MULKIMHUAI LUA HILOU HIAM

By ~ Elby Elz Lahfy

Mihing khat a piang ka hih ngalleh ci in Ngaihzawng ka na nei sam aka.Ka ngai petmah a ka IT bok hi. Tangval dang toh a om khawm khak uh i muh ciah zaw LUNGSIMSIATNA a lian mahmah. Hiai zaw ITNA DIKTAK a cih te uh hi din ka gingta. Kingaihlai hun in zaw nuam ki sa lotel hi ven SIHNA loungal in khen zou lou ding cih lai in GIBANG KHENNA KAWLNI HONGSUAK maimah ta hi. Khovel a KEI a tuak masa pen bang in ka kikoih hial ve.

Hun-le-Nite hongpai zel in Ngaihzawng lam ah lunglutna taktak ka nei thei nawn kei. Ka neih khak peuhmah te leng ITNA ka piak ngam nawnlouh ziak in KIMAWLNA lel din ka ngai ta hi.''Khatvei thil na hihkhelh leh pilvang in'' cih pen kei adin ZONGSANG in cihna toh a kibang. Itna kimawlna a lel a kaza pen kon sunzom tou zel hi. Numei tung a thanghuaina a khoksakna bei hial in khosakna kon pan ta ve. ITNA MIT a et hinawn talou HUKNA MIT a et a bang mai.

Hun hongpai tou zel in ka ngaihnou le hilou Amah le ngaih lungmuangsa khat toh FACEBOOK ah kon kithei kha ua nitak khat ka kimuhpih ta hi. NA NEKLOUH DING VONGGAG KEI KEN acih uh tua nitak in ka ngaih le hilou,Zi ding a leng ka deihlouh hial tung ah ka va hihkhial ta hi. Tomcik nopsakna in ka maban ah lunggimna hongtun hi.

Kha Nih khawng pai in Amah a kipan in 'Gaai'(pregnant) cih thu ka za zaw ka lunggim mahmah a,ka hehna a uang a,ka huat tha bang a suak zou hial hi. Bangteng hileh ci in MULKIMNA BEI in bangmah theilou Naungek tuh THAH mai din thukimna ka bawl pih ta hi. Aman zaw thah hial din a ngamkei himahleh kei a kipan in ka ki-et ciang in khosakna haksa ahihbanah,deihlouhpi toh damsung a kiteng ding cih zaw haksa kasak ziak in alou theilou dan in kagen ta hi. Tualthat cuh kahi peuhmah uh. Suun leh zaan in lunggim tak in ka om a Pathian kiang ah hicin kangen hi,"Toupa,tutung ka buaina hon hih vengsak inla maban ah hucibang hih nawnlou din hon panpih in. Ka mohna ahy a maban a katung a thiltung bangbang gawtna hon tungsak zaw in. Hon ngaidam in aw?'' ci in ka thum hi. Hiai bang a gamtatna pen MULKIMHUAI DEUH HILOU HIAM? Unau kingaihtuah ni. Bangmah hihkhiallou naungek sih ding ngai ngam na hiam?Tualthat te zaw Amau leng si taak ahi.

LAIGELHTU LAIKUNGPAN:

*Hiai Tangthu phuahtawm maimai ahi

*Hun tomcik nopsakna ngaihtuah kenla maban saupi ngaihtuah in Pathian deihdan in om zaw in

*Thilchin hoihlou te leh Mihoihlou te a kipan pilvang in

*Pathian zaw GAWTKAWM A HAWIDAN SIAM ahi cih thei gige in

*Hiai tangthu akipan in khotang siatna ah ki veng inla Pathian lam naih semna ahihtheih na din Pathian in hon vualzawl ciat ta hen.

KA KIPAK

©Siamsinna Leh Vakiangbu