MANGPEN KHUALBUK

By ~ PS Thangboy Tungdim

Krismas Thukhah: 


Pathianin A mite suak-le-sal a tang a, migiloute' gawtna mun tangtawn meidil apan a tatkhiak nuam jiakin A Tapa tang neihsun hon sawl hi. Amah gingta a, A thupiak juitu te'n Tangtawn Hinna a neih theihna ding un (Joh.3:16).

Messiah (Kumpi) hong piang ding ahi chia jawlnei Malachi in "Aw, nang Bethlehem, Judea gam ah na neupen kei hial hi. Na sung apan Messiah hong piang ding a, A Lalgam in tawpni a nei kei ding" chia ana genkhit phetin Juda kulmut leh makai te'n Engineer, Architect leh misiam tuamtuam zangin kum 300 sung val vingveng Messiah Kumpi pianna mun dingin Bethlehem ah MANGPEN KHUALBUK ana lamkhia uhi. Hiai khualbuk pen tulai pau tak leh Hotel thupi penmah khat toh kibang dingin uphuai hi. A lamkhit uapan sawng tungnung penpen bel Mangpen Khualbuk pindan dingin kem siangthou gige ua, kuamah midang huai sungah lutsak lou uhi.

Huchibanga Mangpen Khualbuk pen kum 700 bang ana enkol nung un Bethlehem khua ah Judea gam pumpi kisimpina (Census) hong om a, tua kisimpi ni ding janin Joseph leh a ji lampi a nauvei Mary leng kisimpina a minkhum dingin hong tung uhi. Mikhual tam petmah ahihmanin zin ngakna dinga kizang Mangpen Khualbuk leng a sawng nuailam tengteng bang luahdim in hong om ta a, himahleh a sawng tungnung pen bel chiklaipeuh hunin Mangpen adi'n awngsak uhi. Huchi'n tumlam apan mihausa tak khat a min Korneila leh a kaihzatamte leng minkhum dingin hong tung ua, Mangpen Khualbuk vengtu, Paltana kiang ah, "Pu aw, hehpihtakin khualbuk sawng nuailam awng nawnlou ahih leleng a sawng tungnung penpen hon luahsak mai ve" chi'n ngen ta hi. Paltana in leng, 'E, Pu aw, a sawng tungnung pen jaw Mangpen adia kum 700 sung bang ana kikoih siangthou ta ahi, mi vantang adi'n phal ahi kei" chi'n dawng hi. Himahleh tua mihausapa Korneila in, "Pu aw, Mangpen kichi hong tung lou ding ahi, hehpihtakin dangka na deih zahzah kon pe dia, hon luahsak mai in. Judea tumgam lama mihausapen ka hi chih theilou na hi hiam?" chih toh sum tampi dohkan ah hon luikhia a, Paltana in leng Mangpen Khualbuk dinga sehsiangthou pen dangka deihtakna jiakin mihausapa adi'n sepkhe ta hi.

Huainung sawtlou chikin Joseph te nupa leng hong tung ua, Paltana kiang ah, "Pu aw, pindan awng omlou hiam? Ka ji Mary in nau a vei a, haksa a sa lua hi" chia a kutkut chiangin zong Khualbuk vengtupa'n "Awng nawn mahmah lou ahi" chi'n dawng hi. Joseph te nupa leng buaise gawp sim ta ahihman un lungkham mahmah a, himahleh Paltana in Khualbuk kiang peka om bawngbuk kawkmuh ta hi. Joseph leh Mary leng kipaktakin bawngbuk ah giak ua; ahi, tuamun gan ann piakna kuang ah Kumpi Mangpen, i Toupa Jesu Kris hong piang ta hi.

Paltana leng huai janin ihmu thei mahmah kei a, "bangchidan le a tel a, ka omnuam kei na e, konglam khawng ah kong khodak deh" chia tolet kongkhak honga a dakkhiak leh, bawngbuk apan vak nasa tak, a tunglam a aksi khawng mu a. Mangpen bawngbuk a sawl lut kha ahihlam kiphawkin kisik mahleh tolet kalh len khial kha in kia a, a mun ah si ngal hi. Huchi'n ganchingte kiangah Van Angelte va kilak ua, "Nou adi'n Bethlehem khua ah nau a piang a, Amah Mang Jesu ahi" chi'n va hilh ua, huai phetin ganchingte leng Mary kiangah va paiin naungek chibai va buk uhi. Huai jan mahin suahlam mipilte leng hong pai ua, kumpi Herod kiang ah, "Koi a naungek? Amah Mangpen chibai buk dek ka hi uh" chi'n va dong ua, himahleh Herod in a theihlouh jiakin Siampute kiangah va dong ua, huchi'n thilpiak man tampi toh bawngbuk a om Jesu chibai va buk uhi.

Himahleh, kumpi Herod in huai thu a jak phetin thangpaihna in hong dim a, "Kei lou lal dang a om ding ahi kei" chi'n naungek kum 2 nuailam teng2 that chimit vek dingin a sepaihte kiang ah thu pe ngal hi. Kum 2 nuailam teng kithat vek leh Jesu leng kithat tel kha ding chih Herod in lamen sim mahleh Pathian sawltak Angel bel Joseph mumang ah va kilak a, "Joseph, Joseph, tujan leng hiai bawngbuk ah giak kei unla, a kinthei bang penin a gukin taikhia meng un" chi'n va hilh a, huchi'n Joseph te nupa leng naungek Jesu pom in Nazareth khua lam juanin taipawt pah ngal uhi. Himahleh a jing ni hong suak pen kah leh mauna ni hong suak maimah hi. Joseph te nupa in suahlam mipilte' chibai bukna thilpiakte zangin Nazereth ah Jesu khankhiakpih uhi.

