Siamsinna leh Vakiangbu

By ~ Vz Vualnam Zingchiang khual lawzen le hang lah Tuni a nop ding zah a nuam lou thei a; Tuni a noptheipen in zang le hang lah Zingchiang-thaichiang a nuam het lou thei a; Tuni a nuamsalua khenkhatte A zingchia kisiikna a dimthei ua; Tuni a nopsakna laan ngamte Zingni-thaini a nopsakna ngahthei ua; A hunphet theihhaksa mahmah a, A theitheite mi hampha hi uhi. A laitak zuih haksa mahmah a, A zuitheite mi hampha hi uhi. Zan, tuni leh zingchiang in a bawl hiai hinkhua, Lampam siikkhial lou om lou hiai khankhua! © Siamsinna leh Vakiangbu

By ~ Vz Vualnam Khang kidangta a, nidang a khosung a nungak leh tangval kiheel a zi leh pasal a kizon hun a beita. Kawlgam-vaigam a omte tutmun a kithuah bang a kithuah hun ahita. Zi leh pasal a kizonna ah leng leitung lehlam a omte toh leng kigaal heel theih ahita. Hichi bang hun ah a sia in leng mun ngah a, a pha in leng mun ngah hi. Tua bang a kigaal heel a, kitheichian het lou a zi leh pasal a kizonna ah heelkhelh-neihkhelh baihlam a, mihoih-mipha theih haksa mahmah hi. Ki-it kingaihna lah baihsam a, kitawp-kikawi baihsam hi. Kizuakte leng hiai hun ah a hong phatuam mahmah uh.  Chingnu tuh Lamka a om ahi a, Lamka college a BA simlel ahi. Amah leng kizuak ahi a, sum zat ding kitatsat lou in a mu hi. Himahleh kizuak ahihlam pasalte’n a thei kei uh. Numeite kia’n a thei uh. Papau leng kizuak ahi a, Pearsonte ahi. Amah leng pasal bangzah hiamte kia’n kizuak ahihlam a thei ua, numeite’n bel a thei kei uh. Amau bang a kizuak nungak leh tangval bangzah hiam a om ua, mi tawmchikt

By ~ Vz Vualnam Biakinn a khut kilaamtou teng Khut siangthou hileh! Thohlawm kithoh teng Muhna siangthou hileh! Phatna la a sa teng Muuk siangthou hileh! Thuumna kisamkhe teng Lungtang tawng a pan hileh! Gam-le-nam it kichi teng Sum-le-pai a chihna uh hikeileh! Sepna-panna ngah teng A chitziak chit ziak uh hileh! Lampi kibawl teng A tou dia bawl hileh! Khohausa ka hi kichi teng Khua-le-tui it a keem ngen hileh! Saptuam upa dia thaunilh teng A khamiit ziak ua nilh hileh! Pathian' nnasem dia kipe teng Khamangthang vei ziak hileh! Thuhoih-lahoih ka gen teng Ka zuihkim zoh hileh! © Siamsinna leh Vakiangbu

By ~ Vz Vualnam Makai hoih chikchia piang ding ahia? Piangta him leleng mipite hailaw lai hang! Makai hoih thei nai kei hang! A mipi hi in a makaite hitaleh Sum mah deih kekeuh lai hang! Hamphatna mah delh kekeih lai hang! Makai hoih chikchia nei ding i hia? Ei sik a nnasem ding teel hang, A hong chin chiang un kumpi in bawl hang! Ei ziak liauliau a ching himahleh Amai uah kuun in bia hang! A kiphatsak naak lai un zawng zomah hang! Gam-le-nam chidam chikchia nei ding i hia? Sangkhat-sangnih in i nam zuak hang! Sepna neuchik in i gam khawng hang! Kum nga lalna ding ahihnakleh I nam' a ding leng geel nawn khang! I gam' a ding leng khual nawn khang! © Siamsinna leh Vakiangbu

By ~ Vz Vualnam Niinneng na hi a hia, Niinbuakna mun a na om! Hon lainat ding om lou hia, Deih louh paih a na om! Lanva lui a paih maimah dia, Ba hong piang na hia bawi! Itna himhim ngah lou dia, Ba suul hon nusia na hia bawi! Ka mualphouna uh khuhna dia, Nang niinneng na hong tan laizang! Ka kileekna uh gah lou dia, Nang seh a na om laizang! Nu dang' suul ah hong suak leteh, Deihthohpen hi ding hi ve chin! Pa dang' suan a piang hi leteh, Duatpen hi ding hi ve chin! Vangsia hina tel chia maw, Leitung a khatvei pian sunsun! Vangtah hina tel chia maw, Khut-le-khe kim a piang sunsun! Na thuakna kou' dia sinlai hi hen, Khuhmang ngai lou hinkhua hon zang ta n'ung! Na sihna kou' dia hinna hi hen, Hinna' manphatdan hon theita n'ung! © Siamsinna leh Vakiangbu

