KA ZALMANG ANA HI MAIMAH
By ~ Gøuläl Hangshing Ozil
True story
Class 12 sang tak ah kon passed a kei le ka nute’n vaigam ah laisim
din hon sawlkhe tei uhi. Ka percent a hoih ziak in college hoih ah seat
ka mu pah hi. Ka kaitung in bel inlam ka ngai mahmah hi. Kha 2 leh 3
khong kong kaita a vaipau bang kon thei zekta a lawm leh vual bang kon
neitei hi. Huchi in kum 1 phial bang kong omta hi.
Nu leh patte toh omlou ka hih ziak in ka nute’n sum khateng in ka
nget zahzah hon khak uhi. Huai sumte zang in nuam ka sa mahmah hi.
Vaite lawm ka hau mahmah mai a nitak chiah night club ah ka hoh zel a ;
huchi in ka sum hong kidaihta kei hi. Night club ka hoh mun luat ziak
in. Huchi in free deuh a hun kon zat tam luat ziak in ka hinkhua ah
siatna hong tam deuhdeuh a numei leh pasal kal bang ah, ju leh sa bang
ah kong kibualta hi.
Huchi in nikhat chu, kong kingaihtuah teita hi. Hiai a ka nute’n ut
dandan a om dia hon sawl hilou a ; lehkha sim dia hon sawl lam uh ka
kitheikhe thak hi.Kei le ka om na inn apat paikhe dia lekha hoihtak a
sim di chi in ka bedding zial a ka paikhiak dek leh, Negro pasal khat
in , Hai ! Cathy chi in hon sam a , koi apai dek na hia ? hon chi a ken
le ka lungsim a kikhek dan teng ka hilh hi. A chih leh aman nang hiai
mun a paikhe thei nawn na hi kei. Zan khat bar a na hohna ah na kham
lua a , na sumteng lah min hon guk mang sak ua, huai ziak a na bill teng
kou ka piak uh ahi. Mangbang tak a na om sang a, chi a hiai hotel a
call girl dia kon koih mai uh ahi hon chi a , kei le ka khitui kham
vual louh in hong luangkhia a, himahleh ka hinkhua chu a kichaita. Huai
teng zoh in ka alarm hong ging a ka khanglou hi.
Ka dak khiak leh ka zalmang ana hi maimah hi.
©Siamsinna leh Vakiangbu
Comments
Post a Comment