KA ZING MANG
By ~ Masang Leivang Mls Simte
December 25, 2011 Nipini zingsang dak 5:00 a gingta; Saptuam chih Biak Inn tuamtuam Mang piancham lawm ding kisingsakna in hulum tak in paungaihnate zang in Christmas la khah in kithalawp tak in a om ua, Huan Christmas zang ding a kisingsa Biak inn tuamtuamte a Nekbawlna lam mohpua ding a seh tuanvaite leng kithalawp takin Gante kaikhawm in a buai vengvung uhi. Zingsang meikai thithiai nuai a a thou masa leh kimu masa sa in Christmas Chibai chi'n Chibaibukna a kibawl siausiau uhi. Hiai hun zaw hun manpha leh Sahkhua Biakpiakna lam a Hunbi poimohte lak a a kingai thupi diak ahih man in michih lungsim siangthou tak in leh kipakna maisuah toh zingsang khovak a vaidawn chiat uhi. Ka inn uh Biak inn toh kinaih ahih man in keileng zinglup na ngaihna omlou ahih na toh zingsang bel huntawk in ka thou a Inntung lam tukvelh a pan in mi ki sukhei-touheite en in Mang piancham ni zingsang ka zangbei hi.
Khoi a hong kipan a koilak a om a koilam zuan diing hiam chih ka thei ngeikei; Numei khat keilam zuan a hongpai ka galmuh a, A Thupina lukhuh in a lu tuamsuak vek naikei mah leh a mel letdan in zaw kum 50 valzek diing in ka ngaihsun hi. A kithuamna leh a kho heidan apan amah ah kipakna himhim ka mukei a, Phamna lusuun tuak a lungngaihna sang in leng amah mel latdan a a lungsim natzia diing a lungtang tawng tanpha mupailet hial in ka kihe hi. Ka kiang a gen uutnei hileh kilawm bang in ka kianglam a hon naih a, ka kiang a hongtung tak in a mel ka muchiang kei hi. Muhchiang sawm a ka mit ka nuai hang in a phatuam kei; ka mit ka nuai nak pouhleh chianglou(blur) deuhdeuh in ka he hi. Zingthoh tuung kihahsiang lou a khodak ka hihlam ka kiphawk a, amah mel muhchiang sawmna ziak in ka mai phiat diing lungsim nei a ka dingkhiak phot sawm hang in ka dingdoh thei kei a, ka houpih sawm hang in ka aw a suak zou ta himhim kei hi.
Hiai bang a ka tutkhawm lai un kei lam nga a hong kihei a, a mel vak pha mahmah in kei lam a hon ngai a, a vakluatziak in ka muthei kei zel hi. A kam a pat in aw a hong suak a,"Sang, ka ta deihthoh leh hawmthoh na hihlam na kiphawk ngei hia? Nang diing a ka khitui luangte Manphatdan na gel ngei sam hia? Na taksa leh khonel nopsakna lakmang in Hankhuk lam zuan in na taksa vui diing in puak hileh na kha in koilam a zuan dia?" Hiai dotna te dawngsawm a theihtawp a ka aw ka suah sawm hang in a pot zou himhim kei. Ka mit a pan khitui hong luang in ka pheipi a kawtsuaksak dimdem a, hiaoibang a ka mittui luanglam ka tuakkha himhim kei hi. A mel et sawm a ka mit ka khah sawm hang in ka muthei kei a mial deuhdeuh bang in ka he hi. Huan sawtlou chik kho ngai dedu a ka awm khit in ka mit hihvak in a om a, ahihhang in amah ka kiang a a awm nawn kei; Laidal tamlou a thu kigelh ka kiang a ki nusia ka mu hi. Huan hiai laite simsuak in ka hun ka mang nilouh a, hoihtak in ka chiamteh kim sipsip a, huchi'n zingsang tukvelh a khodak pum a Mang nei ka hihlam ka kiphawk a, huchi'n kihahsiang ding in bathroom lam ka zuanta hi.
