SUM NEN OMLOUH ZIAK IN 'CHIKHUM':

By ~K.Lianthansang @ K Thansang Zomi

 May 31, 2013; Dak.11:36pm ( IST ) ni'n LPG GAS la in ka va kuan a, ngeinadan zui in mi nung ah ka va ki vual (line) tei hi. Sum neen omlou ahi ngei diing a, 'Chikhum' khawng ana leh zel uhi. Kei hun hong tung tak a Rs.500 note kapiak leh 'Sum nen omlou, va zong inlan Rs.424 hon tawi o' chih hita mai, mi theih ngei kuamah kaneihlouh ziak in akiang a dawr te’n le sum nen ana ana neikei uh  . Ken le Dawr dang khat ah ka poimoh khat ka va lei a, huai ah le sumnen omlou ahi ngei dia 'CHIKHUM' hon na pe dekzel ua, 'A nen deih ka hi' ka ch leh hong heh dek mawk, anen hon pethak fatfat a kisuanlah huai chih di adiam, hehtha suah huai chih zawk di adiam, huchia omkawm in GAS chu ka va lathei hamham ve.Hiai hun in ka lungsim ah Nidanglai a te hinkhua, 'HISTORY' khawng a i na simsimte hong kilang dundun mai ahih chu!!

Nidanglai pekpek a SUM (Currency) a om ma in, van kileituah leh kizuaktuahna ah van leh van ana kikhengtuah (Barter System) uhi.Himahleh 'sum' bawlkhiat ahih nung in huchi bang a kikhentuah cih om nawn talou in, van i deih leh sum in kilei a, sum i deih leh sum muhtheihna ding kibawl hi. Sum a poimoh dan gentam ngailou a i theih chiatsa ahi. Naupang khawthei nailou na-ngawn in hilhse ngailou a apoimohdan a theih uh ahi. A bawlte leng siam ngial uh ahi ding a, a 'value' theinailou naupangte natawm in deih dan uh ahi.

Sum a poimoh phet hilou in, thil poimoh kileituahna ah sumnen tuamtuam a poimoh nawn hi. Himahleh Manipur ah 'Sumnen' puktaw dekdek in i om ua, dawr leh office khat peuh a sum i zat leh, sumnen omlouh ziak in 'Chikhum, chewing gum' peuh piak in i om ua, sumnen neilou a passenger gari tuan mahmah buaihuai petmah mai hi. Barter System hunlai a kiknawn dekdek i hih khak ding uh a lauhuai mahmah mai….!!

Manipur bang zen a sumnen kitasam state dang om din gintak huailou zozen hi. “State dang ah Sumnei mi tampi a om ziak ua sumnen tam ahi” khenkhat in a chi maithei, himahleh, hiaipen dik khinlou hi. Bank in sumnen pekhe nawnkei mawk leh a tamtuan diam? Tam tuanlou ding.Tua ziak in, sumnen a kitaksap louhna ding in a Bank ten tam pipi hawmkhe maile uh hoih mai ding hi. A diktak a gen in, Business leh laizilna a zat din state pua ah Rs.5/10 leh sumsik ngenngen kithonkhe ngeilou a, a note liandeuhte kia kithonkhe tangpi hi.Tua ziak in sumnen a kidaihkei leh a hon supply tu a thulim kei chihna hi peuhmah hi.

India sorkal in 'Power omlou, Bandh om, semtu kidaihlou' chihte leh paulam dangdangte zang a, abawllouh theih hi mawklou hi. A hawmkhiakna lam ah RBI in makai a, public sector bank khenkhat tungtawn in sum hawmkhia uhi. Himahleh bangziak a Manipur a sumnen hichi lawmlawm a vang ahi ding? Manipur a sumnen kihawm nawnlou maimah ahi diam??

Manipur a Sumnen tuamtuam hawmkhe zel a mohpua ” 'UBI & SBI' in State dang apat Manipur a Sumnen leh sumsik puaklutna ding a sum tam pipi a sen ziak a hon pawlut nawnlou ahi “ chih Imphal pansan newspaper khat in ana gen ngeita hi. Hiai dik ahihleh 'Bank te'n mipite hon khual kei na maizen uh e' chih kan gentheih omlou hi. Ei District(CCPur) ah leng sumnen leh sumsik kidaihlouh gige ziak in CDSU te'n Nikumlam in UBI ah ngetna ana thehlut ngeita uhi. Huchi bang a panlak ahihnung in leng sumnen om tuanlou a, Rs.5/10 note teng luithei law mahmah ua, hehpih huai zozen uhi.

