CHRISTINA SULNUNG
By~Masang Leivang
Episode I:
Tuma
kum 2 paisa in Christina in honna beisan ta hi. Asihna ziak diktak
Forensic Report dan in Awhlum ahi a,huai omzia bel mahni kithat ahi mai
hi. A kitheihdan in, a sih hun in amah kia inn ah a om ahi a, mit a
mutu a om kei.Tracy, Christina lawm hoih mahmah bel ahikei a,ahihziak
in chial a om bang in A sepna apan Christina inn a juan a, amah ahi a
sihnung a a luang mu masapen. Ahih ziak in Ceiling Fan a pan khau a
Christina gawl a kigak a kikhai chihlouh thuchiang zaw bang madang
gentheih a nei tuan kei.
Pastor:
"Mihingte adi'n hun poimoh hun 2 seh in a oma; huaituh pianhun leh
sihhun ahi. Tuni in hiai ah I ngaihnat le I iit mah2 eilak a hong omlai
leh chia i iit ngoihngoih Christina a din a khovel ni nunung a hong
hita hi. Pathian lemgeldan mihingten I theisiam Kei ua,ahih ziak in
eimah hoihsak banglou tak hina haksahongtung hun chiang a puaksiam dan I
theih ahoih le hPathian deihdan ahih um hang.I Pathian lehkha thu in
mihing leivui a Siam leivui mahah a kik nawn ding a chih bang in tu in I
Toupa JesuKris in a misiangthoute a khopkhawm hun Chiang aSihna in vai
ahawm nawnlouhna Khopi siangthou akituak nawn ding in Kei Pathian
sikha, Amah hetpihtuna semding a thaunilh Pastor............." (genzou manlou in)
Car ngou khat a pan aw a hong suak a..................
Pastorpa..... hehpihtak in honna khawlsak zualdi......
Mipi Christina luang vuina a paikhawmte leh Pastor ngei inleng thumah asa chiat ua......
Kei
Siampu, Zogam Thuguuk saipawl a Officer kahi.Khawksakna neilou a I
iitmah2 uh I unaunu luang vuinahong subuai in honna ngai kei un. I gam
in thutak a apoimoh ziak a hong hih ka hizaw hi. Sihna in a ziak aneih
ngei2 ding ahi. I gam ah mahni kithahna in mun aluah mun lota..... A
ziak diktak I GAM in a poimoh.huai bang nna semsuah ding a Hong pai ka
hi. Honna theisiam unla thu poimoh mah2 sepsuah ding kaneih man un
Christina luang zan 1 hon kemsak un...... Nawnna theihsiam uh kon ngen
.Siampu
thugen zohle zohlouh chin in Ambulance 1 lehGypsy ngou 3 a pan Zogam
Police bangzah hiamte ahong paipah ua, Ambulance a siluang guang in
Hanmun ka paikhiaksanta uhi.Hiai thuguk saipawlte siluang vuikhiak
ahihma ngei a Lamka hanmual ahongtung theihna di un kei leh Lyalyan,
Thuguk Saina lam a ka seppih mah toh line bangkim ka hihfel vek uh ahi
hi.
Episode II
Heutu
tuamtuamte deihsakna leh hon ngansiahna bang un hiai Christina sulnung
suizuina a mohpuakna piak a om kahi a, kei hon panpih ding in ka nuai a
sem Officer 4 a guangalh bok uhi. Sihna sulnung suizui tuma kum 10
paisa apankana kitanau pihsa ka chiding; nna nuamlua ahih louhdan
katheichiang lua hi. Tualthahna leh thubuai dang himhim suizui leh
etzuina nna sepsuahna din thil uuthuai lou pipi,ahihziak a hihlouh
theihlouh thil khenkhat, minautang adia nopmoh phialphial a nna sep
ngaihna mun tampi a omkhasek hi. Christina tungtang a leng a buaihuai
pi a om hi.A sungkuante leh tanau lainate ngaihdan in bel a luang
vuiliam mai lem asa uhi. A tanu uh Christina, mahni kithat hita in
midang in a tung a khut ana khial ahihtak ua lengPathian min a ngaihdam
mai hoih asa uhi.
