Siamsinna leh Vakiangbu

By ~ McMuan S. Ngaihte Zing ninou etlawmtak hong suak in Lamka khuapi a hon tanvak singseng hi. Nidang bang in khua a hoih a, huih te nung hiauhiau in, vasa leh silpak etlawm te’n siamtu phat in a hoih na te uleh a aw te uh a hon suah uhi. Mi khenkhat te’n nidang bang in a nasep na mun uah kuan ding leh a zing na uh sem ding leh a niteng nek zong na lam chiat uah kuan ding in a kisa siausiau ta uhi. Himahleh huai ni chu Rayburn skul naupang te a ding in ni poimoh tak leh kum khat a khatvei tung, ana ngaklah mahmah ni uh “PARENTS DAY” ahia, skul naupang khempeuh a phur chiat uhi. Hiai ni in skul naupang khempeuh in a Nu-leh-Pa te uh skul ah pii in,function thupi tak nei in, kipolh lim na te, thil dangdang leh special item tuamtuam neih a hi sek hi. Hiai te banah skul naupang te a dia hun nuam pen chu a lawm te uleh a classmate te lak uah a Nu-leh-Pa te sepna, a Nu-leh-Pa te hihna te leh amau sungkuan dinmun leh khosak dan gen ahi pen sek a, a Nu-leh-Pa te uh ziak a a kiletsak

By ~ Liansuanthang H “A tamzaw hon deihsak na leh a hun tungta kasak ziak in , ka sam hawi lai tuni’n kava tankhia hi.” Sam hawi lai di ka chih lai himah leh, zan a school kava kai leh ka thuakna a pan ka lungsim neihsa pen khek in, tan mai di ka sawm ta hi.  Exam dia va kuan, gintak bangtak in tung sun ni hong sa vengvang a, khua bang hong lum in hon um hileh kilawm hial hi. Bus a I hong tuang bangzaw huih diik di hong bei khak di bang lauh huai lua a kei.  I ki et chia lah khua lum ziak a ki fresh thei mawngmawng lou… hahaha kuan khiat tung in fresh lele, a kaan na ta puoi, huaiban ah nisa in hon khoh chiang in ah, I luzaang hon khoh khalou ahih man in samsau neihzek chuh a phatuam vervor aka mawle. I sam te haisa ahih man in ni liim ah om lele a satna chuh ana ki thuak phaban lai mawk veh e. hiai ni intuh kaki ngaihtuah zek a, huchi’n tukum a thupukna thupi mahmah khat ka lak na di kawlni hong suak geih mai hi. Sam tan ta ding, (yay… sam sau hon deihsak lou te chi

By ~ Vz Vualnam Lia ka noh bang leidou laltang noh leng Vangkho luunlai keimah kia’n suan ning e Kholenmual lalte’ sumlu’n niim ding aw Alva’n mang bang bawm siah bang niang ding aw Lia ka noh bang lentu sang paal noh leng Sangchih pahtaang ah nau bang sial ning e Sangchih sumlu’n laibaang paak bang zeem dia Phung teng kumtawn aisa a niang ding aw Sum bang biak a biakmoh leidou laltang A sumlu pigo leel ah suang ni e Sum bang biak a biakmoh lanu A ang ah zoudamtui bang neem law’ng e Nahsing nuai a dawn bang tuahmoh sang paal Kammeita’n a zaalna ah phawng ni e Vangkholai a dawn bang tuahmoh lanu A ang ah zouhuihkhi bang neem law’ng e Lalte i noh in khuai bang haang hang e Lanu i noh in damtui bang neem hang Lal noh leh lia noh damtui bang tonlou a Nihgel bangchi’n khuamual i suah diam aw Neem tapeuh le’ng, tui bang neem tapeuh le’ng Zoudamtui bang kumchin nawk tapeuh le’ng Laang tapeuh le’ng, huihkhi’n laang tapeuh le’ng Zouhuihkhi bang kumchin seem tapeuh le’ng Chiau

