SAM MET MAN RECEIPT KA NGET LAI.

By ~ Liansuanthang H

“A tamzaw hon deihsak na leh a hun tungta kasak ziak in , ka sam hawi lai tuni’n kava tankhia hi.”

Sam hawi lai di ka chih lai himah leh, zan a school kava kai leh ka thuakna a pan ka lungsim neihsa pen khek in, tan mai di ka sawm ta hi. 

Exam dia va kuan, gintak bangtak in tung sun ni hong sa vengvang a, khua bang hong lum in hon um hileh kilawm hial hi. Bus a I hong tuang bangzaw huih diik di hong bei khak di bang lauh huai lua a kei. 

I ki et chia lah khua lum ziak a ki fresh thei mawngmawng lou… hahaha kuan khiat tung in fresh lele, a kaan na ta puoi, huaiban ah nisa in hon khoh chiang in ah, I luzaang hon khoh khalou ahih man in samsau neihzek chuh a phatuam vervor aka mawle. I sam te haisa ahih man in ni liim ah om lele a satna chuh ana ki thuak phaban lai mawk veh e. hiai ni intuh kaki ngaihtuah zek a, huchi’n tukum a thupukna thupi mahmah khat ka lak na di kawlni hong suak geih mai hi. Sam tan ta ding, (yay… sam sau hon deihsak lou te chih di ) huaizoh, khovot lam chia hon tuamlum tu dia hawi thak di’n thupukna ka la a, 21st may 2015 10:50 am in a bawkpha kasam tan di’n ka kuankhe ta hi, ka puanak ngou toh ka sam puah louh toh.

Ka dawr et masakna pen ah atantu di pa aom louh ziak in leh, nitak lam ka ngak utlouh ziak in, lampi ka kan a, mundang zong di’n ka paikhe ta hi. Ka pai suksuk leh six mile flyover bul tak ah khat ana om a kenle, a tan man kan selou in ka lut pah ziau a, samtan uh maw chih na di’n pau le pau selou in ka kawk thoh zat hi. Khaih vaipau le I theihlouh toh babare..!! hiah ana tu aw hon chi hi’n te (a gen toh a action hisap thoh a pang I hih chia, hisap na gam) sam met’ di te tutsek na anawlnung penpen ah ka tu hi. Bangbang hiam gen in phone khoh hon pau zek a, huai nung in bang hiam khat muam kawm in a buk-leh-lun sam tan ding in , a water pistol (khawng chih sak ni) in hon kap zatzat hi.

Eh. Ana khawl aw, kasam hon tansak tu pa mel leh omdan kon hilh phot di. Mel et in ah, keisah chuh kum ana zangtamzaw himhim ta, a khabemul te a kangvek dektak a, a kal laklak ah a vom neneuh khawng ana omlai sam hi. Huan hichi a hi a, a sam le a tom lo kei a avom bikbek hi. Huai lai tak in, kom kuva sandeuh a hai hileh kilawm hial in apau chiang in akam si bang a asan lam ki mu thei hi. Amah a hih leh vai te a hi a, hindi pau le siam mahmah ahi di, kaki houmoh hial uh hi, puanak kamiz ( a sipelling le a dik na diam ah ) vandum rong a vom a neng chik a gial suk, a veilam a sakhau om a silh hi, angkilh le a kilh bok. Mel et in ginom mahmah leh kilawm a, nel huai leh a kilawm.

