ITNA VANG NING BANG ZOHNA
By~Thang Haulai Ffetg
Simlei tung ah
tang bang dam man omlou hi chi'n kei leh kei ka kichih khum zeel a, kingaihtuahna saupi toh ka hun te zang liam mai dia ka om lai in, nikhat
tuh ka lawmpa 'Sang' in ka inn uah hong bang phei malam in va pawt zual
di'n hon zawn hi. Hih di penle thei lou kimawk ngaihtuah khakha kahih
man in ken leng lungsim ahalh deuh khak leh chi in kava zui hi. Ka hoh
na di lam uh le ka theikei kan khalou kahih man in, huchi'n hon pai
pihpih a atawp in Bazar ka tungsuk uhi, van amah a ding bangbang hiam,
khedap, puanak chih khawng alei a huaizoh in innlam zuan in ka paitou
uhi. Huchia ka pai lai un dawr lian sim khat leh kawmsim khat ah hon lut
pih a, a polam ah zaw cold drinks chi tuamtuam, coke, sprite, shark leh
adangdang kitung lemlum ka mu a, kenle eh.!! Theitui hon dawn pih dek
hi'n teh ka chih leh ka gi'ntak ana bang takei hi.
Table
khat ah hon tut pih a Zu dawn ni chi'n nou hon khiin phei a, kenle
nidang a ka dawndawn sa ahih na toh, aman le ka dawn lam thei hive'n
huchi'n nial sese lou in ka dawnsuk ta uhi. A kiim akiang et in mi zaw
ana tam khepkhup tel e, a kopkop a om pawl toh, amei apa chih le aom se
kei, ka ngaihtuahna ah bang lungziin huai kasa zozen, chi kheukhau le
lah eile a dawn ki hi thou. Ka kipahpih louh hang in ka awi tuan sam kei
a, kei leh keile kaki awi tuan sam kei. Quarter khat kadawn khit nung
un koule innlam ah kapai ta uhi.
Inn katun un nitaklam dak
4:25 bang ana ginta a, phalbi lai ahih toh, khau bang mial sim pian ta
hi hiai ni tuh 3'rd December 2004 ni ahi. Huchi'n ann kane mengmeng a,
ka lawmte leh ka nungaknu toh pawt khawm di ka chih sa uh ahih ziak in
dak 6pm in ka ngaihnou te innlam zuan in ka ki thawi khe suk hi.
--------
ka kinepna leh ka gintak bang ngei in kingaak na di ka chih namun uh, a
innpam zek ua dawr kong ah ka ngaihnou 'vuvung' ana ding a hon muh in
ana nui selsal hi, a sam sau ngihngiah leh san hiuhiau, amit te bang dum
kilkel, amai ngou hiuhiau te leh duangkuai toh silhpuan etlawm tak a
kizem in hon muhphet a kipaktak aom kamuh chiang in kalungsung nuam tuan
mahmah hi.. Huchi'n khut kilen kawm in kaki tonsuk ua ka lawmte leng
muanthang te innkong ah ana kimvek ta ngei ua, huchi'n hon ching mah mah
in, sonson te innlam ah kaki thawi suk ta uhi.. Kalawm te le adawn
theilou om kei a, atep theilou le aom tuan kei, huchia zu nam sim ngen
omkhawm chh mahtak chiau in ka chiau uhi, laizial te khawng tep a huchia
ka om lai in, ka gintak hetlouh leh ka lamet hetlouh pi in vuvung inle
hon tep mawk hi, ka et hoih thakthak chiang in damdawi tang kham hileh
kisawm kasak na chiang aom, ka zukham simziak adiam ah ka ngaih apha
thei nawn kei himhim. Innpai mai tuh ka sawmta, huchi'n vuvung akhut a
len in ka paipih ta, lamkal ah zaw kakisel nasa tel uh, aman nang le zu
na dawn a laizial na tep vele, bangziak a kei huchia ka om leh non
huchih hehsan eita hon chi a, kenle ki pasal saksim kahih man in, ken
hih leng le nang nahih louh di eivoi ka chi a, kaki tuak thei mahmah kei
uh, ki sel buai deuhdeuh kahih chiang un vuvung te innlam lamkim ah
thutawp ka bawl maita ua, kaki khenloh hit het uhi. Huchi'n koumau
innlam chiat zuan in kapai ua, zu ziak hiam theikhang, ahun tak inzaw
puaknatna lungsim kaneikei a aman le aneih di'n ka ginta tuan sam kei
hi. Inn ka tun in dak 10 bang ana gingta , ka nu mei awi kawm a kei ngak
in ana tu a, kenle, nu lumhak na chia chih teng gen in ka roomsung lam
ka zotsan ta hi. Ka kham zaw hon veng deuh ahita ngei di, imu theilou in
kaki ngaihtua den ta mai, kei ka ut pen hih le hilou, aziak omlou a zu
dawn a laizial tep a adangdang hih le hilou, hichia addict a om himai ta
kaki chih chiang in keima hatna inzaw ki sut theih vual ahi kei,
keichouh in ka thuak le hilou lai, ka ngaihpen toh kikhen kha zawmah
lai, ei ki hoih kei leh le, numei hoihlou zaw ki deihtuan sam lou eive.
