LUNGTUP NGAIHNOU

By ~ Mwng Howxel

Nitak lam anne khin ki huihtheu kawm in ka hostel kongtual uah buk neu khat sung a guitar tum in zaila ka awih lai tak un lianu melpan dildel,etlawm tak mai chu khekol sandaang hieuhiau toh hong ki sawi suk ka muh in ka lungsim ala tel mai,lawmte tua lianu hong pai na theikha uh hya?chi in theih ud na in ka pum dim ta hi.huai nitak in ka lungsim lehkha chu tua lianu ahi pen mai h.

Summer meet last day nitak program ah tel di'n ka ki thoi khia uhi,jum leh sailee a kua mah si lou chih hi ven,tua liannu kiang lam ka juan phei ta uhi,ko va tu chat ua,na min bg e lawm?ka chih le ngaihii hon chi hi.lawmpa toh ki mitsai in ka pawtkheta hi,lungsim chu agim khop mai,dawnna mumal awm kei mah leh ki nep na chu awm hi,lawmpa la hah pan thei mah2 mai.hun sawt sim bang pai ta ahih man in kisuanlah jiak in ka dai deuh hi.

Ni taklam ann nek kuan in lawmpa nuih mai tak in ka kiang lam hon juan a,koi e iki chibai hon chi mawk tuh lamdang bang sak hial in awm h,ka khut ka piak leh sum chih dia lah sah deuh,lehkha khat hon pia a,na hoih sak nu apan ahi hon chi chu sim kal angak lah huai khop mai,ann le ne hoih thei lou jojen in,ka annkam toh ka tai pot a dailen buk lam ka juan ta hi,kon phel a kon sim pan ta hi

Itt luat usuan,

Iit tu bei kei bang lel tak non iit hampha kaki sa lua,kei bang lel tak mi inn a awm mai2,maban nei lou leh kinep na di nei lou,mellehpuam ale etlah huai lou pen non iit a kei din seelvual louh iit na phukei mah leng nau bang kon saang ta chih kon hilh nuam pen leh ka ngak lah pen ahi,

Gen khelh gen val awm le na ngaih dam na kon ngen

Lai khak:nang a NTS.

A sim chu anuam khop mai dailenbuk le a namtui hial in ka thei.

A nitak in laitualnga bang leng di'n senvual toh liannu hei na sauliim tuanglam ka juan ua,

Iit na sim thu khaubang sut in kha pham dong samgi bang khen lou di'n han lung ka chiam uhi.

Hun leh nite mualliam jel in kum tawp bang hong hita a,a et lawm mah2 mai tangsaam pak te leh maspak te hong pallun lai tak in,ngaihnou apat laithon kon mu nawn hi,lamet louh lam pang tak thu sia in a hon tuam a.

Lung a ngilh moh u aw,

Hiai lai thon namuh in lamdang sa ken,siansiam tang bang I dam dya nihgel iit na mual suah ni tuang hong tung na di ahi,kum thak chiah gam dang a awm di'n kaki sa a,nang leng kei di'n khuam bang na kip in aw,selung liap lou in hei na mun leh mual hong dang jong leh nih gel dawn bang tuak nawn di'n sianmang suum bang na bia aw.

Nang hon itt tawn tung NTS.

Ka sim joh in ka mel amuual pah ngal hi.

Jankhua daidam nuai ah khattang lai khun bel in maimit si'ng mo'ng e tai khua val di'ng hi e ngaih aw,hun leh ni te mualliam jel in kei dya nopna ni leh hun man pha ka jat khop nanung pen,lia leh tang te'n hai bang a ngak lah hondampa mim bang pianni tuang hong tung a,nitak te lengkhawm in taikhua val jong deih khop lou in taptung a buh al khuan dong tongkum in khenlouh simthu,leh tak suah ding iit na khau bang hual khom ung.

Kum te puan bang hong thak in dah na luankhi jaalna laikhun tung ah puanbang nuul jel ing.

January tarik 7 ni ahi a,singkhual jin di hi lou kum sawt taam di'ng lianu,iit pen leh ngaih pen in singgam vangla tuang lam juan a pheiphung a suan ni'n sanggah kei di'n machiang khimkhua jing e....

Hun leh kum te tuibang luang liam jel in khattang sawl bang hei in hinkhua ni'n awm tak chu kon ja'ng tou ta hi,

Kha guk na bang pai tou ta in,khatvei laithon in ka kiang lam hon juan ahi ngei dya a hong tung a,iit pen apan ahih ngei lam en in kipah na chu asang khop mai,ka hon sim ta a….

