THE PAINFUL TRUTH
~Kopsyam Dynasty
Sunday Special:
I
District Churachandpur ah milip Lakh 2 leh Siing 7 val zek himah leh
gindan leh ki sinsakna doctrine khovel a om zahzah le’ng om thou a theih
in om hi. Lamka a Saptuam omzah sim di’ng chi leng saptuam om zah 40 to
50 kikal khong om zou dia tuat ahi.Koi saptuam dik pen hiam chi’n dotna
bolta leng,I omna saptuam dik pen ahi kichi vek di’ng ahi.Himah leh
huai saptuam te ki sinsakna doctrine dik leh hoih nasak ziak a member
khat vahi nahi hiam?chi’n ki dongsuk lai leng dawnna pedik thei ki tam
hetlou diing ahi.I saptuam dinmun tamlou I en di’ng.
1) Hereditary
Faith: EBC,COC,PCI,KBC,NTBC,ESC etc a member hihna khangsawn a nu leh pa
apat behmin,Guite,Khuptong,Tombing,Tangpua, I laak mah bang in
khangsawn a paisawn suk in Born Ebc,Born pci,Born coc chi’n a member in
ki om hi,I ta neih masak sak member masa hong suak toh ki bang hi.I omna
saptuam a Doctrine naran mai mai te nangawn le’ng atheilou tamzaw tham
ki om a. Tuhun a tam tak a saptuam te I etchiang in Organism living
church hizaw lou in Organization,pawlpi na hoih sem mai mai khat abat
hun tam mahmah hi.Saptuam hing I chih chiang in member te piangthak sa
atam zawk diing ahi.Tunbel I saptuam lak a piangthak lou tamzaw tham
a.Bangziak ahi dia? I kikhopna saptuam doctrine lim tak a I suut thak a,
Bible toh I et tuah leh buuk kak poimoh hi.
2) Baptisma:
Hotdamna toh kisai a Baptisma thu banga ki sel ek ek saptuam tuam bang
zah hiam ki houlimna kana za kha hi…Hotdam a omna dia Baptisma ngai ahi
chi pawl in lah Baptisma tangthou! huai bang geih a Hotdam a omna dia
Baptisma ngai lou ahi chi ten la Baptisma tangthou.! Bang ahia a
difference luat na ?kenbel saptuam chih chih Baptisma I tan na uh bel
Bible a Baptisma om pen I tan hi zaw lou in sacrament nek theih na’ng
leh saptuam member khat hih theih na dia I tan uh hilim in ka mu
hi.Lawmte tanziak khong maimai a Baptisma tang,baptisma tan theih na dia
kumching ta! Nu leh pa’n sol zia,saptuam a min khumlut theih na dia
baptisma tang chih khong ihilim hi.Huai phet lou in Saptuam koi peuh ah
Baptisma atan kei leh kitenna bang pe ut lou,Ki te’n theihna dia
Baptisma tan tei tei ngai.Ngam khat thu khoh bingto holh in Baptisma
khong force pian a tangsak mokmok saptuam kihi simvek hi. Bible akoi zon
lak a zi naneih chia na kiten ma un nazi baptisma na tansak teitei di
ahi chih koi a ki gelh ahia le,Bible apat pial mang na ahi.The church in
Lamka corrupted the Bible.!
3) Khamangthang ittna om
lou:EBC,COC,PCI,AG,NTBC,ESC,RC,KBC etc adia singam hilele’ng
khamangthang adia singam lou saptuam Heutu,Pastor ,member hita leh kitam
lua hi.Saptuam member sa’ng mah a,Pawl min itt zaw,pawl member tam zaw a
om ziak a saptuam dang pawl neu zaw te bang sim mawh sawm mawk kitam
lua.Either we don’t know the Gospel or we don’t want to tell the
Gospel?pathian tate’n meidiil a pai di te kha mangthang ittna nei tak
tak uh hi.Huchi bang nei thei nailou Heutu leh pastor hiam te thoh lawm
thoh tam ziak lel khong a Heutu dia I tell di uh hi mawk mawk lou hi,Mi
kingainiam leh sila lungsim pu piangthak te’n saptuam ah tan mun hoih
leh vaihawmna a let zawk di’ng uh hilou hiam?