hiai zu leh sa zaw aman na di omkei tel mai kachi a, hinkhua ki ningtel
na toh lungsim natna toh ka ihmu theikei a tunitak zaw ahaksa tel mai
ling lak a lum ka bang mai. Hichi bang a ka om in B.com 2'nd year ka zil
lel laitak ahi.
Thoveng tak leh taksa tawl deuh mai in
zingkal in ka thoukhe ta hi, dak 8am lak vel a thoukhe zoupan , kihah
siang khin innkong ah tu kawm anews kasim leh kanau momoi in singpi dawn
in aw U' chi'n singpi hon pia a, en le en se lou in, hiah koih aw nau
kachi a ka kiang ah ka koihsak hi. Ka omdan tuamlua ahi chih zaw ka sung
te'n hon theivek uh chih aom dan uapat leh amit uapan haih vual di ahi
het kei. Ke'n leng bangmah ka gen tuan sam kei hi, ann nek hun hong tung
ta ngei a, paulou phunlou in kane meng a ka nek khit in ka lawmpa
'sang' te inn ah hoh di'n ka paikhe suk ngal hi. . Ka lawmpa ana omkei
zomah a, huchia minute nga khawng ka ngakzoh in hong tung a, kenle
vuvung teh va hoh ni chi'n kazon ngal hi, aman le hon aw ngal ahih man
in kava hoh ta ngei ua, lampi ah kaki siik dan te khawng, vuvng toh kaki
nak dan te khawng uh ka lawmpa kiang ah ka gen leh, lungkham ken, i gen
mai na di hon chi zeel a, a tawp2 in vuvng te in ka tung khong uhi,
koule ki maingal sak deuh mai in ka lutpah ua, anu chouh ann kuang hem
in ana om hi, koule Nu lian vunvung la ka chih ua leh, vuvung tu zingkal
baihtak a apu te khua shillong ah zin ahi hon chi a kenle mak kasa top,
kamai bang asan tualtual mai, huchia daitak a ka om leh, nu lian in,
nang thathang nahi hia? Hon chi a himah ing ei nulian ka chih leh, ana
khol in aw, chi'n a room lam ah hon lutsan, a kenle bang amahmah de aw,
chia kana ngaihtuahtuah laitak in, hi na laithon di, vuvng in ka Uthang
hong hoh chiah hiai ana pia in hon chi ahi achi a, kenle ka sangpah a,
hun sawtlou ka tut khit un ka lawmpa toh innlam ah ka kik nawn uhi. . Ka
lawmpa'n hon simsak tum mah leh ama sim di kaphal kei, inn ka tung
chiang a kei couh a hoihdeuh a kasim ut man in. Ken kon sim dia athu
omdan kon hilh zaw di ka chih khit in aman le hon 'aw' thei khong khong
hi. Innlam paisuk, i dawr khat ah zu buk ah hon lutpih a tutung chuh
amah chouh ka dawnsak. Keile innlam pai in na tuamtuam ka huan uh khawng
ka hah siang a, khoul pawtna di khop zaw ka ngah khezou hamham hi.
Tunitak zaw annkam le limdeuh ki fresh deuh ban ah nna kisem ahih man
in, ka lungsim le anuam tuan mahmah hi. Nitak in pawt se lou in, ka
laithon ka sim pah hi. ..
