NU HON HUNKHIA VE MAW !!!

~Lia Lian Tonsing
 
KANU ittak,tuisik apan taksa neithei a ahing thei hon suah NU ITTAK AW !!!! I maw kapa toh na awmkhawm/lupkhawm nung sawtlou nung in,hinna nei in keileng leitung pall din nagilsung ah keileng kahong kisa ta NU AW...tuisik apan hinna neithei ding in na hong siam a..NU iittak mai NU aw,nang chauh nahi ka hong muanpen leh ka hinna,ka taksa ding ahong kisiam dek kuan sisan khal ka hih tung lai in,na gilsung ah ka awm chih ka theih in kipahna in kadim a lah kipahthu genthei nailou kahih man in na gilsung ah khamuang tak in ka awm a,bangziak a NU na gilsung a ka awm lam na theih in,hichitel a na lungsim a gim? na lungsim agim telmai maw NU AW,na gilsung a awm hileng le na na gim bang bang a gimthou keive,na hehpih huaitel ....leitung hong pall a hong piangkhia hileng,nang hong hehnem bek a hong pang thei sam ding hiveng NU AW...ka hon hehpih tel,hih theih dang kanei tuan kei nasung a awm kahih ziak in.Kapa kiang a nava pai a kei na hong pai thu nava hilh in maw KAPA'N "sukia maive/sukia in"ahong chih in,NU bangmah ngaituah thei nonlou in lauh na in hon pumbuah,NU hon enve ka taksa di le kisiam pan ta ei ngal ve,khatvei bek nata mel hon munuam lou na hiam NU AW? kapa hon thugen ngaikhia dah maive maw,ka hinna hin humbit sake ham ham maive maw NU !!! ka hong su khasia ngeikei di,keile khovel muh ka ut sam voi,hehpihtak in hon hawi sam ve maw .....

NU nang hon munuam lou maw,NU na lawmte,na naseppihte lak ah na hong zumpih ziak hia? aihkeh na lehkhazil na na sutzop theih louh khak di lau na hia hia? NA HONG SUK KIAK SAWM !!!! na lampi hong dal lou hial ding keive NU AW,nata hih ka kisik kei dia hong suk khasiat louh leng kasawm di.NU nitam lou sung lel hinna nei a hong awmpan keive"SIH KA UT KEI" naupang dang te bang in keileng kimawl bang ka utsam voi,na iitna te theisiam a hinna neih te utsam kahi,na nawizu khumtak mai tep kawm a na pheitung a lungmuang tak a ihmut hit hit bang ut losam kahi,NU leitung hong musak maive malam hun saupi nei lai ngalsam ing a..Thilhih khial nei ka hiam?genkhelh/sakkhelh nei ka hiam?bangziak ahia ka tung ah hichidan thil lauh huai takmai hih utna lungsim na puut.Khovel etlawm takte mu a,NU na iitna khumtak te tangdia phulou ka hiam? NU mangbang a na gilsung a ka kikou lam zalou na hiam? lauhthawng na in hon pumbuah eive NU aw,kong dang awmlou ahiam?kong dang awm lou ahiam? ka hong ngen ngo ngoih na hehpih na hong sulang tel bek ve NU.Huchitel ahihleh atawp nadin na kiang ah thil ka hong dong thei diam? NU hong sukia lechin nangle nikhat hiai khovel na hong nawtsiat tei sam chiang in van ah ka mel na hong mu ngam diam?naupang kimawl te leh kipak tak a awmte na muh chiang in hong phawk sam in aw.NU AW na gil ngei a awm na sisan ngei khatvei lel mualphou di na lauh ziak lel in maw kei nata hinna manpha tak mai na lak sawm.Nagil ngei a awm kei nata na hong suk kiak a BIAK IN kikhop nate ah lungmuang tak in na kikhom thei sam diam? na ki awi tel dia hia NU.........khatvei bek le ka mel muh utlou tel na hiam?Khatvei lel leng hiai khovel ma ah,na gil a awm na goutan hong zumpih tel mai maw NU !!!
NU MANGPHA AWWWWWWW....
 
