ZOGAM VANG IN MAW

~Sadia Abas

True story,

Simlei haksatna zatam kal ah 1985 kum in ka nun khovel nopsakna mel muding in hong na nei hi.Ka pian a pan in ka nu hong kinep na pen hong khang lian ding a nu tha pa tha hong khek ding cih ahi hi.Kou unau numei 2 le pasal 3 laka a milai pen ka hi.Insung khosak na lam a ka pu ka pa khang ua ana tualniam banah tanau laina hau lou in khota khat ah ka teng uhi.Kum 12 ka phak in pawl 4 sin in khotuam ah skul kai in in ka hong luah hi.Lehkha lam thei2 kei mah leng ka exam nate uah ka hihoih thei vanglak hi.keicauh a awm himah leng pasian panpih na toh lungmuangtak in skul ka kai tou thei zer hi.Zankhat ka mang in ka in uh ana kang in kanu toh kou unau teng ka loubuk ah kana giak khom uhi.Zingka khanloh ciang in ka lungsim anuam thei het kei hi,inlam a suti laka va pai dinga la hizen lou hucin ante nekhin in skul kaidin ka kuan kheta hi.Hucin lampi kapai lai in,kanu bang mai khat nau pua in a hong pai kana gal muh hi,kenle ngak bol in kana en2 mai hi.Aman le hong enzel,amel ka etcia ka nu mel a pua hi.Kenle hong naideuh tak in ka na encian a,anau puak ngei leng ka nau hilou ahi. .kanu ahi kei cih kong cianta hi. . .ka mang cu lamdang satak in ngaitua ngetngut den in klas rum sung ah lung sim nuam lou tak in ka om nilouh hi.Hucin skul kai hong top in,inlam ka zuan nawnta hi. . .In ka tung kik in ka lut a sun an nek ding nei ka kisak ale,nek ding bang mah ana om kei hi. .ka tui thei bul lam uah ka pa laizial sum bang2 muh thei kanei a lamdang sak na toh inveng te in a va hoh in kava kan hi.Hucin anu un kuamah hong pailam ka thei kei keile inkong a pat hek a tu den kahi a hong ci hi.Ka omdan a lem thei nawn ta kei hi,inlam pai dila half yearly exam ler kihi. . .hucin pailou in thil lamdang tak2 khong kamu zer hi. . .

 

Nitak ann nezou,tangmai ne a ka omlai in lamet hetlou pi in ka inveng nu uh hong hoh suk in koi mun hiam2 a buaina(gaal)awm ahidan hong gen hi.Ka lung a kham mah2 ta mai hi kanu le pa bng acidi ua aw cingen ka ngaitua pah hi.Huainitak a ka invengte uh in a giak in,azing a ka kholam uh paidin ka kisak le kuaman hong phallou in kapai kei hi.Hunte hong pai zer in buaina lah nasa zo sem in,zingkal khat ka thoh khiat le zanitak ka khua uh kang ahi cih thu kaza a misi le liam leng awm ahidan ka thei hi.Hucih lai in znv ka khote khat uh hong pai in ola hongsam in dor ah hong hohpi a nek thei hong leisak a,kanek zoh in kenle inlam tancin ka kan ma in aman ol in zanitaka kapa sikhin ahidan le ka u liam kha ahidan hong hilh hi.Thuak hak kasa mah2 maia nakpitak in ka kap khe maita hi,amah leng khitui ana luangtei a. .hucin kanu te kia hongkha in kachi ta hi.Azing in ka pot khia a,anitak mah in huaikhua leng a kang ngal hi.

