PRIVATE INSTITUTION CHI'N MAWK KAIHKAWI KEI NI..!!

By ~K.Lianthansang@THansang Zomi 

Churachandpur District sung kia hilou,Manipur State sung pumpi i et leh, Govt. Institution te i theihsa ahi a, tua ahihman in, Private Institution in poimohna liantak nei in, Sinlai Naupante' Private institution a kinga a tam zaw ahi chi leng sau a kikhial kholkei ding hi. Govt. Institution te ginalou chih i thei a, gina kei lele ka kai thou di chi lele, a school mahmah leng a omlouhna om ahih a, a School omna mun khenkhat a lah, a semtu ding omlou chih bang hi thepthu zel hi. Siamsinna lah, azawng-ahau in leng a loutheilou dan a i koih hial uh ahi.Tua ziak mah in,Private Institution lam a i kihei teitei mai tuh, a lou heilou hong suak hi. Huchi hita mawk leh leng, Private Institution a thunei tute'n amau deih bangbang a Institution paidan leh a tuamtuam a ut leh dah a hon kaihkawi pen uh thil hithei mah ahi diam? Govt. Institution thulimlouh pansan a nei a, naupang kiningching a muh chiang ua, kal sang zaw suan kichi a paidan hon khek lamdang veu pen uh thildik hithei ding ahi diam??

Churachandpur sung kia et in leng, hichibang chiindan tamtak muhtheih di'n om hi. Naupangte maban ding khualna in Private institution i pankhia a(Govt. Institution te kingakna taaklou ahihcia), naupang neih leh lam a tuantual mahmah, Private Institution a kai zouloute khualna mah in Mission School leh Phattuam ngaihna ziak in siamsinna tuamtuam i pankhe nawn ua, himahleh, hiaite nangawn in leng  tuchiang in a objective uh leh a tup leh ngiim diktak uh mangngilh leh nelsiah a bang hialta uhi.

Bangziak a hiai chi thei mawk i hia? I nekzonna leh sum value a kikhek dungzui a kal suan di hizaw lou ding maw? I nek zonna (A diak a Tribal mite lak) in khanlam a manoh vak kei a, himahleh, School naupangte lam a senna in khanlam a hah manoh mahmah hi. Naupang i ngahzoh ziak leh institution in record a hoih neihziak lel a i mission leh goal te uh mangngilh leh kitheih mohbawl mai di maw? A diak in, Mission School tuamtuam te'n tulel a paidan i neih uh khenkhat kilawm hetlou leh mitsip huai tuntun om hi'n muhtheih hi. Mission school te a ding diak in,SIAMSINNA hinapi SUMSINNA bang lou deuh ding in hithei henla'n, phattuam ngaihna ziak a, institution dangte i phak kei hialtak leleng, i hihtheih tan a i mission i sepsuah a, naupangte salam leh khalam a i lamkhiat a, huaimah i pibawl a i pichin leh i mission zou i himai kei dia hia??

A dang khat ennawn le hang, State sung a Institution khat peuh in 'Right to Education' i bohsiatna khat omnawn hi. Huai tuh, School admission lam toh kisai in School admission test i ngait sese sek hi. Institution khat apan adang zuan i hih ua,Transfer cartifcate leh marksheet hon puaksuah theih nak uleh hun mai hilou hiam? Hiai toh kisai in New Delhi leng ana buai mahmah a, Supreme Court tan hial ana tun uhi.Tuabang mah in Manipur State Advisory Board in Right to Education in, tua academic session pailel (2013-2014) a kipan school chih in Admission test neithei nawnlou ding in thupukna hon bawl ua, eilam ah bang tan phattuamna hon tun diam??

A tung a i gen pen Sepsuah leh etkai a hong hoh leh, a selam sang in hoihna lam liantak nei ding in i gingta hi. A ziak ahihleh, School a naupangte'n admission a bawl dek chiang un, siamsin dia kisapan ahi ua, a siamsa bel hilou uhi , chih theih ding ahi. Huai ziak in, i kisaktheih pih mahmah uh, CDSU(CHURACHANDPUR DISTRICT STUDENT UNION) te'n pan hon la thei le uh deih huai hina maizen e maw??

