai ka khawl top a, a mel ka engu khongta hi.
Hiai phiangsan pa, kamzol namai e, kei zak ding sese a hon hichi thum, ka huanhai uh a gukkhiak teng tu in ki-bill nave, chiktan le hon daih mahmah kei get venchin maw chin thumlai hinapi ka lungsim siat chihtak a hon siat man in ka thumna leng sunzom nuam nawnlou in ka pawtkhia a, huai nungsang tuh huai apa pautheilou soisa sek, khamtheih guih leh guktak hatpa Sonboi tuh vengsung ah leng kamu kha nawnkei uh. Neih lehlam lampang lah a zuak beisa hita, apa a sih le a vaktudi neilou a koilam hiam a taimang hinchia chi in min leng gen kheukhou uhi.
Kum 11 bang apai liam nung in nikhat ka omna vaigam lam a ka bazar kaina uah Thang chin hon kisam a, kenleng ka etleh pasal thausim meihmaih, officer meltak khat Swift-desire car ah tuang in hon nuiphei demdam hi. Kei honsam hidia gingta loulua ka hihman in ka lawmte ka en a, Thang kici min neilah omlou hingal chi in kei himah maw nonsap ka chih leh tuapa'n "eh hon thei nawnlou maw, Sonboi keivoi, nidang a vengsung a thawmngaih gige a om a mite van gupa" hon chi hi, kenleng, "karesei aw, zehouh teh.. huailai a na mel toh tua namel van leh lei a kikhia eivoi ka chi a, amah leng gari apan hon kumkhia in khut kilen in ka kihou nilouh uhi. Aman leng "khopi leh asehvel ah vengte ka mu cheuhcheuh zel a hilele mi'n nidang a ka omdan theisuah lua uh adiam hon hou gina khollou ua, a dikdik a vengte muhkhak bangle linlua ka hi, nang toh innveng nailua khat i hih ziak keleu a maingal chihman a kon houpih ahi, paidih banghiam vane ni" chi in a car chabi honla in restaurent khat ah hon lutpih hi.
Nekding tuamtuam nekawm in ka kihoulim ua, nidang a a gamtatdante ban ah ana sukhak mimal chih a ngaihdam a nget ut dante agen ban a, mimal chih kiang a vapai a ngaihdam va nget daudau pen thu namai ahihlouh man a ka hinkhua a kikhekna, khotang siatna ka bawl pen tawpsan a keiziak a mi khat leh nih chidam leh lungmuang tak a alup uh kan a ngaihdam ngetna thupi omlou ahi hon chi hi. Nidang a apa muhsun sum leh pai, apa sakhau gumphut a sawksak a, a sumteng a laksak tonton kamuh laini toh tua a omdan kilehbulh ka sa mahmah a, nidang a vakthap a a om hun natawm a apa duatdan lamdang sa a veng leh pam in a tapa duatkhial na e akichih vengvung laite ka mitkha ah a hon kilang dundun hial hi. Kenleng akiang ah.. "Uson mi maimai lou neive maw, na buaihuai luat lai ale maimailou, na mihoih lelah maimailou, thupi lua nahi, tua bang sepna chiah ale na sep" ka chi hi. Sonpu inleng, "Thang, keiziak bangmah omlou ahi, ka sepna zaw private maimai ahi. Sawt ka semta a a senior penphial a kapan ziak lel ahi" hon chi hi. "Aihleh nangziak a kikhek hilou, na bangchi kikhek e" ka chih leh hon enluak zezen a, "nang neive ka khosak dan alom aha a thei, keiziak bangmah a omkei, nangpa bang in pa hampha nei hileng hiaitan ka tungkei ding, kapa pautheilou, bukimlou angsung ah ka khanglian a, kanu mel leng mumanlou in langbei tak in ka khosa uh, ka khotheih apan ka ngaihtuahna ah bangdia hichi lawmlawm a hamse thuak ka hia ka chi a, kaki ngaisia a, sihpah ka utman in lu-leh-taw phawklou in ka khosa, himahleh hia kapa piangsual chi a a damsung simmawh tak a kana kou ekek in katung ah khatvei mah le kamsia azangkei, a khutlum inleng hon beng ngamkei, hon hehpihlou, hon tailou kasak a, gamsa bang in ka khosak pih kha, a itna kei a dia hon suahkhiakte ka theihsiam apan tuni tan nikhat lelleng kapa ka lungsim a ka phawkkhak louhni a om naikei, kapa simah leh, kei a hon taisan tuankei-a damlai a a deihpen zaw ka zui kei a ka kisik petmah, a damlai a gelhthoh hilhial a a lukham nuai a kei adia akep kava muh in ka lungtang a dawt paileh a, huai a kigente ka zuihlouh hun in ka phawk khe khazel a zuilou thei ka hikei, ka lungsim na tuntun ahi Thang, kapa zaw PA thupi pen eive" hon chi hi.