~ ZM Tonsing Ngeina dan a ann ne zou dukan a ka va tut pekpak leh naupang thum hongpai in ‘Kingfisher’ hongkan helhal uhi. Om nawnlou ahih dan dawr neinu’n a hilh khit a paikhe pah d’uh ka sak leh ‘diablo’ ahon kan sawnsawn lai ua. Naupang teitak zaw ahi ve ua, theih ahau khopmai uh. Kingfisher kichi zaw amin ana zakha sammah ing, diablo chuh ka zakpatna! Tua naupangte phateuhlou dan keive, keichu ka thring lua!. “Tunitak hongkan mun na zozen uchia” chi’a dawr neinu’n chiamnuih thutak a a chihleh ball pekna a a vualzoh ziak ua lawm ekh ahih dan uh hon gen chiauchiau uhi. Eilawi zaw thilkhat peuh a lohchingle lawmpah zungzung; lohsam le lah kisiatbat naihnaih hang a, i kingaihnatna uh lian in chin et-ton huaitak zaw ahi mah ve!. Dawr neinu houpihna hun lemchang a la in, “Hiaite khawng na lei uh na nu leh pate’n hon theile uh honsal lou d’uh hia?” ka na chikha manlang hi. Dawr neinu’n ka khe hon tuanzat in amit ah ‘sign’ hon pia mahleh tua naupangte’ ka awlmohna ziakin ka k

By ~ Vz Vualnam Nangzaw khovel gimthuakna nusia a Hinna singliim a tawlnga hon chi ua Leitung lungziin-lungngaih tuangnungsiah a Nunnop paalzou a heita hon chi uh. Nat leh sat thuak nawnlou a hon chi ua Hinna tui a bualta a hon chi uh. Gilkial-dangtaak thuak nawnlou hon chi ua Hinna tanghou a taita hon chi uh. Tua vangam a mim bang bual khempeuhte’n Nunnopna bukim tangta a chi uh. Nunnop kimna mun vangam ahihleh Huai a pan paimang hizawlou na hiam- Innkuan kim dialdial a i heikhawmna Mundang teng sang a nuamzaw i innsung! ©Siamsinna Leh Vakiangbu

By ~ Elby Elz Lahfy Lawm hoih(Best friend) kichi miteng in a poimoh hi. Nu leh Pa kiang ah I haksatna,buaina leh lunggimna I neihte gen khiak ahaksa a huaiziak mah inle lawm hoihpen neih a poimoh diak hi. Lawm hoih pen nei theilou te zaw mibang lou ahi maithei hi. Lawm hoih pen in I haksatna hon theihpih a hon panpihtu le ahi bok hi. A khen ciang bang in Nu leh Pa sang in I ngaih hun bang a om hial hi. Hiai tangthu ah leng Lianpu leh Siamboi a kingai mahmah uh,thuak na ding om lele thuak khawm in,nek-le-dawn ding lam ah leng a kiphawk gige uh. Zu dawn mi tuak ahi ua himahleh Lianpu pen khosakna ana haksa zaw deuh ahihman in a uang law kei Siamboi toh teh in.  Nikhat Siamboi in khosakna nop deuh khak leh chi in KAZIRANGA NATIONAL PARK ah va diang lut in vangphat huai tak in a va lohching ngei a,inn lam ah sum tampi toh hong kik vengveng hi. A khosakna lam ah zaw nuam deuh mah e,Building hoihtak zaw hon tung khe pah vengvong aka himahleh sum a lom a muhna ahihman in

By ~ Vz Vualnam Ka von zouzam ka suan bel aw Kil bang hong khang inla Gia bang tang tang ngalliam hong hi aw Chiim bang hong chiim ve aw Ka von zouzam ka suan bel aw Sial bang n’ong let chiang in Bualna gamlei omlai vei ngullum Tanglou bang hon phong aw Mim bang bualna pupa gamzang etlawm Nuai omlai in luimang bang bawm zou e Nuai omlai lou bang lel a gawl bang puuk Tang bang phong ding a mi suakmoh ngawn e A suak masa sesum in henkol bulh Simsal in kai mualhem ah tumpih e Von zouzam aw hiam bang hong haat ve aw Na noh ding dougal ni bang luun hi e Sial bang a lian masa khan sia’n Gawl bang deepzou hi e Von aw kil bang khan hong siam inla Khanpha hon chiam ve aw Miza ni bang a luun masa Vaimang tengkhawi tang e Von aw simsing bang hong gil inla Tengkhawi hong tanglou aw ©Siamsinna Leh Vakiangbu