To, UThang,
Kon
it pen leh kon ngaihpen Uthang aw, na lungsim ana lailai hia? Kei vang a
na lungsim natna te ana damsak ta in aw. ..... Selung kamawl vang in
aki lawmlou thilte ana hih kha ing, nang le hih nahih man in, kenle hih
leng poi sakei niteh ka chih pen, kana ngaihtuah khial kha a na lungsim
loulam tak a ka omkhak ziak in hon ngaidam in aw. .......... Omdan
hoihlou deihlou nahi chih kon thei a, huaziak in, nang leng Pathian min
in hon ki bawl hoih inla, keile Pathian hatna muang in kong kibawl hoih
sawm di. Hiai laithon namuh ciah ka Pu te innlam zuan a pai kahita chih
hon thei in aw, sianmang vang a dawn bang iki tuah keileh, singdang hon
gawm thei ding omlou ding hi. Sianmang muang in ka hinna khek sawm in
pan kala dia, nang le hon kikhek sawm teitei in aw. Kon ngaih nahi a, na
vang kong ngaihna sun nisa bang dai ngeilou ding hi. Nikhat chiang in
kimu nawn ni. .
Nang adia ginom tawntung di.
------ Vuvung.
chih
teng ana ki gelh a kalungsim hon khoih petmah ah, ka hoihlouh nate kaki
phawk thakthak a, kana pat khak leng kaki siik mahmah hi. Tunitak pen
kei adia kalbi masa pen ahi ta, nidang a chikmah a Laisiangthou sim ngei
chih le hilou khat, ka nau Bible kava la a, aman le lamdang asa zozen,
Bible kalak hang in kasim na di kathei tuankei, a tawp2 in Sam laibu
gelh number 1 chang 1 leh nih kasim a, thumna neingei khol lou pa'n
kanei bualbual sam ta hi. - Hun te tuibang in luang in hon mualkhum
sanzeel zaw ahi ngei ding, ka laizil na ah ka exam ni ding uh bang hong
tungtou velvol ta hi. Lai sim zekzek sam kahih man in lauh pen inle
kanei khol kei, kei ngaihdan ah bel exam chiang himhim ah kuamah a copy
louh di, huai chouh le hilou lai, kuamah le hilh louh di, chih ka thupi
ahih man in, ka lawmte'n dong kholh hon sathei mahmah uhi, amau sim
ngeilou ahih chiang ua. Exam ka hon zou tangei ua vacation kha khat kha
nih khawng kanei uhi, huai hun lemtang a la in, ka lawmte toh kaki khawl
zeel ua, gensa mah bang in zu leh sa toh ahi mai, ahoih na khat numei
ah kaki bual ut kei ua, huai ahoih na hipe'n di'n ka gingta, hima leh
lungsim nuam chih aom ngei mawngmawng kei, theih ngoihngoih in sihna lam
ki zuan doidoi a, hon mantang di le omlou hi in kathei mai hi.
- khatvei
ka lawmpa sonson in kou biakinn te hn veh dek om, hong kikhawm ou,
nungak en di' chi'n chiamnuih thutak in ahon gen a, keilen Pathian ni
nitak March 7, 2005 ni hi in kathei, kikhawm di'n kaki sa mawk hi.
Kasung te lah lamdang sakna a dim, mai chikmah a kikhawm ngeile hilou,
zot zoh ale om ngeilou pa kikhawm dek tha hah kahih chiang in.. Huchi'n
ka lawmpa te inlam zuan in kapai ta hi.. ---
Tunitak
chuh, kikhawm di kahih ngal sam chiang ua, Pathian zahtak na toh bangmah
hih lou in kakuan ua, ka puan hoih neih penpen te utoh kikhawm din
kalawm te toh ka kuan ta uhi. Atung masa lam in ka pangkha thethup ua,
kisuanlah huai sim bang kasa zozen hi. Usher te afel thei mahmah uh chih
zaw haih vual di ahi het kei, alai vual ah tuailai te tut na di ah hon
guanglut pah ngal ua, a laivual a alai tak khawng ah ka tukha uhi.
Program zaw hong kipan tangei, chih sa mah bang in ah kou pen Pathian
thu ngai ut a hoh hilou peuhmah kahih chiang un, ki hawkdak petmah
himai, lapawl, special no. Pete bang kana hoih et theih mahmah uhi, ka
lawmpa sonson te biakinn ate'n laa hon sa ngei ua, kenle hoihdeuh a ka
et leh a nawlnung sim a ding numei khat hoih sak in kana samawk hi. Ka
lungsim ah ka chiamteh tinten a tawp chiang a lawmpa dot ngeingei ding
chih tuh ka tup pipen ahi ta hi.
