SIKHA MAW BANG?? IT HAPPENED TO ME!!
By ~ Greeny Lun Paite
(1) . Nitak khat Hostel a
ka lupna ah ka ihmutlai in, thakhat in ka khanglou a,ka khut leh khete
tang theilou a, hong man om mah bang hi. Ka kikou khiak dek ciang inle
ka kikou khe thei kei hi. Ka room mate pa a lum naikei a, Laptop ah net
khoih lai hi. Light le ka off naikei uhi. Ka room mate pa’n hong
khoih/sawi leh ka ci mahmah a, himahleh ka hucih lam hon theilou hi. Kei
leng pautheilou, tang lah tangtheilou ka
hih ziak in ka gim mahmah hi. Ka lungsim/ngaihtuahna bel paihat mahmah
zel hi. Huchi’n ah hiai kon ngaihtuah kheta hi. Pathian thilbangkim hih
thei om hiven , ka thum di cih ka lungsim ah hong om a, kong thum hi. “
Pa Pathian aw, ka khut leh khete mi hon man om mah bang in ka om a, ka
tang thei kei a, kikou lah kikoukhe theilou ka hihman in ka gim mahmah
a, hon panpih in”, chi in kong thumta hi. Huchia kong thum tak in, ka
thousilen net a kimlai (half) di tan vel, ka lupna a ka kawng apat a
tunglam di teng kha hong mial bikbek a, a zoh thakhat a hong vak zot in
kei leng kong kikoukhe thei zot hi. Ka room mate pa bang a kiguih zot
zawzen a, ken leng ka omdan ka hilh a, mak a sa mahmah hi. Huai zoh kei
leng thumna hoihtak a nei in , kong ihmu hithiit ta hi.
(2). Nitak khat dak 11pm
vel ding ahi a, ka room mate pa room dang ah vapawtkhia hi. Kei leng
laisim in ka om hi. Lai ka et thoh hi, room dang a lawmte leng a ciak
vengvung lua leh thawm neilua om kei a, ka room pam deuh ua senior te
khat in bel la (song) ngaih lawlou in play hi. Ka room uh hoihtak in
light vaksuak vek hi. Ka roommate pa bed nawl ah drum khat ka kep uh om
hi. Huchia ka omlai in, Drum ka koih uh khatvei ngaih khollou in hon
kikhen ging a, ken le ka enphei pah hi. Khatvei hong kikhen ging non a,
mak ka sa sim a, ka sam bang thou sim in ka thei a, ka dingtou a hoihtak
in ka en non hi. Huchia ka etlai in, khatvei hong kikhen ging non hi.
Himahleh bangmah ka mu het kei a, ka vanaih phei a, bangmah ka mu tuan
kei hi. Ken le ka pen tawi in drum ka khet leh , hong kikhen ging ka
zakte toh a ging kibang chet hi. Himahleh lauh ding in ka koih tuankei
hi. Hostel a mi tampi ki-om ahihziak in, room tuamtuam om mah leh.
(3). Nidang pek khong in
le Hostel khong ah sikha laang (Haunted), mi ki-awklum(suicide) etc2 ka
na za mun sim hi. Kou Hostel ngei ah leng ka lut nung kha 2 khong in ,
sikha laang ( Haunted) leh thil tuamtuam mak simsim ana om ngei cih
khong mi Hosteller khenkhat apat ka za kha hi. 2nd semester ka hih lai a
ka room, kou block a dia last second ahi a, a pam ah bathroom om hi. Ka
room next chet a pen (Last room) ah kuamah om hetlou mawk ua, ken leng
mak ka sasim hi. Aziak bel Room khenkhat ah senior te bang tam simsim
khong om ua, khua lah lumlua, hiai room ah om kei na uh e ka chisim hi.
Huai room pen a polam ah chabi lian bekbuk khat in kikalh a , nitak
chiang in fan kipei ging bang ngaih tuam mahmah in om futfut in ka thei
hi. Huchi in thu kon theita hi. Lawmte khat in hichi’n hon hilh hi.
“nidang in mi ki-awklum (fan a pat ki hang) ana om ngei a, tua kuamah om
ut lou ahi” ahon chi hi. Ka room mate pa’n innlam hon paisan hun tam
sim a, kei kia a nitak chia ka om hun tamsim hi. Huai hun chiang in zan
chiah ka lausim sek hi. Zanlai khong a i khanloh khak leh chu kidak
guauguau mai, puan kilukhuh chet, ihmut haksa sim ei !! Kei le dawilok
sim ka hi ngei ding a, ka lupdek ciah hoihtak in windows te ka kilh vek
a, zingkal ka thoh phet chiah a kihong om hiam ? chih ka va check zel
hi. Bangmah chu ka tuak hial kei hi. Zan ciah a lauh huai sim chih thu
hilel hi.
