KA LAWM HOIH PEN

By ~ Elby Elz Lahfy

Lawm hoih(Best friend) kichi miteng in a poimoh hi. Nu leh Pa kiang ah I haksatna,buaina leh lunggimna I neihte gen khiak ahaksa a huaiziak mah inle lawm hoihpen neih a poimoh diak hi. Lawm hoih pen nei theilou te zaw mibang lou ahi maithei hi. Lawm hoih pen in I haksatna hon theihpih a hon panpihtu le ahi bok hi. A khen ciang bang in Nu leh Pa sang in I ngaih hun bang a om hial hi.

Hiai tangthu ah leng Lianpu leh Siamboi a kingai mahmah uh,thuak na ding om lele thuak khawm in,nek-le-dawn ding lam ah leng a kiphawk gige uh. Zu dawn mi tuak ahi ua himahleh Lianpu pen khosakna ana haksa zaw deuh ahihman in a uang law kei Siamboi toh teh in. 

Nikhat Siamboi in khosakna nop deuh khak leh chi in KAZIRANGA NATIONAL PARK ah va diang lut in vangphat huai tak in a va lohching ngei a,inn lam ah sum tampi toh hong kik vengveng hi. A khosakna lam ah zaw nuam deuh mah e,Building hoihtak zaw hon tung khe pah vengvong aka himahleh sum a lom a muhna ahihman in a zat leng nuam a sa a bei theilou ding khop in a ngaihtuah ahi maithei tui zat in hon zang ta hi. Lawm a hau mahmah a,huaite lak ah a lawm hoih Siamboi tel in Nitaklam ninem kuan ciang in Office kai din a kizui sauhsauh sek uhi. A lawm dangten zaw a sum etlah ziak in a zui ua,a thawn in a neksak zel uhi. Siamboi pen ahihleh a neu a kipan a lawm ahi a lungsim diktak a thei a,Lianpu te inn ah a va giakkhawm sek ua Party bawl cih bang a thangsak viau uh. Jan khovak phialphial in zu dawn in a om sek uh.

Hun hongpai tou zel in Siamboi sungkuan ten Lianpu hon mudah ua gensiat a thuah zaw mah lai dep uhi. Lianpu a va hoh khak ciang bang in ana houpih ut nawnkei ua,et leng ana en ut nawnkei uh. Huci ahihman in Lianpu in nuam a sa kei a,a kingaihtuah zel a,"Kei ziak a hon mu thadah uh ahi,ken zaw kalawmpa kam sung a ka sunsak le hilou hia''aci a a khasesak mahmah. Nitaklam khat Siamboi toh zu dawn khawm a a omlai un Lianpu le fuhsimta ahihman in a lungsim a om teng a gen ngam ta hi. 

Himahleh Siamboi in a thulak kei hial a,a nuihsan lel hi. Hucih lai in Lianpu in'' Siam,ka lawm hoih pen nahi a hon deihsaklua kahi,theisiam inla tawpsan mai in,kenle tawpsan ding kahi''acih tak in Siamboi in lamdang sak na toh a en heuhou mai hi. Nitaklam zu dawn khawm a a omna lak uah huai nitaklam zaw Amau adin thil hoih hih ahi ngei ding ua,kiciamna hon nei ta uhi.

Hun leh Nite hong bei zel in Siamboi in zaw a tawpsan zou ta himahleh Lianpu in ahihleh a guuk in 'Damdawi tang' ana ne hi. A lawmpa theih in zu ngawl mah leh ngawl zoulou ahi maithei. Lianpu in a lawm Siamboi a deihsak luat ziak in zu a ngawl a himahleh ahoihlou lam zaw ah a kibual ta hi. A deihsakna thupi lotel mah leh Amah hinkhua ding ngaihtuah lou hial a agamtat pen zaw a thupi kei hial. Siamboi a deihsak na lam in Amah hinkhua a kisia a sawtlou nung in a sihsan ta hi.

Lianpu in a sihsan nung in Siamboi in nitak khat a lawm hoih nungaknu a kipan in phone call a ngah a,nidang a adamlai a ana gen teng Siamboi kiang ah agen vek ta hi. Siamboi a kisik mahmah a hicibang a lawm hoih a neih khak a kipaklua himahleh a lawmpa'n deihsakna ziak in a hinna a piak toh kibang cih a ngaihtuah khak ciang in a khitui kham vuallouh in a luangkhe zungzung mai hi. Ahi a lah ahihtheih a om nawn kei kisik in kapkap mah leh zong thil phatuam ahih nawnlouh ziak in nikhat Lianpu Nu leh Pa ma-ah khuk din a kap a ngaihdam a ngen ta hi,"Kei ziak ahi,kei mohna ahi ka tung ah na ut bangbang uh hon bawl un ka khasethei kei ding...Hon ngaidam mahmah un aw...ka khan kumkhua in KA LAWM HOIH PEN mangngilh ngeikei ning"

Lawm Lianpu aw,hon ngaidam in,nang a kipan in Kei non bawl hoih a,Ken nang a kipan in Mi tampi te hasotna in ka na zang di aw....nang bang lawm hoih ka neih khak kipaklua ing....Phamna in hon khen zong in Thangvan ah Gibang khen nawnlou din hon na ngak inla Huai mun ah leng ka lawm hoih pen na hi veve ding. Damtak in Mangpha Lian….

©Siamsinna Leh Vakiangbu