Mi zatam te ngaklah mahmah leh, ana galdot gige uh su buching di’n kon kipan ta uh hi, aman a galvan hon lakhia in , hon houpih panta hi, kenle hiai pen tantou di azoh atom a tan di chi’n vaipau mah hileh le amah theih siamlouh di’n hoihtak in a action toh ka gen a ka sam ka hui tou zozen hi,, ahahai. Theisiam a hi diam ah, eh…! Zan nitak a whatsapp group ah ka lawmte khat VBs[vungbawi] (vaipau siam a siam a hi) kiah tom lolou a tan di bang chi gen di a chih ka dot leh hon hilh na pen “jada chota nahi chahiye” khawng chive tei sam in kon tanpan ta uh hi, ka gen zaw dik a hi di, hon heuh khe threuh threuh a, kaki lawmdek vanglak, hunsak mai di hia leh ka chih leh, kaki awi kei deuh a, tom deuh in tan ni chih a action in ka hih hi. ki hi reurou mai aka le, amah le zaw pau nuam thou hi’n te, hichi dan a tan di maw? Bang chidan a tan di? Hiai pen bang chih di? Khawng hon chi a diam ah, kenle ka deihdan gen zeel hileh le, kaki dawn dan uh ki tuak chi ngei vak kei, chih tuh a gen hisap thoh a pan ngai pi a, nang le kei hile chin na huchi thou di aw. Ka gen te khah aman, aw, huai ka theisiam chizeel inchin huai pen chuh kenle thei hamham hileh le, a nawn a agen te ki theisiam lou zeel. Hmmm babel innsang ana lam sese kei le uh zaw chih in a om vungvung aka le. Hon tanzom zeel in, a tawptawp na ah, nang hindi theilou maw hon chi inchin, kenle theilou kichi utlou, slow kahi ka chih suk mai, poikei maw?. Azoh bang hiam hon gen a, koi a pan e hon chi hi’n teh ka chih ziak in,Manipur ka mawk chih hi, huaizoh banghiam khat hon gen lai a, tua koilak ah om uh e hon chih na hi’n teh ka chih ziak in ka om na uh, rukminigao ka chi top nawn hi, adang hon dot te zaw gen nawn dah mai vai, hai non salo kha di uh. Khatvei a ning lam tan zeel, azoh deklam khawng, hon ensak zeel a, kenle ka khut khawng a kawk in, adjust di hiailak khawng chi zeel, bangbang hiam gen kawm in hon tan khauhkhauh zeel a, poikei, sam a met theih nak leh ka chi suk mai, sakolbakteh in hon tansak masa a, azoh kaki houhou uleh , dozer a chih te un hon tansak nawn hi. (hiai akhek ziak a charge tamtuan di a hi diam) anuai ah ana ensuk mah di le lawm it. Hon tansak zeel, hon houpih zeel ( a sawi pau a sim di). In huchiin hon zohsak ta hi.

(sam met khit nung a thil tung te).

Sam met chuh hon zou peuhmah ta, a marumarang hon hel ta ahih chuh, hon zap siang a, ka lu khawng a khut in hon khenpuak rakrak a, ka mit tung khawng hon sawizoi (massage) sak zeel a, huaizoh ka lu a water pistol in hon chiu chiu sak nawn hi. A khut chuh a hong kawt ta ngei, ka mit tung hon sawizoi sak nawn bang chu…….. I mit bang sip hial aka le, tui hong lut simsim hiven amah khut a pan. Huai a zoh khit in ah, zou ta di sak leh a dang zong ana om kia lai, ka khut veilam hon la a, hon kaikhe dek I sak leh, a liang tung ah hon batsak ven aw, ka ban khawng hon heksak zaizaih a, malis chih dan ahi di, huchi bang in ka taklam le. Huai zoh, towel hon nulna pen hon zapsiang a, ka ma ah dohkan dandeuh a ki bawl ah hon koih a hon kunsuk sak hi. Ka nung khawng hon malish a, ana lou din hon betsak zeel a, ka ngaihtuah na ah, tulai ka kawng na hiven ah, huai houh hon nuamdeuh de aw kana chi gu sim hi. Huchi in a hih di teng zouta ahi chih aki theih tak in, a towel kei hon pia a keileh kei kaki hahsiang zek ta hi. Limlang khawng ah ki en in, lem kaki laceuh ve. grin emoticonkenle a bei di zah kan khapah lou ka hih man in, ka zohtak in kakan hi. Gen bang hon gen pah lou zozen ven aw, ki ngaihtuah zek inchin maw huaizoh a 150 hon chitel eivoi, ui..!! lawm lawm a nasat dan chuh, aki awi lua. Babel innsang aki lam khak chuh a poina ka theikhe deuhdeuh tamai hi, vaipau theilem ki neih a ki selpih tuh a hon ngai petmah ta, bangchi dan e, 150 taktak ka chih leh, ahon gen a pat aziak hidia kana hisap khiak te. 

