Siamsinna leh Vakiangbu

By ~ León Guite Author's Note: Hiai tangthu lawmte khat in whatsapp ah ahon khak ka muh ahi a, agelh tu theih ahikei. MIZO pau a kigelh ahi. Athu tun hoih leh sinlai leh sinsaktute ban ah mikuapeuh a ding a sinlai hon pe thei hi a ka theih man in theih khamkham in ka hon letkhia hi. Eilam toh kituak ding in athu ka lemhoih thak a, min hong kigenkhate toh kituak i omkhak leh tup mawng hilou ahi chih ana theisiam ding in kon ngen masa hi. December, 5 ni ahi a, ka school uh office a ka table ahschool naupang ten farewell box a alehkha nutsiat te uh sim ka hon pan hi. (Ka school un class-room chih ah letter box toh kibangsim box khatchiat ka koih uhi. Kumtawp promotion examination result puan ni in naupang, school dang ah kisuan khe ding te hiam hanksatna tuamtuam ziak a school pawtsan dingte ban ah school a kaizom zel lai dingte teng in; laigelh tomchik, school amuhdan te uh, alawmte uh tanchin hiam school zillai tungtang leh a tuamtuam te gelh inbox

By ~ Vz Vualnam Zingkal thohkuan a ihmut suak ngoihngoih Nitak lupkuan a suak hizaw mai leh; Nitak lupkuan a halhtha suak veekvuuk Zingkal thoh kuan a suak hizaw mai leh! Hon ngai a hon deih a hon nounoute Ngai kisa a i delhdelhte hileh; Deihlou kisa a hon limsakloute Ngailou a i hep khiatkhiatte hileh! Banghang a i nuntaakna hiai khovel Ei deihdan a pailou chiitchiat ahiam? Banghang a hiai leitung thilte khempeuh Ei lemtaan bang a pailou sese hiam? Ei deihdan chiat a pai bang hitaleh Thumna omlou dia, siamtu i thei diam? ©Siamsinna leh Vakiangbu

By ~ Vz Vualnam Nang khangnou lunglawp in na deihtaak kia Na itna dik ahihdan na chettheih leh; ‘Ka itna zaw a diktak mah hi,’ chia A kiang a a chetna na bawltheih leh; Khaih! Khangnou zuauhaatpi khat hilim teh! Na deihtaak na va khemzoh zawkmah leh Mi khemnoppi khat houh hilim in teh; Hon na gingta lua ahih zawkmah leh! Itna diktak in lah chetna ding in Hun sawtpi a la hi – Damsung tawntung! Mi tampi’n itna dik chia pan na pi’n; It taktak zoulou khonung buai tawntung! Itna dik in ka it i chih a leh I sihni chia’n i chianthei pan ding hi! ©Siamsinna leh Vakiangbu

By ~ Masang Leivang Mls Simte December 25, 2011 Nipini zingsang dak 5:00 a gingta; Saptuam chih Biak Inn tuamtuam Mang piancham lawm ding kisingsakna in hulum tak in paungaihnate zang in Christmas la khah in kithalawp tak in a om ua, Huan Christmas zang ding a kisingsa Biak inn tuamtuamte a Nekbawlna lam mohpua ding a seh tuanvaite leng kithalawp takin Gante kaikhawm in a buai vengvung uhi. Zingsang meikai thithiai nuai a a thou masa leh kimu masa sa in Christmas Chibai chi'n Chibaibukna a kibawl siausiau uhi. Hiai hun zaw hun manpha leh Sahkhua Biakpiakna lam a Hunbi poimohte lak a a kingai thupi diak ahih man in michih lungsim siangthou tak in leh kipakna maisuah toh zingsang khovak a vaidawn chiat uhi. Ka inn uh Biak inn toh kinaih ahih man in keileng zinglup na ngaihna omlou ahih na toh zingsang bel huntawk in ka thou a Inntung lam tukvelh a pan in mi ki sukhei-touheite en in Mang piancham ni zingsang ka zangbei hi. Khoi a hong kipan a koilak a o