(4). Ka room mai chet
apen lah, nidang sawt sim chu hita a thiltung khat ana om ngei cih ka za
non hi. Himahleh huai room pen ah ka senior te uh khat Christian khat
om hi. Hangsan na e ka chi sim hi. Huai room a thiltung pen ka hostel te
uh khat in hichin hon gen hi: “Nidang in mikhat huai room ah ana om a,
huailai bel phone khong le na om nailou himai thei a, kithuzakna leng
haksa mahmah lai himaithei ding hi. Nikhat huai room a om pa naupa vahoh
a, a kiang ah va om hi. Hostel ah ann khong le va ne a, a upa kiang mah
a zankhat vagiak hi. Aman College kai ding in sun in kuansan a, a naupa
kia a room ah omsak hi. College apat hong paikik tak in a naupa na om
nonlou a, aman leng zong a, muzou tuanlou hi. Huchi in a innkuante kiang
ah letter khak a, ka nau inn damtak in hong tung na hia ? chih a dong
hi. Sawtpi nung in letter mukik a, a nuten “Na naupa kal paisa a damlou a
sikhin ahi “ chi in thuk uhi.
(5). Hostel a ka lutma
kum deuh un, mess worker te khat ana si hi. Khatvei ka senior te uh khat
mess a ann ne dia a vapai leh huai misi pen in kuang (plate ) a na sil
lai mu chih hon hilh hi. Ken leng nitak dak 10pm nung khong a kei kia a
mess room lut ding ka lin sim gige hi. A changchang a tuidawn di khong
lak ngai teitei hun om hi. Khat veivei eikia a late deuh a ann nek
chiang in zan dak 10 nung in le mess room i hoh hun tam mahmah hi. Nitak
khat ka tui dawn ding bei a, dak 11pm vel a tui la ding in mess room ah
ka kuan ngai hi. Lauh ding in leng ka koih kei hi. Tui la ding in
hostel sawng tung apat in mess room lam zuan in kong pawtkheta hi. Steps
a ka kumsuk dek hi, steps mun a light pen sia a, ana mial mahmah hi. Ka
phone lah ka tawi kha kei a, awl-awl a ka kumsuk lai tak in, thakhat in
huai sikha kuangsawp chih hon gen tupa ka nung ah hong pai guih a, ka
kiguih petmah hi. Amah le mess room a tuidawn ding la dek ana hi a, ka
kuankhom uhi. Sikha kuangsawp thu hon remind non a, amah bang kei sang a
le dawilok zaw lai, ken tui ka la zou masa a, hon kingak sak zaw mah a,
alak zohphet in hong pawt in, kei kong hon kilh sak a, aman a pam deuh
ah ana paipheisan zawmah hi. A pam deuh a ka TV room uh om a, ken bel
Football match en ut ka hihziak in lausim mah leng Tv kon en ding a, ka
lauh sim leh kong taitou pah ding ka ci hi. Aman a room ah ana paitouh
san hi. Hostel TV room lianpi sung ah kei kia in football match kon enta
hi. Vaite’n bel football en peihlou ua, Cricket match chauh en peih
uhi. Football ka lunglut mahmah ziak in kei chauh himahleng thildang ka
ngaihtuah kha nawn vet kei hi. Huchia nuam satak a kei kia a TV ka et
lai in, thakhat in ka senior te uh khat in hong boih thah a, ka tawm
mang dek zawzen hi. Lauh bang nak omlua hin mawwwwwww!!!!
(6). Exam lai khatvei ka
laisim d tam law petmah a, ka simkhin zou mahmah kei hi. Zingkal lam
dak 2 tan ka sim a, Sim chih phet louh practise ek-ekh ngai hi. Ka
gimgop a, Ka gil bang kial gop hi. Huchin ah mess room a ann vanek thak a
lup ding chih ka ut ta hi. Huai zan ahihleh, mi a tam zaw lumkhin vekta
ua, room teng leng mial vek simta hi. Ui(dogs) te le ham in ham ua,
thil nak ging ek-ek zawmah uhi. Zingkal dak 9 a exam kipan ding lah
hita. Zingkal chiang a breakfast bang gina lou ek nuam zawmah a, gilkial
toh thabeipi a exam chu haksa ka sak gige hizawmah a, gil vah pingpeng a
lup ding chih ka sawta hi. Sikha thu tuamtuam ka theihte ka ngaihtuahna
ah hong lang hat mahmah hi. Himahleh mess room zuan in Hostel sawngtung
apat kong kumsukta hi. Sikha thu ngaihtuah kha kawmkawm in kong
paisukta hi. Ann neklai khong in i nung khong ah hong khoih khong om
mawk leh, sikha kuangsawp khong kimu leh kin deuh a kikou a taipah d
chih khong ka ngaihtuah a, lausim pipi in a sawngnuai kong tungta hi.
Mess room mupheita, light vak hoih mahmah hi. A pam deuh a Block 1 te
bathroom leng light ana ki off a, huai mun ah paiphei ngai hi. Lau pipi a
ka paipheilai in thakhat in lawmte khat bathroom a amai na phiat khat
in hon sam bang chu aw…. sikha kisa man. Lau man petmah. Kitai kha dek
zawzen….A zoh in ka lung a muang lehlam hi. Mess room ah ka valut a ann
kon neta hi. Lausim pipi in ann kon ne a, gil vahsimta hi. Ka mess room
uh bel chabi in kikalh ngeilou hi. Kuangsawpna lam bang ka en tou gaugau
a, sikha kuangsawp bang om hiam cih kong ka en gaugau hi. Huchia ka
omlai in thakhat in LIGHT hong mit guih a, lau lua, kong a kikhoh pawt
zet mai….
##Tua hiai ka gelhlai a le ka room mate pa movie en a thakhat a hong nui khuahkhauh … ka lau dek vele…!!!
They all Happened to me !!!
©Siamsinna leh Vakiangbu
Comments
Post a Comment