CHRISTMAS SPECIAL
By ~ Biak Sang Valte "Zaankhua dai, zaankhua siang" chih la ngai hiauhiau kawm in ka lawmpa lupna tung a lum ka en a, nidang a Christmas tung dek chiang a ka omdan te khawng uh ka ngaihtuah a ka lung a leng mahmah mai hi. Pawt khia san mai ut mah leng ka lampa ka heh pih jel hi.Huchia sawt lou kaki ngaihtuah lai in ka lampa nu le pa a Hong lut ua Kenleng hun lem tang sa in ka Pawt khia san ta hi.Ka Inn uah ka pai a nitak Ann ka nek zoh in ka lawmdangte carol pai zui in ka va ki hel tei ta hi. Ka lampa ahihleh mi hausatak tapa ahi a,a neu a pan lungkhamna kichi himhim Neilou mihing ahi.A huchih jiakmah ahi ding a thil hoih sang in hoihlou lam ah ana ki buai zaw hi.Apa summuhna ahoihlouh lam a theihpih kei.U nau mi thum ahi ua,kham theih hih in mantheih dI a om kei u hi .A nu le pa lah ki tuak lou a innsung uh chu a nuam chi na ding a omkei.Ka lungsim in"thilhoih na deih leh thil hoih hih in "chih paunak khong peuh a om mawkmawk hi.A ziak bel apa'n s