SE SE

~Thang Khanmuan Tonsing

Kuamah a hoih bukim om khang, himahleh bawlhoih theih pawl om a, Eimah utthu a asia isep khenkhat om veve maw!! Hiai te, bangziak hiding hiam, chih pen na lungsim ah, nang a na dawng mai in.

1.Khami leh Pathian limsak a, itheih inkuante tata a, Khamtheih zongsang/ngolvei (Addict) om SESE!

2.Khristian inkuan hi a, insung a lim (Poster) itakte lak ua, Jesu Khrist lim omlou SESE!

3.Sumlepai, donpi, donke neihciang a, A penuamlou, a phunhatte Upa makai tallang te khong, ana hi SESE!

4.Aveng apamte toh kituaklou, gamgi suan a gamkek icihte, Pathian limsak, biakna awlmoh, innkuan maitam nei gige te, a na kha SESE!

5.LST in mihaute vangam lutsang a, Sangawngsau phimbil alut paisuak baihzaw cinapi,mihau tata in Saptuam pawlpi makaih/heutu apang SESE!

6.Pathian gingta kici ngal a, Biakin sung kia a, Toupa nungzuite ibat SESE!

7.Mihouh louhna gengen napi, ama hoih louhna, mi'n agencia zadah SESE!

8.Saptuam sunga, banghiam Deptt khat a makai a panlouh ciang a, kikhop ding donlou SESE!

9.Ki diktatsak a, guta late mohsa leh demdem napi a, Pathian sum sawm-a-khat pelou guksak SESE!

10.Pastor/Upa khat hingal a, inn veh cianga, migenthei nektawm zong (Tagah meithai) te inn lutnuam lou a taisan na zenpi, a kim akiang a, mihaute inn paikheng ngamlou SESE!

11.Saptuam leh khotang makai muanhuai te, mahni sepna (Post) mun a om nuamlou, office na tawm kai ngeilou khong hi SESE!

12.Numei hingal a, Pasalte thusimlou, minu mipa simmoh a, mi innsung a, vaihawm ut SESE!

13.Piangthak Kha Mangthang it leh awlmoh a, sawm-a-khat pia a,gin om mahmah hizenpi, migenthei te it a awlmohna neilou SESE!

14.Khristian gam, Biakin te lah ki naicikcik khong hinapi a, Thangtatna maingal mahmah a, itna omlou SESE!

15.Semlou in ngawlhen, cih thei zenpi, semlou a loh lathei te, thupi ngaih a, cethei ciin eng SESE!

16.Saptuam makai khat hingal a,seplouhna Bill laktheih na dia, milian milalte maipha zonga diang doidoi SESE!

17.Nupi hingal a, Nungak Tangval kingai buaipih a, khodung khovai a diang thu lamleng zong SESE!

18.Makai hiloupi, mi sep didan vaihawm didan vagen SESE!

19.Khristian kici ngala, Bible (LST) thudonlou, sim peihlou SESE!

20.Tate hoihlouhna kia mu a, mahni hoih louhna tate'n a genciang ua, naupang kamtam ci SESE!

21.Thugen cianga diktatna thu hah gen a gen a, mahni sepna a dikloutak a, nekna di zong SESE!

22.Bible zil sinsin napi, Ahihna adikna zah a gen ngamlou, thugen cia mai et nei SESE!

23.Saptuam khotang, Gam le Nam makaite ading a, khatvei mahle thumpih ngeilou, hoihlou isak ziak ua, anngal a thumpih ngeile hiloupi, gensiatna di zonga, gense SESE!

24.Mi'n tate hoihlouh na hon hilh ciang ua, kei tate zaw hucilou ahi,ci a gum SESE!

25.Mi'n thuhoih khat a gencia, amah ki enlou a ci a,agentu "TEH" siattut SESE!

26.Zi neisa hinapi, Nungak buaipih a, numei theih teng houpih SESE!

27.Mikhat hong hauh leh, Sum le pai koi a alak a dia aw ci a,a muhna lam buaipih SESE!

28.Mikhat hong pianthak leh, bangtan a daih diam maw, ci a, apuk ding ngaklah bang a genzek SESE!