Kikhawm kong tawpta ngei
ua, kenleng ka lawmpa kiah ka dong ngal hi, son huai a lapawl sate lak a
afirst line a alast third na nu amin bang a kachih leh, thei chiang lou
ahih man in, kenle a chian zawk sem na din huai puanak pink silh, a
samsau puan ngou teng pen khah ka chih leh, eh.!! Huai maw.. Kikim eivoi
hon chi a, hoih sasim maw? Chih toh huai te khawng ei a di hi zenzen
kei ei lawm, mi Pathianmi peuhmah, khami peuhmah uh, aki zahtak vek ahi,
a sungkuan ua houpih khawng chuh nuam ah nuam uh ahi hon chih zom ngal
hi. Ei khawng maimai te adi'n pam maih hon sih san lai dep. Ka lawmte'n
bang hah nuih in hon nuihsan uhi, hileh le zum na in kala het kei
vanglak. . Kikhop tawp in kalawm te nungak te inn ah ka hoh ua, tomchik
ka omzoh nung un ka innlam chiat uah kaki khen uhi, kalung sim ah kikim a
om den tamai hi, thildang ngaihtuah ning ka chih chiang inle, ahi thei
mamah kei, ka lungtang ah kituh(kisuan) hial khop in ka thei amai, akhen
chiah lah ka lawmpa gen te ka ngaihtuah zeel a, kaki suanglah thak
zeel. Ka theihlouh kal in itna sal a tang kana hi maimah ta. . Hun te
hong paizeel a, ka lungsim a mang thei mahmah lou ahih man in ka lawmpa
sonson kiah, son khatvei va hoh himhim ni uh e, ka chih chiang in hon
nial gige hi. Ngen mun lo mahmah zaw kahi ngei dia atawptawp in kon
hohpih di hon chikhong hi. Hileh le paipah di chih ahi sese zomah lai,
kenle awle poilou chi'n tunitak March 21'st monday nitak in hoh di'n
kaki sata uhi. Nitak in kaki tawnkual vek ua, huchi'n zum leh zahtak
pipi in kava hoh ta uhi. Anu toh apa toh amah toh a nau te ana om ua,
chiamnuih khawng bawl in ana lim mahmah uhi.
Koule kava
lut ualeh ana siam mahmah mai ua, etmai inle innkuan kituak leh nuamsa
ahihlam uh haihvual ahi het kei. Ka lawmpa toh kithei ahih man uh amau
tegel couh apau zeel ua kei bel ka om khinkhian hi. Asakmel suak etlawm
tak mai, mi san hiuhiau leh ngousim, aduang hoih deuhmai, leh akizep ale
ki lawm mahmah, anuih chiang in a biang sum toh nalh kasa diak hi. Aguk
in ka lungsim ah kipah guk nakhat kanei mawk hi. Dak kal khat khawng ka
om nung un ka pai ta uhi. Lampi ah, lawmte kawtna khop ka pha, houpih
ngamlou hon chipawl toh, nang a di'n a pam maih lua hon chipawl toh, lum
in kalum vungvung uhi. . Avang kim a hoh zelzel kahih man uh aman le
kei hon thei khong hi. Nikhat bang ngaihtuah kha ka diam ah, ka zu dawn
na mun ah kha sim zaw kahi ngei di, phurphut in amau inn ah hoh din ka
paikhe kha mawk hi, kava lut leh, asungkuan in ana om ua, keileng paulou
phunlou in kava tu neunou hi, amel uah zaw kipah mel himhim alang kei, a
innsung ua zukham annkham a valut keicouh hipan himai thei ka hih man
in, amah bel Upa ta nu hi zawmah lai. Himah leh ami gitna adai tuankei,
tui khawng hon pia a, hoihdeuhdeuh in hon houpih thou hi. Keile sawt
tulou in ka pai pah hi. Hiai khawng azing a ka ngaihtuah chiang in hai
kaki sa mahmah mai hi.
A inn uah khamsa in ka hoh munsim,
khatvei bang ka luak ton aom a, himah leh, kamsia in khatmah inle hon
hou ngeikei uhi, kei couh peuh a hoh zeel kahih man in, ka suk buai hun
atam mahmah mai hi, alawm te lak ah suzahlak tun in le ka pan hun atam
mahmah mai. Nikhat kenle, zum leh zah khual lou in ka itna thu kagen hi,
amit hah khawng ah zaw hon deihlouh ki lang mah e, himah leh kam nem
tak in hon houpih a, tu leh tu a hithei lou ahih dan leh, maban a
Pathian in lem asak aleh, ki neih mohna omlou ahi, Pathian kiang ah thum
phot ni chi'n kamdam tak in hon kha khia hi. Ka ngaituah na ah chu,
Pathian akilang lian tel mai, a mangthei nawn kei hi, hiai ni a ka theih
khiat khat tuh, Toupa Pathian lou in ka deih ka ngah kei himhim di chih
ka theikhe ta hi, keile, lungdam tak in lohsam dimdem in innlam ka kik a
himah leh, ka lung ke tuan sam kei hi.. .
