TUALNIAM LUA KI SA'NG E..

By ~ Elby Elz Lahfy

Khovel a mimbang piang sapsap din zaw mi nuamsa,innkuan nuamsa,sum leh pai kiningcingtak neite kan a khovel a nuamsa a om din ka gingta kei hial hi. Ahi alah ana hideklou ahihlam kathei chian semsem. Mihing hihna zal ah zaw Gentheihna sang in Hauhsakna mah lunggulh zaw din i kigingta ciat uhi. Genthei tak a hinkhua zattouh det ding zaw ka ngai ngamkei. 'Sian aw tanbang na hawmsiam,hizong kei tan na lua sa'ng e....Senvual toh tanbang kim in kei hon siam aw' cih bang lungsim ah hon phawk sak mahmah lah Ei ut thu ahikei cih kithei thou lah kilungkim theilou ''DEIH KIMLOUHNA HIH LEITUNG ZAW'' cih zaw a diklua. Inn leh lou nei zoulou,hauhsakna bangmah ka neihlouh hang in khovel in a lei zohlouh ITNA zaw ka neisam mah ve. Mi tampi ten hiai nasan nei zoulou din hon koih zomah uhi. Mihausate neihzah mah nei zou thou kahihdan kei leh kei inle ka kithei mahmah hi.

Bangcituk a genthei,kuamah pha zoulou himahleng le itna lam ah zaw ka genthei kei hial a ka hausa lotel hi. Puansilh hoih neihlouh ziak bang in lawm-le-vual deih bang ale kipawl ngamlou,nikhat a ann Nihvei i nek zoh leh kipah huai himai. Neih zohlouh luat ziak bang a Ngaihzawng neih ding nasan nuam kisalou,ki zumpih tuntun sek in om. Pasal huailou deuh hilou hiam?cih dotna lianpi toh khatvei zaw sih leh sih ci in nungak melhoih mahmah Pathian in a bawl khelh ahi dia o cih theih d hial KIKIM toh ka hong kingai uh bang zaw ka neihlouhlam leh gentheihna tengteng bei zou hial in ka ngai mahmah ta hi. Kikimte innkuan bel Mineizou tak ahi ua,Apa sepaih pension a thu lou thu salou,Pharo lungsim bang a lungsim khauhtak nei ahi a,huaiziak mah in tulai dan a kholak a pawtkhawm cihte kinep phak inle a om se kei. Bangcituk in zahtak huai hilezong ITNA IN LAUHNA A NEIKEI cih policy kazui a Ka SILHPUAN SE NIMNEM mah toh keile ka va hoh zel sam hi. Huai hunlai in MOBILE cihte omlou ahihman in Tong kisang theihna omsun THAIKAWI lel ahi. 

Hun bangtan hiam ka kingaih nung un a khatvei na CHRISTMAS zang khawm thei din ka om ta uhi. Hucihlai in nitak khat keile kilawp deuh mai in Kikim te innlam manoh a kapai laitak in a inn kong uah Gari hoih deuhmai tak ana khawl kamuh in keile innsung a lut ding bang ka lin mahmah ta. Himahleh kuan a kuan ta vanglak cin ka lut ta hi. Ka ngaihnou hel dia kuan zaw hiveng Singbul-suangbul mah ana bang maimah zaw anuam tel kei. A DEIHLAM IN A HEL LEH NUI SELSAL IN PAU UT MAHMAH,A DEIHLOUH LAM IN A HEL LEH A MUK PHIM A KIKHUI BANG a cih uh zaw ka va tuak kha petmah ta ve. Ki it kingai a omnung a Bang doh-ai hiam LEHLUAN SIMTHU NA LEL MAI MAW?ka ci vungvung hi. Huai nitak in zaw ihmut theih le ahikei jingkhua vak ding kia ka ngaklah mai. LUNGGIMNA ZANMIAL ah ka tam den ta ding maw? Jingkhua hong vak ding a lah Kawlni hongsuak kei din Khenna kawlni ahi ding cih lah ka haih kei. Ka ngaihtuahna bang mah in Kikim lawmnu Moite in Laithon hon pia a,ka sim a ka kipak kei hial ve. Jingkal ahi a,suun hong hi a,ka thuaksiam thou himahleh Nitak hong hih tak in zaw haksa kasa deuhdeuh a ka khasiatna a lian deuhdeuh. Nitak cianga ngaihtuahna paisau deuh ahihziakin. Huai nitak ciah in zaw ka pasal hihna tengteng a bei a,kham zoh vuallouh in ITNA MITTUI tuh a tak keuhkeuh mai hi. Lengtong Pauno in a sak ''Inn hoih sung a teng Mite englua ing'' cih cuh ka ngaihtuah khia hial hi. Mittui kang thei hileh huai nitak in zaw ka neih tengteng bei zou din ka gingta hial hi.

