SUANLAM ABEI CHIANG IN

By ~Vz Vualnam

Itna a omleh, endih,
Lemlouhna himhim a-om louhdan!
Itna in a sawlleh, en dih,
Bangmah himhim in adaal louhdan!
Pau leh haam in adaal louhdan,
Pianna sisan in adaal louhdan,
Gamlaat leh nai in adaal louhdan,
Meel leh puam in adaal louhdan,
Zawnna leh ngauna in adaal louhdan,
Zu leh sa in adaal louhdan,
Itna in aphuutleh, en dih,
Bangmah himhim in ananzoh louhdan!
Itna a omke’h, en dih,
A lemtheih himhim louhdan!
Itna in a sawmke’h,en dih,
Bangmah himhim aphattuam louhdan!
Kuhkalna aphattuam louhdan,
Thuumna aphattuam louhdan,
Khitui aphattuam louhdan,
Sum leh pai aphattuam louhdan,
Dinmun etlahhuai aphatuam louhdan,
Hoihna-phatna aphattuam louhdan,
Itna in a teelkei leh, en dih,
Bangmah himhim in azol zohlohdan!
Huchia ka it in na hon it samlouh ziak a,
Kei a na hih ding a lemtheih ngeilouh a,
Hiai in ahon daal a, huai in ahon daal a,
Khat khit khat suanlam na topzel lai in,
Ka hon it ngeingei in ka hon it a,
Khang deuhdeuh zomah abang hi.
Huchia suanlam tengteng na zatbei nung a,
Suanlam ding na neih nawnlouh chiang in leng,
Ka hon itna a beikei lai ding hi.
Itna lah hun nangawn in leng a daaisak zou ngalkei a!
Huchia suanlam ding na neih nawnlouh chiang in,
Aw ka it, na hon itta ding adiam?


©Siamsinna leh Vakiangbu