LALMALSAWMI- 4
By ~ Lkpau Tombing
1997, January nitaklam khovot nuaia ka vasa mat, baibek mul bota ka omlai in ka inn khang'nu utoh nungak, ka khanvual geih ding khat vaai-pai kamuh leh ka lungsim hon kam petmah. Chikmah a nungak le ngaihtuah ngeilou, lawmte laka le kum ngeilou pen pa'n ihmu theilou zenin ka mimuh ka ngaihtuah nilouh hi. Zingkal in ka inn khangnu'n nungaknu, Lalmalsawmi, school ah atmission va bawl pih din hong sawl hi. Unau Thahdou pau zang ahihmanin mipolhnuam lua himahleh eimi lakah bel zahkai mahmah. Kei lah kilawp lua himahleng kizephawkin zumna in ka pumdim hi. Mahni neihdan, siangthou theipena zep, ahoih theipen a kichei singtang melhoih, aluzaanga pat a angbawk tawnin akhepi tanah demna di himhim ka mu kei. Nidanga numei toh kaki tawn khak chiang ua kazum luat, mi' hon muh khak di le kalauh hi-a tuni'n zaw mitengin hon mu le uh ka ut hial mai.
School kai in khathum bang hong pailiamta. Namdang, paudang zang himahleh Sawmi kangaihna apuang deuhdeuh mai, itpet mahin kana it hi. Kei lah Thahdou pau siamlou amah le Paite pau siam chiah nailou ahihmanin buai huaina om mah leh nitenga kimu, kihou gige ka hihziakun kineel in kaki theisiam mahmah uhi. June suty hong tung chianga Sawmi lah pai ngei dia keikia-a hun kazat didan kangaihtuah chiangin haksat chii kasa lua. Imm nei hetlou in kalung gel kagen kheta. Sawmi le kei banga honphawk leh ngaihtuahna nei ahihziakin kakal uah atul ngei nawnlou ding itna hong piang khia hi. Theihsa bangin Summer vacation hong tungta. Ni khat-ninih om din Sawmite a kho lam uah kava zui maita. Himahleh, unau melhaih, nam kaal buaina hong piang dia kisa in keile zan khat giak manin lung nuamloupi'n kholam ka zuan nawnta hi.
Buaina tawpkhawk hong tungta, kakhua uh le kaangin inn leh lou di omlou, si leh liama a mauna tuang hong tung maizaw ngaihtuahna atuam ngei. Himahleh, ka itpen kei' Sawmi, ka melma din zaw ahi thei kei. Neek di kia genlouh damlou hitan om thei lai ahihmanin munbit zaw Mizoram, Mimbung zuanin numei-naupang toh kazuan uhi.
Pasal toupi refugy camp a om zum huai banah Sawmi tellou in ka muangzou mahmah kei. Koi-ah a om maizen de aw..damin om lehle kimuh kikni om nawnlou ding hia.. chia a sethei tawp kipia in vazon khiak mai ka sawmta. Volunteerte laka tel ding danin kazui khia hi. Lampi-a kapai lai un nupi-papi, pitek-putek, sengpi-a vanpua, atunga naupang hon thuah kom khawng kamu ua, "Ken kanu, kanau, kapa uh kon nusia ta, i mun-i mual hon hum hing un aw.." chia kahtam honloh khum uh zaw aki nehnou petmah. "zomi sisan amawka luanglou di, kadam sung zogam apuk kei di..."Chiin kaki hanchiam toihtoih uhi. Himahleh, kei, Sawmi dou dinga kuan maw..? Sawmi kangaihtuah chiangin ka lungsim adang vekta. Ken zaw melma kanei kei. Mi' theihin zaw pasal kahi kei, Sawmi louin kahing zou kei ding chih katheih luat ziakin Sinzawla lawmte taisanin Sawmite' kholam kazuan vengveng hi.