Iit tawntung

Amasa in na ngaihdam na kon ngen masa ahi,hun sawt pi apan ka tan chin ja lou a awm di na hi chih ka haih kei a kaki suang lah pet mah h

Dam tak in ka awm na di mun ka tung suk a,a nuam mah2 mai h,endih gari bang tam lua amo lampi ka kan chia bang ka lauh luat nalam a tai thoh kha jojen sek ka hi.kon ngaih theih dan kei adin ana ginom den in aw,kei le nang adia gin awm theih tawp ana suah ka hi aw u.kum tawp a hong pai d ka hi aw ana lung kham ken aw kon ngai lua.

Gen d tam mah leh hun sak phot ni aw awm nuam leh mangpha.

From:NTS

A sim nop ei itt pen leh ngai pen khut jiak bang chu tuta'n mit kha ah amang bai kei lai h.hun leh kum te mualliam jel in december kha bang hong hita a,ki thujak tuah na lah laithon lou ngal upai lei te ahi mai h,a hong tungta do chi'n a lawm leh vual te ka dong jel a,

Ni khat alawm nu'n hong tung khin ta ahi a pianna vangkhua tuanglam juan a pai khin ahi ta kum thak in ahong pai suk nawn pah ding hon chi a lamdang sakna in ka pumdim ta hi.ka heh tha lam2 bang a suak hial h.ka gei a electik post ka pek ekh ta de o.

Ka ngak lah pen kristmas ka ngaih nou toh jat khom d cu kei din van a sang e,lawmleh vual lak ah leng mai tai jou lou in lungsim thawm hau tak mai in ka awm nilouh hi,huai kum jaw a mass ka jang kha kei.

Ni khat chu lawmte a pan hong tung suk nawn ta ahi chih ka ja a,kei leng thaikawi dal nih dim jen in ka gelh a ka kuan ta hi,a inn pam deuh ua dawr ah zarda hai suk di chi a ka baang suk leh ka ngaih nou goodnite lei a kuan ana wm hi,ki hau masa jaw sam om lou in kaki en tuah nilouh ve ua.

Huchi in kanih un zarda hai suk nia2 in kum thak chibai ka ki buk suk uhi.a inn sung uh kong tun un lengla bang jah hyam ana tu uh a,kei le kinei sak deuh mai in a kiang lam mah ah tut som in ka juan phei hi,lengla dang te pai di chu ka ngak lah pen ahi.nitak dak giat leh kim bang hong ging suk hial tak in lawmte chu pai di'n hong ki singsa uhi,gate tan ko va kha di chi in aki jui pot ta uhi,kei chauh in bench ah kana tu a bang pen a pat di hiam chih in ka buai mh2 mai h.

Hong lut non tak in"bang chik a hong tung suk e,jin non som na hiam"chih te ka dong hi.Jan a hong tung suk ka hi jingchiang in ka jin non ngal d hon chi a et le hon en ngam kei hi,a awm dan a tuam mh2 mai a,hih khelh nei a kisuang lah mah a bang hi,kong ki hou lim touh2 ule chokidar pu in dak sawm leh khat bang hon khen ta a,a bang a bang hi leh jing chia jing kar baih deuh in hong kha in aw a chi a kei leng zuapa saauliim lam ka juan ta hi.

Bang jiak tak a kisuan lah mel pu ahia chih ka thei bun kei,bang teng hileh kikhen na chih lah om nai lou sam hi ven chi in kaki heh nem hi,

Zingkhua hong vak a kei le'ng lianu hei na saauliim lam ka juan ngal hi,ka tung suk tan in chu hon ngak lah lam ahi ta,a luggage liandeuh mai hon kai pot han2 chu,ka mit tui aki ching deer ta mai ve,hu chi'n ki khelah tak mai a ka om laitak un khaam joh vual louh khawlbu thahat na in kaihkhen in ka om ta uhi.

Lungngai tak a ka om lai tak in,jingkal khat saikul ah misi luang sagih om chih thu hong ki thang vengvung ta mai chu Thadou v/s Paite gaal hong piangkhe pet mah ta hi.bang mh chih khak in om kei mah le'ng kei a di'n ka lungsim nat na pen chu ka iit pen toh chik le dawn bang tuak non di'ng ka hiam chih ahi.

Buai na in ma sawn jel in,ki iit ki ngai ngoih2 sih na in a khen toh,mun bit jaw lam en a lia leh tang te tun leh zua seel lou a mun tuam mual tuam aki khen toh buai cherchur mai hi.