Hucin lampi a kong pai lai un refugee galtai mitam tak muh thei a awm hi.Ka khua uh gamla sim ahi man in khua khat ah ka hong giak uh hi.Hucin huai khua a le ka khote uh galtai ana awm ngal uhi.Kou kho mi maile tampi pha kahiman un nitak in kikhop khom na dan ka nei uhi.Ka u lomte numei khat in kapa sih dan khong ahong gen a ka kapkhe ta mai hi.A unau un(anau toh)a hongkhem ua hucin dor lam ah hong va pot pih uhi.Anau nu ahile ka khua ua skul ka kai khom pih mel pian nalh tak ahi,hucin aman zingcia kholam va pai lete le in teng kangtum ta a na nute lou zau a awm uh ahi ahongci a,amau mizoram paisom uh ahidan hong gen hi(ama min ahile kimboi ahi).Kenleng kou zo huci gam2 leng kong tungzou kei ding uh kaci hi,huailam na tun ciang un zong nwng phok zer keidi ua maw kacih zoh in kimboi in hitham e u muan nang le nawng phok zer di o hngci in damle cu kimuh hun awm zel2 dina aka mo ci in lupna hong bolta hi.Zingkal in kei ka lou zau lam uh zuan ding kahih man in kimboi pan thumna hong neisak in kimboi in khonawl tan hong va kha hi.Aman umuan lamzangtak in pai in o toupan hong ompih ding ahi,kong hehpi lua hongci in mangpha ka kikhakta uhi. .khomual ka tungtan in ka nung et kik2 kha hi.Hucin bngtan hiam ka pai nung in gintak loupi in thom ging ka hong zata hi.Awl a ka et2 le ka khote uh bong ana himai maha huaite lak ah kou aleng ana awm tei a ka muhtak in ka pa bang hong phok sak mah2 mai hi.

Huci in lou zau ka hong tungta a,lou tampi awm ahih man in kou lou koipen hiding hiam cih ka thei kei hi,lou zau dai in thomzak sun2 leng vasa ham khong ahi lel hi. .loh ngaina theilou in lou khung lam a pan in ka kikou maita hi.Hucia ka kikou ka u in za ahi ngei dia hong delh tou in ka u khitui aluang zen hi.Buk ah ka pai ua kanu nau anpia in a awm hi,kanu le kidek zou nawn vual lou in kanu leh ka unau teng un kakap ta mai uhi.Hucin ka nun nang hong bangci pai ann na neta hia ci in hong dong a kenleng ka dong zoh in ka un mazel khat hong la in ka neta uhi.Kanau uh aneupen leng ana lian simta a ka pom2 ta mai a kimboi hong khak morton(muamkhum)ka ip a pan dok khia in kanau uh ka nesak hi.Kanun ahih le hiai a ki om2 zou lou ding ahiman in khodang a pem ding thu hong lung gel ta hi.Hucin ka u in jong mundang pai ding ihile ka pa han ah suangkhat phut ni athei gige na din hong ci hi.Azing in ka u toh lui suang kapa handing kava po ta uhi.Kei a lehkha thei deuh ci in tu tang in a thu gelh in,azing ka u toh a suang zong tou in kapa hanlam kava phata uhi.Asuang ka phuh dek un ka nu ki dek zou lou in hongkap khe nawn hi.

 

Hunte hong bei zel in gal buai le vengta ahi man in,skul kai kahong sunjom nawnta hi.1998 kum in pawl5 ka simta hi,inluah mah a skul kai kahi man in. .sum le pai ahaksa mah2 hi,ka unla na gumlua a sem thei nawn kei a,ken ka skul kai kawm a ka poimoh te lei nang ka kiloh tom ahimai hi. .hucin pawl9 bng ka hong sim hial tak incu kenleng lom ngaih bang ka hong nei samta hi. .ka class te uh khat hoih kasa mah2 mai a himahle amau cu kei toh teh din minuamsa le nei zou ahi uhi.Amah bel nei zou mah le aki liansak kei hi,a polh nop mah2 a ka ngai thei mah2 hi.Hucin pawl10 bang ka hong sim hialtak in itna thu te hong gen tou in ka hong ki ngaita uhi,amau mihausa kei mizong ka hih na a ki theisiam louh hun atam thei mah2 hi.hucin pawl10 examte hong zou in ka nih tuak un ka pass ua ka kipak tuak mah2 uhi.ken ahile pawl11 ading admision ka bawl zou kei hi. .Hih thei bawl thei ka zong zer a,himah le kahih thei bawl thei a awmkei hi.Ka hunlui te ka ngaisun zer a kapa sihna, ka u thuak na ten ka lungsim asa sak gige hi...ka nungak nu la phazou nawnlou ka hitatmai a,zankhat selung ka hong gelta hi"hihthei bangmah la nei lou inga,pasal khat cu hici mawk awm ud ding hia ci in pawlpi nasep ka hong tumta hi".Hucin gam leh nam ading in ka hong kipe kheta hi.T.C(training centre)lam ah....

