ANBANG ITNA SAUSUAN GIBANG KHENNA
~HP Nowluck Vontawi
Kum 2012 kum a
Airtel a ka sep lai in ka zahtak mah mah ka thumop sianu (trainer) tawh
ka ki lawmta mah mah uhi. Thu ki-iim omlo in ka haksat nate uh ka ki kum
khawm zel uhi. Nikhat ka tangthu hon mangilh sak ken aw ci’n a hong gen
hi. Tua nu min Amita hi a, amah vaite/kolte(hindu) ahi hi.
Atangvalpa
Amir Khan tawh mun khat ah nasem khawm uhi. Tua ka sepna mun Airtel mah
ah na sem ua, luankhi daibang theulo in sunkhua zankhua a apuak nat thu
a hong gen hi. Amir in amah nuai ah sem a, amah pen Trainer ahih ziak
in asang zaw tham hi.Sun khat ka sun khol lai tak un dah a dah mel tak
in a room ah hon sam a, Hau ka lunggimlua nong panpih thei diam hong chi
hi. Ken zong kei panpih thei ding ahih leh kong panpih kei dia maw ka
chi hi. Aman thei khang panpih thei kei nite, himahleh kong gen him him
ding aw bawi aci a hon gen ta hi. Inntung lam na kal touh chiangin sawng
lina ah Amir khan ana om ding ahi, na thei ngei diam ah, va en phot
inla tua zawh chiah hong pain awn in aw aci a, ken zong aw ka va en aw
ka ci a, ka va et leh kamu pah kei hi. Ahangbel ka Ofis uh lian lua pet
mah ahih manin mi kiang ah dot ngai maim ah ahih na ah, muh hak mah mah
hi. Kei a lah sawng ngana ahi a, ka va kan kawi kawi leh atawpna ah ka
mu hi. Romal tawh amai na khuh in chiar a ki nagmsa in a om ka va mu hi.
Ken zong bangmah gen selo in ka ki leh kik ta hi.Amita kiang ka tung
kik in akap hi leh ki lawm ka chih leh akap ahi hong ci hi. Kenzong lam
dang sa guih in bang chi a ka chih leh hichin ahong dawngta…“” kanak
ngaih lua, aman zong hong ngai pet mah ahi, hong ki tenpih ni ka chih
leh kap ahi. Amau dan tawh kou dan aki bat louhziak in anute’n ka kit
eng ding uh aphal kei hi,(Amir khante pen Muslim ahi a, Amita bel Hindi
ahi.) adan uh zuih tei tei angai ziakin ka lung gimlua a, sunkhua
zankhua maimitsinglo a ka kaluankhi in tui bang hong tum den ahihna ah
ka lung gim lua ahi. Ko gel ki-itna bel kua man hong thei pih kei a,
kholaimi leh innsung mite’n hong theihpih kha kei hi.
Zingkal
baih tak in ka thou zel a, kei leh kei bang lung zuang lua in meilum
kai niiniaite bang ka et chiang in, Tajmahal a ka vak lai ua meei kaite
bang maimit laukha ah luai denmai hi ahong chi hi””Kei zong ka zaktha
nuam panta hih man in, na ki-iitna uh hong gen thak sin dih aw chi in ka
thu duh thak zozenta hi. Hehehe Aman ka gen tam ding ka thei tuan kei
ka puak natna tan zong ka gen thei kei, lai hi ahong chi san hi. Tangthu
ah hong gelh sak ut ka hih man in hong dong sau ka hi ka chi a, ki lawp
tak in gen a hong pan a, Atung in kei deih masak ahi a, tun zong kei
mah deih mah hi lai lai hi, ka theih dan in amah hong it-na alian zawta
hi in ka thei hi. Ka mel mulou bangin an khong anek louh dan hong gen a,
niteng in tawp ciangin ka inn tan uh hong kha zel hi. Sun chiang in kei
tawh ki thuah dingin kong ah tutnate ah ka pawt ma tan hong na ngak jel
hi. Tua bang in kei zong ka man hun ciangin amah room ah ka va pai zel
a, himahleh sawt ki hou khawm in ka om khawm thei kei uhi. Dan in hong
phal kei a, dannuai ah na ki sem ahih man in innsung-innpua ah hong kam
dante ziak in samgi bang khen mai ding zaw ka ngai ngam kei lua, chin
akhitui kham vuallo in hong luan mawk a, kei kaki suanglah sim man hi.
