Siamsinna leh Vakiangbu

By ~Vz Vualnam Itna a omleh, endih, Lemlouhna himhim a-om louhdan! Itna in a sawlleh, en dih, Bangmah himhim in adaal louhdan! Pau leh haam in adaal louhdan, Pianna sisan in adaal louhdan, Gamlaat leh nai in adaal louhdan, Meel leh puam in adaal louhdan, Zawnna leh ngauna in adaal louhdan, Zu leh sa in adaal louhdan, Itna in aphuutleh, en dih, Bangmah himhim in ananzoh louhdan! Itna a omke’h, en dih, A lemtheih himhim louhdan! Itna in a sawmke’h,en dih, Bangmah himhim aphattuam louhdan! Kuhkalna aphattuam louhdan, Thuumna aphattuam louhdan, Khitui aphattuam louhdan, Sum leh pai aphattuam louhdan, Dinmun etlahhuai aphatuam louhdan, Hoihna-phatna aphattuam louhdan, Itna in a teelkei leh, en dih, Bangmah himhim in azol zohlohdan! Huchia ka it in na hon it samlouh ziak a, Kei a na hih ding a lemtheih ngeilouh a, Hiai in ahon daal a, huai in ahon daal a, Khat khit khat suanlam na topzel lai in, Ka hon it ngeingei in ka hon it a, Khang deuhdeuh zomah abang hi

Written By : K.Lianthansang @ K Thansang Zomi February 19, 2014 nitak Electric lah a ngeina bang a hong pailou nawn..! Laa khat in , “ ..Dumde bangmai in Vaakzel in Mitzel…” chi sam zaw hi a, huai sawng(hun) lak teng in bel “Dumde ” le a tuk zoukei(Mit den hiven). Mi neih bang a ‘Inverter’ nangawn le nei zoulou kahih man un, ‘candle’ tawn khat ka de vak kiu-kiau ua, a kiang zek ah ka nau te’n( Class-X di leh Class-XII Exam lel-lel ) Lehkha sim uhi. Ka nau-te kiang ah ka nu’n ‘ Laizial or Dumzial’ zial a, TUIBUK muamkawm hi. Ka Pa’n a kam(muk) ah Laiziak tep lelaw a, mutheilou sa-sa in tutna neu-te ‘ Nylon(New York and London)’ zang(use) in Phan keuhkeuh a, ken leng a kiang ah kizilna dan in adang khat kana phan sam hi. Electric a pailouh chu a ningkitel huai khopmai..” tu nitak zaw a pai nitak, a chih sek uh hi a…” chi namnam kawm in Ka Nu’ kiang ah, “ Nu…thilkhat kon dong aw..?” ka chi hi. Ka Nu’ kiang ah, “ Nu…SIHNA zuak(sell) le a kikhawng zou diam?” ka chih

By ~ Vz Vualnam *Zomi Namni pichichial..... Taikhua vaal ding hita leenkawl hong engta Zomi-zotate zuangthouta ni e Khimzing hong thengta sunni hong taangta Khunlan tuang nungsia’n zingvai hawm ni e Pupa’ ma bang pat khulh di’n a lawmlou Gia bang zuun ding in hanlung chiam ni maw Lungtup mualsuah di’n dawngia bang zom ni. Tuan a pupa’ leel singlengtal khuang zong Kaina liimsing dang ah khuang nalai e Pupa’ tem bang deih tulleel vahkhuai zong Lentu tulleel ah ahaan dailou lai Lentu nahsing nuai a hanzai awisa Tua a gam bang daih i awi na’m maw Bualna gamzang a vahkhuai bang haangsa Tu in chiauli bang i neem ding maw Zaideih oih siamte, semgua sai siamte Siamsin lungpilte, mawlsiam thahaatte I heekna chiat ah hanlung chiam ni e Tuunnu’ zolei di’n masuan zel ni e Hawmsiam sianmang’ di’n nichin nungta ni Zolei lou bang tul nalgua bang hah ni Khawngsawn seinoute’n paak bang tawi ni e Zolei mi zata sian in hon huai hen I heina chiat ah lum bang hon sung hen