©Siamsinna leh Vakiangbu
December 25, 2011 Nipini zingsang dak 5:00 a gingta; Saptuam chih Biak Inn tuamtuam Mang piancham lawm ding kisingsakna in hulum tak in paungaihnate zang in Christmas la khah in kithalawp tak in a om ua, Huan Christmas zang ding a kisingsa Biak inn tuamtuamte a Nekbawlna lam mohpua ding a seh tuanvaite leng kithalawp takin Gante kaikhawm in a buai vengvung uhi. Zingsang meikai thithiai nuai a a thou masa leh kimu masa sa in Christmas Chibai chi'n Chibaibukna a kibawl siausiau uhi. Hiai hun zaw hun manpha leh Sahkhua Biakpiakna lam a Hunbi poimohte lak a a kingai thupi diak ahih man in michih lungsim siangthou tak in leh kipakna maisuah toh zingsang khovak a vaidawn chiat uhi. Ka inn uh Biak inn toh kinaih ahih man in keileng zinglup na ngaihna omlou ahih na toh zingsang bel huntawk in ka thou a Inntung lam tukvelh a pan in mi ki sukhei-touheite en in Mang piancham ni zingsang ka zangbei hi.
Khoi a hong kipan a koilak a om a koilam zuan diing hiam chih ka thei ngeikei; Numei khat keilam zuan a hongpai ka galmuh a, A Thupina lukhuh in a lu tuamsuak vek naikei mah leh a mel letdan in zaw kum 50 valzek diing in ka ngaihsun hi. A kithuamna leh a kho heidan apan amah ah kipakna himhim ka mukei a, Phamna lusuun tuak a lungngaihna sang in leng amah mel latdan a a lungsim natzia diing a lungtang tawng tanpha mupailet hial in ka kihe hi. Ka kiang a gen uutnei hileh kilawm bang in ka kianglam a hon naih a, ka kiang a hongtung tak in a mel ka muchiang kei hi. Muhchiang sawm a ka mit ka nuai hang in a phatuam kei; ka mit ka nuai nak pouhleh chianglou(blur) deuhdeuh in ka he hi. Zingthoh tuung kihahsiang lou a khodak ka hihlam ka kiphawk a, amah mel muhchiang sawmna ziak in ka mai phiat diing lungsim nei a ka dingkhiak phot sawm hang in ka dingdoh thei kei a, ka houpih sawm hang in ka aw a suak zou ta himhim kei hi.
Hiai bang a ka tutkhawm lai un kei lam nga a hong kihei a, a mel vak pha mahmah in kei lam a hon ngai a, a vakluatziak in ka muthei kei zel hi. A kam a pat in aw a hong suak a,"Sang, ka ta deihthoh leh hawmthoh na hihlam na kiphawk ngei hia? Nang diing a ka khitui luangte Manphatdan na gel ngei sam hia? Na taksa leh khonel nopsakna lakmang in Hankhuk lam zuan in na taksa vui diing in puak hileh na kha in koilam a zuan dia?" Hiai dotna te dawngsawm a theihtawp a ka aw ka suah sawm hang in a pot zou himhim kei. Ka mit a pan khitui hong luang in ka pheipi a kawtsuaksak dimdem a, hiaoibang a ka mittui luanglam ka tuakkha himhim kei hi. A mel et sawm a ka mit ka khah sawm hang in ka muthei kei a mial deuhdeuh bang in ka he hi. Huan sawtlou chik kho ngai dedu a ka awm khit in ka mit hihvak in a om a, ahihhang in amah ka kiang a a awm nawn kei; Laidal tamlou a thu kigelh ka kiang a ki nusia ka mu hi. Huan hiai laite simsuak in ka hun ka mang nilouh a, hoihtak in ka chiamteh kim sipsip a, huchi'n zingsang tukvelh a khodak pum a Mang nei ka hihlam ka kiphawk a, huchi'n kihahsiang ding in bathroom lam ka zuanta hi.
©Siamsinna leh Vakiangbu
Comments
Post a Comment