ZUAU HON HILH IN
By~Vz Vualnam
Na hon itlouhna a nite aliamzel toh kiton in,
Na hon itna ni ding ka naih hiaihiai hi.
Itna dik i chih mite’n ahon deihlouh lai ua,
Khamuang tak a hinkhua a zattheihna ding ua,
A hinkhua ua pan kikhepkhiat ahihleh,
Aw ka it, itna dik in ka hon itkei himai heh.
Itna i chih lam-etna omlouhlai a leng lam-en teitei a,
Naupang bangmai a ngen nguutnguut a,
Nuse ngeilou a, taisan ngeilou a, tawpsan ngeilou a,
A zaak utlouh lai ua leng houpih teitei a,
A hon muh utlouhlai ua leng va kilaak teitei ahihleh,
Aw ka it, ka hon it peetpeet hi.
Na hinkhua ah lungngaihna ka hon tun ding,
Ka gitlouhna in hilou in, ka itna ngei in.
Aw ka it, ka khanmuanna, ka tawldamna,
Hon dawng inla, na lungtang kongkhak hon hon in.
Na kiang ah hon la inla, nang a in hon bawl in.
Na lungtang kongkhaak hon kiuh lah ka tawpkei dia,
Kei dia hon ahih mateng ka kiu nilouh ding.
Khuadam taleh, ka thuak ding,
Khuase taleh, ka thuak ding,
Khualum taleh, ka tolhkei ding,
Na lungtang kongkhak bul ah ka ding nilouh ding a,
Tomchik mahmah leng ka vaakkhe keihial ding.
Ka it, zahngai inla, kong hon honta in.
‘Ka it na hi,’ hon chithuk inla, na anglum ah hon pom in.
Na lungtang in huai achihtheihkei leh,
Na muk in hon huau inla, hon khem mai in!
‘Ka itpen na hi,’ chi’n zuau hon hilh in.
Thutak ziak a ka hinna in ahon mansak sang in,
Zuau a ka hinna in ahon neih ka telzaw hi!
Aw ka it, nang adia huai bang thilhih
Haksa lawtel ding adiam? Kihtakhuai law ding adiam?
Khatveitei na hon deihlouhna sante ngaidam in,
Kei hon it na sinthei khamoh ding hiam?
Ka hoihna leh chitna ziak a hon it hilou in,
Hon it ding na teelzawk ziak in, na sin ziak in.
Huai leng nang adia hitheilou ding ahihleh,
Ka damsung teng hon khem nilouh inla,
Na anglum a khamuangtak a ka sih chiang in,
Ka luang puandum a kituam dildel kiang ah,
‘Na damsung teng honna khem nilouh ka kei hiam,
Chiklai mah in ka honna it hetkei,
Ka anglum a lungmuangtak a na ihmutlai in leng,
Ka lungtang ah mun himhim na neikei.’
Chi in thutak na hilh na ding!
Tu in bang ka hih dia, aw ka it?
Nidang a ka hon itna tengteng sang a
Lianzaw in ka hon it seemseem ding hi.
Huchia nikhattei ka hon itna kuhkal in a gin-om ziak a,
Kipahman amuh ni ahong tun ding lam-en tak in!
©Siamsinna leh Vakiangbu
Na hon itlouhna a nite aliamzel toh kiton in,
Na hon itna ni ding ka naih hiaihiai hi.
Itna dik i chih mite’n ahon deihlouh lai ua,
Khamuang tak a hinkhua a zattheihna ding ua,
A hinkhua ua pan kikhepkhiat ahihleh,
Aw ka it, itna dik in ka hon itkei himai heh.
Itna i chih lam-etna omlouhlai a leng lam-en teitei a,
Naupang bangmai a ngen nguutnguut a,
Nuse ngeilou a, taisan ngeilou a, tawpsan ngeilou a,
A zaak utlouh lai ua leng houpih teitei a,
A hon muh utlouhlai ua leng va kilaak teitei ahihleh,
Aw ka it, ka hon it peetpeet hi.
Na hinkhua ah lungngaihna ka hon tun ding,
Ka gitlouhna in hilou in, ka itna ngei in.
Aw ka it, ka khanmuanna, ka tawldamna,
Hon dawng inla, na lungtang kongkhak hon hon in.
Na kiang ah hon la inla, nang a in hon bawl in.
Na lungtang kongkhaak hon kiuh lah ka tawpkei dia,
Kei dia hon ahih mateng ka kiu nilouh ding.
Khuadam taleh, ka thuak ding,
Khuase taleh, ka thuak ding,
Khualum taleh, ka tolhkei ding,
Na lungtang kongkhak bul ah ka ding nilouh ding a,
Tomchik mahmah leng ka vaakkhe keihial ding.
Ka it, zahngai inla, kong hon honta in.
‘Ka it na hi,’ hon chithuk inla, na anglum ah hon pom in.
Na lungtang in huai achihtheihkei leh,
Na muk in hon huau inla, hon khem mai in!
‘Ka itpen na hi,’ chi’n zuau hon hilh in.
Thutak ziak a ka hinna in ahon mansak sang in,
Zuau a ka hinna in ahon neih ka telzaw hi!
Aw ka it, nang adia huai bang thilhih
Haksa lawtel ding adiam? Kihtakhuai law ding adiam?
Khatveitei na hon deihlouhna sante ngaidam in,
Kei hon it na sinthei khamoh ding hiam?
Ka hoihna leh chitna ziak a hon it hilou in,
Hon it ding na teelzawk ziak in, na sin ziak in.
Huai leng nang adia hitheilou ding ahihleh,
Ka damsung teng hon khem nilouh inla,
Na anglum a khamuangtak a ka sih chiang in,
Ka luang puandum a kituam dildel kiang ah,
‘Na damsung teng honna khem nilouh ka kei hiam,
Chiklai mah in ka honna it hetkei,
Ka anglum a lungmuangtak a na ihmutlai in leng,
Ka lungtang ah mun himhim na neikei.’
Chi in thutak na hilh na ding!
Tu in bang ka hih dia, aw ka it?
Nidang a ka hon itna tengteng sang a
Lianzaw in ka hon it seemseem ding hi.
Huchia nikhattei ka hon itna kuhkal in a gin-om ziak a,
Kipahman amuh ni ahong tun ding lam-en tak in!
©Siamsinna leh Vakiangbu
Comments
Post a Comment