Nikhat
kikim te innlam ah ka pawt aleh, kikim in Uthang chi'n hon na sam a
kenle, lamdang sasim leh ginta khol lou kahih man in ka pai thouthou
,chih leh khatvei hon sam nawn a , kaki heiphei leh kikim ana hi a, bang
gen ut nei ade aw, bang thu om ade aw?? Kachi zozen hi. Huchi ka
ngaihtuah laitak in ka kianglam hon naih phei a, Uthang zingchiang nitak
apat ka biakinn uah Chialpi om di hong kikhawm teitei in aw?? Chi'n
ahon chial a, ka utlouh lam himah leh kikim in thil khatvei hon ngen
sunsun chi'n awle kim kong kikhawm di kachi a, huaizoh in aman, hon tawn
in aw iki ton di hon chi a kenle awle, chi'n zum pipi leh kisuanglah
kawm pipi in ka dawng hi. Ka hoh na peuhah a omdan amai tai dan, a
nuihmai khawng amang moh hialh hi. Kikhop chih tha hah pen ka ut pi pen
hikei mah leh Chialpi hun di ngak in ka ngaklah mawk ta , kikim toh
kikhawm khawm thei di ka hih ziak uh ahi ngei di. :). Akhen chiang bang
in kaki suanlah na alian lotel, kei ziak a maizumna tampi tuak di hia,
mi tampi'n gen siatloh di uh hi a, ka chh chiang in hohlouh mai khawng
utna kanei hi. Himah leh ka lungsim sungnung khat ah, hoh dia hon phu
khat om in in kathei a, huchi'n thupuk na tawp la in hoh di'n kaki sata
hi.
Anikhat na. ---- Chialpi pen dak 5pm di chih ahih man
in keile, nitaklam ann nek kuan in, ka sung te kiah, ka lawmte biakinn
ah chialpi na a hoh di kahi ka chih leh, avek un anui zozen ua, kipak uh
chih zaw ahoih vual kei, ka nu'n bang hon chibai hial hi. Lawmte kuamah
kiah le kagen sese kei a, kikim te innlam zuan in ka pai ta hi, ka
gintak bang ngei in ana kisazouta ngei ua, amau innkuan toh tukhawm di
hon chih ziak in ka nial ngam kei a, alai vual ah 3'rd line ah ka tu
khawm uhi. Lawmte toh ki hilou peuhmah ahih chiang in thu ngaih khiatna
di hun hoihtak ka ngah hi. Chialpi na a thugen tu ahih leh, Pastor Chin
kam ahi a, Pathian mi zat mahmah khat ahi. Mihing te hihna hon gen a,
Marka bung 5 na a dawimat mi Jesu toh aki tuah athu hon gentak in,
keipen kana kiphawk mahmah hi, kenle keimah deihtel thei nawnlou, zu in
hon bawl gentheih khat kahih na ah, dawimat pa toh ka dinmun kituak kasa
mahmah hi. Thugen hiam taktak leh manpha taktak te ka ngaih khiat khit
un,biakinn kai tawp in kikim in amau inn ah khawl tawldam zek dia hon
zawn ahih man in kei leng ki suanglah kawm pipi in kava pai hi. Singpi
khawng hon awm a, apa'n innkuan kikhopna hon neihpih zoh nung in
thumkhawm na toh, huchi'n nitak hun hon zatpih a, chihkmah a huchibang
hun zangkha ngeilou kahih man in nop sakna khat kanei hi.
