ITNA DIK AH LUNGKHAM HUAI TAM.

~HP Nowluck Vontawi 

 

Lung kham mah mah a ka om lai in, Numei khat mel hoih lua khollou khat in Pasian thu facebook tungtawnin hong gen a, huai thu in ka lung hon khoih lua ahih man in ka lungkhana teng bang a nem thei pah hi. Amah ka gintakna alian mah mah hi. Amah ka zah takna alian deuh hi. Kei sang in amah kum nih in a naupang zaw deuh hiau ahi. Ken zong lawm bol in ka ka bawl a, hong houpih tha nuam mah mah ahi man in ka mai ngap pah sam hi. A pau dante ka ngaih ciang in zak nop huai kasa mah mah hi. Ni khat ka gen mawk leh ka ging tat louh tak in hong dawng a hong ngai ken hong chih san ta daih mai hi!. Ken dong khin ka hih man in ka ngah zawh na ding hanciam tentan ka hih man in ka hah pan mah mah hi. A tawpna ah aman zong mahni buai huai ahih na hon gen mawk a, ki ngai thei him him lo ding ka hih dan uh hong gen ciang hi. Ka theih ciang in kei zong a ki pah deuhna ding in tom khah ngak bawl ka sawm lai tak ahih tawh ki ton ton in, ka hih dan hong thei pih ding ka mi batpih nupi khat ka mu hi.Tua nupi nu tawh zong ki ciamnui thei mah mah ka hih man un hih thil omdan ka hilh hi. Aman zong athei dan hong kuppih lai in amah thu ka mang hi. Amah thu ka mang lai in ka lungsim a nuam tuam mah mah a, hi mah leh huai hun tomcik sung in ah thu lam dang tampi hong piang mawk hi, Ka lung teng uh akham in a kham gai ta hi. kei pen ka nungak gen nu tawh ki ngaih ding ka lung sim ahi a, nungak nu pen amah hun zat khelh ziak in kei hong ngaih theilo a lung kham mah mah hi. Tua ban ah nupi nu zong a hun paisa thute a kho nung ngaihtuah na ziak in a lung kham mah mah mai hi, Amasa pen in kei buaina ka susiang ua tua zoh in Nupi nu a suksiang ahi nawn ta. Tun kei tawh nungaknu kikal bang chi a suksiang nawn ding ahi ta dia?. Ki ngaih ding pen ken buaina ka nei kei hi. Ka hong ki nai deuh deuh ua, kong ki hou thei mah mah ciang bang in lung bang a nuam tuan mah mah hi.

Tun chu ka ma ban uh Lampi om mah mah ta hi. Ki ngaih ding pen lung khamna ding dang om nawnlo in, aman zong kei hong ngai na thu hong gen samta hi. Ahih hang in amah lung khamna ahih leh a tangvalpa (ngaih zawngpa) tawh aki khen phot ding uh a ut hi. Atangvalpa pen in don leh kep a aneilo dan bang leh midang tawh aki ngaih san dan thute bang hong gen in, kei tawh ki hou bang nuam as amah mah hi. Dakkal bang zah hiam ka ki hou nung uh hi ta mah leh ka PHONE ka koih ding bang a hon phal nawn khol kei hi. Mi citak leh mi pau tam mah mah ahih man in thu guk iimlou kei in a hon gen ziak in ka ngaihna a lian deuh2 ta hi. Tua ahih man in ken amah ka it-na ka piak sawm pen ka ki suang lah kei hi. Zong ka lau thong kei hi. Numei dang tawh aki batlouh na taka hi ka itna ka piak thei na. Ni khat zan khat khong hong ki ki khel bang chu ka itna alian deuh2 mai ta hi.Tua ciangin amah kiang ah ka gen ciang in hong ngai ken ci hilo ka hi hiam hong ci zel hi, tua aw in ka ngaihna hong lian sak deuh deuh a, khollou in ka gen gen leh aman zong a tawpna ah ka tangvalpa tawh kong ki khen siangtho phot ding uh chi in hong gen ta hi. Ngak lah huai deuh2 mai, lah agen ding dan dang om tuanlo in ki ngai lah hilou in ki ngai tuah kawm in ki lawm hoih ni ci a hong gen gen ciang in ken zong angetna ka pomsak mai ta hi. Itna tak tuak tawh ka ki lawm polh mai uh hong ngita ahih man in ka lung leng mah mah mai a, a nuih mai ding dan ka mit kha a mu kawm in, anuih ging dante ka bilk ha a za kawm in lung leng tak in ka om hi.