By ~ Kb Guite'z Nidanglai a Kamkhai kichi khokhat om hiveh aw, Inn 30 lak vel teng uhi, huailai bel dawi leh kau te hatlai hun ahi. Lampi nawl a teng phei uhi. A khua uh toh haanmual kigam la lolomlou ahi. Nikhat phavang lai asun a ni sat chihtak a sa, asat dan le uangpet mah. Nitak a vuah zu a hong zu, gial khong kia, hanmual nai a teng Mungpu te bawng bang hiam khat in neging dan a thei uh. A inkim te khong in le za uh, bawng bnag nasa a thum honhon mai, amau lah thupi ngaihlou, Zingkhua hong vak. Mungpu le bawngnawi suk dia bawng buk lam ah avapai leh a bawng uh lei lak a na kiphah dek dawk. Amah le lau lua a inn ua tailut a zi hilh, azi le beidong lua, a inkim te hilh dia tai bonbon mai. A inkim ten leh lamdang sa, akho Zang ua en diamduam mai, a bawngpen, a sa sem dia hong kisa uh, hong sem ua leh, abawng sung a bangmah omlou a ngoi himhim muh ding leng omlou, a bawngbuk uah si neng muh di lah omlou, akhua mipi ten lamdang sa a om kheukhou mai uh, khenkhat ng

By ~ Vz Vualnam (Pupa’ Tawndan Khawmpi Khatveina : Kaihlam, thutut tomkim) ‘Huai a hansuang lianzaw Gal-aih han eive, apaam a pen Sa-aih a. A lutlai ua zaw sih leh man tuak ngeilou di mah bang zezen ua, tu’n lah hansuang leltak hita ve un,’ khomual a hansuang lian taktak nih dingte kawk in Puzukholh in Tousagoh a hilh hi. ‘Khovel ah bang gentheih i nei a? Thupiit i ut chiat ua, i delh chiat ua, mahni khom a thupiitna i ngah chiang in i lungkim mahmah uh. Ke’n zaw thupina ka delhkei. Thupina delh a kal kinsuan sang in khaapteh in ka paizaw ding. Hinkhua lah mualdung tawn a khualzinna toh kibang lel ahi a. Mualvum i tun ngeingeileh i maban tuh niamlam manoh ahi leltak hi. Mualvum ah lah i khawl nilouh theikei a, avum i tunbaih leh niamlam i manoh baih ding chihna ahi lel. Huchi ahihngalleh banghang a khenkhatte’n mualvum hichi delh hehu uh ahiam ka theisiamkei. Hinkhua a mualvum tunpah a, huai nung teng mualvum nusia a guam a kumsuk nopzaw ding hia ahihleh keh

Written By : K.Lianthansang @ K Thansang Zomi Kum 2014 , February 12 ni, Zinglam Dak 01:07 lak vel hi’n kathei(..?). Ui ham in hong ham vengvung ua, akhen chiang a kap( Cry) ngiau-ngiau mah abat ton uh om hi. Khapi( lian law nailou ) ahihleh a vakpha kholkei a( khua a niim ziak in ), mualdawn ah tumkhe di’n kisa ta hi. Huih khawng anung hiauhiau a, ka innsak lam ua misi’ inn a lengkhawm( zanhak ) te’ khuang gin’ kiza keuhkeuh hi. Ui ahamdan nidang toh a kibangkei…!! Electric lah vaaklou, huih nung’dan lah nidang toh kibang hetlou, keikia innsung mialtak a om zomah( ka sungte’ misi inn a hoh uh )…!! Nidang toh kibang hetlou in, ka lungsim ah lauhthawnna ngen hong om hi. Huchia ka om laitak in, ka gate uh( langva a kibawl ) hong ging a, ka Inn pang (Side) ua hong paiphei om hi’n kathei hi( Phaitam lam manoh in ). Lupna tung ah daitak in ka om a, Ui’ hamging leh aging tuamtuam kazak te hoihtak in kangaikhe kawm a, kalu(head) bang akhen chiang in kaphong gekgak hi. K