Tu
nitak pen kei adia imut mohna ahi, kei suakta theilou hi'ng a,
bangchileh suak ta thei di ka de aw?? Chih kia ka lungsim ah lianpen ahi
ta... Huai ngaihtuah na toh zan chuh ka zangsuak ta hi.. . A ninih
ni. .. Tuni pen kei adia ni thupi pen ahichileng ka khial kei di, Pastor
pa thugen in ka lungtang hon vut dimdem ahita mai, kei mah khelh nopsak
ziak a suak ta theilou, Jesu vang a suahtak theih ahi chih hon gen a,
ka hih na tengteng puangkhia in Pathian mai ah kaki laan khe ta hi. Zum
leh zah leng khual thei kahi nawn kei, suahtak sak a om nana chu, kipah
na in ka dim tamai hi, Jesu ka hinkhua ah kala lut a ka kumi leh lalpe'n
di'n ka koih ta hi. Kikhop tawp in kikim pa'n kikhopna leh kipah thu
genna hon neihpih a, keiziak a khitui nul lou aom kei uhi, hon deihsak
na te uh kamu chiang in kaki pahna alian deuhdeuh ta mai hi. Kikim in
kipah huai e maw Uthang chi'n hon chibai a, nuching toh Pa pau inle hon
chibai uhi.Kipak tak in innlam kazuan a, inn katun in ka sung te kiah ka
hilh vek amau le hon kipah pih lua uh ahi dan hon hilh ua, kikhopna ka
neih a, thumna nei in tunitak chuh kipahna nitak in ka zang
uhi... Khelhna teng lakmang sak kahih tak ziak in lungdam tak leh lung
nuam deuh in ka zaal khun tung ah ka ihmu thei ta hi. . Ka lungsim ah
hong kilan lian mahmah khat om.. Vuvung.
Jesu
Chris a Pianthakna ka ngah nung in, kalung sung ah, vuvung in hon
laithon khak hong kilang dundun hi, ''Pathian in hon gawm keileh eigel
kuaman hon gawmlou ding hi.'' aw...vuvung kiang a genkal ka ngaklah tel
mai... Ka nitak thumna teng ah bang Pathian kiang ah vuvung aomna peuh a
kemding leh aitna toh omkhum din ka ngen gige hi. Vuvung tanchin thei
lo nawnlou kahih man in khatvei tuh a nu,( nu Lian) kiang ah va kan
khiak ding chih ka tup pi pen ahi nawn. Huchi'n nikhat ka lawmpa 'sang'
ka zawn a vuvng tungtang thu kan din ka kuan khe ta uhi. Sawtlou minute
25 di khawng kapai nung in ka tungthei ua, a inn uh kamuh in, kei tup
ana bang khol kei, chabi in ana ki khai a, kinemtak a vuvung tungtang
thei ta di kaki sak hang in , kei tup pen tangtung theilou ahita,
lamdang sakna bang ka nei hial. A innsak te kiang ah bang thu bang la om
hiam chih kan himhim chi in ka lawmpa Sang toh kaki thukim ua, a innsak
ua nupi khat kiang a ka kan ua leh, a omlouhna uh kha khat hita ahi
ahon chi a, ka ngaihtuahna adaang zou hial, ka bil bang asa vitvit maita
hi, hong kik nawn di uh hia? Chih khawng, koilak ah zin uh a chih
khawng ka dot khin un, shillong ah hoh ahih dan uleh, khanawn i.e. May a
hong pai di uh ahih dan hon hilh a. Kenle sawtna e maw chikawm in leh
kipahthu gen in ka pai khiatsan ta uhi. . Ahi a, ka lungsim ah zaw kikim
om nawnlou le ahi tuankei, amah nei din keizaw ka chin keilua chih kaki
thei khop mai, amah a hinkhua zatnasa te en le lah, nak hoihlua, ei
hinkhua hoihlou zang masa te toh damsung a hinkhawm di chih pen kaki sit
mahmah hi. Kikim ka zahtak na alian deuhdeuh mai.
Amah
zaw it in ngai mah ing, ka ngaih ziak leh ka it ziak mah in kei sang a
hoih zaw thamtham ka deihsak ziak in, khitui kai ngoihngoih in ama
theihlouh in ka lungtang ah kipahna tampi toh ka khakhe mai hi. Ka
damsung in ka mang ngilh nawn kei himhim ding. Kikim tungtang ka theih
pahlouh aom, aman kei a din tawplou in niteng in hon na thumsak gige
mawk hi, kikim thumna gah Pathian in dawng ahita kachi a, mi diktat te
leh Pathian lau te thumna zaw thil hih thei tak leh Pathian in dawng mah
ahi chih kamu chian mahmah a, amah toh ki theih khak, amah ka ngaihkhak
maimai bang ka hamphat loh petmah hi. Amah bang numei omleh bangzah ta
in khovel ahoih de aw chih kalung sim ah hong lang lian mahmah mai, kih
huai leh trop nemnom a ka om lai ale, kampau kilawmlou zangkha ngei
himhim lou, alawmte'n keiziak a achiamnuih ziak ua kei a lungkia le
hituan lou, kei pen Pathian itna mit a hon en thei numei pen kei adin
suang mantam sang in mantam zaw a, amin mang ngei nawnlou ding hi. Kikim
pen Pathian thu zak thoh maimai leh gen maimai te hilou a, azuih a zuih
thoh mi ahih ziak in ka zahtak mahmah hi.
