LALMALSAWMI-5
By ~ Lk Pau Tombing
“Nunak-tangval ihih laia panin na nitaklam buai gige pen khawl thei inla, mabanah, khalam bekin nupa nuamsa hithei leng chia kathumna tudongin kapialsan naikei. Nitak,zingthohin nanga ding kia ahi Pathian kianga kathum gige. Na hon it louhman nachih khak ding kalau-a kahonna khaam ngam kei. Uthang aw, itna takin ahi kahon it. Kei ziakin zaw nakhawl ding ahi kei-a, naki deek ding. Himahleh itate nakhualna’n ahi nakhawlsan ding kadeih.” chi-a kalupna tung, kabil buka hong kihiau siau-siau kana neepngaih luat tu’n kisikna leh nehnouna hon tuntu ahita.
Mibanga pillou-in kamsiam keimahleh hon itin katungah siam zou gige. Kazak thadah di paukam zat khak ding kivengin, gamtat khoheiah kamitmei veng petmah chih katheih ziakin kaneep bawl mahmah. Tua kia lou, amah sanga hoih zaw nungak hon ngai om sama, kazulhzau sannite zong theisim mahleh chillum toh valhmang sek hi. Kahon itkei kachih khakding lau-a kanle hon kan ngam kei hi. Huchih hun sungin kumte le kiheiliam zel ahihmanin taksa lamah kong upa samta ua, zi’ thupi lua neikha kahihlam kakiphawk khe phing hi. Tuchiangin zaw kazi’ kipahna di kazong teita. Sawmi le kipakin hun aneih nakleh thumkhawmna, saptuam leh khotaang vai-ah kipaktakin tel gige ta hi. Tua kialou, numei pawlah zong tuitum mahmah. Himahleh, katangval laia pan kathil chiin zawngzat kakhawl sanzou nawn kei. Numei pawlte zong hong hah kat sem ua, khosung-veng sungah khamtheih, zu leh sa hon kham bikbek uhi. Nupa kithu hilhna penin zong inn sungah kazangta ua, kap kawma thumna toh hon ngen kazi it, keia dinga le hoih ding leh nupa hinkhua athaka zang din kana chiam hi.
Kaalkhat zaw kana thuak mualsuahta. Zu man(price) le aleh thumin apung chih kana zasam aka. Zan hun tuh keia din gentheihna hun ahita. Ihmutni kanei takei. Saa naa, guhnaa leh ihmut kham louh ziakin natna kahau deuhdeuh ta. Sawmi inle hon awlmoh in abuai thei petmah. Keia din damna hoih pen zaw ihmut ahimai. Damdoi tuamtuam kon zanga, Doctor leh mi khenkhat kianga pan kahuat pen No.4 natan kawkmuhin ka om hi. Kei’ taksa lampang kangaihtuah chiah lah kathuak ngap nawn kei. Ka khristian vangik tuh tamlou lou-a puak non mai kasawmta hi. Sawmi in le hon itin hon hehpiha ahon nialngam kei. Ahihhangin amah dinmun toh bel kimil hetlouh ahihlam kahaih hetkei uhi.
Bangteng hileh keilah vak khezoulou, tate sawlna dan lah omlou, Sawmi mah akuan angai zel. Inn gua hahlou-a gam' gua hah sawm'nu chia mi' houlimna khawng kaza sam hi. "Dikmah ve aw..." Chiin lung ngaihna leh kingaih siatna konnei panta. Khakhat nungin chuh zu-man atam ziakin innsung sum dinmun kise zou mahmah chih ka thei. Ka ningkitelin kaheh tha asuahni atam deuhdeuh ta. Nikhat, “Sawmi aw, bawlzoh di hileh UNO in ana hih lou di hiam? Ei leh ei kigawtna lela khamtheih bandh bawl hilelin kangaihsun.” “I gama tui siang dawndi kining ching dia, phaizangmi hong tenglou di’n huih siangthou dia damtheihna hoih di,” chia hon dawng ding hileh tuh hon dawnna ngak di hinga. Ahihhangin athilhih uh thupi kasa. Hikei leh kei kialou katapa le kholai ah zukhama akitom thawm ging kaza ta di. Huai gentaklouh katapa nihna le samsau, khekoi tolh phialin innsunga sum deih in ahaangta ding hi. ka tanu zaw fashion show chih lam khawng kivat chilua a taksa maamna din Relipen anek kaki theihmoh bawl uhi.
