GOD PARTICLE Vs BIBLE

~Munsong John Guitera

( Keimah mimal suang tuahna )
Scientists, physicist, Mathematician, astrologist , etc hi kei mah leng tulai a ka lung sim a om mahmah khat , tunai 4th/july,2012 a Peter Higgs in ana muhsuah Higgs boson , tua God particle chi a mitam zo in a theih uh, internal energy 125 apan 127 GeV/C2 vel nei leh thil hih thei mah2 tungtang leh kei mimal in Bible toh kana mekmat dan .Peter Higgs in hiai particle a muh khiat apan misiam tuam2 te'n hi cibang thil om tak2 leh om tak2 louh ana buaipih mah2 pah ngal uh a, huaite lak a Scientist minthang , theoretical physicist Stephen Hawking in a suiciang na pen chauh gen swm i hi ..

Hawking in God particle tungtang a zirchian na ah hiai particle in i teen na leitung mai hi lou, universe pumpi suse thei di khop a thil hih theih na nei ahihdan mukhia hi.

Amah, Stephen Hawking in khanwn ciang a a lehkhabu suahkhiat swm "Starmus" ci a a minvuah ah hiai God Particle tungtang tak lang hi. Aman a taklat dan in hiai particle muhkhiak thak pen Control a hihkei leh time leh space teng hihse vekthei khop a thil hihthei ahih dan taklang hi.

God particle ahih leh Mass a om theihna ding a thil poimoh tak hi a. Hawking in hiai particle in 100billion Gigaelectronvolt(GeV­) sang a sangzo energy a neih leh lauhuai mah2 ding a, i ten na planet chauh lou Universe Pumpi hihse vek ding ahi ci hi. Hiai particle pen a light speed tuk a hat a pai(travel) thei ahih man in hiai particle ziak a siatna ciklai peuh a tung thei leh a tung hun di theihkholh man hi lou ding ahi ci hi. kilakna 16:15 ban ah Bible sung mun tuam2 a i muh " ki ging gige a om ding leh guta bangmai a hng pai ding ahi " a cih pen toh kibang sim sa mok ing ( bible a ki gen pen Jesu hng pai hun ding gen na himah leh ?? )
God Particle in tua i gen bang siatna a tut theihna ding , 100 billion MeV tan energy a ngah na ding in i tenna leitung sang a lianzo accelerator ngai a hih man in tu leh tu dinmun in thil omthei hilou bang in ngaihsut theih ahihdan Hawking in gen hi.

Hiai God particle muhsuah a a om tung in Stephen Hawking in thil kipah huai lam a hihlouh dan leh hiai thil ziak a mitampi ten Physics a alunglut lou phah ding uh ahih dan ana genta hi.

Nikum November kha a London a Science Museum a a thu gen na ah Hawking in God particle tungtang hi ci in gen hi "leitung mihing ten kum 1000 ban ki daih nwn lou ding a, hiai kum 1000 nung in i ten na planet in le hon dawlzou nwnlou ding ahih man in mihing ten planet dang a om na ding mun i zon uh ngai ahi " ci hi.
Hiai bang tuk a siatna tunthei Particle om tak2 mah ahi diam?Misiam te'n a hihleh om tak2 ahi ci uhi.Huci a hih leh hiai i gen God particle Pen toh khovel twp hun ding Bible in ana gente toh ki saikhak na a nei diam?Kilakna 6:12-14 a Belhkipna gukna a gen te leh kilakna 12 a Dragon a genpen toh hiai i thl gen God particle pen a hi thei mai diam? Cih te ngaihsutna hon pethei mwk hi.

Kilakna 6:12 - 14 :-". . . . .belhkipna gukna . . .zinling thupitak a höng om a,ni samulpuan bang in hng vom in kha leng sisan bang in a san hi.Van aksite tuh theipi kung huihpi in a nuai a, a khaal gah te a pulhbang mai in leitung ah hong pulhta uhi.Laibuzial kizial bang in van tuh a kizial beita a,taang cihte leh tuikulh gam teng2 amau mun apan suankhiak in omta uhi."kilakna 12:4 :-(dragon thilhih te ) . . . A mei in van a aksi munthum a khen munkhat a kaikhia a,leitung ah a lawnkhha hi . . ."tuateng ban ah kilakna mah bung 16:17-21 a angel sagihna thilhih a gente toh hiai God particle in kizopna a nei kha diam? Etc. Tampi ngaih sut theih hi.

Tua Bible toh ka hon khaikhinte pen awm lou lua leh dik lou bang hi ta him2 lehle i tulai khovel dinmun et in huntwp lam chu kinaih mah2 ta ahih dan ciang mah2 thou2 hi.