Kikhen cih khawng zaw ahi ding mah ahi. Kei chauh haksa tuak kahi kei hial. Khupcing leh Ngambawm te' ana kikhen lou a,ana kiteng kha bang hileh kenleng hiaibang haksatna tuak din ka kigingta kei hial. Ahi a lah ka hih theih bangmah om nawnlou ahihman in ki pasal sak deuh maitak in ka om theita hi. 

Ni leh kha te hong bei zel in,Kikim leh a tangval Mihausapa tuh kiteng ding dinmun in Nu leh Pa deihsakna bang in hong omta uhi. Kei adin bel a kipah huai lovak kei. A hong kiteng ngei ua,hun sawt hon daih ding uam cih zaw theih zoh ahikei. Bangtan hiam zaw nuam hon sa mahmah ua himahleh sawtlou nung in Kikim pasal pen zaw khovel nopsakna a kibual ana himai mah a,KHAMTHEIH(No.4) toh hinkhua ana zang den ahi ngei ding. Hiaithu Kikim in a theih phet in lungkham lua in khophawklou in a puksuk ngal hi. Awl in a hong halh pah vanglak a,a Pasal a en a khitui naptui toh a kah khum hithit ta mai zaw a khasiat huaitel. A kisik mahmah a lah bangmah ahi theikei,CHOOSE THE RIGHT PERSON kici zaw adik ngot ding in ka gingta. Hun hongpai tou zel in Anupa un taksa hatlouh na tuamtuam a nei ua,a chauh luat mahmah tak un ki-ensak din Doctor kiang a zuanta uhi. A kipah huai dek kei,a Result uh HIV/AIDS ahy zaw mah. A Pasal ginatlouh ziak in tun ah sih ding ngak in lungkham tak in a om ta hi. Nidang a nopsakna a utluat ziak in hauhsakna ana et lah luat ziak in minsetak in sihna a tuak pah ding zaw a ngaih ngam huaikei. Kum bangzah hiam nung in Anupa un a si ta uhi.

~~KUM NIH ZOH IN~~

Kikim te Nupa kum nih zoh in hiai Tangthu pen sutzop louh in a om a,khua khat a ka va hohna ah inn hoih khollou khat kuamah in a luah nawnlouh khat om hi. Huai innsung kalut a,lamdang sak na toh ka dak hiauhiau leh innsung ah SINGKUANG hoihlou cik sung khat ah DIARY ka mu pah a,hiai diary neitu zaw kuadang ahikei Lianpu mah ahi. Kenle ka simsuk pah ngal a,khasiat huai mahmah leh mi vangsia ahihdan ka theih in ka hehpih mahmah mai. Bangziak a hiai Tangthu ki sunzom nawnlou hiam?Hiai lai gelhtu Lianpu koi a om hiam?ci a khosung mite' ka dot leh hiai bang in hon dawng uhi,''Khovel a kinepna a neihsun leh a iit pen Kikim in Pasal dang a neihsan ban ah,a Pasal a kipan natna hoihlou,damthei nawnlou a neih ziak a sihna a tuah ziak in Amah le taksa lam a hatlouhna nei himahleh ki-etkolna ding le nei zoulou ahihman in puakgik lianpi toh LUNGTANG NATNA ziak in hon beisan ta''cih khosung mite'n hon hilhna uh ahi. Itna kici nang adin bangmah hilou in,ngainep mah lecin le mi kuahiam adin zaw sihna tanpha tun thei ahi cih mangngilh kei ni maw.

THUKHITNA:

* Hiai Tangthu phuahtawm maimai ahihziakin ngaihtuah sau dah in

* Itna kici a hausapen ten le anei ua,a genthei pen/zawngpen ten le anei thou uh cih thei in

* Hauhsakna leh Sihna zaw Miteng in i tuah ding mah uh ahy ahihhangin Khovel hauhsakna pak ta loken siatna leh sihna hon tun tu ahi thei

*Zi leh Pasal zonna ah pilvang in,bangkim theih cet masak poimoh hi

* Mi khasesaktu hih sawm kenla,khasiatsak a om na hih leh kipak zaw in

BEITA 

©Siamsinna Leh Vakiangbu