Nikhat Sawmi luu naa sa in hongpuk phut hi. Kei lah ka thil chiin kidek zoulou, ani-ani-a kasum zat pung hulhul, sum neihni chih omlou. Damdoi inn ah kong kipuak utuh keia dingin leitung ana omlou himai leh. Sawmi natna ana serious lua in zekai loua mun thupi zaw zuan dia theihsakin ka om uhi. Neihsa lah omlou, kei hon ita haksa chiteng ana thuak ka zi tua naa sa-a mangbanga kikou ka en ngam kei. Kei hileng Sawmi bang chiin a om mai zen dia aw. Damna mah poimoh pen hiven chiin ka inn tuh sum kava suahta, kaneih leh lam teng bungbei in operation kava bawl uhi. Himahleh, ka zekaita. Nuaisiah kaleitung' goumanpha, nu deihhuai LALMALSAWMI tuh akilawm theipena chei-a ka vuimang mai tuh ama adia thil thupi kahih theih om sun ahi ta.
Kazi tellou-a leitung haksa paltou ding kahihdan anaak khawlnung minute khat leng pai manlou in kathei ngal hi. Katate, anu ngaia hong kap ding ua, bang chiin kaheh neem dia. Neihsa omlou gam hiaitana aluang bang chi puak di, inn lam zuan thei hile ung leng inn leh lou nei nawnlou koia bang chi di. Vui louh theihlouh ahih chia akilawm theipenin jem dekleng unau-sanggam neilou kuan puana tuam di. Ka naute ka ena bang kasuahpih maizen diam aw. Bang ziaka maban khuallou-a zuu toh hiai tan ana kiteng kamai zena. Bang ziaka unau-sanggam zonglou-a zuu kia ana buai pih kahia..? Mihai chih kia inle hon daih nawn kei. Thilteng kei moh vek ahi, hon ngaidam in aw...
©Siamsinna leh Vakiangbu
“Nunak-tangval ihih laia panin na nitaklam buai gige pen khawl thei inla, mabanah, khalam bekin nupa nuamsa hithei leng chia kathumna tudongin kapialsan naikei. Nitak,zingthohin nanga ding kia ahi Pathian kianga kathum gige. Na hon it louhman nachih khak ding kalau-a kahonna khaam ngam kei. Uthang aw, itna takin ahi kahon it. Kei ziakin zaw nakhawl ding ahi kei-a, naki deek ding. Himahleh itate nakhualna’n ahi nakhawlsan ding kadeih.” chi-a kalupna tung, kabil buka hong kihiau siau-siau kana neepngaih luat tu’n kisikna leh nehnouna hon tuntu ahita.
Mibanga pillou-in kamsiam keimahleh hon itin katungah siam zou gige. Kazak thadah di paukam zat khak ding kivengin, gamtat khoheiah kamitmei veng petmah chih katheih ziakin kaneep bawl mahmah. Tua kia lou, amah sanga hoih zaw nungak hon ngai om sama, kazulhzau sannite zong theisim mahleh chillum toh valhmang sek hi. Kahon itkei kachih khakding lau-a kanle hon kan ngam kei hi. Huchih hun sungin kumte le kiheiliam zel ahihmanin taksa lamah kong upa samta ua, zi’ thupi lua neikha kahihlam kakiphawk khe phing hi. Tuchiangin zaw kazi’ kipahna di kazong teita. Sawmi le kipakin hun aneih nakleh thumkhawmna, saptuam leh khotaang vai-ah kipaktakin tel gige ta hi. Tua kialou, numei pawlah zong tuitum mahmah. Himahleh, katangval laia pan kathil chiin zawngzat kakhawl sanzou nawn kei. Numei pawlte zong hong hah kat sem ua, khosung-veng sungah khamtheih, zu leh sa hon kham bikbek uhi. Nupa kithu hilhna penin zong inn sungah kazangta ua, kap kawma thumna toh hon ngen kazi it, keia dinga le hoih ding leh nupa hinkhua athaka zang din kana chiam hi.