‘A thakhengtu di India sorkal in bawl nawnlou hial ahihkei leh SBI & UBI in hon hawmkhe mahmah leh a ke’ chih mipite' ngaihdan hi maimah ding hi. Hichi bang a I economy uh paitou zel thei ding a diam? Dawr i kai a 'Sumnen omlou Chikhum la mai in' chih hideuh gige. Tua ziak in, 'Barter System' ah kiknawn ni chi i hihkei vanglak leh Work More kawm a THUNEI le i tam ve ua le pan hon la ve ua??
                                             1304-KAKIPAK-2013

©Siamsinna leh Vakiangbu

Comments

Post a Comment

Popular posts from this blog

PATHAWI HIMAHLENG!!

~Kattie Mawite Ka ngaihnou ka ngaisang top. Ka dinmun uh kikheng hileh ama lungsim bang ka put zoh ka gingta kei. Iitna tak toh hon iit hi in kathei a, kenleng ka it petmah. Keilam apan ngiat a hon neikei a, apasal ka hihtheihna din CONDITION bangmah hon bawlsak kei. Tulai in hihna kibang(homosexual) kingai tampi om mahleh, kei ngaihnou bel NUMEI ahi. A hon itna thupi kasa. Ka phulouh iitna tang hi in ka kithei a, ka kipak petmah. Himahleh alangkhat ah ka kisuanglah zel. Ka kingaihsiat theihna di leh ka lungsim hon kam gegu di kampau chikmah in hon zatkhum ngeikei a, milak ah leng a hon zahpih kei. Kei ziaka nuam asaklouhni leng atam din ka gingta. Himahleh kei kianga a om chiangin maitai tak in hon houpih a, huai in a ngaihhuaina nakpi in a behlap hi. Ka ngaihnoute bel innkuan nuamsa ahi uh. Apa Evangelist teacher pension ahi a, a upa'n leng apa sulnung zui in Evangelist teacher mah a sem hi. Amah tuh college kailai ahi a, anau pasal nihte bel high school kailai ahi
Read more

PALLAI NITE

~Lian Khuptong Alamdang Pathian Itna' 'khovel nopsakna leh gentheihna tepanin Tuun sungkhatpan mimbang ka hong khangkhia hi. Deihthoh takmai leh iitakmai'n keple huihmut dingnah tomphallou in ka omhi. Kep leh etkolna nuaia kasenchiil panin kapiching dong in, duattak leh deihthoh takin kep kana hi. Sianhuaina toh hucihin ka hongkhang lianzela khovel tak palding in kongkisa ta hi. Mite kitaiteh nalak ah ka taisam hi. Hinkhua gintaksa anaa nuamchiam kei alai hawlpawl in lakloh takin ka omhi. Pallai amm'n nuamleen tuh ka hinkhua aka nopsak ahih hi. Maban etna'n kalsuan touzelin ahak-anuam phutkhak dandan in kahong phuh hi. Huaihang in hinkhua zatdan ka etchiang in lungkhamna leh mangbatna ten nisim'n hongtuam tawntung hi. Ahakdan pengen siamvual ahih keihial hi.  Huchitazong in taikhua tuh hongvak zelsam a lametna thak honguan zel hi. Naa khatpeuh zoh kuhkalna leh thuakhaatna lou toh pangtakpi mah ngai hi. Khovel zoh omvengvung kitaiteh nalah
Read more

NATNA LAUHUAI COVID APAN PIANTHAKNA

 By  ~ Paumuanlal Guite BaBs Chikmah a zak ngeilouh, lungsim tawng a leng gelphak ngeilouh COVID 19 in khovel pumpi hong sawiliing ta hi. It leh ngaihte toh tui leh nga bang bualkhawmna, a sakminthang Lamka khopi leng natna in hong hawi tuankei. Niteng in a vei a pung hulhul chih kuapeuh in thei, himahleh gamsung vaihawm solkalte’n hiai natna apan i suahtak theihna ding ua hon thupiak uh Policete mat utlouhna ziak lel in i zui hamham chiat uhi. Huai bangle Policete galmuh chiang khawng a zui hamhamte i hilai uhi. A tamzawte bang in a omna mun uh i pel chetchet zomah uh, lamka chihmah a ka tuamtuam tam i theitel ua. Siamsinna innte, nasepna buuk tuamtuamte kikhak zungzung a, i biakna munte tan leng kikhak hial in inn a kuapeuh kikhum chiat ding i chih lai un kholai a hih ding poimoh nei a pungdiak a bang maimah hi. I natna minthang ziak ua mual honna liamsan niteng in zak ahigige mai. It tak in a luangbul ah kap zoizoi ut mahlehang mangmat phak ahinawnkei, silhpuan piandang toh kithua
Read more