Zan ciang in a msgte sim zel in, sun ciang in a thu gente ka ngaih tuah jel a, ka kha siat pih tha asuak mah mah mai hi. Aki pah ding lah ka deihsak a, athu lah ka mang khinta hi. Tua bang in lung zuan tak a ka ngak ngak lai in, thu thak khat ka za guih a, huai tuh ki lawm hoih mah mah nupi nu tung tawnin ahi. Tua nupi nu in sun khat hong houpih nawnta a, na nungaknu bang achi ta a na ngah ta hia hong ci mawk hi. Ken zong angei mah bang lai ka chi a, aman tua chi koih lai in, nang a dia Pasian siam ahih leh lampi hong om mah mah ding hi hong chi a hong heh nem vek ta hi… Ka puak hong zang a, ka lung zuanna hong nuam tuam ta hi. Amah zong hong lung khampih na ziak in ka pakta a, nungaknu zong a thutak na ziak in ka pak ta hi. Tua ki kal sung teng in hun hong pai han han ahih man in ni bang zah zoh hiam in Nungak nun thu hon zasak ta a………

Ahon thu dawng in hon kipaksak a hon lungkimsak mah2 ding kasak lai in ka gintak louh takin a hon dawng guih tuh kanak heh hi na maizen e maw? Ahon dawngna thu tuh hiai ahi "ka tangvalpa tuni a Delhi ah pai, apailam le hon genlou, ka lung gim lua" achi a, ken leng hehpih huai kasakna alian deuh deuh a, aheh nepna dingin Bible thu khong ah ka houlimpih hi. Huchin ka lung a nuam mah mah ta ahon chi hi. Ki pah huai lua maw ka chi a, huai teng tawh ka itna thu mah ka gen khumsuk jel mai hi. Huai tuh a zing ni lam ahi ta. Ahon dawngta de aw ka chichi lai in hon dawng na ka ngak zokei hi. Ka itna ka gen zomzel a, kon itdan leng theita hilou na hiam ka chi chiang in, hi ka thei lua hon chi san jel hi. Ken leng huchituk a kon ngaih a kon it ngal in tuh ngaih tuah mai ve maw ka chi jel jel hi. Aman ni khat ka houpih nawn na ah hi chin a hon gen a, ka tangvalpa tawh ka ki ten uh kei a ding a poimoh ahi. Ka lungkham lua, nang huchi tuk a hon ngai chin a, aman lah huchituk a ahon ngaih louh mawk tuh bang ahia? hon chi sam hi.

Atawpna ah hi chin a hon nawnta a, ka hon ngai lo pet mahta, huai ziak in ka hon ngaihna na theih gige na ding in lawmta hi den ta ni aw 'U' ahon chi hi. Itna tak tak tawh ki thuah ki kem hi nin la, kuah mah hih ngeilo itna ahih theina dingin na hon mangngilh louh ding ahi aw. Ken zong ka damsung teng in ka hon mangngilh kei ding achi ta hi... Gen ding dang om tuanlou ahih man in pom maimah angai ta hi. Aziak tuh amah mi hehpihhuai ahi a, Ken ka ngaihna amang theilou ding a ka gin tak pen leh ka ki nepna nu tawh ki lawmta lel dia thupukna ka neih uh Pathian lemsak ahi ding in ka gingta hi.

Ken leng a hon itna ka thei a, ken leng ka itna athei hi, Huai ah tuh itna tak tawh avang tahte ka hi ta uhi. Hiai sihna lou dia itna vangtah ka hih na uh gen ut ka na hi mai mah hi.

BEITA:

©Siamsinna leh Vakiangbu