NIKHAT TEI
By~McMuan S Ngaihte
EI LEH EI KAR AH:
1) Na kiang ah mittui kai zoihzoih a ngaihdam ka hon nget bang in NIKHAT TEI kua hiam khat kiang ah na ngen ngei ding.
2) Hon paisan lou ding a na kiang ah ka thum ngoihngoih mah bang in NIKHAT TEI kua hiam khat kiang ah na thum ngei ding.
3) Na ITPEN na chaan di na lauh ziak a na dikna hi tawk lele ngaihdam na nget hun NIKHAT TEI a hong tung ngei ding.
4) Huchih hun in eive, midang ngaih I neih sang a, ei hon ngai a om, a MANPHAT dan na hon theih di.
5) Huchih hun chiang in eive, chidam hi tawk le chin le a sisa bang mai a hinkhua na hon zat touh di.
6) Na lungsim natna lah na gen khia siam kei dia, na maban ah lametna om teng hon daltu di natna bang mai a na hon vei sin.
7) Hunlui I noplai nite lah na khitui nul na lel a hong suak maimah dia, lah na samkik thei non sin kei ngal dia.
8) Lametna om het lou bang mah leh NIKHAT TEI lametna na hon nei dia, ken nang apat lametna ka neih lai mah bang in.
9)
Ka lawm leh vual te lak ah kipah sawm a maitai lou sasa ka nuih sek mah
bang in NIKHAT TEI nang le lungsim gim thuak kawm in nui peih lou sasa a
na nuih sawm teitei di.
10) Nitak ihmut theih louh, annkam limlou, chih te zaw hiai natna in a hon zuih sek mah ahi. Na thuak mai a ngai tlats..!!!
11)
Hat tak a thuak suah sawm teitei ding in nang leh nang na ki hehnem in na
ki khamuan dia. Huchi kawm kar ah na ITPEN mangngilh na hon sawm tei
dia.. Aw, a.thuak haksa lua na sa tei di maw..????
Ka hon
hehpih taktak ahi, nang itna dik leh siangthouna toh hon it tu in, NIKHAT
TEI hichi bang na hon tuah touh di ka ngai ngam.kei..!!!
©Siamsinna leh Vakiangbu
Comments
Post a Comment