To,

Muana (...............)

Zingciang dated 5/6/2004 zingkal baih thei lama hiangtam s/o kianga ki report dia nget le theisak nahi cih lehkha thon ka muh in ka lung hong phuzot zezen hi, lamdang bang sasim mah leng khatvei a kaphak na lam ua pan ahi cih kathei pah hi.Huchin ka nun asim zoh in anguai mah2 mai a amel ah kipahna mel him2 abelh ta kei hi.Bang mah gen zo sam omlou in ka dai dide tamai uh hi,hucin kenleng gen tuan zok ding thei lou in ka inn uapan ka potkheta hi....lampi ka pai lai in ka lungsim ah hiai hong om ngal hi, simlei haksatna zatam kal ah kanu hong it bang hong it omlou ding hi, ka nu lah pitek bang mai hita a...ka neulai a hong don bang in ken leng ka don thuk tei ding hi a o ka hih thei khom2 a...ka neu cik a pan inblehkha sim ding in hong na thu hilh gige a,na leng hong semsak ngamlou zen in hong na duatlai ahi cih te ngaisun kom a ka pailai in liani te in ka hon tungta hi.Liani kiang a huai thu te gen ding kacih ciang in ka ngam mah2 kei hi, hile zong hilh lou theilou kahih man in ka lai puak ka ensak ta mai hi. (umuan hiai bang thu hiam kei nong itna thu di kisa a,kenleng dong thuk ngal in lian kenle nang hong khak di ana sasim man kahi, hiaizo I polpi apana sapna ahi......igam le inam in hong poimoh ahi, zingcianga kakuan khiak ngai ding ahi kaci ngal hi.

Huchin liani in zong ash lehkha zir2 chin a huai bang khonga na theina te na zat mai ding maw hong ci nawn hi, hilou e lian mite din ngaih nep huai mah le eite a ding mah a nasep hoih thou sa kahi, zogam hong pallut thei nadia piak thei hih theih dangla nei lou inga,keizo ka tha in pang mai leng cih ngaidan nei kahi kachi nawn hi.Huchin liani in kuan tak2 ding nahih a leh tanghou isu dia nitak anleng ne inbo hongcih zoh in table tung a pen hong lakhia in ka khut ban ah nalh deuh mai in IRENE chih hong gelh sak in umuan koikuam solbang nahei xong in kei a nahi gige ding o, ka itna kong piak masak pen nahi a nanglou ngal midang lunglut theilou bilbel ding kahi....deih thusam hile skul kai khom tou lai a sepna nei cianga ki teng ding ka duh thusam hi a, tunla dama kimukik ding maw sisa a hong mukik ding cih thei hilou jongcih xoh in ken leng kimboi hong chih dan ngei in damliaile kimuh kik hun omzer na ding aka kaci hi, thumna toh non na phok gige ding o, na lai zil na lam ah leng hoitak in nong pang dia lom melhoih pipi lehkha siam pipi toh kimu zer ding nahih man un I gen sa te mang ngilh lou in suk pichin som ni oo, kachi nawn hi.hun sotlou ompan kachih sung in nitak lam ann nek bang ahun dek mok hi, paidia kakisak ale liani in ann nesa in pai in hngci nawn a huchin ann ne khin in kahong paita hi.zan dak 2 bang gingta mah le ka imu thei mah2 kei a lianii in a lim hong piak ka en zer si sun bang mai in ka ngaih na a puang mok hi, zingkal ka thou khia alah alim ka enn en mai hi,ka ngaihna huaise zo sem in kaki thei hi....bang teng hile sing lem pi sung ah va kem kik non in kavan teng kasak zoh in kanun ka lutunga a khut ngaa in pathian kianga thumna hong neisak hi, thuhilh na leng tamlou hong neisak zou in ka inn uh ka hong pot santa hi.Ka inn uh ka nung et kik ciang in kanau ten hong nung et liak2 lel uhi, neuthei lai mah2 uh ahi man in khongaih huai thei mah2 lai uh hi.