Hun tomchik hinna nei a na gilsung a ka awmsung in,na hatna leh na hinna zang a na hong hinpih tei sam ziak in kakipak petmah.Hilele maw NU nang KAPA toh hun tomchik a hiai leitung nopsakna/taksanopna na ut ziak lel un maw ka hong awm khak ,khovel ka muh di lel leng hong phallou a na hong iitna lel leng phulou dia thu maw na hong tan khum mai,hehpihna leh lainatna nei lou hial in maw ka hinna na hong laksak mai.
Nata dia le na hong deihlouh NATA hih ut takmai

"KEI NAUNGEK HEHPIHHUAI"
 
©Siamsinna leh Vakiangbu

Comments

Post a Comment

Popular posts from this blog

PATHAWI HIMAHLENG!!

~Kattie Mawite Ka ngaihnou ka ngaisang top. Ka dinmun uh kikheng hileh ama lungsim bang ka put zoh ka gingta kei. Iitna tak toh hon iit hi in kathei a, kenleng ka it petmah. Keilam apan ngiat a hon neikei a, apasal ka hihtheihna din CONDITION bangmah hon bawlsak kei. Tulai in hihna kibang(homosexual) kingai tampi om mahleh, kei ngaihnou bel NUMEI ahi. A hon itna thupi kasa. Ka phulouh iitna tang hi in ka kithei a, ka kipak petmah. Himahleh alangkhat ah ka kisuanglah zel. Ka kingaihsiat theihna di leh ka lungsim hon kam gegu di kampau chikmah in hon zatkhum ngeikei a, milak ah leng a hon zahpih kei. Kei ziaka nuam asaklouhni leng atam din ka gingta. Himahleh kei kianga a om chiangin maitai tak in hon houpih a, huai in a ngaihhuaina nakpi in a behlap hi. Ka ngaihnoute bel innkuan nuamsa ahi uh. Apa Evangelist teacher pension ahi a, a upa'n leng apa sulnung zui in Evangelist teacher mah a sem hi. Amah tuh college kailai ahi a, anau pasal nihte bel high school kailai ahi
Read more

PALLAI NITE

~Lian Khuptong Alamdang Pathian Itna' 'khovel nopsakna leh gentheihna tepanin Tuun sungkhatpan mimbang ka hong khangkhia hi. Deihthoh takmai leh iitakmai'n keple huihmut dingnah tomphallou in ka omhi. Kep leh etkolna nuaia kasenchiil panin kapiching dong in, duattak leh deihthoh takin kep kana hi. Sianhuaina toh hucihin ka hongkhang lianzela khovel tak palding in kongkisa ta hi. Mite kitaiteh nalak ah ka taisam hi. Hinkhua gintaksa anaa nuamchiam kei alai hawlpawl in lakloh takin ka omhi. Pallai amm'n nuamleen tuh ka hinkhua aka nopsak ahih hi. Maban etna'n kalsuan touzelin ahak-anuam phutkhak dandan in kahong phuh hi. Huaihang in hinkhua zatdan ka etchiang in lungkhamna leh mangbatna ten nisim'n hongtuam tawntung hi. Ahakdan pengen siamvual ahih keihial hi.  Huchitazong in taikhua tuh hongvak zelsam a lametna thak honguan zel hi. Naa khatpeuh zoh kuhkalna leh thuakhaatna lou toh pangtakpi mah ngai hi. Khovel zoh omvengvung kitaiteh nalah
Read more

NATNA LAUHUAI COVID APAN PIANTHAKNA

 By  ~ Paumuanlal Guite BaBs Chikmah a zak ngeilouh, lungsim tawng a leng gelphak ngeilouh COVID 19 in khovel pumpi hong sawiliing ta hi. It leh ngaihte toh tui leh nga bang bualkhawmna, a sakminthang Lamka khopi leng natna in hong hawi tuankei. Niteng in a vei a pung hulhul chih kuapeuh in thei, himahleh gamsung vaihawm solkalte’n hiai natna apan i suahtak theihna ding ua hon thupiak uh Policete mat utlouhna ziak lel in i zui hamham chiat uhi. Huai bangle Policete galmuh chiang khawng a zui hamhamte i hilai uhi. A tamzawte bang in a omna mun uh i pel chetchet zomah uh, lamka chihmah a ka tuamtuam tam i theitel ua. Siamsinna innte, nasepna buuk tuamtuamte kikhak zungzung a, i biakna munte tan leng kikhak hial in inn a kuapeuh kikhum chiat ding i chih lai un kholai a hih ding poimoh nei a pungdiak a bang maimah hi. I natna minthang ziak ua mual honna liamsan niteng in zak ahigige mai. It tak in a luangbul ah kap zoizoi ut mahlehang mangmat phak ahinawnkei, silhpuan piandang toh kithua
Read more