Kaalkhat zaw kana thuak mualsuahta. Zu man(price) le aleh thumin apung chih kana zasam aka. Zan hun tuh keia din gentheihna hun ahita. Ihmutni kanei takei. Saa naa, guhnaa leh ihmut kham louh ziakin natna kahau deuhdeuh ta. Sawmi inle hon awlmoh in abuai thei petmah. Keia din damna hoih pen zaw ihmut ahimai. Damdoi tuamtuam kon zanga, Doctor leh mi khenkhat kianga pan kahuat pen No.4 natan kawkmuhin ka om hi. Kei’ taksa lampang kangaihtuah chiah lah kathuak ngap nawn kei. Ka khristian vangik tuh tamlou lou-a puak non mai kasawmta hi. Sawmi in le hon itin hon hehpiha ahon nialngam kei. Ahihhangin amah dinmun toh bel kimil hetlouh ahihlam kahaih hetkei uhi.
Bangteng hileh keilah vak khezoulou, tate sawlna dan lah omlou, Sawmi mah akuan angai zel. Inn gua hahlou-a gam' gua hah sawm'nu chia mi' houlimna khawng kaza sam hi. "Dikmah ve aw..." Chiin lung ngaihna leh kingaih siatna konnei panta. Khakhat nungin chuh zu-man atam ziakin innsung sum dinmun kise zou mahmah chih ka thei. Ka ningkitelin kaheh tha asuahni atam deuhdeuh ta. Nikhat, “Sawmi aw, bawlzoh di hileh UNO in ana hih lou di hiam? Ei leh ei kigawtna lela khamtheih bandh bawl hilelin kangaihsun.” “I gama tui siang dawndi kining ching dia, phaizangmi hong tenglou di’n huih siangthou dia damtheihna hoih di,” chia hon dawng ding hileh tuh hon dawnna ngak di hinga. Ahihhangin athilhih uh thupi kasa. Hikei leh kei kialou katapa le kholai ah zukhama akitom thawm ging kaza ta di. Huai gentaklouh katapa nihna le samsau, khekoi tolh phialin innsunga sum deih in ahaangta ding hi. ka tanu zaw fashion show chih lam khawng kivat chilua a taksa maamna din Relipen anek kaki theihmoh bawl uhi.
Nikhat Sawmi luu naa sa in hongpuk phut hi. Kei lah ka thil chiin kidek zoulou, ani-ani-a kasum zat pung hulhul, sum neihni chih omlou. Damdoi inn ah kong kipuak utuh keia dingin leitung ana omlou himai leh. Sawmi natna ana serious lua in zekai loua mun thupi zaw zuan dia theihsakin ka om uhi. Neihsa lah omlou, kei hon ita haksa chiteng ana thuak ka zi tua naa sa-a mangbanga kikou ka en ngam kei. Kei hileng Sawmi bang chiin a om mai zen dia aw. Damna mah poimoh pen hiven chiin ka inn tuh sum kava suahta, kaneih leh lam teng bungbei in operation kava bawl uhi. Himahleh, ka zekaita. Nuaisiah kaleitung' goumanpha, nu deihhuai LALMALSAWMI tuh akilawm theipena chei-a ka vuimang mai tuh ama adia thil thupi kahih theih om sun ahi ta.
Kazi tellou-a leitung haksa paltou ding kahihdan anaak khawlnung minute khat leng pai manlou in kathei ngal hi. Katate, anu ngaia hong kap ding ua, bang chiin kaheh neem dia. Neihsa omlou gam hiaitana aluang bang chi puak di, inn lam zuan thei hile ung leng inn leh lou nei nawnlou koia bang chi di. Vui louh theihlouh ahih chia akilawm theipenin jem dekleng unau-sanggam neilou kuan puana tuam di. Ka naute ka ena bang kasuahpih maizen diam aw. Bang ziaka maban khuallou-a zuu toh hiai tan ana kiteng kamai zena. Bang ziaka unau-sanggam zonglou-a zuu kia ana buai pih kahia..? Mihai chih kia inle hon daih nawn kei. Thilteng kei moh vek ahi, hon ngaidam in aw...
©Siamsinna leh Vakiangbu
Comments
Post a Comment