Huchi a kong pai zer lai in liani kho nol lam ah ana om in akhak na ding in chi in khatvei hong top cheuh in khi (khainiang) hong ok sak in tanghou leng na gilkial cia na nek ding ci in hong posak hi.Lehkha hoitak in hong sim inlan hiai lalgam luah ngei hong tum in o lian, ka in khong uah leng nava pot zer dia bang hiam chi a damlouh na ka tuah zen2 leh le midang pasal na nei thei kei ding oo...ka nun keimah mel bang mai a nang hong mu ding ahi ikal thu leng bangtan hiam kahilh khinta kacih zoh in liani in leng nanga dinga sih tanpha a gin omding kahi, lung muang in pai in thumna toh zong kong phok zer na di o umuan....huchin kei leng lung muang tak in hiangtam s/o pu kiang lam kong zuanta hi...Ka tun phet in hong na chibaih pah in gari leng mansa in ana omngal in huchin training centre lam kon tung khe thei ta uhi...amun agam hih dai in a dap mah2 mai hi.Huchin training te hng hihtou zer in hun bang tan hiam kahih zoh nung un, practical khakhat vel nei in training cu kahong zou tak2 ta uh hi...Kosom nek xoh hun sotlou in battalion ka joint ngal hi....ka C/O pa uh bang leng anuam mah2 mai a lungsim piching mah2 in keibel lehkha theizek kana hih ziak in kou batalion a set operetor in ka om nagal hi...bangtan hiam ka service nung in jiribam lama post khat hong kidom ahih man in batalion 3 ah section khat zel posting som ahih bang in kei leng select khak in ka om hi....

Vangkhua leh sau tuang nung siah in sak luang phal in gamdai zuan tang,laizom phamsa ka it vang hi bat phu lak ding tampi omlai.......siamsin te aw hong ngilh kei un tang zatam ten sing gam lei a lai gil kial le selung zuan to sunchin zanchin machiang suan ung,.....cih la wokman a ngai kom a lupna tung a ka lup lai in sun a patroling pai na gimsim ka diam a kong imud san kha hi,huchin irene toh singkung a thei gah lou a sing kung a ka tuan lai un amah adon lek lama kal tou tou in ken len delh ding ci a kaksl touh lai in ke dek in ah a hiang khat ah ka ki bat kha hi hucin irene in zong ka ban a hong kai in Irene...Irene chin hong sap2 lai in ka lompa kenedy in Irene thou in na duty hunta ahi cin hong phong hi.Kei le mumang pi toh thou khia in ka boot bulh a ka kisak lai in ka lompan A.K 56 banga a tung pal puk kha in ka lompa tal hong sat kha hi,,hehe....amah zong patroling paina gim sim ahi ngei dinga phok lou in huchin duty post lam kong zuan ta hi.Tung solkhapi zong tang liliai ahi man in duty post sung ah ka nungak nu Liani(Irene) ka ngaih na a puang mah2 mai hi solkhapi ka et chiang bang in amah mel hong ki lang mah abang hi..hucia lung juang le irene ngaihtua kom a dak kal2 ka duty zoh in kei duty hun hong bei ta hi....Zing kal in mun tuam a ki posting ding in doltang lam kong zuan khe ta uhi,huchiin lam kal ah nscn K te toh kiphu tuah kha in kong ki kap tuah uhi hucia bangtan hiam ka kikap tuah nung un amau lam khat kaplum in carbine khat kalak sak uhi bangtan hiam nung in aki withdraw nagal uhi.Huchin ka pai na mah uh pai zom zel2 in bangtan hiam hunte hong bei tou zel in nikhat unlf te toh ka hong kikap tuah na uah ka lompa kenedy in a tang ton mun ding lam hong na zot santa hi.Ngaihnatna toh alawm asep pih ten itt in ngai mah le ung vui liam mai ahong ngai tahi,zahna salam pia in huchin kong vui liamta mai ta uhi.Lung gel atam thei mah2 mai a hucia hun te hong pai zel2 in kum te sil bang hong thak zel in inlam ka hong zuanta khong2 uhi.