Khawlloua pai kahihmanin ninih leh zankhat zohin Sawmite' khomual katungta. Himahleh lung gel adang petmah. Duty lah om ngei dia pau kasiam louh toh enkhetu banga hon ging lel ding ua soisak ek bang thuak zomah di. Damin suakta lengle Sawmi pentak hon musak lou hial ding ua, Sawmi mukha mah lengle aman bang ngaihdan anei dia..kakuanna san gen thei in ka-om diam? Amelma uh pasalin hon nei ngam diam maw. Sawmi'n zaw hon it lai sam ven chia himahleh, anu le pa'n hon phal uh kagingta dek kei, chia kingaihtuahin kei leh kei kisu lunglelin lauh thawngna in kapum dim hi. Maituah le hi nailou, sihngama kuan ka vele chia kipasal salin khosung lut din kading kheta hi.
Bang dinga Sawmi hichi tela ana it kamaizena..hinna tanpha lauh huaina muna amah mudia kakuan tel. Midang le hon it hon ngai omsam di hia. Ngaihsak het kei lengle kum khat kumnih nungin ka mangngilh thou di. Himahleh amah telloua zaw.... chia kaki ngaihtuah laiin lamsak lama pan khawl dia thupiak in ka omta. Dutyten kangaihtuahna bangin muangmohin hon soisa petmah uhi. Sawm, ka it leh ngaihdan kagena, amel mu dia hong pai kahihdan kagen leh huai neng ziaka pai din hon gingta dek kei hial uh. "Bangzah loha hong pai nahia? Nahai, naduh gawl sihpih di neita ve" hon chi uhi. Sawmi' mel muh maimai lohtak dia hong pai kahi. Sawmi kangai lua-a kahai mah, khodang nam dang kana ngaih chitchiat keile duhgawl kaki sa, hehpihtakin Sawmi' mel hon musak un, chiin kangen ngut-ngut hi. Alak ua khatin honna hehpih ziakin Sawmite' inn lam khut nung leh heen, maituamsa in hon paipih ua inn kongah hon phel uhi. Ka it Sawm, nidang sangin melhoih zaw leh piching zaw in kamu hi. Sawmi' mel kamuh hial leh amah ziaka kathuakna leh lamkaala haksa katuahte phawk khia in gen di theilou in pasal toupi kakap hup-hup mai hi.
Nitaklam ni aniamta, Sawmi kahoupiha itna ziak mahin kei kaki ngam nak leh ahon nial kei. Anu kava bia-a, kalung geel leh thuakna teng kava gen leh ahon phal dek kei. Sawmi ngailua-a gam hiai tan, hinna tanpha adia lauh huai tawpkhawk pala hong pai hial kahih chiah hon pe mai in chiin kangen ngut-ngut hi. Thupi ngaihin ka om kei, kin taka inn nusia-a khosung pawtsan din hon sawl mai mah. Huchih laitakin khua, inn-leh-lou suse dia hong kuanten thau hon kap ging dawmdawm ua kihou theih ahi naawn kei. Sawmi' van poimoh ding teng la zokin akhuta leenin katai khiak pih hi.
Ni bangzah hiam nungin Lamka katung ua om den theisam lou, zi nei khat kahih chiah nu-leh-pa kiang zuan din Guite Road tawnin kong kisawi touta uh. Kakiang uah tangval bangzah hiam atuang ua, ahoulim danun gam leh nam adia kuan dek uh ahih tuak. Numei lah kazi, Sawmi kia tuang ahih ziakin Singngaat pelh apan khawk diakin chiamnuih thang huai pipi'n hon houpih sak uhi. Kazi, Sawmi, mipilvang petmah ahihmanin kamdamin adawng zel hi. Ahihhangin kei, apasal, hon zahtak ziakin amah pau, Thahdou pau lou in Hon houpih ngei kei-a tua ziakin Suangdoh kakhen uh leh buaina tawp khawk ka tuak uhi.