----- Zingkal
khat news sim kawm a ka innkong ua ka tut leh, ka nau momoi in singpi
hon pia a kenle, nui hiuhiau kawm a kipak ka chih leh lamdang asa zozen
hi, chikmah a kipah thu genkha ngeilou kahih man in. Huchia ka tut
laitak in, kalawmpa 'sang' hong lut guih a, tunitak ciah vuvng teh hoh
theih ta di, zan a hongtung uh ahi hon chi a , kipaklua zaw kahi ngei
di, gen di bang ka theihlouh man in kana nuih san hiuhiau kha zozen
hi. A dak di khawng ka gen zoh un aman hon paisan nawn pah a, kenle, sun
in ka Pa nasep te ka huh a, nitak chiah vuvng toh kimu di ka chih
chiang in kilawpna in ka dim a ka nasep te bang nuam kasa zozen
hi. - Nitaklam ann kanek khit un, ka Nu kiang ah vuvung te inn ah hoh di
ka hih dan hoihtak in kagen a a huchi'n ka pawt khe ta hi.. Ka lawmpa
'sang' chouh toh ka hoh ua lawmdang te le ka hilh tuankei, hmm a inn
chuh ka tungta ngei ua, mi ana gamta leklek ka gal muh hi. Kenle, mi
atam luak khak di ka na lauh guk sim leh, kava lut tak un amau sung kuan
te leh a Pu te ana om ua, nuamtuam kasa mahmah hi. Ki muhlouhna sawt ta
kha 3 vingveng khawng ahih man in vuvung in hon muh tung in aki guih
zozen hi. Amh kamuh in leng nuam tuan kasa mahmah, amel pen hon hoihsot
ah a sisan te khawng hong suak in agamtat khohei na ah kikhek mahmah ahi
chih kamu chiang mahmah hi. . Mi toh om kahih man un deih bang inle
kaki houthei kei uhi, huchia nuamtak a kaki polh lim lai un, vung kana
paiphot di uh aw, nidang ciah kong hoh zeel na di uh ka chi ua, huchia
pai dia kaki sak uleh, uthang kelkong tan kon kha di chi in hon kha a,
zing chiang sun ciah hong pawt teitei in aw chi in hon ngen a, kenle,
hih di poimoh lua aom kei aleh kong hoh di vung, ka hih theih kei di
lehle kon thuzak bek di aw chi in, ki khelah kawm pipi in innlam zuan in
ka pai ta uhi. Ka lawmpa'n ka pianthak lam athei naikei, a himah leh ka
omdan atuam bel ahaih hetkei.. Amau toh ki pawl tam lo nawnlou leh mawk
pawt chih te chiing nawnlou kahih man in. Inn katun tak in, innkuan
kikhop na kanei ua, huchi'n thumna te nei in Pathian kepna toh nuamtak
in ka ihmu thei ta hi. Zing in bang hon suah pih ding hiam chih bel ka
thei het kei, kipah na hia?? Dahna?? ..
Tu
zingkal zaw, nidang toh aki bang het kei, a vot hiu hiau a, lung aleng
tel mai, ni zaw asuak ngei a himahleh khua aniim ziak in a vakna mihing
te adin a tan khe theikei hi.Bang chi ale tuni chi kawm pipi in ka thou
khia hi, tunia kaki muh na di pen uh, Pathian kiang ah ka lankhia a,
Toupa nang thuthu hihen chi in kei mahmah leng kaki lan khia hi......