In lam i hong tung le ki hi heihuai mai in ka batalion mah uh ka join nawn hi,hucia ka omlai in kou batalion apan gal van le thau tang bang zah hiam mangthang a awm ziak in kei moh paih a mat ding in thutan in kahong om ta hi.huchin kei a din taikhiak mai louh lampi dang a awmta kei hi,ka lom le gual ngaih mah2 te nusia in ka inlam uh kong zuan ta hi...kanu lumdia ana kisa chet in kei leng ka inn uh kahong tung hi,kanu kia ka din mun om dan teng ka gen zoh in sum hong ngaitua sak in mundang a pai khe ding kahi kachi hi.Ka nu hih a ngui mah2 maia boi i zingkal an huan di zong neilou kahi,na u lah kiloh dia mundang a zinkhia sum hong khak thei lou ahi hong cih zoh in sawm a khat dia a koih 100 hongpia in,huchin ka nau numei pen hong thou khia in uu numei khat in na u address hong hilh in lehkha thon ut kahi khat vei lam a hongchi eive hongchih zoh in irene in bang chi bang a awm ei de o cih ka lungsim ah hong awm ngal hi.Kanu a khitui ana luang2 mai a enleng ka en ngam kei a huchin kei dinmun diklou ahi man in,kanu ka muh topna ding in ka koi a nu ka mohna teng hong ngaidam inla pathian kiang thu hong na nget sak zel2 in o cia chibai buk in ka nu ka ule nau te kong nuse nonta hi.(ka nu mel ka muh topna hong hi petmah hi)huchia lampi a ka nu leng ngaitua phalou kei a liani cauh ngaitua a ka hong pai lai in ka lom ten irene khol in chi in hong um kual ua ,sir pan man dia hong sol ahi a himahle ka lom hoih pen a nuam a haksa ka palpih sa na hiziak in ken bel kong man ud kei a hiai 100 kong hom dinga mizogam ah lut in kei khut a pan suakta nahi ta a,bang hiam chi a lomdang ten hong na mat khak ua ahih le leng hiai i thu guk pen na sih tan a na imm ding ahi hongchi in huchin ken zong ok sir chi in khitui naptui toh liani(irene) te inlam va delh non tuan lou in ka maban kong suan ta hi.

 Koilam zuana pai zel ding kahiam,sihna lim guam zui kahita...mel hong munuam lai veng,hong munuam lai naubang nuia nunnuam ihei lai nite ngai nang ee...irene kei zo kahan ding theilou himahle kakha in bel hiai khovel khenlam pial gal khalam khovel ah hong na ngak ding hi,huci a pialgal kichi ana awmloupi ahi inzo aki khen dending ihita,irene na kianga thu tampi gen ut kanei lai kahong itna thu lel leng kagen ching thei kei ding hi.Tu in ahih le theilou gam a gilkial dangtak in ka omta a nong tanghou tun sak te ngai nang e,nu aw na saulim ngai nang e na ann huan meh huan te khatvei bek chiam ut lai veng. .na duatlai na von lungmol lua ing,ka zua sulnung zui lel dinga masuan hilel ta ing e...huchia lung zingtak mai a ka omlai in aizawl khopi hong tung in irene a colege uniform toh car a hong kum khia in kei lampi gei a ka bag toh tu hong mu ahi dinga kei lam hong zuan phei in ka kiang ah hiaia bang hih na hiam bangci bang a hiailak a ana omthei na hiam hongchi hi.

