TONG HON DAWNG VE AW

By ~ Vz Vualnam
 
Khunlan zalmang tualnuam a ka len in
Lohlah ngaihpaal ka siang lai hong leng ve’n
Lungchim in umtui bang na khawl ing e
Lungngaih ka sial zingdai bang na theng ve’n
Lailung ka muan aw simlei a’n lawmlou
Sial bei ngaih toh hei lengvan ahiam chi’ng.

Hizong gilkhang buh-al khuan khangthei lou
Ka ngaih in tuangnung hon siahsan hi e
Mal bang kou ve’ng tong hon dawng ding omlou
Zalkhun ah khattang zaal ing e zuang ve’ng
Thengsa ngaihsial lailung ah niim nawn e
Puaksing bang lel ham bang vai nawn ding aw

Ka ngaih aw, tem bang deih aw, lohlah aw
Lung ei sit a zu bang n’on nial buang a
Tongdam n’on nial a mel n’on maak buang leh
Zalmang a lailen zong baang ve aw
Nang ngaih selung zuan khaaltui bang kiam kuan
Tuuktui bang khanlam manoh zel hi e

Lai na hong len ding leh lia ka deih aw
Zalmang hilou tak in hong leng ve aw
Hon heisan nawnlou di’n hong leng inla
Lungzuan a thenna na anglai nuam ah
Kawlni suah sim khangthei lou nuam ing e
Lia ka deih bel aw tong hon dawng ve aw

©Siamsinna leh Vakiangbu