"Bang kigelh himhim eita huai a Uson" ka chih leh Sonpu in leng "gen-uang zekleng kei tungthu nang a theidi pen nahi, innveng naichik leng ihi, na theihnop nak intuh i gen mah keidia, na theihsa mahbang a kapa painken a paumawk ahi, ka nu'n ka neulai in a hon sihsan ta, kapa toh khosatou nepnep a om in kapa'n deihsakna toh kuhkal tak in school te bang ah ana kaisak sam a, mi tate, mi tute bang a pil a, siam dia hon deihlai in kingaihsiatna khukpi ah kana kitalpuk ta, naupang hai hilai mahleng highschool ah lawmte'n kapa chi a suang mahmah a a genchaign un keipa bel sit huai kasa, a khenchiang in hon tawng ua, neihzoh louh man leng hikawm, ka khekol tokek tebang chiang khong a hon holhsak in ka heh a, mi khongtoh kisual in lawm leh vuallak ah buaina bawl in kaneu a pan kei utthu leng hilou in kana khangsuahta, hon thuhilh a kam a hontai ngeetngeet ding omlou ahih na toh kapa ngeileng a chang in hon tai ngeilouh ziak in hon itlou ding kana sakha, ka hong khanglian a, miten apate uh school a poimawhni a a saptheih lai un ken kapa heutu te tawh kihou dia sap chihte thil hitheilou a hong hita, milak a ka kihou chiang un kiang a om peuhmah in kapa khut vei mualmualte lamdang sa in a nui ua, huaipen ken zumna a laa in kapa ka ngaihna a bei hiaihiai, milak a hon kitonpih di leh non houpih louh ding ka chizel a, hon houpih chiang in heh in ka taisan zel, ka letnung in nangleng na theiding, kapa kei khamtheih man dingphet lawh in naa mi seplit teng ava sem a, a sum muhsung ka sigui leh ka sung ah ka thun beita, hiamhleh kapa'n huaite poi salou in mivan na guk sang in chi in kho-ul luang puappuap in na a sem a, a sum muhsunte hon pezel a veng leh pam in a tapa a duatsual ta non chi uh, kapa'n zaw hon duat ahi, mi a ka guk ding a veng a himahleh a vengzou nawnkei, gawng dingdeng in thagim mahmah leh ihmut khamlou in na asem a, ka bel neihsun uh, ka zuakbei louhteng in nekding ka huan ua, huansam in hon ompih lou ka chih lai in kei kholai a vakthap kapai chia mungellou a ann ka nekte tuchiang a ka ngaihtuah chiang in huailai a kapan ann ana ngawl gige dan eive maw chih ka theithak hi.
Huai pata te khamtheih hihtuak houh uh hinte chi a mipi muanmawh tun na theita maw Thang" hon chi a kap keuhkeuh kawm in ama a tui om hon dawn a, kenleng kapang a tissue paper kala guih a, khitui a luan ut leh luang hen, napa khitui zah leng na mit ah na luangsak naikei ding ka chi a huaizawh in huai lai a kigelh tungtang na gen naikei ka chih leh hon gending ka hi hon chi a, tui a dawn khit in hon kisa nawn hi. Nikhat, ani chiah zaw ka theikei, ka pianni champha a tunni zaw ahi ding, huaini a kapa kei pianni lopna a kipahpihna leh thuhilhna gelh kholhsa a ana koih bak ah khatvei mawngmawng kum 20 chingthei hial tapa neita keive chi a kisuanpih mahmah a bawngsa serlang lei a limtak a na huanni a a gelh zaw ahi ding, himahleh huaini inn paizoulou in lanva luipang ah ka op a, a zingchiang zingkal damdawi inn ah hon puak man un huai sa tuh ka nekha kei, ka dam nung inleng genkhak in kapa'n leng a nei nawnkei, a sihni nitaklam a a lukham kawm hah ten a muh uh hiai bang ahi..
''BAWI.. na nu ang a nawizu nelou sapsap ding in hatzou tak in khovel non pal a, mi tate nute nawizu nelou chi a deldep tak a a omlai un nang zaw gamsa bang in na hat a, huai ka muh chiang in kipahna ziak in ka mittui in kamit te a dal a mitdel bangmai a kho mulou in ka omni a tam, pasal toupi ka hi chih na thei, himah leh nang ka kinepna pen na hi ka chi a, kon deihthoh a na ut bang in kon omsak, kei napa pautheilou, mi pate bang a hoih theinapi a gentheilou ka hi, himah leh nang a din guhtui kangzen in na ka sem ding, ka damlai a ka omdan a ka deihdan kigente na theihlouh tawp inleng ka sihnung chiang in non theimai na ding, kalung kelou himhim ding ahi aw bawi..