~Vz Vualnam I tawi theisen zatamte Kil bang a khanna di’n Vangkhua huang bang hah ni Neekguuk-taakguuk, duh-amna Kangmei in kangtum hen Gamlei tui bang siang hen Haam bang kihuaikim chiat ni Itna’n vai hawmta hen Itna’n vai ahawm chia’n Angmasialna beita dia Khat-le-khat kikhotuah in Dialdial in i hei ding hi Tua bang hun hong tun chiang in I kituh sum-le-pai A zatna ding mun a zang in Khantouhna hong tung ding a Tua hun chiang in mi chi’n Gamlei paal ning bang zou in Nunnuam in i lengta ding hi Angmasial nawnlou in Michih a ding khual ni Ei’ huangsung kia hilou Vangkho sung zong khual sam ni I beh i phung kia hilou Daipaam mi zong khual ni Tua chia’n i gam chidam dia I paalluunta ding hi Ki-itna a manphatdan Kikhotuah kim dialdial Supna a hihlouhdan Tua hun chia’n i theita ding hi ©Siamsinna leh Vakiangbu

~Vz Vualnam Phalbi! Phalbi! Ka kumchin dougaal hang! Hon sim a hon lok ding in khomual ah N’ong suak nawnta maw, vahkhuai bang a hang; Vuuk leh huih vot na seekkhawmna mun ah. Na zingkal tem bang mai in a hiam a A sat khaak puanpi’n a tuamdam zoukei; Na nitaak in teipi bang a sun a Taptawng meilum in a thoihdam zoukei. Nipi zing ninou a hong suah masiah Nang hon nuaisiah zou ding a om hetkei; Nipi ninou in a hon hawlmang masiah Nang hon hawlmang zou ding a om hetkei. Himahleh kumchin in na hong kiik hi- Na thangpaihna ka tung a sungbaw di’n! ©Siamsinna leh Vakiangbu

By ~ Chinkhanmuan Samte   Democracy leh Communist ‘Political Ideology’ kibatlouh ziaka Germany Khopi Berlin; East leh West akhendalh a Dai kikai kum 28 hial ana ding ‘The Berlin Wall’ kichi Kilometre 155(96ml) asaau, Political, Ideological, Geographical leh Emotional Barrier leng hi ngeita, apuuksiat nung tuni November 09 kum 25 achinna hita hi. August 13 1961 in khunpat in oma, November 09 1989 in Cold War hii beina dingin hihsiat om hi. A sulnung thu saaulou kikum khawm leng chi ihi hi. Bang ding a hiai kulhdai khun a om hiam? Tomkim taka dawnin, mihing East lam akipan West lam zuana lutte hiamkhamna ding liahliau abawl ahi hi. Himahleh bang pentak ziaka khun/kaih aom hiam ichih chiangin Tangthu saaupi leh huap liantak nei hi. Galpi Nihna, I Nu-le-Pate’ chepteh dan in Japan Gal (Second World War 1939-1945) lai a Allied Forces kichi Britain, France, Russia/USSR leh USAte’n Axis Power Germany, Italy leh Japante’ tunga vualzawhna thupitak honl

~Vz Vualnam Lengvan tualnuam a zingvai hawmte’n Tangliang sang bang hon nou talua sa’ng Tung a heite’n sang bang hon nouhna Tangliang kei di’n kumchin luanli hi Ka kungtung a nuihchiam khuai bang tuu Tnagliang kei di’n zanchin luanli hi Phavang zang i sunni suah sim in Sau nen tul hiang ah singleel heisa Suan bang hong meng ve’n lunglawp ing e Nipi zaang sunni hong suak ding a Singleel heisa sil bang hong paal dia Tang in paak bang louta ning chi’ng e Heisa paal hai bang ka ngak kaal in Phalbi vuukkaang gial bang hong kia e Tulleel heisa tum bang vuaizou e Heisa paalloh ding a phung heu e Luanli toh tulleel maimit suan ing Nipi sil bang paal ding bei hi e Tung a simthu a hawm theite aw Sang bang kinouh baangta ve ni e Heisa paal ka loh ding nei nial leh Kumchin an bang ei tahtahlou aw Kumchin an bang nei tah buang leh aw Paalloh di’n heisa hong paal hen aw ©Siamsinna leh Vakiangbu

