TUM BANG VUAI TEK

By ~ Vz Vualnam

Mi’ tuun mi’ zua tum bang vuai tek tul tek a
Simlei pianzil hi e danna omlou e
Mi’ tuun mi’ zua phamtek kulsin zal tek a
Simlei pianzil hi e danna omlou e

Ei’ tuun ei’ zua tum bang vuai lou bang tul ding
Simlei pianzil chi ngam la’ng khaam nuam ing e
Ei’ tuun ei’ zua kha bang pham kulsin zaal ding
Simlei pianzil chi ngam la’ng phal ngam la’ng e

Zuapa leh lentumang kilawm sa’ng e
Ka seinou lai in pahtang aisa’n luan e
Tuunnu leh khohlou tangmai kilawm sa’ng e
Ka seinou lai in honsing in sia ung e

Lentu kuam ah zuapa a hei den ding sa’ng
Zaitha kiam tah e lenmual kallah tah e
Khohlou lai ah tuunnu a heidan ding sa’ng
Zaitha kiam touding tuanglam kallah tah e

Zuapa langlam zangkhen kawlchiang leh namtem
Gia bang zunlouh laibaang ah kibaangta e
Tukawl lungdeih tuun in kiaklouh a huaina
Tapsak baangzaal ah paa bang mualzou ta e

Simlei a mi singta tung a khuai bang tuu
Ei kungtung ah hong tu saam ding a aw
Simlei pianzil hi e chi’n sau ah khattang
Khuai bang ul gam bang i lumzou ding hiam aw

©Siamsinna Leh Vakiangbu