KA NGAIH HI E SIALLUM SUNG NUAM ING E

By ~ Vz Vualnam
 
A mi pau ve’n heem a tong ka zaak in
I ngaih lanu teitui vangkhua luun ah
Siamsil khau bang suut di’n miim bang bual chi
Ngaih lanu’n hon nial mel hon ma hal in
Lai ah vung den e dai bang theng moh e
Theng moh e atong- azaam heem a zaak
Sunkim lungzuan aneem tuam ngawn hi e
 
Sunchin a tong neemnou sang nuam ing e
Zanchin a siang lai va leng nuam ing e
Sang nuam hal in lai va lengnuam hal in
Lunglawp in tong hon houlou ding a aw
Hou nuam hal in ma bang pan ngam la’ng e
Mual tam kal in a siang lai a leng le’ng
Zanchiang kaankong hon hon di’n ging la’ng e
 
A va aw, va meelneu aw, len siam aw
Kuizil zaap teitui vangkhua zuan inla
Ka ngaih lanu sial bang va ching ve aw
Sunchin a tatna hon hilh dih ve aw
Zanchin a simthu hon hilh dih ve aw
Ngaih lianu’n kua sawl hiam hon dot leh
Na vang ngai tang kei hon sawl na chi aw
 
Teitui vangkhua luun aw na neem ve aw
Na sung a bual lanu na huai ve aw
Zangleng sunni aw na soulou inla
Ngoumei aw lanu na sung dih ve aw
Tulvuah nang zong luan na siam dih inla
Lanu lungngaih na’n na luanglou dih aw
Ka ngaih hi e siallum sung nuam ing e

©Siamsinna leh Vakiangbu