------------------Kakipak------- 
 
©Siamsinna leh Vakiangbu

Comments

Post a Comment

Popular posts from this blog

PATHAWI HIMAHLENG!!

~Kattie Mawite Ka ngaihnou ka ngaisang top. Ka dinmun uh kikheng hileh ama lungsim bang ka put zoh ka gingta kei. Iitna tak toh hon iit hi in kathei a, kenleng ka it petmah. Keilam apan ngiat a hon neikei a, apasal ka hihtheihna din CONDITION bangmah hon bawlsak kei. Tulai in hihna kibang(homosexual) kingai tampi om mahleh, kei ngaihnou bel NUMEI ahi. A hon itna thupi kasa. Ka phulouh iitna tang hi in ka kithei a, ka kipak petmah. Himahleh alangkhat ah ka kisuanglah zel. Ka kingaihsiat theihna di leh ka lungsim hon kam gegu di kampau chikmah in hon zatkhum ngeikei a, milak ah leng a hon zahpih kei. Kei ziaka nuam asaklouhni leng atam din ka gingta. Himahleh kei kianga a om chiangin maitai tak in hon houpih a, huai in a ngaihhuaina nakpi in a behlap hi. Ka ngaihnoute bel innkuan nuamsa ahi uh. Apa Evangelist teacher pension ahi a, a upa'n leng apa sulnung zui in Evangelist teacher mah a sem hi. Amah tuh college kailai ahi a, anau pasal nihte bel high school kailai ahi
Read more

PALLAI NITE

~Lian Khuptong Alamdang Pathian Itna' 'khovel nopsakna leh gentheihna tepanin Tuun sungkhatpan mimbang ka hong khangkhia hi. Deihthoh takmai leh iitakmai'n keple huihmut dingnah tomphallou in ka omhi. Kep leh etkolna nuaia kasenchiil panin kapiching dong in, duattak leh deihthoh takin kep kana hi. Sianhuaina toh hucihin ka hongkhang lianzela khovel tak palding in kongkisa ta hi. Mite kitaiteh nalak ah ka taisam hi. Hinkhua gintaksa anaa nuamchiam kei alai hawlpawl in lakloh takin ka omhi. Pallai amm'n nuamleen tuh ka hinkhua aka nopsak ahih hi. Maban etna'n kalsuan touzelin ahak-anuam phutkhak dandan in kahong phuh hi. Huaihang in hinkhua zatdan ka etchiang in lungkhamna leh mangbatna ten nisim'n hongtuam tawntung hi. Ahakdan pengen siamvual ahih keihial hi.  Huchitazong in taikhua tuh hongvak zelsam a lametna thak honguan zel hi. Naa khatpeuh zoh kuhkalna leh thuakhaatna lou toh pangtakpi mah ngai hi. Khovel zoh omvengvung kitaiteh nalah
Read more

NATNA LAUHUAI COVID APAN PIANTHAKNA

 By  ~ Paumuanlal Guite BaBs Chikmah a zak ngeilouh, lungsim tawng a leng gelphak ngeilouh COVID 19 in khovel pumpi hong sawiliing ta hi. It leh ngaihte toh tui leh nga bang bualkhawmna, a sakminthang Lamka khopi leng natna in hong hawi tuankei. Niteng in a vei a pung hulhul chih kuapeuh in thei, himahleh gamsung vaihawm solkalte’n hiai natna apan i suahtak theihna ding ua hon thupiak uh Policete mat utlouhna ziak lel in i zui hamham chiat uhi. Huai bangle Policete galmuh chiang khawng a zui hamhamte i hilai uhi. A tamzawte bang in a omna mun uh i pel chetchet zomah uh, lamka chihmah a ka tuamtuam tam i theitel ua. Siamsinna innte, nasepna buuk tuamtuamte kikhak zungzung a, i biakna munte tan leng kikhak hial in inn a kuapeuh kikhum chiat ding i chih lai un kholai a hih ding poimoh nei a pungdiak a bang maimah hi. I natna minthang ziak ua mual honna liamsan niteng in zak ahigige mai. It tak in a luangbul ah kap zoizoi ut mahlehang mangmat phak ahinawnkei, silhpuan piandang toh kithua
Read more