(i). ka sam a sau luat ziak. 

(ii). Dozer le a zat ziak. 

(iii) ka tanlai ua a style ka kheek ziak(ama ngaihtuah na ah). 

(iv) hon malis ziak.

Hiai teng ziak a ki deek di chuh hong hipeuh mah ta. Enle, nidang a I piaksek na zah 30 ki chi ngal, aman le hon utlou tinten ta. Enlah ki piak sawm vetlou a hih chia, hichia om, ka U ka message leh whatsapp ah ki deliver pah lou, ka lawmnu uh vaipau siampen ka gen di teng let khiat sak di chia ka message lelah ki deliver lou, ( awho… poisih dam a I dam nak leh chih mai ngai). Main balance lah -6.34 om, zat theih didan hilou, ki deficit a hih chia. Whatsapp ah ka U ka call leh, lalou inchin azoh aman hon call kik inchin huai a bang bang hiam ka U toh kihou. Huaizoh vaipa toh kideek nawn, ken hiai massage pen hon hihsak in ka chih lah hilou a ka chih leh, a chih leh kon malis dek lai in hih ngailou na chikei dia hon chi ta. Gen lai vai e maw, beltola (ka omna lui lam uh) lam ah ka tan ciah 30 ngen ka pia chi nawn, aman le Guwahati sung ah, mi malish man va kan di le bangzah ahi hiam teng 10 ahi hia? Khawng hon chi. (Eh ! huai ma in, 50 ka chih leh utlou a 60 tan ka chih a hi, sam tanman 50 chih deuhdan ). Kenle mu zenzen e, a thawn a le mu di ka hi ka chih leh aman koi ah e chi inchin, ka innkuan te Guwahati ah om te’n a free inle hon nak malis theih lotel di uh khawng ka chih suk troih troih vaipau a. haha. Khawl zeel a zoh kihou nawn, a tawp tawp a kenle, hmmm 150 kon pe dia a receipt honpia aw, cash memo deih ka hi chi ta. ( commerce subject kisim ahih chia receipt/ cash memo zatdan ki thei lotel ahih chia). Chih leh hon lausim ta zaw hi di, en midang kiah kikan maithei ahih chia.. sum lakhia ing a, hi 50 la aw ka chih leh, bang chi? 50, 60, 70, khawng chizeel hon chi inchin kenle, hon khemsawm maw 70 khatvei le ka chi kha kei ka chih leh hong dai. Kenle 100 pia, na gen le ka theisiam mahmah kei, chi inchin 40 hon leh. Huai a kei pai khe ngal. Hahaha.

A upat mahmah hang, mikhem lam ah zong kuhkal mahmah hi. 

A nuih zeel hang, khemna nuihmai hi. 

A kam nemsim hang, ne sethei kam mal te hi. 

A pau ka theihvek louh ziak in hon khemsawm nahi hi. 

Dawr a bawl hang, lut kik nawn lou ding hi’ng. 

Kei apan sum tamlou diklou tak a alak khiat hang, atam zaw amuh di sum’ vikvek thei hi. 

Kei lam a pang pa’ a theihlouh na in amah pen amah leh amah ki tuisah buah khum hi. 

A hih hang, Jesu Khrist a neih di deihsak pen ing.

Mi’n diklou deuh a hon bawl a hon khem ahi chih na theih leh RECEIPT/CASH MEMO. Ngen geih geih in. documents evidence a om nak leh, ut na lamlam densak theih hi.

“jada chota nahi chahiye” 

~Vungbawi~ @VBs.

Liansuanthang H. 21 MAY 2015.

©Siamsinna Leh Vakiangbu