By ~ Vz Vualnam Ngeina bang in Lianthang tuh an nekham ofis kuan ding in a kisa a, a tanunu leng skul kai ding in a kisa saam hi. A turkey khoite uh nidang bang loutak in patau tak in a haam kheukhou gouh ua, a phe velvul uhi. A lawinu Nenem in, ‘Tuzing vasate bang chi uh ahi vengvung gouh,’ chi in an peuh a va pia hi. Huchih lai in ziin haat lawlou a hong liing a, a lawinu Nenem laulua in a nau uh pom in innkonglam a delh hi. Inn kong a tun utoh kiton in ziinliing a dai hi. A activa a tawlpawt a, a tanunu a sam a, a innvengte’n inn lam lel hive un, ‘A tu leitung bei kuankuan a nou innlam na hichi kisan uh,’ chia chiamnuih in a kuankhia uhi. Bungmual a Newlane a teng ahi ua, a tanunu Foundation skul a khasuk in aman ofis lam a zuan hi. SBI Lamka branch a manager semlel ahi. Ofis a tun in a computer a suhing masapen a, huai zoh a phone ah facebook a thai zualzual leh, ‘Massive earthquake may strike northeast any time,’ kichi a thaikhia a, den a ziinling khawng ngaihsun in a pa

By ~ Vz Vualnam Bang i loh dia, Lungtang a puakgik pozou lou a i puuk chia'n? Bang i loh dia, Zingchiang nangawn mu ngap nawn lou a i om chia'n? Bang i loh dia, Kal khat nangawn suan ngap nawn lou a i tawl chia'n? Kah a phatuam diam? Thuum a phatuam diam? Sih a phatuamzaw diam? Hiai lungziinna meivom khen ah Lungtaina ni a suak lai diam? Hiai lungngaihna khitui nung ah Kipahna mittui a luang lai diam? Kua'n a thei a! Ngak lai ni! Kikhin nai kei ni! Hon neem tuan kei mahleh Kap tadih lai ni! Dawn louh bang mahleh Thuum tadih lai ni! Vaiveng ding bang mahleh Sihna teel nai kei ni! © Siamsinna leh Vakiangbu

By ~ Vz Vualnam Sintawpni nitak ahi a, kaaltawp hunnuam zang in Mangliante lawmta a inn uah a phaphet kei uhi. A nungakte chiat uh utoh zu leh sa ne in lu leh taw phawk lou in a om uhi. Huai tuh a kaaltawp hunzatdan ngeina uh ahi. Delhi a a pai tuung in Manglian tuh huchi bang mi ahi kei a, himahleh sawt lou nung in tua a omdan a lawmte a pan a hon tawmkha hi. Amah leh a nopsakpih a lawmte laisim ding a a om ahi ua, himahleh a lai uh sang in noptaalna a awlmohzaw ua, laisimlam ah bangmah tan a tung kei uh. Huchi bang a zansawt nung a hulumluat ziak khawng in innveng vaite toh kitheihsiam louhna bang a omkha zezeuh hi. Himahleh kibawlhoih ding in theihsiamna a nei kei uh.  Zankhotawn a hulum a om zinglam a ihmut uh limsaan laitak in a phone a hong ging a, a etleh a nu ahi a, aw chiang lou neelnual in a dawng a, a nu’n ahihleh nidang a a houpih chia a gen masak teng mah a gen masa a, Manglian in, ‘Hi’ chi lel in a dawng hi. ‘Na college kai uh lakloh hia tulai? Innlam hong paith

By ~ Vz Vualnam Ka son momnou mel a deih aw Tuunhuai-zuahuai a kil bang khang Seisang na hong tang ding sa'ng e; Ka ang ah na seilian ding sa'ng e. Tuun-le-zua' suihlung mawl vang a Sanggah na tan lai ah naa sa'ng! Puvon in luankhi toh don ve'ng, Tuun' anglum na ngai ding hi e. Tuun' mel thei lou a kil bang khang Son aw suihlung na zuang hiam aw! Guallai sawl bang na heina ah Ngaihsial sial bang a lian hiam aw! Puvon toh lou khankhua zat ding Son aw suihlung na khing hiam aw! Mi a puvon chiat in huai dia Nang huai ding koi a hei hiam aw! Son aw gia bang hon zuun nuam ve'ng, Hizong ma bang pat na'ng mai maw'ng. Son aw haam bang hon huai nuam ve'ng, Puvon chi'n n'on lou ngam diam aw! Sian' huai in kil bang hong khang aw, Tulsing nahluun bang hong pha aw. Tuunnu lungmawl hon ngilh lou aw, Puvon lungmawl hon chi lou aw! © Siamsinna leh Vakiangbu

By ~ Vz Vualnam Nidang pekpek in Tedim khua ah Guite Innpi ana om a, pu Mangsum tuh hausa in a om hi. Hausa bulpi ahihman in nuam a sa mahmah a, khokiim-khokiang a siah kai in niang-le-tai in a om hi. Khopi mahmah, inn bang leng zasagih val bang ahihman un kimuang mahmah ua, tuunpi bupha mah a bang uhi. Huchih hang mah in Pawite nangawn in leng a sim ngamkei uhi. Khopi na nana tuh a tong ding bang kimat in a om ua, khodou toh bang toh kumtawn in a luum vengvung zouden uhi.  Huai hun lai tuh sa-le-gal a kineih hun ahi a, hansanna leh pasalphatna tehna tuh samat-galmat ahi. Tua hang mah in a mantam kituh in sabeng-galbeng a kuan tuh pasalte' kidemnapen ahi. Tua bang a a thatzou-manzoute mite'n a tung-et ua, a thu uh a pai a, nungakte'n leng a deih diakkhol uhi. A thatzou-manzou loute ahih uleh pasal a leng a sim louh phial uh ahi. Tua hun lai in khosung ah tangval melse het lou Liannok kichi a om hi. Agual-apaite a hatzaw kituh a sabeng-galbeng a a om hehu lai u