Kenle lamdang kasa petmah maia,nangle hiailam a om neicia sih le sih man le man a hong zuan kahi kachi in amaleng kipah na mel toh hong neh nou in a car uah hong pai pih in huchin car sunga ka tuan un hong khainiang piak ka ohlai amuh in hong khase dek pian in khat vei hong top chot mok hi,kenleng top thuk in huchia nuam satak a ka omlai un ka car un taxi kha hong het kha in hong puakbuk hi.Huchin ka zalmang apan hong khanglou in ka dak khiat le kagiahna loubuk khang ah bongpi nupa ana ding gelgol mok uhi,lamdang sak mel tak mai in hong en zel ua,pau thei hile uh bang ka paina ding lampi hong hilh ding un ka gingta hi.Ka enzel a bawng khong banga kipiang kha hizo leh cih bang ka ngaitua kha hi,hucin kei zong kisa in lou lampi kong zui zel le khua khat a kong suak khe ngal hi.Hucia sun ann te zong in kanek zoh in kong pai zom nawn zel hi,ni axa mah2 mai a hun bangtan hiam kong kalsuan nung in khua khat a hong mial lut in giah nang kong zongta hi,mizo pau siam lou toh a buai huai mah2 mai a himah le pathian panpih na zal in giah nang bel kong musam hi azingkal in garia pai in bit huai zo deuh khua khat kon tunga huai mun ah huan ngak a kiloh in,kha bang zah hiam ka om nung in mizo pau leng thei zek sam ta kahi man in mundang ,kong zuan nonta hi...huaimun ah bel bong pu in kong kiloh hi,huchia bongte hong chingtou a hun bangtan hiam ka hong sep nung in mizo te papi khat in kou in ah hong om inla na hong sep pih inla na loh di kong bolsak di,hiai bongpu na khong namdang te a ding ahi...ka zii leng nou mi mah ahi hong ci in huchin amau kianga awm din kahong paita hi.A inn bang u hi anuam mah2 mai a ta leng thum anei ua a lian pen numei ahi a ka et et ciang in,a omdan te khong hi kaneu lai a huai kakhote uh kimboi louzau lama ka nute kia kapai deka hong kha pen toh kibang kasa mah2 maia kenle na nu koia hoh eita mami kachi ale nau kap sak a hospital a hoh ahongchi hi.Apau dan khong a omdan khong kimboi mel ngei2 pu in a kibang petmah uhi.

Huchia lunggel zatam pi toh inkong a lung ngai tak a ka tut lai in ka pu'n cim kisa na hih ale huan ah va hoh ni hong ci in hucin kisa in huan lam ah kong hoh ta uhi.Ahuan uh bang hih a lian mah2 mai a,haici bang ahoih nei mah2 mai uhi.Ka pu kiang a huan bangtan bawlta na hiam ka cih ale ka pun na pi kimi toh ka kiten tung lai ua kipan ka hita hong chi hi.Ken leng ka ngaitua vung2 a kimi. . .kimboi. ..kimi,hucin ni bang tum ding ahi tak man in inlam kong pai kik nawnta uhi.In ka tung un kimboi leng a fel ngei2 a fel lai ahi dinga an minsa lian a awm in ka kisil zoh un ann kong neta uhi.Kimboi in bel hong thei nawn kei mah le kenbel ka thei lai mah2 a hilele ki gen ding haksa kasa mah2 mai a ama hong thei ma kigen lou ding cih ka tum zota hi.Haksa mah le ka loh sun2 teng ken leng ka pu te kem sak in saving kong bawl ta hi,ka awmna mun kua mah hilh ngam kei mah leng kanu toh ka u bel kong hilh ta hi.Hucin ka un inu damlou ahi,sum ka buai uh sum hong khak in hongci in hucin ka neih sun2 teng ka khak hi.Bangtan hiam hong hoih mah le anatna bel beituan lou in hucin kei a dia haksa zo sem in sum kining cingtak khak ding kanei nawnlou ziak in,ka pu kiang ah vaigam lam a loh hoizo ding ahi cih ngaihdan nei in ka zin na ding hong ngaitua sak in ka hong cialta hi.Amah leng a fel mah2 mai a bangtan lou kal in hong sai sak zou pah hi.Ka zin ma ding kal bel ka pu toh ka pi kimboi a nasep uh ka panpih thei na lam2 a ka panpih a himah le kimboi bel ka kitheisak ut kei hi.Lung gel hi atam thei mah2 mai a,lungsim suantuah na toh zing khua kavak zel hi.Hunte hongpai zel in ka zin hun ding leng hong tung ding ahitak manin kikhakna didan in kimboi toh zing meh ding voksa te va lei in zing kal a kikhopna te bang nei in sa ka nek zou uh sun tang lai in kanun a tangtawn mun ding hong na zot santa ahidan hong hilh uhi.Kidek zou vual ding kahi nawn kei a,kimboi in zong hucin hong thei kheta hi.A haksa mah2 mai a ka zin dingla nitak dak6 mah2 ding ahiman in kavan te kisa in kasak zoh in station lam zuan ding in kimboi te inn kong nuse nawnta hi.Hucin kimboi in zong hong kah hial in hong khaa ding in ka nung ah hong zui tei hi,taxi la in ka nih un station lam manoh in taxi sung ah kong tuangta uhi.

