'VIP SICKNESS' NA NEI KHA HIA??

By ~K.Lianthansang@K Thansang Zomi

Mi pichingte a let deuhdeuh chiang un kingainiam deuhdeuh uhi. Greek Philosopher minthang Socrates in ''Ka theih tam deuhdeuh leh, ka thei tawm deuhdeuh'' chi hi. Ka pil deuhdeuh leh, ka theihlouh tampi ahihdan ka phwksuah deuhdeuh chihna ahi. Mihaite bel alet deuhdeuh ciang un, kiliansak semsem ua, atawp chiang in a dinmun ua pan Lucifer bang in sawnkhiat ngai maimah uhi. Mipil deuh leh theihna haudeuhte thugen akhum hi.

Mihai, mimawl, pilna-siamna lam gen di om vaklou khat 'ahauhsak' ziak a dinmun sangdeuh luah a hong om ciang in hong kipilsak a, hong kiliansak zomah bangzaw thuakhak thou ahi. Tuabang mite' omdan-khoheidan mitsip huai tuntun, kampau leh thil khat peuhpeuh (event) toh kisai a ngaihdan a neihte uh hon genkhe zangzang bang uh zaw 'mihai le a daih maimai leh mipil bang a chiamteh ahi' chih lungsim ah hong suak mai hi. Tuni'n i gam ah hichibang mihing kipumdimta ahihman in, NAMLIAN i hi naikei chih etsakna ahi.

Khovel a gam lianpen khat Britain a PM, David Cameron in nikumlam (2012) in Plymouth a Armed Forces Day zatna uap dia kuan lampi nawl a, hotel khat a Coffee dawn dia lut in Coffee a nget leh ''First come, First serve'' ana chih khum uhi. Ama a midang tampi le coffee ngak a om ahihman un Minute 10 lambang ngak hi. Huchih tak in a lawmte'n Hotel dang a kipan Coffee vala a, adawnsak u leh a dawr ngak, nungak nou in Va taihilh kichi hi. Hiai thiltung ei gam a tung himaizen leh atung ua thiltung ding gentam ngailou a theihsa!! Vangphat huaitak in eilamte lampinawl khawng ah singpi dawn ding in a khawl nuamkei ding uh, 'amau adin tualniam lua' abat ziak in.

Mikangte 'thupitna mahmah khat chu, zuau mawk gengen lou ua, a kichiamna uh bohzui ua, ahih khelh uleh ka hih khial chi ua, ngaihdam ngen uhi. A politiciante' uleng minsiatna a tuah uleh kitawp uhi. India hi'n eilak hileh minsiatziak a kitawp 'kahase'. A tawp a thagum a nohsuah ngai zozen leh zuau gen a, Mahni seplouhna a 'credit' laksawm zomah. Zuaugen khawk salou leh zuau gen a kivak sawm (a kivaak le tampi omta) minam i na hi uhi.

Eilawi in 'Suak Lungput (Slave Mentality)' leh 'Vuallel Lungput (Vanquish Mentality)' kipai theilou a, milian leh thupi zekte, biakin i biak thoh zezen ua (zahtak ding mah zaw hi uh), amau sukkipahna ding ahih phot leh PATHIAN leh Diktatna taisan zual khawk salou i bang uhi. A tangpi in mithupi khat i hong hih chiang un nidang a singtang a nek i zon khawmpihte bang thei nawnlou..? Guard leh semtu bang hau zozen, hauhziak a pil ding bang kisa.

A mipite'n leng Miliante' i bawldan leh etdan uh dik khinlou hi. Mi khat milian asuah chiang a, na a seplouh ding (khut nasep silbawl lam gen i hi), khe a kholak a vaklouh ding. MLA i hih leh gari 2-3 bang neih ding, tanau-laina teng kiang a kaam guan ding, kumpi inn bang a inn lam khiat ding cih khawng eilawi in ngaihdan kinei mawk hi. Huchite leng kipahpih tuanlou 'Kiliansak, Nekguk hat, Nasemlou' cih loh thouthou. Milian kingainiam in 'simple' deuh in khosa nuam leleng gen siasia ding te i hi uhi. Huaiziak in, Mipi-te hi’n makai te hileh I omdan uh tal-sawn zen in kingaihtuah ni…!!
                                                      
2511—KAKIPAK-2013
©Siamsinna leh Vakiangbu

Comments

Post a Comment

Popular posts from this blog

PATHAWI HIMAHLENG!!