By~Minlian Valte Ka tunnu sunggil pan simlei tungah mimbang ka hong piang a, ka senchil pan hong ching hong kem tunnu' nong itna lian nong kepnate thupi lua Nu aw! Ka neulai a, nong dawn nong kepnate' ka ihmut a suah chia na aanglum a hon awi ihmu a, na nungzang ah nong puak zel, zan sawtpipi kei khualna a non tutpih a' ka kah hun a hon khemtawp zel, hong ching den ka Nu aw... A nunkhum nawitui toh hong khansuah, a lim a pha ne nuam hi zenna pi kei nong it manin nong siit veuzel ka Nu' Ka haksat hunin, ka dah hunin nong limsak den Nu aw' na kiang a om ka chimthei lou' Nong itna lian Nu aw' kei nong khual manin guhtui kang zenin, gim leh tawl khawksa lou in, a zu a haam thuakin nuntakna ding zongin vailou na kuanzel... Ka Nu aw, nong khualna lian lua sang e' Loukhoh singpuak nopna sak pen hi het lou ding hi ven maw' Vailou kuan nong paichiang, lam kiang a, sialluang gaite nong dok sak, lingminte batlah pipi himahleh

By ~ Vz Vualnam Zokuam lentumang nuai ah Leitual Tumtai a pou a A kiang tulsing leel ah Heisa kilawmtak in a kai hi. Leitual a pou Tumtai in Singleek a Heisa a muh in Kilawm sa in a deihta mahmah a, ‘Hong kum inla tual ah Kei kiang ah hong teng in,’ Chi’n a kun thapai hi. Heisa lah a nuih bang a za zezen a, ‘Nang leilak a pou dia siam na hi a, Kei zaw singleek a pou dia siam ka hi. Nang lah kei’ kiang na hong tung theikei dia, Kei lah nang’ kiang ka hong tung theikei ding. Pou dia siam a i omna chiat ah, Lungkim tak in i om zaw ding,’ Chi’n Tumtai’ kutna a dawng zel hi. Tua bang ahih nung in leng Phalvak in a en masa pen a, Sun in a en a, nitum kuan in, Kha vaak nuai ah, Tumtai in zaw tua singleek Heisa Donlouh lai himhim a neikei. A etlouh lai nangawn in A mitkha leh ngaihsutna ah A thaamden hi. Nite a liamzel a, Kidanna a neikei. Nikhat zing a thohma in Banghiam khat in va lawng hi’n a thei a, Hakkhia a a etleh, maizen! Vul niingniang in Heisa, A hiang ah ana kibaang a, A kipaa

- Paumuanlal Guite BaBs Simlei pian kidangta e, huihkhi laang zong kidangta chi a zaila oih lai hun in a gen utpen bang hi hiam chih zong gel masa vetlou in nuamsatak in hinkhua kana zang hi. Sen leh kiik thei leng maw, ka senlai hun nuam chih laa bang kisasa napi in senlai hun nop ahihdan zong mel in na kitheilou hi. Nu leh pa Pathian phawk mahmah inn sungpan kilbang na khang ka hihman in nuamsa leh kipaktak in kum 19 ving veng bang khovel kana zangta hi. Thilsia himhim bangmah ana hih hetlou kahih ban ah Pathian vualzawlna toh taksa et in leng selou leh mite etlah tham kana ching sam hi. Siamna-pilna lam ah leng mitung a hikei mah leng mi phakna tan bel ka napha hi. Taksa et a piching huntawk ka hihman in milak bang ah leng ka kihel panpan. Huchi’n nitak khawng bang in leng leengla ka hong nei pian simta hi. Himahleh ka pa saptuam heutu khat ahihna ah mi a utbang un hong maingal in hong hoh ngamkei uh. Hong ngaihbawl sim bang leng om ahihdan lawmte gen apan leh a omdan