KA NGAIH LIANU

~Vz Vualnam

Ka ngaih lianu mel a deih aw
Vangkholai ah heisa’n a kai e
Heisa a kai tang lelliang in
Paak bang louzou la’ng e

Tulhiang sang a singleel  heisa
Mel i deih aw
Zu bang lawn in pak bang lou ni e
Paak bang loh sau nen tulhiang a suan
Kumchin silpaak a suang ding aw e
Vangkholai a heisa bang paal
Lianu i deihleh aw
Zu bang lawn in paak bang kilou moh e

Mu bang ka ngaih tem bang ka deih
Sunchin-zanchin lai ah vungden e
Puan bang taan ding lung ka geel in
Luanli’n lakmai tuum e

Simthu’n bia’ng e zaila’n bia’ng e
Tong hon dawnglou
Ka simthu litui bang chingta e
Ka zaila vuitang bang chingta e
Hizong lanu aneemlou lai e
A tuun lah bia’ng  a chiin lah bia’ng
Sianmang lah bia’ng e
Hizong kei di’n simthu luanglou lai e

Kumte tui bang hong tung ding a
Singta’ duang ah lanu hong kai dia
Duangtham zanggu bang zen ding a
Tang in ka don ngam diam

Mu bang ngaih pen, tem bang deih pen
Vual in kawi dia
Laidiip hawm e gial bang khing hi e
Vangkhua ah nunnuam in hong leng ding ua
Koilai maimit ka suanta ding hiam
Sil bang a paalna sing’ phung ah
Dawn tam hon suang hen aw
Sian in lum bang sung ham bang huai hen aw

Sunkim lanu ngai a duangvul
Sianmang’ laukha’n thang bang hong veh aw
Lengvan simthu’n hong neem inla
Luankhi hong nuulsak aw

Sunkim ka siang hong leng inla
Heh hong neem aw
Khattang in lungzuan douzou la’ng e
Kei dia zingvai na hawm pom ding in
Sian in lunglai ah hong huau ve aw
Nua chiang nunkhonuam hong paal ding
Sian in hon donsak aw
Khimzing nuai ah sawnbaan hon kai ve aw 

©Siamsinna leh Vakiangbu

Comments

Post a Comment

Popular posts from this blog

PATHAWI HIMAHLENG!!

~Kattie Mawite Ka ngaihnou ka ngaisang top. Ka dinmun uh kikheng hileh ama lungsim bang ka put zoh ka gingta kei. Iitna tak toh hon iit hi in kathei a, kenleng ka it petmah. Keilam apan ngiat a hon neikei a, apasal ka hihtheihna din CONDITION bangmah hon bawlsak kei. Tulai in hihna kibang(homosexual) kingai tampi om mahleh, kei ngaihnou bel NUMEI ahi. A hon itna thupi kasa. Ka phulouh iitna tang hi in ka kithei a, ka kipak petmah. Himahleh alangkhat ah ka kisuanglah zel. Ka kingaihsiat theihna di leh ka lungsim hon kam gegu di kampau chikmah in hon zatkhum ngeikei a, milak ah leng a hon zahpih kei. Kei ziaka nuam asaklouhni leng atam din ka gingta. Himahleh kei kianga a om chiangin maitai tak in hon houpih a, huai in a ngaihhuaina nakpi in a behlap hi. Ka ngaihnoute bel innkuan nuamsa ahi uh. Apa Evangelist teacher pension ahi a, a upa'n leng apa sulnung zui in Evangelist teacher mah a sem hi. Amah tuh college kailai ahi a, anau pasal nihte bel high school kailai ahi
Read more

PALLAI NITE

~Lian Khuptong Alamdang Pathian Itna' 'khovel nopsakna leh gentheihna tepanin Tuun sungkhatpan mimbang ka hong khangkhia hi. Deihthoh takmai leh iitakmai'n keple huihmut dingnah tomphallou in ka omhi. Kep leh etkolna nuaia kasenchiil panin kapiching dong in, duattak leh deihthoh takin kep kana hi. Sianhuaina toh hucihin ka hongkhang lianzela khovel tak palding in kongkisa ta hi. Mite kitaiteh nalak ah ka taisam hi. Hinkhua gintaksa anaa nuamchiam kei alai hawlpawl in lakloh takin ka omhi. Pallai amm'n nuamleen tuh ka hinkhua aka nopsak ahih hi. Maban etna'n kalsuan touzelin ahak-anuam phutkhak dandan in kahong phuh hi. Huaihang in hinkhua zatdan ka etchiang in lungkhamna leh mangbatna ten nisim'n hongtuam tawntung hi. Ahakdan pengen siamvual ahih keihial hi.  Huchitazong in taikhua tuh hongvak zelsam a lametna thak honguan zel hi. Naa khatpeuh zoh kuhkalna leh thuakhaatna lou toh pangtakpi mah ngai hi. Khovel zoh omvengvung kitaiteh nalah
Read more

NATNA LAUHUAI COVID APAN PIANTHAKNA

 By  ~ Paumuanlal Guite BaBs Chikmah a zak ngeilouh, lungsim tawng a leng gelphak ngeilouh COVID 19 in khovel pumpi hong sawiliing ta hi. It leh ngaihte toh tui leh nga bang bualkhawmna, a sakminthang Lamka khopi leng natna in hong hawi tuankei. Niteng in a vei a pung hulhul chih kuapeuh in thei, himahleh gamsung vaihawm solkalte’n hiai natna apan i suahtak theihna ding ua hon thupiak uh Policete mat utlouhna ziak lel in i zui hamham chiat uhi. Huai bangle Policete galmuh chiang khawng a zui hamhamte i hilai uhi. A tamzawte bang in a omna mun uh i pel chetchet zomah uh, lamka chihmah a ka tuamtuam tam i theitel ua. Siamsinna innte, nasepna buuk tuamtuamte kikhak zungzung a, i biakna munte tan leng kikhak hial in inn a kuapeuh kikhum chiat ding i chih lai un kholai a hih ding poimoh nei a pungdiak a bang maimah hi. I natna minthang ziak ua mual honna liamsan niteng in zak ahigige mai. It tak in a luangbul ah kap zoizoi ut mahlehang mangmat phak ahinawnkei, silhpuan piandang toh kithua
Read more