~Kattie Mawite Ka ngaihnou ka ngaisang top. Ka dinmun uh kikheng hileh ama lungsim bang ka put zoh ka gingta kei. Iitna tak toh hon iit hi in kathei a, kenleng ka it petmah. Keilam apan ngiat a hon neikei a, apasal ka hihtheihna din CONDITION bangmah hon bawlsak kei. Tulai in hihna kibang(homosexual) kingai tampi om mahleh, kei ngaihnou bel NUMEI ahi. A hon itna thupi kasa. Ka phulouh iitna tang hi in ka kithei a, ka kipak petmah. Himahleh alangkhat ah ka kisuanglah zel. Ka kingaihsiat theihna di leh ka lungsim hon kam gegu di kampau chikmah in hon zatkhum ngeikei a, milak ah leng a hon zahpih kei. Kei ziaka nuam asaklouhni leng atam din ka gingta. Himahleh kei kianga a om chiangin maitai tak in hon houpih a, huai in a ngaihhuaina nakpi in a behlap hi. Ka ngaihnoute bel innkuan nuamsa ahi uh. Apa Evangelist teacher pension ahi a, a upa'n leng apa sulnung zui in Evangelist teacher mah a sem hi. Amah tuh college kailai ahi a, anau pasal nihte bel high school kailai ahi
Read more

PALLAI NITE

~Lian Khuptong Alamdang Pathian Itna' 'khovel nopsakna leh gentheihna tepanin Tuun sungkhatpan mimbang ka hong khangkhia hi. Deihthoh takmai leh iitakmai'n keple huihmut dingnah tomphallou in ka omhi. Kep leh etkolna nuaia kasenchiil panin kapiching dong in, duattak leh deihthoh takin kep kana hi. Sianhuaina toh hucihin ka hongkhang lianzela khovel tak palding in kongkisa ta hi. Mite kitaiteh nalak ah ka taisam hi. Hinkhua gintaksa anaa nuamchiam kei alai hawlpawl in lakloh takin ka omhi. Pallai amm'n nuamleen tuh ka hinkhua aka nopsak ahih hi. Maban etna'n kalsuan touzelin ahak-anuam phutkhak dandan in kahong phuh hi. Huaihang in hinkhua zatdan ka etchiang in lungkhamna leh mangbatna ten nisim'n hongtuam tawntung hi. Ahakdan pengen siamvual ahih keihial hi.  Huchitazong in taikhua tuh hongvak zelsam a lametna thak honguan zel hi. Naa khatpeuh zoh kuhkalna leh thuakhaatna lou toh pangtakpi mah ngai hi. Khovel zoh omvengvung kitaiteh nalah
Read more

NATNA LAUHUAI COVID APAN PIANTHAKNA

 By  ~ Paumuanlal Guite BaBs Chikmah a zak ngeilouh, lungsim tawng a leng gelphak ngeilouh COVID 19 in khovel pumpi hong sawiliing ta hi. It leh ngaihte toh tui leh nga bang bualkhawmna, a sakminthang Lamka khopi leng natna in hong hawi tuankei. Niteng in a vei a pung hulhul chih kuapeuh in thei, himahleh gamsung vaihawm solkalte’n hiai natna apan i suahtak theihna ding ua hon thupiak uh Policete mat utlouhna ziak lel in i zui hamham chiat uhi. Huai bangle Policete galmuh chiang khawng a zui hamhamte i hilai uhi. A tamzawte bang in a omna mun uh i pel chetchet zomah uh, lamka chihmah a ka tuamtuam tam i theitel ua. Siamsinna innte, nasepna buuk tuamtuamte kikhak zungzung a, i biakna munte tan leng kikhak hial in inn a kuapeuh kikhum chiat ding i chih lai un kholai a hih ding poimoh nei a pungdiak a bang maimah hi. I natna minthang ziak ua mual honna liamsan niteng in zak ahigige mai. It tak in a luangbul ah kap zoizoi ut mahlehang mangmat phak ahinawnkei, silhpuan piandang toh kithua
Read more