NA PEIH KEI LEH SEM DAH MAI VE MAW !!

By ~K.Lianthansang@K Thansang Zomi

Dt.3/7/13,10:00 AM lakvel in,Maniram Sharma, IAS, Addl DC/CCpur in, Rengkai Govt. High School Inspection a va bawlguih leh,Teacher-6 kailou uh chih va mukhia a, akailou teng khaloh a khaksak ding banah,'Show Cause Notice' leng pia hi. Huai zoh Dk.10:40 in Saikot Govt.High School Surprise Inspection va bawl nawn a, School a na kikhak in, School kai muh di omlou uhi. Hiaite leng, Teacher teng tung ah 'Show Cause Notice' a piak ding banah, a khaloh uh leng hentangsak ding hi'n gen hi. Hichi bang khawg ahi I Zogam uh (Zodawn leh Lamka zang) omdan.

Sepna leh mohpuakna a chihtakna,Pathian thu awite omdan ahi. Sepna koimun peuh ah, Sorkar hi'n Private a nasepna hileh loh chauh enlah a nasemte a kipak ngeikei ding uh. Aziak ahihleh, midangte adia 'service' pia hilou ahihman un,sum tampi loh hile uh leng kipak ngeilou ding uh ahi.

Chihtakna,Ginomna,gamtat hoih leh omdan kilawm mun teng a mi tengteng tung a poimoh himahleh, mipil leh mihai, laisiam leh mawlte toh ki contact kha gige, Office ngakte a di'n a poimoh diak hi.

Zanhak zen a nasem leng hilou, Nisa leh daikai nuai a Duty leng hisam lou, Sorkar 'Buhpang' sawk a,loh kilawm huntawk ngah, sorkar nasemte khawng a ut hunhun ua office tung, a ut hunhun ua pai in nuamsa mahmah uhi. Office a sep di nei, minautangte a sukbuai chiang un kilawm lah deuh hi. Kilawm lah deuh hiphetlou in, Mitsip huai tuntun hi. Nikum lam in DC nu'n a Office a semte', Office tunhak ziak in sawlkik a,a liakkha ngial uhi. Sorkar nasem dangte'n le Pilna a ladia i gintak leh phatuam tuanlou a bang. Sorkar leh Minister/MLA te hihkhelh bang muthei viau. A Mipite leh mi malmal in i mohpuakna uh i semsuah uh hia?? Chih dotna bawlnuam dan i hi. Sorkar nasemte nasepdan i lung uh a kimna hia? Kivel vengveng lehang. Midangte Compound niin i sak mahmah lai a ei Room sung lel le phiatsiang louh a om ahih khak ding lauh huai mahmah hi. Sorkar nasem tengteng a thulim kei uh i chikei,a tangpi a i gen ahi. Govt. Office khat a thil i sai a, Meltheih i neihlouh ziak hiam ahihkei leh 

Nasem khat Regular louh ziak a i thilsai a fel di hun a afel kei leh kuamoh ahi dia.? Eimah (sorkar nasemte mah) i kimohsak ua, i Room sung niin uh i phiatsiang phot uh hoih ding hilou hiam??Mikhat nuai a nasem i hih ziak a Ginom ding chauh hilou in, i nasepna minautang toh kihetkha ahihziak a leng ginomna suah ding ahi hi. Pathian hing bia i hi ua, a thu leng i kisinsak tam ua, za leng i zatamta ua, theih leng i thei tamta uhi; himahleh, i zuihkei uleh,Vangam lut tuanlou ding i hi uh chih i theih ding uh ahi.Vangam kia hilou, lei vualzawlna i donkei leh, i khasiat louh ding uh ahi.

Heutute mitmuh chauh a hihhoih sawm hilou a, i mohpuakna ahihziak a hih hoih i sawm ding ahi.Thilhoih theilou i omkei ua, hih ding leh hihlouh ding theilou ki-omlou. Himahleh eilawi 'Khanmoh bawk' tuh Hih ding thei hinapi a i zuih peihlouh ziak uh ahi chi leng saulua ka genkhial kei ding. Mi tengteng i kibangvek chihna bel ahi kei, ginomtak leh hoihtak a nasem bel ki-om mahmah hi. 

Ahihhang in, i paidan uh 'Double standard, Hypocrite' tangpi hi. Khat veivei i nasepdan leh omdante uh a ngaihna om hiallou a, mihing i zah kei lehleng Pathian bek zahtak ngal leng hoih ding hi. 

Huchia Mihing leh Pathian le Zahtak dia koihlou i hihleh chu, Zogam leh Zomite' chidamna ding in 'Na nasep na sep peih kei leh semdah mai lecin' chi nuam dan i hi. Nou bang ngaihdan na nei ua??

0530---Kakipak---2013

©Siamsinna leh Vakiangbu