1001 ---Kakipak---2014

©Siamsinna leh Vakiangbu

Comments

Post a Comment

Popular posts from this blog

PATHAWI HIMAHLENG!!

~Kattie Mawite Ka ngaihnou ka ngaisang top. Ka dinmun uh kikheng hileh ama lungsim bang ka put zoh ka gingta kei. Iitna tak toh hon iit hi in kathei a, kenleng ka it petmah. Keilam apan ngiat a hon neikei a, apasal ka hihtheihna din CONDITION bangmah hon bawlsak kei. Tulai in hihna kibang(homosexual) kingai tampi om mahleh, kei ngaihnou bel NUMEI ahi. A hon itna thupi kasa. Ka phulouh iitna tang hi in ka kithei a, ka kipak petmah. Himahleh alangkhat ah ka kisuanglah zel. Ka kingaihsiat theihna di leh ka lungsim hon kam gegu di kampau chikmah in hon zatkhum ngeikei a, milak ah leng a hon zahpih kei. Kei ziaka nuam asaklouhni leng atam din ka gingta. Himahleh kei kianga a om chiangin maitai tak in hon houpih a, huai in a ngaihhuaina nakpi in a behlap hi. Ka ngaihnoute bel innkuan nuamsa ahi uh. Apa Evangelist teacher pension ahi a, a upa'n leng apa sulnung zui in Evangelist teacher mah a sem hi. Amah tuh college kailai ahi a, anau pasal nihte bel high school kailai ahi
Read more

PALLAI NITE

~Lian Khuptong Alamdang Pathian Itna' 'khovel nopsakna leh gentheihna tepanin Tuun sungkhatpan mimbang ka hong khangkhia hi. Deihthoh takmai leh iitakmai'n keple huihmut dingnah tomphallou in ka omhi. Kep leh etkolna nuaia kasenchiil panin kapiching dong in, duattak leh deihthoh takin kep kana hi. Sianhuaina toh hucihin ka hongkhang lianzela khovel tak palding in kongkisa ta hi. Mite kitaiteh nalak ah ka taisam hi. Hinkhua gintaksa anaa nuamchiam kei alai hawlpawl in lakloh takin ka omhi. Pallai amm'n nuamleen tuh ka hinkhua aka nopsak ahih hi. Maban etna'n kalsuan touzelin ahak-anuam phutkhak dandan in kahong phuh hi. Huaihang in hinkhua zatdan ka etchiang in lungkhamna leh mangbatna ten nisim'n hongtuam tawntung hi. Ahakdan pengen siamvual ahih keihial hi.  Huchitazong in taikhua tuh hongvak zelsam a lametna thak honguan zel hi. Naa khatpeuh zoh kuhkalna leh thuakhaatna lou toh pangtakpi mah ngai hi. Khovel zoh omvengvung kitaiteh nalah
Read more

NATNA LAUHUAI COVID APAN PIANTHAKNA

 By  ~ Paumuanlal Guite BaBs Chikmah a zak ngeilouh, lungsim tawng a leng gelphak ngeilouh COVID 19 in khovel pumpi hong sawiliing ta hi. It leh ngaihte toh tui leh nga bang bualkhawmna, a sakminthang Lamka khopi leng natna in hong hawi tuankei. Niteng in a vei a pung hulhul chih kuapeuh in thei, himahleh gamsung vaihawm solkalte’n hiai natna apan i suahtak theihna ding ua hon thupiak uh Policete mat utlouhna ziak lel in i zui hamham chiat uhi. Huai bangle Policete galmuh chiang khawng a zui hamhamte i hilai uhi. A tamzawte bang in a omna mun uh i pel chetchet zomah uh, lamka chihmah a ka tuamtuam tam i theitel ua. Siamsinna innte, nasepna buuk tuamtuamte kikhak zungzung a, i biakna munte tan leng kikhak hial in inn a kuapeuh kikhum chiat ding i chih lai un kholai a hih ding poimoh nei a pungdiak a bang maimah hi. I natna minthang ziak ua mual honna liamsan niteng in zak ahigige mai. It tak in a luangbul ah kap zoizoi ut mahlehang mangmat phak ahinawnkei, silhpuan piandang toh kithua
Read more