Huaijiakin, tuni'n ei Kris nungjui Kristian te'n leng, i Hondampa pianni Krismas chia i lop uh a selam hilou in Amah pahtawina ni in zang lehang uthuai mahmah hi. Paltana banga dangka leh dangkaeng te jiaka i lungsung tawng ua Mangpen khualbuk a Jesu hong piang ding lai suma i na khawt khak ding uh lauhuai petmah hi. Kumpi gilou Herod banga tunia sihna leh manna dinga Krismas ana vaidawn kha houh i ding uam? Tuni'n gingtute, kingaihtuah thak ni un, i lungsung uh Toupa Jesu Kris luahsak thak ni.

Toupa'n simtute vualjawl hen aw.. AMEN

©Siamsinna leh Vakiangbu

Comments

Post a Comment

Popular posts from this blog

PATHAWI HIMAHLENG!!

~Kattie Mawite Ka ngaihnou ka ngaisang top. Ka dinmun uh kikheng hileh ama lungsim bang ka put zoh ka gingta kei. Iitna tak toh hon iit hi in kathei a, kenleng ka it petmah. Keilam apan ngiat a hon neikei a, apasal ka hihtheihna din CONDITION bangmah hon bawlsak kei. Tulai in hihna kibang(homosexual) kingai tampi om mahleh, kei ngaihnou bel NUMEI ahi. A hon itna thupi kasa. Ka phulouh iitna tang hi in ka kithei a, ka kipak petmah. Himahleh alangkhat ah ka kisuanglah zel. Ka kingaihsiat theihna di leh ka lungsim hon kam gegu di kampau chikmah in hon zatkhum ngeikei a, milak ah leng a hon zahpih kei. Kei ziaka nuam asaklouhni leng atam din ka gingta. Himahleh kei kianga a om chiangin maitai tak in hon houpih a, huai in a ngaihhuaina nakpi in a behlap hi. Ka ngaihnoute bel innkuan nuamsa ahi uh. Apa Evangelist teacher pension ahi a, a upa'n leng apa sulnung zui in Evangelist teacher mah a sem hi. Amah tuh college kailai ahi a, anau pasal nihte bel high school kailai ahi
Read more

PALLAI NITE

~Lian Khuptong Alamdang Pathian Itna' 'khovel nopsakna leh gentheihna tepanin Tuun sungkhatpan mimbang ka hong khangkhia hi. Deihthoh takmai leh iitakmai'n keple huihmut dingnah tomphallou in ka omhi. Kep leh etkolna nuaia kasenchiil panin kapiching dong in, duattak leh deihthoh takin kep kana hi. Sianhuaina toh hucihin ka hongkhang lianzela khovel tak palding in kongkisa ta hi. Mite kitaiteh nalak ah ka taisam hi. Hinkhua gintaksa anaa nuamchiam kei alai hawlpawl in lakloh takin ka omhi. Pallai amm'n nuamleen tuh ka hinkhua aka nopsak ahih hi. Maban etna'n kalsuan touzelin ahak-anuam phutkhak dandan in kahong phuh hi. Huaihang in hinkhua zatdan ka etchiang in lungkhamna leh mangbatna ten nisim'n hongtuam tawntung hi. Ahakdan pengen siamvual ahih keihial hi.  Huchitazong in taikhua tuh hongvak zelsam a lametna thak honguan zel hi. Naa khatpeuh zoh kuhkalna leh thuakhaatna lou toh pangtakpi mah ngai hi. Khovel zoh omvengvung kitaiteh nalah
Read more

NATNA LAUHUAI COVID APAN PIANTHAKNA

 By  ~ Paumuanlal Guite BaBs Chikmah a zak ngeilouh, lungsim tawng a leng gelphak ngeilouh COVID 19 in khovel pumpi hong sawiliing ta hi. It leh ngaihte toh tui leh nga bang bualkhawmna, a sakminthang Lamka khopi leng natna in hong hawi tuankei. Niteng in a vei a pung hulhul chih kuapeuh in thei, himahleh gamsung vaihawm solkalte’n hiai natna apan i suahtak theihna ding ua hon thupiak uh Policete mat utlouhna ziak lel in i zui hamham chiat uhi. Huai bangle Policete galmuh chiang khawng a zui hamhamte i hilai uhi. A tamzawte bang in a omna mun uh i pel chetchet zomah uh, lamka chihmah a ka tuamtuam tam i theitel ua. Siamsinna innte, nasepna buuk tuamtuamte kikhak zungzung a, i biakna munte tan leng kikhak hial in inn a kuapeuh kikhum chiat ding i chih lai un kholai a hih ding poimoh nei a pungdiak a bang maimah hi. I natna minthang ziak ua mual honna liamsan niteng in zak ahigige mai. It tak in a luangbul ah kap zoizoi ut mahlehang mangmat phak ahinawnkei, silhpuan piandang toh kithua
Read more