©Siamsinna leh Vakiangbu
1997, January nitaklam khovot nuaia ka vasa mat, baibek mul bota ka omlai in ka inn khang'nu utoh nungak, ka khanvual geih ding khat vaai-pai kamuh leh ka lungsim hon kam petmah. Chikmah a nungak le ngaihtuah ngeilou, lawmte laka le kum ngeilou pen pa'n ihmu theilou zenin ka mimuh ka ngaihtuah nilouh hi. Zingkal in ka inn khangnu'n nungaknu, Lalmalsawmi, school ah atmission va bawl pih din hong sawl hi. Unau Thahdou pau zang ahihmanin mipolhnuam lua himahleh eimi lakah bel zahkai mahmah. Kei lah kilawp lua himahleng kizephawkin zumna in ka pumdim hi. Mahni neihdan, siangthou theipena zep, ahoih theipen a kichei singtang melhoih, aluzaanga pat a angbawk tawnin akhepi tanah demna di himhim ka mu kei. Nidanga numei toh kaki tawn khak chiang ua kazum luat, mi' hon muh khak di le kalauh hi-a tuni'n zaw mitengin hon mu le uh ka ut hial mai.
School kai in khathum bang hong pailiamta. Namdang, paudang zang himahleh Sawmi kangaihna apuang deuhdeuh mai, itpet mahin kana it hi. Kei lah Thahdou pau siamlou amah le Paite pau siam chiah nailou ahihmanin buai huaina om mah leh nitenga kimu, kihou gige ka hihziakun kineel in kaki theisiam mahmah uhi. June suty hong tung chianga Sawmi lah pai ngei dia keikia-a hun kazat didan kangaihtuah chiangin haksat chii kasa lua. Imm nei hetlou in kalung gel kagen kheta. Sawmi le kei banga honphawk leh ngaihtuahna nei ahihziakin kakal uah atul ngei nawnlou ding itna hong piang khia hi. Theihsa bangin Summer vacation hong tungta. Ni khat-ninih om din Sawmite a kho lam uah kava zui maita. Himahleh, unau melhaih, nam kaal buaina hong piang dia kisa in keile zan khat giak manin lung nuamloupi'n kholam ka zuan nawnta hi.
Buaina tawpkhawk hong tungta, kakhua uh le kaangin inn leh lou di omlou, si leh liama a mauna tuang hong tung maizaw ngaihtuahna atuam ngei. Himahleh, ka itpen kei' Sawmi, ka melma din zaw ahi thei kei. Neek di kia genlouh damlou hitan om thei lai ahihmanin munbit zaw Mizoram, Mimbung zuanin numei-naupang toh kazuan uhi.
Pasal toupi refugy camp a om zum huai banah Sawmi tellou in ka muangzou mahmah kei. Koi-ah a om maizen de aw..damin om lehle kimuh kikni om nawnlou ding hia.. chia a sethei tawp kipia in vazon khiak mai ka sawmta. Volunteerte laka tel ding danin kazui khia hi. Lampi-a kapai lai un nupi-papi, pitek-putek, sengpi-a vanpua, atunga naupang hon thuah kom khawng kamu ua, "Ken kanu, kanau, kapa uh kon nusia ta, i mun-i mual hon hum hing un aw.." chia kahtam honloh khum uh zaw aki nehnou petmah. "zomi sisan amawka luanglou di, kadam sung zogam apuk kei di..."Chiin kaki hanchiam toihtoih uhi. Himahleh, kei, Sawmi dou dinga kuan maw..? Sawmi kangaihtuah chiangin ka lungsim adang vekta. Ken zaw melma kanei kei. Mi' theihin zaw pasal kahi kei, Sawmi louin kahing zou kei ding chih katheih luat ziakin Sinzawla lawmte taisanin Sawmite' kholam kazuan vengveng hi.