Khua aniim sim ziak ahi ngei di, nasep lakloh lai in hng nongkai khaleh
chi'n ka pa'n ah sem dah ni tuni ahon chi a kenle, ka pawt nang toh lem
kasa geih hi.Zing ann ne mengmeng in kaki hahsiang a ka tawldam zoh in
ka nu kiang ah nu tusun vuvung te inn ah kava hoh di aw ka chi a, ka nu
phalna la in ka pawtkhe ta hi....Tusun pen vuvung amah couh ana om a,
gen nop atam toh lem kasa geih mahmah a, nisuk ahoih louh hang in
Pathian in kei di'n hun hoih hon pia chi'n kalungsim in Pathian kiah
kipahthu kagen hi.Vuvung in singpi khawng hon awm a, agamtat dan, aki
chei dan, amelsuak khawng ka et khiang in ka ngaihna akhang hulhul a ka
itna asang deuhdeuh hi.
Singpi dawn kawm in
houlim chuh kon panta ngei ua, aman hon gen masa hi..Uthang ka laithon
na mu na maw?? Ahon chi a hi mumah ing ei vung, ka chi a aman le
atanchin hon gensuk ngal hi.. Uthang mi vangse mahmah kahih a, tun zaw
mi vangpha mahmah ka hita, iki khen nung ka Pu teh ka om a, ka pu te ami
hoih mahmah ua Pathian theimi leh Pathian thu zuimi ahih ziak un ka
hamphat pih mahmah hi. Ka hinkhua haksatna te ka Pi toh kaki kum zeel
ua, aman Laisiangthou khawng hon simpih in hon thumsak zeel hi. Hon
thumsak na gahte uh khamasa in kalou ua, kipahna in ka dim ta, kei maw
Paingthak ta keive, ken ka hinkhua lui te zui nawnlou, Toupa Jesu adia
hingta chi'n kipak tak leh nuihmai hiuhiau in a sakmel etlawm tak mai
toh ka mit ah hon en kilkel a, akipah dan te khawng hon gen hi.Ka
ngaihtuah chiang in ka lungsung kipahna in adim a kisum ning chimah
leng, kamit te apan khitui nan zohlouh in hon phul khe mai hi.
Kenle
ka khitui nul kawm in, vung nak kipah huai e maw, keile khalui a
Chialpi na ah piangthak keive, ka chih leh amah le akipak lua zaw hingei
dia, akhitui hng tak khia hi, huchi'n a genzom thei zosam omlou ka
ngawngkawi top hi., a tawptawp in kenle, hichia om hoihkei chi'n kaki
pasal sak a, vung non laithon khak ah Pathian na gin na pen, tu'n
Pathian in hon suh pichin sakta, amah adin inih in hing tuak ni aw, ka
chi a aman le aw, chikawm in kaki thukim ta uhi..ka maban a hinkhua ka
zat touh sawm dawn uh khawng gen khawm in ka houlim tui mahmah uhi. Hun
zaw ana paitak ahi ngei dia, dak 3 bang hong gingta a kenle, Pai hun ta,
kikhe lah lele kana paiphot di aw vung chi'n ka inn lam uh ka zuan ta
hi.
------Hun zaw apai hat tak ahi. Theih louh kal in kum
nih bang hon pai liamta a, kenle ka laizil na ah ka graduate tei sam ta
hi.2008 february 16'th ni a kikim in Pasal nei di ahi chih zakha ahih
man in vuvung toh vahoh ni chi in ka thukim uhi, vuvung kiang ah bangkim
ka hilh khit vek ahih man in apoina aom kei, khut tawi liankei mah leh,
kipahpihna thilpiak kava pia uhi. Kikim pasal d pen Patian mi zat
mahmah khat ahi a, Sonlian tu lel a Youth for christ a Mission Director
sem lel ahi. Kenle kaki pah pih mahmah maii hi..Pathian in kei a di'n le
hun hon sehsak ta ngei a, May kha in RBI ah PO ka gelhching a, huchi'n
ka damsung a ka itpen leh ka ngaihpen vuvung toh October 25'th sianmang
dohtam tung ah tangtawn a khenlouh din Pastor mai ah tui bang gawm kahi
ta uhi.
----------Proverbs: 16.3. Ask the LORD to bless
your plans, and you will be successful in carrying them out.6. Be loyal
and faithful , and God will forgive your sin. Obey the LORD and nothing
evil will happen to you.
------N.B.1.
Hiai a min kizang tengteng ka lawmte a vek ahi.2. Na min non zatsak
ziak in ka kipak lawm aw.3. Sim tute Toupa'n hon vual zawl hen.--Pathian
in hinna hon piak laisiah a zekai lua aom kei. Bangkim Toupa kiang
thumn'n....Kakipak............................. ThangthangHaulai.
©SIAMSINNA LEH VAKIANGBU
Comments
Post a Comment