4) We are
Interested on Jesus ministry But not on Jesus:Bible thu sim di thasial
leh thadah tuntun hile leng church services like,Lapawl zil,album
bawl,blanket sop,fundraise,keyboard zil etc a kho ul kai zuahzuah a pang
ngap ki tam lua hi,asia bel ahi kei himahleh amasa zaw diing amasak
ngai ahi.Pathian ta ten Pathian thu mah lung gulh uh eive,pathian nasem
in ki ngai mah le hang le aman amah nasem in a hon koih diam?Jesu in
farisai te lepchiahte a chih te tu hun a I saptuam a eiloi hi di ihi.
21st century farisai te kei tel a,pathian a lung lud lou a ana sepna a
lunglut I sawm mokleh kua piangthak a pathian lam a sianthouna delh a ki
bol hoih ngei d?Bible thu mah ahi ipai khop chiang ua I sim munzawk
diing uh,Pathian thu ahi iki entertain na’ng,Chiamnuih bolna dia pulpit
khong suk thang maimai diing hilou ahi.Pathian kipahsak sawm ahih kei
leh ei kipah na’ng zong ihi hiam?ki ngaih sun ni.Nidang in bel zarda hai
sa a biak inn kai dia kuan te’n gate bul a sekhia uh a,tuhun inbel
lasak kawm ale chip chauhchauh thei tamkhop tak muh in om hi.
5) Christian
festival: I mang pian ni tamtak te adia lungkhamni asuah hun ton tam
mah mah hi.Khamtheih hih a khep khep a I punna hiai kha mah a theih in
om hi. Nungak siangthou tamtak te’n a sianthouna uh aman sak ni
kal(week) ,zu leh kham theih sal a tan na ni I suah sak zen zen
uh.Silent night Holy night chia I sak veu uh le literal tak a sak di
hileh Noisy Night Dirty Night chih ut huai hi.Mangpian ni sianthouna
ni,pianthak nani a izat zawk diing hi zaw lou di’ng adiam. Inkuan khat
adia asum a saang saang a I bituk te a, mehpok khong inek saang mah in
Tagah,meithai te panpih zaw le’ng Jesu pianni lawm dik zaw leng kilawm
hi. Sum leh pai haksa a sum thoh zou lou te adia maizum na ni I suah sak
di hi zenzen lou a hi.Amau adi’n bel Jesu le hong piang se dah vanglak
leh chi ut huai ton tam mahmah di’ng hi.Ahi tak inbel Jesu ei adia apian
ni I Christmas ahih leh I pian thak ni ahi lel hi.
Atunga thu
tamlou I gente hih mimal awlmohna ziak a ka na muh dan tamlou ka hon kup
ahi a,koi saptuam hiam leh heutu te demna a ki gelh ahih louh man in.I
kikhopna saptuam a thil dik lou khelhna pathian deihlouh dan pen pathian
deihdan a I bol dik theih naang a tamlou kon taklat ahi a.Saptuam tuam
tuam in I pai na’ng Vangam ahi I chi vek a,Vangam a line tuam row tuam
tuam a EBC,PCI,COC,ESC etc tu di’ng mah I diam. I hikei,vangam a pathian
phat khawm di’ng I hih leh bang ziak a tuhun a leitung a Pathian
phatkhawm thei lou di’ng?’Saptuam I chih Jesu Christ pumpi ahi,Khrist
pumpi a hi’ng a,krist pumpi kikhen ngei lou hi.Bible zui dik leh pathian
adia saantham biakna I saptuam a te ah I neih theih na’ng in simtute I
vek in I Toupa Jesu Khrist hon vual zawl hen.
Articles by Sangpu tangpua
©Siamsinna leh Vakiangbu
Comments
Post a Comment