~Nasri Jona Tawmbing (Pathian gawmsa mihing in khen kei hen) ¤21/07/2013¤  Note: Hiai tangthu Date: 21/07/2013 a ka gelh ahi, zou siang lou in ka koih ap man phial tlat. Hun awl lah kinei mengmeng lou, hun awl neih louh pe'n thutuam hileh mite bang a thugelh bang kihih thei mengmeng lou ahih man in leh tangthu dang tuamtuam gelhsan man in hiai pe'n ka khawlsan nilouh kha mawk hi. Huchih lai in ka lamet phak hetlou thil khat ka tung ah ahong tung mawk a, ka kipak a, lamdang ka sa bok, lehlam ka ngaihtuah chiah ka hehtha khawng asuak mahmahh zel si. Hilele heh ziak a bangmah phatuam omlou chih ka thei a amah Pu BK Suan hon chialna "Jona zi ka neisin a, ngaina tuam in ka hon chial ahi. Mi tampi takle kichial zoulou ahih man in, ka virtual friend-te loungal kuamah dang chial sese lou ka hi" chi'n ahon inbox mawk hi. Ngaina tak a hon chial a, a virtual friend-te lak bang a hon simtel ahi chih ka kitheih in gensiam louh kop a sang in ka

By ~ Mwansang Langelz's   I group uh kajoin tungin Pa/U Bk suan Leh Nu kyekym zuansialching in tangthu khatbek non gelh teiteidi cin honna nget ziak a hongelh hamham kahi a, Tangthu simnuam tampi om ahihmanin gelh hundi aom ngeilouh ziaka tua hongelh theipan kahi hi. Tangthu gelh ngeile kahikeia ka first time petmah nang ahihmanin kahon siamlo kholkei dia,fullstop, comma chih khong leh atuamtuam diklou tampi ahontam mahmah maithei dia asimle honhak maithei hi. A simtute kianga theihsakna kon taklang masa hi. Zakta kompipi a kon gelhteitei ahi chihle hon theihpihle ucin kaci a, Hia tangthu kepbit kaut ziakale hongelh kahi hi. Sangkhat zakua somkua leh nga, April Nikhat(1st April 1995) in kanu gilsung apanin leitung haksatna, nopna zangdingh in Lamka district hospital ah kahonpiang hi. Aprilfool ni apiang kahihziak hia, aleh lampangin miikhem chihkhong kabawllam katheikhol keia himahleh mikhem ngeilou cilenglah zaugen kasuakzel dingh hi. Sanggam thum(3) kanei

By~Nasri Jona Tawmbing VALENTINE’S SPECIAL ~ I (Ka edit man kei a, asim a haksa kha sim maithei)Thumapi : Kua a hiai misiangthou ahih, bangziak a Valentine’s Day a iitna ngaithupi sese i hia? I theihchiang mahmah di-ua ka gintaak chu hiai Valentine omna’ khaa (month) Febuary khaa peen kha Romance kha ahih ziak ahi. Kum zabi thum (3)na vel a Rome namte Siampu LalEmperor Claudius II in pasal-te nupi nei a innkuan dit sang in Sepaih a pangsak hoih zaw chiin thupuukna abawl. Huai dan deihlou tu Valentine in hiai Siampu dan bawl kalh in a dodal a, huai dodal ahih dan Clousius-in a theih in Valentine a that. Valentine sihni apat hong kipan ahi chihlam gen i sawm kei. Valentine suangkulh a ataan lai in a taanpih nungak khat toh a kingaizawng ua, asih dek in laithawn gelh in “From your Valentine” chiin amin a gelh khum hi. Huai ziak in ‘From your Valentine’ chih tuni tan a kizang ahi chih lam le gen kisawm tuanlou nalai. Valentine’s day ahong kipat dan lam gen saw