4344444 RING RING!!! HELLO, MA'AM

By~Shangz Vualnam

Asang ihmu theilou in lupna tung apat hong thoukhia hi.Zan bel asawt tamahmah mai a,lampi a gari taigingte chihlouh hinna nei himhim sikhin bangtuk in adai hi.

Ihmu nawn di chi in a lupna tung ah hong kahtou nawn hi. Ihmu dia a kisak laitak in gamla sim apat la kikhah hiauhiau aza hi. A la ahihleh Bryan Adams sak ahi a, ala deih mahmah khat ahi. Lungte bang leng in, hunluite bang phokthak in a kingaihtuah dedu zawzen hi.

A itpen Kimboi a mitkha bang ah hong kilang in, tangkhat kisakna in a lungsim ahon tuamdim hi. Bang achi de o?? Kei bang in a lung a leng sam de o chihte ngaihtuah in ihmut lam himhim a phokpha nawn kei ahi mai. A tawptawp in hideuhkei e chi in a mitte sing in ihmut nawn teitei asawm hi. Huchi in thawmging a zakte le hong dai hiaihiai in, khua a phoknon toh kiton in zingkar ahita mai.

Amah leng kihahsiang in breakfast te ne in black and white tie toh office lam manoh in taipah fitfit hi.Tomkal sung in ofis hong tung a,a lawmpa’n bang chi e, na kinoh tel, ana chi hi. Aman le kamsiamtak mai in nou khong mahmah muh nuam a ka chi in a laptop a ON pah hi. A schedule a en a Australia a a cilent nu a houpih di chihlouh thupilua a omkei hi.

Nasep hon pan a, 4344444 ring ring !! Hello, ma’am how would you like to proceed with the investment?? Business thu petmah kihou in hong tuitum mahmah uhi. A cilent nu’n a conversation hon break up guih in topic dang khat hon kailut mawk hi. Are you North Eastern ??Yes, ma’am…!!!! State ??? Manipur ma’am.

Hiaiteng hon dot zoh chiang in hong pumbuai ta hi. Bang chi mahmah ade o ! chi in a kho-ul bang a luang puappuap mai hi. A tawptawp in a cilent nu’n a dotna ziak a hon genkhong hi. “Ka company ua bright mahmah mai khat a om a, North Eastern te ka hi achi a, huai ziak a hon dongsau ka hi a chi daih hi. Aman leng a lungsim in na taw hia ! chi utphial in , Ma’am, its my privilege chi in kamsiam tak mai in a kihouna uh a tawpsan ta uhi.

©Siamsinna leh Vakiangbu

Comments

Post a Comment

Popular posts from this blog

PATHAWI HIMAHLENG!!

~Kattie Mawite Ka ngaihnou ka ngaisang top. Ka dinmun uh kikheng hileh ama lungsim bang ka put zoh ka gingta kei. Iitna tak toh hon iit hi in kathei a, kenleng ka it petmah. Keilam apan ngiat a hon neikei a, apasal ka hihtheihna din CONDITION bangmah hon bawlsak kei. Tulai in hihna kibang(homosexual) kingai tampi om mahleh, kei ngaihnou bel NUMEI ahi. A hon itna thupi kasa. Ka phulouh iitna tang hi in ka kithei a, ka kipak petmah. Himahleh alangkhat ah ka kisuanglah zel. Ka kingaihsiat theihna di leh ka lungsim hon kam gegu di kampau chikmah in hon zatkhum ngeikei a, milak ah leng a hon zahpih kei. Kei ziaka nuam asaklouhni leng atam din ka gingta. Himahleh kei kianga a om chiangin maitai tak in hon houpih a, huai in a ngaihhuaina nakpi in a behlap hi. Ka ngaihnoute bel innkuan nuamsa ahi uh. Apa Evangelist teacher pension ahi a, a upa'n leng apa sulnung zui in Evangelist teacher mah a sem hi. Amah tuh college kailai ahi a, anau pasal nihte bel high school kailai ahi
Read more

PALLAI NITE

~Lian Khuptong Alamdang Pathian Itna' 'khovel nopsakna leh gentheihna tepanin Tuun sungkhatpan mimbang ka hong khangkhia hi. Deihthoh takmai leh iitakmai'n keple huihmut dingnah tomphallou in ka omhi. Kep leh etkolna nuaia kasenchiil panin kapiching dong in, duattak leh deihthoh takin kep kana hi. Sianhuaina toh hucihin ka hongkhang lianzela khovel tak palding in kongkisa ta hi. Mite kitaiteh nalak ah ka taisam hi. Hinkhua gintaksa anaa nuamchiam kei alai hawlpawl in lakloh takin ka omhi. Pallai amm'n nuamleen tuh ka hinkhua aka nopsak ahih hi. Maban etna'n kalsuan touzelin ahak-anuam phutkhak dandan in kahong phuh hi. Huaihang in hinkhua zatdan ka etchiang in lungkhamna leh mangbatna ten nisim'n hongtuam tawntung hi. Ahakdan pengen siamvual ahih keihial hi.  Huchitazong in taikhua tuh hongvak zelsam a lametna thak honguan zel hi. Naa khatpeuh zoh kuhkalna leh thuakhaatna lou toh pangtakpi mah ngai hi. Khovel zoh omvengvung kitaiteh nalah
Read more

NATNA LAUHUAI COVID APAN PIANTHAKNA

 By  ~ Paumuanlal Guite BaBs Chikmah a zak ngeilouh, lungsim tawng a leng gelphak ngeilouh COVID 19 in khovel pumpi hong sawiliing ta hi. It leh ngaihte toh tui leh nga bang bualkhawmna, a sakminthang Lamka khopi leng natna in hong hawi tuankei. Niteng in a vei a pung hulhul chih kuapeuh in thei, himahleh gamsung vaihawm solkalte’n hiai natna apan i suahtak theihna ding ua hon thupiak uh Policete mat utlouhna ziak lel in i zui hamham chiat uhi. Huai bangle Policete galmuh chiang khawng a zui hamhamte i hilai uhi. A tamzawte bang in a omna mun uh i pel chetchet zomah uh, lamka chihmah a ka tuamtuam tam i theitel ua. Siamsinna innte, nasepna buuk tuamtuamte kikhak zungzung a, i biakna munte tan leng kikhak hial in inn a kuapeuh kikhum chiat ding i chih lai un kholai a hih ding poimoh nei a pungdiak a bang maimah hi. I natna minthang ziak ua mual honna liamsan niteng in zak ahigige mai. It tak in a luangbul ah kap zoizoi ut mahlehang mangmat phak ahinawnkei, silhpuan piandang toh kithua
Read more