Bangcin kong kigen ngam mai zen dia eita kim,na pang bel a na suak le sal bang mai ua hong awm ingaa zum lo sam kahi.Silh leten gina takk lah nei lou inga,na hong muhsit luat khak ding lauh na pi toh lungsim gen thei tak mai a ana awm gige kahi.Nouzo na en huai lua uh ,itle ngai toh nunnuam sung kim a hei khom thei lai kacih ale kimboi in umuan ken leng nopsak ni hun neitam tuan lou kahi,senlai nite a ngaih huai ngei mw pasal ka na nei baih tuk in tuak fuh kakisa kei..hong kigen pah hilete zo bangtan hiam a panpih thei na hong neisam ding hi inga ci in kimboi in,lampi a na zat tuak ding ci in 2000 hong pia hi huai tuh ka kha khat loh zah ahi.Ka kipah na alian mah2 mai a gen ding bang ka thei kei zozen hi hucin station lam kong tung ta uhi.Sumo leng a na awm ngal in hucia van te ka guan zoh in kim ana pai nawn maita ding na diam na khiatlah huai lo na a na pai na ding le gamla thou ahi kachi ale,umuan agam lat thu in zo nang pai nang a gam la zo ding,ken bel hong khelah tun2 mok keive hong ci in cikcia kimu kik nawn ding la,ngaizawng na nei him2 hia umuan??....Kim ngaizawng bel nei sam mah ing hilele ka ki thuzak theilou na uh sotpi a pan ahita,kei bel mihai banga haicilh gop sim leng ka hita nou khong it le ngaitoh nuamtak a omthei kong muh chiang, kaplou luankhi kana nul kha nak sek hi. .tu in kapai na ding theilou gam ah kava hing zou tel diam mw,ahi a la irene ka ngai mah2 mai a ka tanchin hilh theidan na thei ale hong na hilh sak in o kim. .na gen te ka theisiam a himah le nang pasal neisa na hi,na tate le na pasal mah2 leng hepi huai ahi ka sisan mah2 in leng a ngam kei ki theisiam tuah mai ni kenleng irene kiang a thu ciam tampi nei kahi man in julh jau san thei vual lou kahi. .aw irene kong ngailua,nang din ka gin om gige ahi. .kimboi mel ka muh thei bang in nang hong mu nuam veng,kha ka pham zong ka laukhan na siang hong zuan ding ahi Irene. .Irene na siang nun nuam lou ngal kei din..hucia kimboi toh kikhela tak mai a ka awm lai un gari leng manta in hucin kong pai kheta uhi.Lampi ton in lung gel hi a tam thei mah2 mai a,kanu ka muh topna a ka awmdan te khong ka ngaisun a ka kap lou thei kei hi.Sunkhua zankhua in gari sunga lung gel atam thei mah2 mai a,zankhat le sunkhat in gauhati kong tung theita uhi. .Irene ka ngai luat ziak hia,colege naupang te khong ka en2 mai a amah bang awm ding in ka muang moh thei mok hi.Train a nithum vel kong pai nung un delhi vangkhopi hong tung in,munirka a mizo te inkhat a kong tung uhi.Ka lompa mizo te a awm2 sa ahiman in thil leng a thei mah2 mai a hucin ka sepna ding hong zon sak in a man pawl8 certfcte hong zang sak in security guard in hong khum hi.3000 hong loh sak ua ann hongpiak ban uah omna ding zong company in hong pia hi.Pau siam lou toh a buai huai mah2 mai a,hilele pathian panpi nate zal in kong hihi theisam hi.Kum a sim bang kong sep ciang in sum leng bang zah hiam saving kawng neita a kanu le kapa mual ding doh ding ka tup pen ahi a inlam pai ding simthu kong lung gel ta hi.