By~Masang Leivang Episode I: Tuma kum 2 paisa in Christina in honna beisan ta hi. Asihna ziak diktak Forensic Report dan in Awhlum ahi a,huai omzia bel mahni kithat ahi mai hi. A kitheihdan in, a sih hun in amah kia inn ah a om ahi a, mit a mutu a om kei.Tracy, Christina lawm hoih mahmah bel ahikei a,ahihziak in chial a om bang in A sepna apan Christina inn a juan a, amah ahi a sihnung a a luang mu masapen. Ahih ziak in Ceiling Fan a pan khau a Christina gawl a kigak a kikhai chihlouh thuchiang zaw bang madang gentheih a nei tuan kei. Pastor: "Mihingte adi'n hun poimoh hun 2 seh in a oma; huaituh pianhun leh sihhun ahi. Tuni in hiai ah I ngaihnat le I iit mah2 eilak a hong omlai leh chia i iit ngoihngoih Christina a din a khovel ni nunung a hong hita hi. Pathian lemgeldan mihingten I theisiam Kei ua,ahih ziak in eimah hoihsak banglou tak hina haksahongtung hun chiang a puaksiam dan I theih ahoih le hPathian deihdan ahih um hang.I Pathian

By ~ Eric Muan Paite   June 28, 2013 sunni mual dawn ah hong tangkhia a, avak kilawm takmai in Lamka khopi hon tanvak singseng hi. Zinglam dak 9(kua) vel ahi a, kitenna a tel dinga chiala ka om bangin kei leng ka nalh theihtawp a kichei in Usher a pang ding in inn nusia in ka kuan khia hi. Ka heutupa un hon tawnsuk in a chih manin a inn uah ka bang suk a, ana man phialta uhi. Zinglam in bel khua pha mahmah singseng a, himahleh sun in vuah a hong zu thei mawk hi. Hucia hong kuan khia in kitenna ah ka hong tel tou a, mitampi tak kitenna uap dingin a hong pai ua, biakin sung a tat louh ziakin inn pua ah leng mi tamtak om uhi. Hun bangtan hiam nungin kitenna zou in mou lopna nei dingin YPA Hall, Hiangtam Lamka zuanin ka paiphei uhi. Ka zekai sim man un mi ana dim mahmah ua, a sawng tunglam (balcony) a paitou in huaiah ka om uhi. Huchi a van hepfel na a tel in, tui khong ka hon tawi khawm ua, nuam kasa mah mah hi. Hiai hunte bel ka hinkhua adia thil paw

By ~ Thang Haulai Ffetg   To, Ka sanlai ngaihnou,, Ngaihnou aw tu hun a laipek a na kiang a lai kon khak mawkmawk pen lamdang nasa sim di maw? Phone tungtawn a kihou gige himah le hang, nidang a i kihou dan ngeina lou in kihou in, thu tamlou kikum khawm le chi kahi. Phone zang a thugelh a I ki hou chiang in kampau khum pipi iki muam sek a, a chang chiang in iki hehsan ni le a om khasek hi. Huaite a poimoh in a manpha kei ka chihna bel hilou in, lamdang sasim lah kipak kawm ngal a na om na dia hiai laidal tungtawn a na kiang ah, thu poimoh ka sak mahmah gen nuam a kon khak ahi. Na itna toh na lungtang tengteng le tel in ngentel tak a hon na simsuak sak din ka hon ngen masa hi. I ki ngaihna le hun bangtan hiam paita ahih man in, ikal a iki zopna khaugui pen khauh semsem leh hoih semsem in ka thei hi. Nang toh houlung kup nuam in navak huai kasa a, na’ng le nuamsa nahi chih nang a pan za kahih man in ka hon ngaihna pen nisim in a khang semsem hi.