A himhim in PaThangte
sungkuan zaw mitoh kisiat a midangtoh akal uabuaina neimi ahikei ua,
Innsak innkhang hetdan leh keimah mimal ngei in kana theihphak na
chiang a sungkuan ettontak leh midangtoh kinat theihna dia mahni
ki-enkai zoulou ahi hetkei uhi. A himhim in Christina sihna mun a
aluang lak ahih lai a statement lak a omte leh lemlak kaihkhawm a omte
et in mahni kithat “Awklum” ahihdan achiang huntawk hi.
Eite’n Awklumte theihchetna dan a I na heette leh lemlak tuamtuamte
etkak ahihchiang in a dikna tan om in a theihtheih hi. Huaituh Lemlakte
et in Christna in a lei(Tongue) a pet a, a ekmal leng pot ahi ngei
ding; asihnung a aluang phawng masa, a lawm Tracy gen dan in.Hiai ahi
kei muhna a thu buaihuai! Huan hiaimah suizui ding aThuguk saina lam a
alianpen Director pu H.C Ngaihte honthuhilhna thupipen.
Mahni
kithat I chih himhim chiang in akithattu in a taksa leh a lungsim
ngaihtuahna a puakzohlouh ding khop a lunggimna leh haksatna a neih
chianga lametna beilua leh hinman om kisalou lua a hiai bangteng
thupukna bawl khasek uh hiding in upna liantak omthei hi. Hiai mahni
kimuh neuna tungsak lungsim leh lungsim ngaihsutna hoihlou piangsak,
keimuhna chiang aka chiamtehte ahihleh, Numei-Pasal kingaihna ahetsiamlouh thil tuamtuamteziak bang; Tuailai
lai hinkhua alamdik na mangngilh a khamtheih lungsim in hinkhua
aningkitelna ding a a tokbuaina ziak bang; Tuailai lak a nu-le-pa
deihsakna thuhilhte hetsiamlouh ziak a lungsim kisiatbawl a nu-le-pa
nuihmel kilawmdan theihphaklouhna ziakbang, ahihkeileh neilou leh haksa kisa lua a lametnabeibang a kingai a sihmai lunggulhnate ziakbang ahi uhi. Adang le tampi a om ngei ding, hiai I thubuai ngei leng hiaiteng lou thudang ziak leng ahithei hi.
Bangteng
hileleng Christina luang zankhat kepding chia hanmun a pan vapodoh
himah le ung malai pek a pan Zomite in ngaihdan aina neih uh, ‘Hankhuk
laihsa zan giaksak ahoih kei’ chih aom a, I tekpi-tekpute uh ngaihdan
hilou a gamtat ka utsamkei uhi. Huai ziak in zaan dak 9:00PM ma ngei a
vui nawnman ding in ngaihdan kakhekthak uhi. Huchi’n Hankuang a
Christina van kengte hoihtak a velchian di'n Officerte katheisak a……..
Lyalyan: Sir,
na chih bang in ka hihkhin vekta uh. Thupilua bangma omtuankei; amah
kicheina leh niteng vanpoimohte chihlouh bangma omlou, Sir.…..Hoihtak in na vialchian na u maw…..?
Lyalyan: Hi, Sir…
.Siampu: Hiai a Sana khi khat chu om; a mobile phonezatlai toh. Adangzaw thupilua omlou Sir……… Sana khi hoihtak in a lemla unla mobile phone a data bangkim copy bawlvek unla koih nawn un
.Huan, lawmte’n ahihdi ua piak bangbang hoihtak a ahihfelkhit un……..
Lyalyan: tua bang loh di, Sir?
......Vapai unla hoihtak in Christina nu-le-pa leh a sungkuante
kamsiam tak in Nna kisem bangbang hesak unla A luang vuinawn din va
pedohta un. Zan giaksak ahoihkei.
Episode III
‘Ngaihzawng’ hiai thumal khovel a naupang chik pauthei tung pan leh
khovel a upapen tan in a theih vek I gingta hi. Hiai zaw khovel numei
leh pasal kalthu a hi a, Ahihziak in tulai khovel dinmun a Nupi leh papi
hilaite a leng zawlsaih chih in awng a luah nak pen ngaihtuah tham a
ching mahmah. Hiai lamthu hon taklat sausawm kahi kei a, thil paidan ka
genna ahi zaw. Christina sulnung a leng hiai ngaihzawng lam pen gingmoh
louhtheih louh in a om hi. A sihna toh kisai in muangmoh theihna
chiang ka nei mahmah, A Phone velchet ahih nung leh message a donte
hoihtak a velchet ahih nung in.Biaksang, Christina in
UBiak chi’n a sapthoh a. Chennai lam a om ahih tuak hi. Amah ngei
Christina Sana Khi petu ahihdan muhsuah ahi. Huailou a leng Christina
midangtoh a ki-message na di chih leng muhding a tawm mahmah. Huaiziak
in Christina adi’n Biaksang pen Khovel a ahinna leh lungsim luah pipen
leng ahi kha moh mahna!