U aw na siang lambang hong zuan mah leng,it le ngai teng la kim nawn lou dia. .na sak mel bek uh munuam veng,simlei ah don bang i tuak lou zong in thang van ah don bang ki tuak ni maw. .Irene kong ngailua,. .inlam pai lengla kua siang a tung ding ka ta diam maw,ka u le nau ten la zii pasal nei khinta ua kanau u aneu pen la children home a awm a. .a ham haih huai mah2 mai hi,irene na vang ngai a tul mai ding kahita. .bang teng hile kei zong inlam pai din ka hong kisa ta a,tiket te va la in train in kong paita hi. .train tuang bangle ka khop mah2 mai a,kou pol te train hi a sit zong awmlou ahi bana mi atam thei mah2 mai a hun bangtan hiam kong pai nung in ka khua uh kong tung khong ta hi.Ka khua a ka mumasak pen ka lawmpan hi hawng na theisiam pah in kho awmdan le thil awmdan bang kim hong na hilh pah a,hucia amau in mah a nitak an ne in zan leng sawt simta ahiman in ka ki hah siang zoh in ka u koi mun a teng hiam a inn uh koilak hiam ci a ka kan ale,ka lom pan na ule a sungpan inn pia a huai a awm ahi ci in hong gal hilh in hucin huailam kong zuanta hi. .kho omdan bang hih a nuam mah2 mai a kha bang tang in hucin ka uu inlam ka hong zuan char2 ta hi.Ka ute hih ana lum khinta ua,kong ka kiuh ciang inle hong phok tuan kei ua,kenleng ka sap thoh a u..u..kacizel a,akhencia Irene..Irene..ka cizel a himahle hong phok tuan kei ua lamdang sa tak mai in hong tuam bol him2 uh a hiding ka ci a ka ngaisak nawn kei hi. .Irene bek zan zuntha in hong pot le a cih huai mah2 mai hi hucin keileng lung gel in hanmual a ka nule pa mual kidoh ngei ding ahi ci in..hanmual lam a giak din mialnuai ah hanmual lam kong zuanta hi,khua mial lua ahi man in mualsuang te leng thei tel a haksa mah2 mai hi.Kei leng amun ka tung pat in mual suang thum ana kidoh ka mu ngal a huaimun a tuu a ka awmlai in,hong na guk thei awm ahi ngei dinga papi khat hong pai in hiaia bang hih na hiam hongci a ken le ka nu le pa mual suang zong kahi ka ci a,amin ka gen ngal hi. .Aki zawm hil hel in thum a awm a ka khasiat tha a suak petmah mai hi,a thumna pen ka etciang in mak kasa mah2 mai a. .hiai cik a si hiam ci a ka lawmpa ka dot ale hun bangtan hiam paisa a vaigam lam a si ahita,hiai a a uu in a zi Irene toh thupi deuh a thei gige na dinga a doh uh ahi.Aluang bek la mulou a hong ci hi,hucin ken zong hong na paisan mai in zan hong sot deuh2 le hong lau ding nahi,kei toh kipol thei lou ding ihi. .sa a hing kahi nawn keia kha a hing kahita ka ci a huchia irene hong ohsak khi(khainiang) hong na piak sak in ka ci xo in amanle hong paisan hiau hi,. 

 

BEITA

(Gelh khelh gelh val a awm ale ngaisiam,kua peuh ule nau. .)

©Siamsinna leh Vakiangbu