By~Vz Vualnam A thuguukte uh phoulaak a om a Zahlaakna guam thuuk a akiat lai un; A otnate uh puanzaak a om a Maizumna liah vuallouh atuah lai un; Ka thuguukte ka kiang ah abit a; Ka otnate teng phoulaak ahi kei. A hon pahtaak ka gingta kholkei a Pathian ki’ah kipahthu ka gen se kei. Mualphou na’ng neilou bang in om mah le’ng I pilvan siam ziak ahi lel zaw hi. Thukhenni chia’n seelmang a om teng leng Phoulaak ahi vek ding  achi uhi. Huai ni ahihma a phoulaaklouhte Mihoih vui a vui ahi ding uh! ©Siamsinna leh Vakiangbu

By ~ Vz Vualnam Khau bang chiah in chiin lianu aw Manoh phunglai na neem hen aw Phung na tanna saumang nuam ah Sian’ huai in hong phungching in aw Tu leh ta zatam hon tawi in Zatamte’ tuun hong hi aw Na tawi zatam ni bang hong lun uhen Vualtung va bang tuang uhen Na bualna gamlei gahpha hen Vuahtui leh daitui kangkei hen Na tuh na khoh in gah suang hen Na beemtang vuak ngeikei hen Tasamte’ di’n dim gige hen Nang’ vang in zata niang hen Ngoumei limliap leh huihkhi lang hialhial Zaitha tawl ni’n nang a hi hen Chidamna leh ludamnate Na innsung ah innteek uhen Chiallouh natna leh satnate Lai hong len ni’n paihun thei hen Lungngaih luankhi’n hon peel hen la Nunkhonopna’n hon tuam hen Kawi toh simlei tuanglam na zotna ah Sian in lum bang hon sung hen ©Siamsinna leh Vakiangbu https://www.youtube.com/watch?v=ajRTSa97reg&feature=youtu.be  

By ~ Vz Vualnam Nikum a ka deih nikum in ngah leng Kei dia a manphatna ka theikim diam? Nikum a ka deih tuni’n ngah ta leng Ka deih ding zah in ka deihna ding hiam? Tuni a deihlua hi a i kitheih Zing khawng chiang in kideih nawnlou thei a; Kum tampi nung a i deih lailai theih; Deih taktak in i deih chih i thei hi. Tua zah dong a i deih i ngah chiang in; It leh hawmthoh tak in i keem ding a; Haksapi a ngah ahihdan thei in; Mansak ding i lau peetpeet ta ding hi. Pathian in sawt hon ngaksak a hoih hi! Ei’ dia a manphatna i theikhia hi! ©Siamsinna leh Vakiangbu

By ~ Hauzel Kap BYF KHAWMPI .......................... toh ksai kahon share nop khenkhat... Tukum 2014, BYF Khawmpi galdon thei di'n i omta a kipah huai isa hi. Tuailai Khrist Gimnam hiding a kipia te kihel a, Khrist gimnam ihih na uh va suahkhe chiat di'n iki chial hi. (Mihausa te mohsa hituanlou in.....Tuailai leh Dorka khawmpi hun chiang in Vai Mahajon te kipak thei mahmah uh chih i theihsa ahi, vaite adi hia, Pathian adia napiak di...) Huchih kawmkawm in Pathian biakna ichih mihing kipahtawina, i neih-le-lam mi sanga sangzaw ihihna langsang dia kisa ihi zen zen kei a, Pathian mah mitsuan ding ihi chih mangngilh keileng hoih sak thu kahon kum hi. Pathian min a kalsuan tak tak lou nahih a, ana sem a kingai na hih kei leh zaw KHAWVEL thil te na ngaihtuah in nop sak thoh lel na hih khak ding lau huai zaw hi. Pathian in sum in ahon en masa kei hi, i puansilh leh teen te ah Toupa akipak kei a, amah itna toh a nung izuih deih zaw ahih man in,