Khawlloua pai kahihmanin ninih leh zankhat zohin Sawmite' khomual katungta. Himahleh lung gel adang petmah. Duty lah om ngei dia pau kasiam louh toh enkhetu banga hon ging lel ding ua soisak ek bang thuak zomah di. Damin suakta lengle Sawmi pentak hon musak lou hial ding ua, Sawmi mukha mah lengle aman bang ngaihdan anei dia..kakuanna san gen thei in ka-om diam? Amelma uh pasalin hon nei ngam diam maw. Sawmi'n zaw hon it lai sam ven chia himahleh, anu le pa'n hon phal uh kagingta dek kei, chia kingaihtuahin kei leh kei kisu lunglelin lauh thawngna in kapum dim hi. Maituah le hi nailou, sihngama kuan ka vele chia kipasal salin khosung lut din kading kheta hi.
Bang dinga Sawmi hichi tela ana it kamaizena..hinna tanpha lauh huaina muna amah mudia kakuan tel. Midang le hon it hon ngai omsam di hia. Ngaihsak het kei lengle kum khat kumnih nungin ka mangngilh thou di. Himahleh amah telloua zaw.... chia kaki ngaihtuah laiin lamsak lama pan khawl dia thupiak in ka omta. Dutyten kangaihtuahna bangin muangmohin hon soisa petmah uhi. Sawm, ka it leh ngaihdan kagena, amel mu dia hong pai kahihdan kagen leh huai neng ziaka pai din hon gingta dek kei hial uh. "Bangzah loha hong pai nahia? Nahai, naduh gawl sihpih di neita ve" hon chi uhi. Sawmi' mel muh maimai lohtak dia hong pai kahi. Sawmi kangai lua-a kahai mah, khodang nam dang kana ngaih chitchiat keile duhgawl kaki sa, hehpihtakin Sawmi' mel hon musak un, chiin kangen ngut-ngut hi. Alak ua khatin honna hehpih ziakin Sawmite' inn lam khut nung leh heen, maituamsa in hon paipih ua inn kongah hon phel uhi. Ka it Sawm, nidang sangin melhoih zaw leh piching zaw in kamu hi. Sawmi' mel kamuh hial leh amah ziaka kathuakna leh lamkaala haksa katuahte phawk khia in gen di theilou in pasal toupi kakap hup-hup mai hi.
Nitaklam ni aniamta, Sawmi kahoupiha itna ziak mahin kei kaki ngam nak leh ahon nial kei. Anu kava bia-a, kalung geel leh thuakna teng kava gen leh ahon phal dek kei. Sawmi ngailua-a gam hiai tan, hinna tanpha adia lauh huai tawpkhawk pala hong pai hial kahih chiah hon pe mai in chiin kangen ngut-ngut hi. Thupi ngaihin ka om kei, kin taka inn nusia-a khosung pawtsan din hon sawl mai mah. Huchih laitakin khua, inn-leh-lou suse dia hong kuanten thau hon kap ging dawmdawm ua kihou theih ahi naawn kei. Sawmi' van poimoh ding teng la zokin akhuta leenin katai khiak pih hi.
Ni bangzah hiam nungin Lamka katung ua om den theisam lou, zi nei khat kahih chiah nu-leh-pa kiang zuan din Guite Road tawnin kong kisawi touta uh. Kakiang uah tangval bangzah hiam atuang ua, ahoulim danun gam leh nam adia kuan dek uh ahih tuak. Numei lah kazi, Sawmi kia tuang ahih ziakin Singngaat pelh apan khawk diakin chiamnuih thang huai pipi'n hon houpih sak uhi. Kazi, Sawmi, mipilvang petmah ahihmanin kamdamin adawng zel hi. Ahihhangin kei, apasal, hon zahtak ziakin amah pau, Thahdou pau lou in Hon houpih ngei kei-a tua ziakin Suangdoh kakhen uh leh buaina tawp khawk ka tuak uhi.
©Siamsinna leh Vakiangbu
Comments
Post a Comment