LUNGTUP TENG TUI BANG TUNGSAK NI

~Vz Vualnam


Kuivum mualsing sang nahziing liim nuam
Ngaih toh um bang touna dia ka hawi
Sanggah kei kia’n va tou mai ta’ng e
Lungtup lanu’n zu bang hon nial a
Chikleh toukhawm ni tunglou ding aw
Nahziing liim nuam an bang paam sa’ng e

Zoukuam siktui siang damdiai a luang
Sunkim ngaih toh thaal khawm dia ka hawi
Snggah kei kia’n va thaal mai ta’ng e
Lungtup lanu’n zu bang hon nial a
Sunkim ngaih toh thaal khawmlouh ding aw
Zokuam siktui an bang paam sa’ng e

Zou huihkhi siang gamchin lou bang kawm
Ngaih toh tonlai hon seem dia ka hawi
Sanggah kei kia’n kiseemsak mai ta’ng
Lungtup lanu’n zu bang hon nial a
Ngaih toh ton ni tuangtunglou ding a
Zou huihkhi siang an bang paam sa’ng e

Tuunnu’ mazaamna khohlou buuktual
Tutkhawl ngaihnou’ tong dawn na’n lawm sa’ng
Hialnen lawkta’ tong dawng mai ta’ng e
Lungtup lanu’n zu bang hon nial a
Sunkim ngaihnou’ tong dawn louhna di’n
Khohlou buuktual an bang paam sa’ng e

An bang paam chi’n sawl bang vullou le’ng
Lianute’ siang ah va leng lai le’ng
Lungtu a tongdam nau bang sang ding
Dawn bang tuah ni hong tung ding hi e
Dawn bang tuah ni sial bang hong suah chia’n
Lungtup teng tui bang tungsak ni e

©Siamsinna leh Vakiangbu