By ~ Vz Vualnam Na khangnou lungtang pummuan thahah ke’n; Mualdawn luita bang luang hehu mahleh. A haatna ah muanna koih thahah ke’n; Sing leh suang tuah in taai vuvut mahleh. Khaallai luita bang in a hong kang dia A muanhuai louhdan na thei phiing ding hi. Huai chiang in lah lamkim ah na taang dia Kisiik na’n a hon pikiikkei ding hi. Hinkhua toh kisai thilte khempeuh ah Nu leh pa leh u zaw muang haamtang in. Phai a luipi luang bang ahihna uah; Kumkhua’n a luang uh; kan hun neilou in. Luita bang in ana luangkhinta ua; Tot ding leh dinglouh lampi a thei uh! ©Siamsinna leh Vakiangbu

By ~ Vz Vualnuam It kisa ngai kisa a ngongtat a Kiguuk taipih taltalte khawng bang leng Sawtlou in hong kima vevut thei ua A itpente toh kitengte bang leng. Chikmah a kimu ngeilou napi a Mite’ lemgeel ziak a kitengte leng Teektan a leng kilen chitchit thei ua Ki-it masalou a kitengte leng. Kitenna bang in hihkip hi ding hiam; Ki-itna in a kipsak zohkei leh? Kitenna bang in susia hi ding hiam; It ngeiloute’n leng a siatsakkei leh? Nupa hinkhua a bang poimohzaw hiam; A it lungtang maw, a theisiam lungtang? ©Siamsinna leh Vakiangbu

By ~ Vz Vualnam Pupa luahsa gamzang nunnuam Tuan a pupa kei bang a gialna Gamsing bang manna gamzang nuam Siahtang kaihna dohtam a nuamnou Dohtam nuamnou ah khangsawnte Singta’n siahtang hon kaizou e   Va bang pil ding seinou zata Va bang pilmoh bilh bang thoumoh e Al bang manna tuanglam mial ah Seinou zata kaihmin luang bang e Mal bang kou leng tong hon dawnglou Baanzaal khaakmoh tuaite aw chi’ng e Paam in hon neh, neen in hon niil I kungtung ah simthu leelzou uh Singta’n laam bang hon kheng zouta Hanlung chiam ding a mi omlou e Hanlung chiamlou zaitha suuklou Singta sul ah zuita ding maw   I paam a mi bilh bang thouta Hanlung chiam in siamsil khau bang suut Lal leh mang in kibawlta uh Heina peuh sum bang biak di’n lengta Ei aw a mang ding mi zata Koi kuam a vai bang tham i hiam aw   Ei aw khangthei a lou masa Chik a saam bang zaal kiik i hiam aw Ei aw a lal leh mang masa Koi a tutkhawl vaitham i hiam aw Seinoute aw zuangthoukei leng I phung luunlai