Gaal hong veng ta a,ka iit pen ngaihii suul nung kan jui chu ahak sa khop mai hi,koi ah hei a bang chi khosak hiam chih na tan kan theih na'ng om sun2 teng lah muh phak di'n a om non ta kei ua.

Hun hong pai jel in siamsinna lam ah graduate tan bang kong hi ta hi,hu chi in kaam te gelh in ka hun kon jang tou hi,Nikhat chu ka thuumna te tungsian mang in luum bang sung in Bank ah sepna hoih tak mai kon mu ta hi.

Tanau laina nu leh pa apa'n thunon hong pawt khe sek chu zi nei ta in chih ahi,himahleh kei bel Ngaihii mel muh kik kaki nem tinten hi.

Kum nih ka sep joh in mizogam ah hon transfer uhi,kei leng Guite road tawn in Hauzel Travel ah ka tuang tou a sinzawl ah ka giak hi,jing chiang khua hong vak leh mimbung juan a huai apat MST a pai ka som ahi,jingkhua hong vak pet mah a SZ apan kaki pan kheta hi,lampai hat lou chih mah tak mimbung ka tun kuan in nii a niam ta mh2 mai hi,

Aktal lui ka tun kuan in khua mial kuan ahi ta numei naupang khat phulalen silh in na ding bimbem hi,bawi hiah bang hih na hya hon jui in ka chih leh ka nu singpua dawn ka hi hon chi hi,a mel ka muh leh ngaihii toh ki bang ka sa pet mah mai hi,hu chia kaki hou lai tak un a nu ahi ngei dia sing pua nupi khat hong pai tou hi,hoih tak in kana en a muh khak ngei a bang pet mah mai hi,meltheih la nei lou ka hih man in amau inn ah tung di'n ka ngen ta hi,

Aman leng hu chi ahih leh chi in tungthei tham e hon chi hi,a inn uh kong tung ua,aki suang lah mah2 mai hi,ann huan tom ngai di ahi na gil akial lo ta hya hon chi a kei leng kial sim ta mah le'ng"kial lou e jen2"chi'n ka dawng hi,a mel ka en thak2 jel a lah a tawl di toh chi'n ka houpih ngam nai kei hi.

Hu chi'n ann kon nek khit un tap tung ah mei awi kom in ka tu wa vokann d hon suang hi,ka hong ki houlim pan2 ta au,

Na pasal koi ah om ahia ka chih le kum nih paita a honna omlouh san ahi ta,A dam lai in bang khong a sem a ka chih no'n leh Delhi a skul kai a wm ahi a,huai lai tak in kei le'ng a inn gei uah mi inn ah nau don di'n ka om a,hu chi'n kong ki mai ngal mah2 ta uhi,hun ol ka neih chiang in a tenna ah ko va hoh jel a amah kia om ahih toh a kuang khong ban ah a inn khong ko va hah sak jel hi,hu chi'n kristmas jang di'n khat vei lamka ah ka pai a,ka iit pe'n a dia gin om jou lou numei dudak lou ka hih lam kaki thei a,ki suang lah peet mah in ka om hi tutan in kaki siik na abei nai kei,hun sot lou joh in ka hong ki mai ngal deuh2 ua nau khong kon vom kha hi,kei a di'n chu ka jot mai louh lampi dang om in ka thei kei hon chih tak in chu ka mit tui a vung pilhpelh mai hi,bg chi e hon chi a nang la ta bang jah nei ta e lawm,a khen chia jaw kon muh ngei2 d mah bang nei ve.hehe chih hon beh lap lai jaw ki dek jou non lou in a khut ka len phei khong ta hi,

Lamdang sa in hon en heuhou a,ken leng ki diik pulh2 kom in,"Ngaihii hon thei non lou tak2 nei ve mo na Usuan kei ve,kei tutan a ng hon ngak a zi le neinai lou ka hi khovel jaw a lamdang tel mo"ka chih leh amah leng kha sia kisa in ngaih dam nget chihtak in hon ngen hi,ken le'ng lungkham ken ngaihdam sa na hi,ki diik pipilh kom in ka chi hi.

Ka maban sawn non lou in suti ka ngen a,ka nulehpa thu vai khak in ki ten kon som ta uhi,Hun hong pai tou jel a ka LUNGTUP ka mualsuah ta.

(NB.phuah tawm pumlum ahi)

Ki pak non simsuak sak a.

©Siamsinna leh Vakiangbu