Mihing pilna sang deuh2 in Telsuimi ten thil tuam2 muhsuah beh zel uh a, hiai a thil muhsuah te uh a tak2 leh tak2 lou khat zo sam2 hi ta leh hiai thil te'n leitung leh khuavan nuai(universe) bolkhetu leh hiai te teng tung a thuneipa I BIAK UH PATHIAN THUPINA TAKLANG SEM2 HI.

" Aman(pathian) thil tengteng a siam a, van leh huihkhua a thil omte leh leitung a thil omte, muhtheih leh muhtheihlouh tanpha. . .hiai thil tengteng Aman ama a ding leh a van zat ding a a siam ahi " - Colosians 1:16

©Siamsinna leh Vakiangbu

Comments

Post a Comment

Popular posts from this blog

PATHAWI HIMAHLENG!!

~Kattie Mawite Ka ngaihnou ka ngaisang top. Ka dinmun uh kikheng hileh ama lungsim bang ka put zoh ka gingta kei. Iitna tak toh hon iit hi in kathei a, kenleng ka it petmah. Keilam apan ngiat a hon neikei a, apasal ka hihtheihna din CONDITION bangmah hon bawlsak kei. Tulai in hihna kibang(homosexual) kingai tampi om mahleh, kei ngaihnou bel NUMEI ahi. A hon itna thupi kasa. Ka phulouh iitna tang hi in ka kithei a, ka kipak petmah. Himahleh alangkhat ah ka kisuanglah zel. Ka kingaihsiat theihna di leh ka lungsim hon kam gegu di kampau chikmah in hon zatkhum ngeikei a, milak ah leng a hon zahpih kei. Kei ziaka nuam asaklouhni leng atam din ka gingta. Himahleh kei kianga a om chiangin maitai tak in hon houpih a, huai in a ngaihhuaina nakpi in a behlap hi. Ka ngaihnoute bel innkuan nuamsa ahi uh. Apa Evangelist teacher pension ahi a, a upa'n leng apa sulnung zui in Evangelist teacher mah a sem hi. Amah tuh college kailai ahi a, anau pasal nihte bel high school kailai ahi
Read more

PALLAI NITE

~Lian Khuptong Alamdang Pathian Itna' 'khovel nopsakna leh gentheihna tepanin Tuun sungkhatpan mimbang ka hong khangkhia hi. Deihthoh takmai leh iitakmai'n keple huihmut dingnah tomphallou in ka omhi. Kep leh etkolna nuaia kasenchiil panin kapiching dong in, duattak leh deihthoh takin kep kana hi. Sianhuaina toh hucihin ka hongkhang lianzela khovel tak palding in kongkisa ta hi. Mite kitaiteh nalak ah ka taisam hi. Hinkhua gintaksa anaa nuamchiam kei alai hawlpawl in lakloh takin ka omhi. Pallai amm'n nuamleen tuh ka hinkhua aka nopsak ahih hi. Maban etna'n kalsuan touzelin ahak-anuam phutkhak dandan in kahong phuh hi. Huaihang in hinkhua zatdan ka etchiang in lungkhamna leh mangbatna ten nisim'n hongtuam tawntung hi. Ahakdan pengen siamvual ahih keihial hi.  Huchitazong in taikhua tuh hongvak zelsam a lametna thak honguan zel hi. Naa khatpeuh zoh kuhkalna leh thuakhaatna lou toh pangtakpi mah ngai hi. Khovel zoh omvengvung kitaiteh nalah
Read more

NATNA LAUHUAI COVID APAN PIANTHAKNA

 By  ~ Paumuanlal Guite BaBs Chikmah a zak ngeilouh, lungsim tawng a leng gelphak ngeilouh COVID 19 in khovel pumpi hong sawiliing ta hi. It leh ngaihte toh tui leh nga bang bualkhawmna, a sakminthang Lamka khopi leng natna in hong hawi tuankei. Niteng in a vei a pung hulhul chih kuapeuh in thei, himahleh gamsung vaihawm solkalte’n hiai natna apan i suahtak theihna ding ua hon thupiak uh Policete mat utlouhna ziak lel in i zui hamham chiat uhi. Huai bangle Policete galmuh chiang khawng a zui hamhamte i hilai uhi. A tamzawte bang in a omna mun uh i pel chetchet zomah uh, lamka chihmah a ka tuamtuam tam i theitel ua. Siamsinna innte, nasepna buuk tuamtuamte kikhak zungzung a, i biakna munte tan leng kikhak hial in inn a kuapeuh kikhum chiat ding i chih lai un kholai a hih ding poimoh nei a pungdiak a bang maimah hi. I natna minthang ziak ua mual honna liamsan niteng in zak ahigige mai. It tak in a luangbul ah kap zoizoi ut mahlehang mangmat phak ahinawnkei, silhpuan piandang toh kithua
Read more