Written By: K Lianthansang ‘Khuga Dam Sex Clip’ ziak a, Churachandpur Police Station in ana siat lawh banah hinna manphatak khat I mansuah nitaak uh ZO’ suan te’n theilai chiat di’n ka kigingta..(?) Huai pen gennuam kahikei a, ka thiltuah pen huaini ahi chih ka gennop ziak a ‘thumapi’ chihdan pian leh ‘eh huaini eive maw?’ chi a I theihsiam pah na ding ua kongen masak ahi…… Ani: 30th June, 2013(Pathianni/Sunday). P athianni biakna kikhop tawp in, Khominthang, NewLamka a lawmpa hong ‘kholaileng’ tou (kou inn Khominthang saklam chihna) a, huailai a ‘burning topic/hot issue’ tawh ki zawitawn deuhmai a “……’ ‘Khuga Dam Honna’ neih ahih zawh nunga, ‘Dam Leak’ chih mawk thil maktak ahi. Dam HONNA neih ma a LEAK ahih leh bel chillum tawh le valhtum haksalou deuh di hi a..!!.  I Gam ua Dam I neih sunsun uh, a mun a CANAL te vuak leak lou a, INTERNET tanpha a hong leak chiang in zaw…?” hon chih leh awm kasa mahmah ve…!! Huchibang a, thu tuamtuam gen a ka houlim ni

By ~ Mung Naulak   In the arms of her mother she grew Never she knew the cruelty of the world Never she took decision on herself She always thought living by herself is independent She always thought her mind is her destiny   Never she saw a city But now it is in her hand Not realising hardwork pays She does take a shortcut Falling in to a game pit of cruelty   A pit of madelove and lies Filled with Lust and dirty mud She contents with her life Lies and truth have no meaning to her Nobody knows where and how she live   Happiness she found are only just too short Making midnight friends, she thinks she is matured Leaving behind where she comes from Leaving away her siblings She lived her lifetime on cloud 9   Luxury is all that matter to her Like an ant attracted to sugar If only she knew the game She would have saved herself and her sisters ©Siamsinna leh Vakiangbu

By ~ VZ Vualnam Laigelh kisin tuung naupang bang mai in Hinkho laidal ah ka gelh ka gelh hi. Gelh khial a nulmang zel naupang bang in Gelh leh nulmang ka thuah nilouhlouh hi. Naupang in laidal thak ah gelh thei a Ke’n bel gelh na’ng hinkhua khat kia nei hi’ng. Nul mangmang na ton in phon gawp khin a Himahleh huai mah a gelh zel ding hi’ng. Naupang zaw a hun sawt a siam khawng a Hinkhua zaw siam hun a om theikei hi. Na kimuan laitak in na gelhkhial a Nulmang na’n laidal a phon deuhdeuh hi. Hiai na min zaw ka nulmang nawnkei ding! Ka hinkho laidal ah a tuangden ding! ©Siamsinna leh Vakiangbu

By ~ Mung Naulak   Nothing is constant in this world. Even the sun rise and set every day. Even the river flow doesnt stop. Even the life we live is ending with each moment spent.   Our life is nothing but a burning candle. It melts with each moment. It burns away without a trace of it. So is our life.   Gone are unchangeable days. So does the gossip of men. Fools regret on dark night. Never realising that day was before. ©Siamsinna leh Vakiangbu

By ~ Biak Naulak Zomi Neih jiak hilou in khosak haksa leh maban khual na zaw hidi hiven inkal kitawi zen in mite genmin thang C long vang khua zuan in kong kipan khiata a. Ka nu leh pa te hon lam et leh kazin san gari tung a ka ngaih tuah ngitnget a kei leh kei kikhasiat in kamittui kanul nul mai hi. Chikmah a kamuh ngei le hilou agam awmdan leh pau lehham bang kijang hiam chih le theilou in katuang a amin zaw kazak khak na swtta e. Akhovot dan khong migen apat kathei thei hi. Kohima khuamial in katung ua avak phing pheng maimah a amual amual in avak a a etlawm mah2 mai a Lung honsu leng mah2 mai a kahtha lam2 bang asuak hial hi. Katuan pih te khat in Kohima khopi kichi hiai ahi. Tua ijot C long vang khwpi leng tua dan mah in amual mual a in wm ahi hon chih leh C long chik mah a mukha ngeile hilou p in kalung sim mit kha in kangaih tuah khethei sam hi. Inkuan te nusia a khual gamlapi kazin pat na ahi. Tulai bang dan a khut a mobile tawi chih beek omleh