HahaKua mah theisak ken aw chi in aitna thu bang hong gen chiang in a
thupit dan bang hong hah gen diak hi. Nidang lai a lung khat a ka lenlai
un bang mah phoklo a vasa khah suah bang a hun nuamtak a ka zat lai nit
e uh ngaina lawm lawm ing e maw? Lakkik theih hi mail eh maw hau. Kei
zaw vangse vual tung tuang ka hita maw ahong chi hi. Simlei ah kua mah
tawh ka ki ngai ngei nawn him him kei ding hibang liang a genthei ding
ka ki sak loh lai in, siansiam hiam aw zin dawh-aisan chih tawh bang
hial in hong gen a, a kap in hong kap mai mahta hi. Tuathu ka zak zawh a
pan in Sun ciang in 4th floor lak ah tua ka zah tak mah mah ka sianu ka
mu zel2 lam ka thei ta hi. Himahleh a om khawm lam uh bel ka mu liang
kei.
Amana gen zom na ah, Amir tawh aki ngaihthu uh zong
apate kiang ah hilh khin a, apate phalna zong ngen khin ahih dan bang
hon gen hi. Hi chin a gen zom leu2 a, Hau kei ka damsung Pasal neilo
dingin ka ki chiam hi. Leitung ah hong it pen pen ding mi kamu zong in
kua mah tawh ka kiteng nawn him him kei ding hi. Kanu-kapa kiang ah ka
gen khin a, ka ngetna bangin hong phal sak ta uh. Ahih hangin ka lung
akim thei tuan him him kei ahi. A hangbel amah mangngilh nawnlo ding ka
hi ahong chi hi. Zan ka imut dek ciang in alunggim ding dan ka nagih
tuah pih zel a, sun chiang in ka gimpih thei mah mah mai hi. 2nd August
2012 ni a ka lung khamna kan a ka lung khamna dang om nawn lo ding hi
hong chi hi. Tua ni pen Amir khan in Amita kiang ah aki-ten theihloh
ding uh agen ni ahi hi.Tua agen dan thu tamlo kong tak lang lai ding,.
Amir khan in gin takloh bang tak in 2nd August, 2012 ni zing lam dak
9:30 ma deuh in, gintak loh pi in hi cin hon gen a, kap sa in ei kiteng
thei lo ding ihi hong chi in, ka lu van(sky) chiah bang apha in a lian
hi. Ka etna ding lah thei tuan lou in a hang in ka hang khum hi. Aman
zong kei hong itlo hong ngailo ka hi kei, leitung ah teng ahih man in,
leitung dan leh innsung dan in aphal louh ziakin hon thei siam in aw aci
hi. Tua teng a gen phetin hong pai khiat san pah hi, anung in ka thuak
mah mah mai a, kap kap ka hih man in nitum lam zong ka thei man nawn kei
hi. Hong ci hi. Inn ka pai a, lupna tung ah lum in ka kap kap lai hi.
Ni nih bang annelo tui dawnlo bangin ka om ciangin kapa hong lut a, bawi
bang deih na hiam chi- in thumvei liang hong dot tak teh ken zong Papa
Pasal nei dingin hong phal mah mah ken o ka chi a, ka pa'n zong lamdang
satak in hong dong pha kik kik hi. Ken zong thu om dan ka gen ciangin OK
na thu ahi bawi, kong phal a, zong kong deihsak ahi.
Pasal
neilo in om in la, napa tawh om khawm in napa hong don le teh himai maw
achi hi.Tua ni patin amah pasal him him nei nawnlo ding in aki ciam hi.
Innsung dan in itna thu ah vai ahom ciangin itna dik tak zong man suah
ahi kha nak hi. Lung nuam in ka om tuan kei ding a, himahleh ka lung
khamna ding tampi teng a pel suak ka hi ta.. Sian gawmlouh tui bang gawm
ahaksa ngei maw, lungzuan huaina sian hi leitung sian hong nem aw, suah
leh tum, sim leh mal a om huih khi hong leng inla ka lung khamna teng
hong puak mang sak ve maw. Lungzuan siallou ding in huih dam siang hong
puak ve maw, hong nem ding omlou lung zuan ka sial za in tam e.........
chi in a khol ta!
©Siamsinna leh Vakiangbu
Comments
Post a Comment