Kipahluat chiang bang a leng mittui daithei mah ahi, nanu laitah ding kuan a a kammal nanung maw ''ita zaw na sung a suak ahi, na sisan lum a luanlai teng in ana na thuaksak kei dia, ittak leh deihthoh tak in nakem dia, nau dinmun in na ding dia, pa tenglak a pa thupi pen ahi chih a theihna din ittak in na kem di aw.." hon chi ahih ziak a na tung a a siamthei bangpen a om ka hi, tun kum 20 melmu na hita, ka tapa piching hita chi a kipahna etsak na in bawngsa, naneu a pan na duhpen kana huan a, nikhat mawngmawng na pianna pa toh nekhawm nawnni chi in hon ngak mah leng kon ngak zoukei, zinglam dak 2 bang a gintak tawh, zingchia nasem a kuanngai ding ahih man ih taptung ah meiphual ah na meh ding kana sung a, nong pai hunhun in nei in aw chi a hiai lehkha table tung a na simngei lamen a kana koih ahi, pianni champha a manpha pen leh gilvah huaipen in hon zang in aw .. chih ahi. Himahleh kei huaini OD a buaisia ka hih man in ni 2 inn ka paitheilouh ziak in ka pa'n a lehkha table a pan a lakhia a, lukham nuai a koih chuh ahi ding, a sa te ana lakhia a, ana emsak a khintung ah ana housak hi. Huai sahoute bang chi zenzen a chi in ka damtak in kane a, a ziakbei in ka pianchampha lawpna tuh ek in ka thakhe daita.
Huailou leng laidang khat a om a, huai a ki gelh tuh a damlouh nung a a gelh ahi chih isim mai inleng aki thei, huai a ki gelh bel..
''Mihing damkum saupi dia seh himahleh lungngaihna leh sepgimna ziak in hihtom in a omta, mi a din bang hikei mahleng nang a ding bek a ''hero'' a penpen ka hihzawh khak leh chi in ka hatna tengtoh kon nungdelh a, himahleh nang na hatzawk ziak in kon delhpha kei a, ka gaal pek a na paita, mi bang in awsuak ding neikei mahleng kon sam a, naza ahi chih kathei, naza a himah leh napa awnem sang in leitung noptalna ten honsam zouzaw ahih man in huai in nanak ah hon kai a, nang a ding inleng kei napa hichi lel dinmun a hon dinpih zou kiang zot ding a haksa lotel ding, himahleh ka lung a kekei, khatveitei na lampi na enthak dia, non nungngatsan na a pan non kihei hun chiang in kei miphalou napa.. PA .. chihtaklouh namu nawnkei dia, non zong dia, na muhsun ding zaw ka han a napa, milak a na zumpihpa hansuang ahi ding.
Kei ngai in kapkei mah leteh kei napa, pasal toupi nang ngai a inn a na omlouh chiang a thawmhau mahmah a om kapzel ahi chih thei in, kamittui luanna nung i puanpi te ah leng aki langlai ding, naneulai a na zun tehna a gialgawp pen ka sawpsian a, tun zaw nang ngai a ka kahna mittui luangten a suknit puanpi sawp ding a omkei.. nanglou a sawp ding leng a omkei. Ka hihtheih a tawm mahmah ta, siding ka hita, ka sih non lapkeileh leng ka sihnung a hiai lai na simkhak leh hiai thei in aw.. napa na tung ah a lungke ngeikei.. kon itna na theihsiam chiang in dahna luankhi nullou in pahna luankhi nulzaw inla.. na hinkhua ka manglam a leng ka matphaklouh ding a nuam in hong omsawm in aw bawi... ka tapa napa kipahna ah lut in chi a, hichi tel lawmlawm a kapa itna a thupi lai a chan hitel hing a maw ka chih ziak a ama deihna bang a hinkhua zang hita ka hi hon chi a, kenleng tukhawng in napa'n na hinkho nuamzat nikhat chauh hon chaim theih leh maw ka chih leh Sonboi inleng chimah tham hang ei, noukhawng non pilvan mahmah ding uh hilou hia Thang... Vangnei tak hi chin a .. innkuan kim a omlai zaw ngaih huai ahi.. kei a din zaw akikhelta.. himahleh kapa zaw a khase kei ding .. a damlai in a hon vengzou kei a, sawtpi dam henla hon vengden zouleh chih a ut himahleh a hehpihna kamsuak ten a sihnung in hon veng a huai ahi kapa a lungkim ding ka chih na.. chih phet leng hilou a amah lah omlou ahih chiang a maw suanlam hoih bawl a kisiamtan ngai hilehle hiam kisiamtan na in a damlai ua pate deihdan ana zuih kei leh bel vangtahna kisuangsawn thei ahi. Kapa om nawnkei mahleh a damsung a tup leh ngiim a semsuah ta-a damlai a a tup-sileng ka tapa aki-enkai zoukei kha ding chi a laigelh thupi tak hon nutsiat te'n ka hinkhua a khek a, a tup tangtung sak zou in kapa asi ta.. PA ..CHI IN KAKI KOU A, KA THUM A.. VAN A GENSAKTU A OM KAPA KAMU A.. KEI A DIN ZAW KAPA A SI NAIKEI.. chi in houlim nuamtak ka kihoulim lai un waiter ten ka bill uh hon pia in ka nekman uh ka pia ua, kimu zelzel ni chikawm in aman a gari omna lam a manawh a, kenleng ka vakna ding bazar lam manawh in ka kikhenta uh.
*fiction
beita...beita...beita...
©Siamsinna leh Vakiangbu
Comments
Post a Comment