KINDNESS

By ~ Dizz Guite

Nu Ching tuh a chii hongna (damlou) ta a, a meh zuak man sum om sun 250/- tawh doctor hon ki en sak a, ki etman 180/- a bei pah ngal. Huchin a omlai 70/- toh a tapa Siampu kum 7 lel a upa tuh damdoi lei ding in hon sawl ta , Nu Ching tuh inn a lutna tung ngak in kikhoi ding ahi ta mai hi. sum in a daih louh ziak in a pharmacy ten plastic bag a guangsa lak khen kik ding chin Siampu khut a ki khai hon lak dek leh Siampu a damdoi tawh taipot in, inn lam manawh in pharmacy ngaknu in delh zui pah in a vantawi a suh sak kom in bang dia tai na guta sum pia lou a na tai, na nu leh pa hon holh hia guk tak ding chi'n a kou ekh-ekh lai a pam ah papi kawltu tui zuak khat in hon mu tuh a om lem lo deuh a hi ding pharmacy ngaknu hopih sawm in naupang buai na ding ding jn a va naih phei hi.

Huchi'n Kawltu tui zuak papi'n leng a thu teng a dot zawh in a tanu kiang ah kawltu tui noukhat hon tun in la hon tawiphei in chi'n a sam a, Siampu pia in a damdoi man daihlou teng pharmacy ngaknu kiang a piak sak zawh in Siampu inn lam ah pai din a sawlhi.

Kum 20 nung in, Kawltu tui zuakpa tuh ni sa thuak zoulou, lungaam in kawltu tui hek lai tuk in a dek leh a temta (knife) muk ki tuak kha a, emergency in Damdoi in hong tung ta uhi.

A tanu in a pa ki etkol na ding sum tangsap na ziak in a kawltu hekna uh hon zuak in a ki en kol ua huai a sum muh teng in daih lou leh a doctor ten lah khat vei a ki at na et thak ngai lai ding x-ray khong lak ding chih mah gen a hau lai mahmah ua, ta numei a ding in tuh mangbat huai in lunggim ki sa mahmah mai hi.

Lunggim sintawl leh a pa itna tawh mit tui luang puap- puap in tanau te kiang leitawi zong dia a pai leh kua man muang lou a hi diam khat in leng a na pia kei ua, Bank ah loan la ding chia a pai chiang in a sai ding dan leh a pai dan thei lou ahih na tawh mi mah pan ngai zel, bank a sem ei Zomi kampau te kiang ah panpih na ngen in LOAN lak ding a va nget leh ngah lou lai-lai.(hehpihna tawm lua ) bang mah lou tawh a pa kiang hong pai kik in a kapkhia kha ta mai zaw a PA damlou aw leng gingkhia zou nailou a mit a pat tui hong tak kelh-kelh zaw Ta gahte( pa gong)) te din leitung ah piang kei mai leng chih huai na lawm e.

Hiai bang a haksat leh sum tak sap lai tak in , tuni tan a a sum beih zah uh bill hong tung lai-lai zaw a mang uh a bang ngei mai.. Mit vai tual-tual mai in hon en uh zaw koi ah sum la ta ding i hia chi'n a pata un mit tui kai nipniap in hong ki en tuah mai ta uhi.

Zing khua a hong vak a, a pa last operation ni a hong hi ta hi. Tua pen a hoih leh a pa dam ding chih a hi a doctor pa lunggulh na tawh operation bawl a hi phot hi sum leh pai bang mah ki bill nai lou.

Operation zawh zingchiang in nurse te khat in a tanu kiang ah

" Summary of Medical Expense"

Total. Rs 357,600/- chi'a ki gelh lai a va pia tuh chi mul bang thou hial in mangbang tak in hon en a, a pa kiang a lah bang mah gen ngam lou a mai hum in Pathian kiang hon thum a mittui te kham vual louh in a hong bua zawih-zaih mai hi.

Zingkhua hong vak in ni suak siang leh et lawm tak te hon mu mah leh a lungsim ah khimkhua zing bang mai in mai mial tak in a om lai in Nurse te khat lai dal tawi kom a hong pai hon mu sawn-sawn tuh bang hi zel a dia awm chi'n lau thong tak in nurse nu kiang lam a zuan phei a, nurse nu'n na bill uh hi chi'n a hon pia non hi.

 

Numei in a bill uh hon en a lai dal nih a na pha hi.

A masa pen ah

"summary of medical expense" total. Rs 0.00/- chih a na ki gelh hi

 

A nihna ah

KUM 20 paisa in medical expense na pia khin uh chih ki gelh a hon mu non a, a PA kin tak in hon en sak pah hi.

 

A sim nasiam ziak un "kipak ing ei,"

Lungdam ..!!!

©Siamsinna leh Vakiangbu