Huai lou lam a a buai huai nawn
khatbel, Christina phone a Message leh call himhim asihma kalkhat paita
a pan bangmah muhsuah a omkei hi. Ngaihtuahna in bel thil tampi a koih
theih. Huaiziak mah in hiai Biaksang statement laklouh theihlouh in
kakoih ua, a dangdang leng ngente ltak leh uluktak in etchet ahi
zingzing hi.Christina mobile velchetna in dakkar 16 vel ka zangbei ua,
huai tungtawn a muhsuah bel Biaksang statement lak ding chihlouh adang a
om lawmlawm kei hi. Huchin a ninawn in Biaksang innlam kalkhat om a
hongpai din A nu-le-pate ka theisak uhi
Lyalyan: Sir,
A tanu uh sulnung enzui a mohpuakna la ngal hang a, Christina hinkhua
chipchiltak in la bangma a nu-le-pa kiang a I dong nai hetkei ua…..
Siampu: Ahi mahve… Sir, Bangdia huai masatlou diing ihi ua?
Thudotna
lam zaw a masa a I koih chia a velvel a hihngai tampi om inchin,
Christina tanchin bel I theihchian masat dimah uzaw hi.. Ahihziak in
huai I theihchiang chiang a a case solve zoh chet didan ngaihtuah I ka
hia. A himhim a a tanchin dot phet hilou a a nu-le-pa omna leng I buluh
uh hong poimoh mahmah ding ahi. Mihoihpen a I heetleng muangtheih
hilou. I muangmoh penleng a diktat pen ana hithei. Huaiziak a kinoh lou
a tawplou a panlak I sawm eive.
Lyalyan: Himah
e, Sir amah tanchin tu le tu in dotchet sawm in hihehu leile a a
siatna lam pel a a hoih ngen I zak di uchu hi veve mah ve aw maw. A kua
akua sihchia leng piangthak le thaklou chih om lou a Vangam a sawl a
sawllut maite I hi ua… hehe
Aw… Thubuai suizuina a
leng a thukia ngaihtuah a lungsim sa vengvung a om nilouh pen ana
chidam huai lo khollou eimah ve.Huaiziak a Chiamnuih uanglua loulou a
thudang daih a nuih khawm lailai zel leng ana kisam mahmah hi ve aw.
Siampen
hihziak leh thil paidan teng hetvek ziak a hiai na enzui diing a
mohpuakna piak ka hikei ua, himahleh thil paidan toh kituak leh muhsuah
bangzel a amaban ettouh zelpen ka mohpuakna uh ahizaw hi. Hiaiziak mah
in ka damsung a thil kahet ding a bihiah 100 lak a 10% leng ka thei
naikei di kana chihsekna. Experience pen in a situation maituahna din
hansanna a hon pelel a, A hunbangzel a maban pai didan ngenteltak a
velchetna in ahoihlam ah a hon pizaw. Huaiziak mah in thubuai leh thudik
hetsuahna di’n a vallua chih a omlou a statement neih a ngai a, huai a
a sia leh a pha khiitsiang a pilvang mahmah a ngai hi.
(Christina luang vuizoh nithumni in…….).
Lyalyan: Sir, Biaksang kichipa hongtungta ve aw……. A hoih e……Pipah lou dimaw sir….Hi pi nailou d….Bangziak? Muangmohna
a a awk di gingtat huai kasa nawnthak kei, A ziaktuh hong paingamlou
dia ka gingtatsim hi a. A hihziak in ni nih khit chia I sampan diu….
Huaidi’n ki man unla, Christina nu-le-pa leh Biaksang kiang a statement
la din kiging khol un.
©Siamsinna leh Vakiangbu
Comments
Post a Comment