KA SON MOMNOW
By ~ Vz Vualnam
Ka son momnou mel a deih aw
Tuunhuai-zuahuai a kil bang khang
Seisang na hong tang ding sa'ng e;
Ka ang ah na seilian ding sa'ng e.
Tuunhuai-zuahuai a kil bang khang
Seisang na hong tang ding sa'ng e;
Ka ang ah na seilian ding sa'ng e.
Tuun-le-zua' suihlung mawl vang a
Sanggah na tan lai ah naa sa'ng!
Puvon in luankhi toh don ve'ng,
Tuun' anglum na ngai ding hi e.
Sanggah na tan lai ah naa sa'ng!
Puvon in luankhi toh don ve'ng,
Tuun' anglum na ngai ding hi e.
Tuun' mel thei lou a kil bang khang
Son aw suihlung na zuang hiam aw!
Guallai sawl bang na heina ah
Ngaihsial sial bang a lian hiam aw!
Son aw suihlung na zuang hiam aw!
Guallai sawl bang na heina ah
Ngaihsial sial bang a lian hiam aw!
Puvon toh lou khankhua zat ding
Son aw suihlung na khing hiam aw!
Mi a puvon chiat in huai dia
Nang huai ding koi a hei hiam aw!
Son aw suihlung na khing hiam aw!
Mi a puvon chiat in huai dia
Nang huai ding koi a hei hiam aw!
Son aw gia bang hon zuun nuam ve'ng,
Hizong ma bang pat na'ng mai maw'ng.
Son aw haam bang hon huai nuam ve'ng,
Puvon chi'n n'on lou ngam diam aw!
Hizong ma bang pat na'ng mai maw'ng.
Son aw haam bang hon huai nuam ve'ng,
Puvon chi'n n'on lou ngam diam aw!
Sian' huai in kil bang hong khang aw,
Tulsing nahluun bang hong pha aw.
Tuunnu lungmawl hon ngilh lou aw,
Puvon lungmawl hon chi lou aw!
Tulsing nahluun bang hong pha aw.
Tuunnu lungmawl hon ngilh lou aw,
Puvon lungmawl hon chi lou aw!
© Siamsinna leh Vakiangbu
Comments
Post a Comment