PASAL NEI TA OH!!

By ~ Son Kym Quptong

"Pasal nei oh!!nang bang2 mihing kong kol peih non kei",chi kawm in chingnu in a kiang a ding mawite mai kawk juau2 hi.Huchi bang teng gen khum mah leh mawite pau tam se lou in ana sep di teng sem lel in om hi.Chingnu chih tak la inn sung a lianpen dan in ki bol a ki thupi sak thei mah2 hi.Amin lel jak a jo 'ching' lua di bang hi ven,amin toh jaw ki khai mah2 chih ding a hi le.Atapa hom thoh mah2 khuakhual pua khia in huchi'n inn kong lam hong ma noh a,innkiang te uh inn khat ah lut hi.A inn kiang te uh chih mah tak la nupi thusia ngen mi gen leh2 thei ngen hi jaw mah a ki tuak ngial uh a aka.A unu(mawite) apasal unu chu gen sia dia pot a hi mai hi.A inn kiangnu thu sia duh mah2 kia'h ka unu uh jaw ka ning pasal nei suk leh ka chi,inn kuan sung amah om jiak a khang thei lou a hi chi'n va gen sia jial2 ta mai hi.Hu chita gen chiang in a inn kiang nu lah thu mu ki sa a ban mi kia phuak tawm tou in,tha dah pasal in le mu peih lou ei ve chi peuh in kho lai ah thang khia mai dah hi.(paunak in thusia in mual 7 sagih kaan,thu pha in saang kil kan lou )chih jaw a dik ngial a ka.

Mawite jaw pasal nei ut lou lua leng hi lou jaw hi a,anaupa(thangnou)anu leh pa sih san nung aman a et kol touh ngai,a let tan en kol ji leh ta nei tan a suah a hi hi.Apaal lai hun in a naupa skul kai na ding chi in vai gam ah a naupa inluah sak in khopi ah vaak a,sep theih2 sem in a naupa mi phak na ding a ngaih tuah man in paal lai hun ana jang bei ta mai mah hi.

Mawite leh thangnou bel unau ki it thei tak hi ua,aneu lai ngial un a ki itt diak ua, alang2ah ki jui den uh hi. Thangnou in a u itt na thei mah2 a,a let a khan chiang a en kol tou ding a hih danbang gen jel hi.Khovel ki lum leh bang hial di khop in thangnou in ji a hong neih le a ji in a inn sung ah vai hawm ut mah2 in unau ki it tak te khen tu in a homg pang mai mah ta hi.Apasal lah jah tak na him2 nei lou a hih man in,innsungah jaw hong thu nei mah2 ta.Himahleh apasal a neu apan enkoltu a u mawite a simmoh mah2 mai hi.mawite a ding in khovel a hin man om lou bang in haksa a,atha leng hat jou nn lou a hi.Himahleh a mounu lung tuah na ding in a hih theih tawp suah in pang jelhi.Hih theih tawp asuah inle kua mah lung kim na hi tuan lou ahih man in vaangsia kisa thei mah2 mai hi.Anaupa om louh chia a thuakte gen lou in thuak tou den a,anaupa om chiang bang in a ji kamsiam theih tawp a siam a hih man in,gen leh vai lak jun thak bang ding a hi chih thei chiang mah2 mai hi.Pathian ten leng heh pih na nei non lou a hita mai ding chi peuh in ki ngaih sun jel hi.

Hun hong pai liam jel a,NUTE NI hong tung hi.Mi lung ngai thei te a ding in kahna ni a hong suak nonmaita.Mite anu te uh pah toi a,biak innta ki khawm dia kuan hel2 amuh chiang in nun lui ngaihna in tuam a,mittui nullou thei vual leng a hi kei hi.Huchibang mah in chingnu leng kikhawm ding in kuan a,mite thil hih dan le mite thugen te a jak chiang in mawite in a u(apasal)aneu a pat a nu bang a ana en kol tu a sim moh khak dan hong ki phok khia hi.Amah(chingnu)leng kin tak a pai in a unu(mawite)inn a kha sia tak a lupna a om kiang va zuan in,"u aw hong ngai dam in,kei hong bol nate ka tunga tungding hileh leng ka ut kei hi,kapasal ka u(thang)aneu apan kei a ding in na khoi lian a,ka ki pah ding hi jaw na pi in,hongsu genthei tu in kana pangta,hon ngai dam in aw U"chi in ngawi kawi in kap hi.Huchibang mawite in a mou apan hong jak in mit tui luamg jung2 kawm in,"bawite aw kong ngai dam lua,ken le ka hihkhelh a om ngei ding hong ngai dam un aw"chi in kap tawp theilou in om uh hi.

NOTES
1.NUTE INSUNG A LUPEN A HI UA,NU THU LIM LOU INSUNG KHENJAK TU A HI,KI NGAIH SUN NI.
2.MIN KI JANGTE A KI TUAK OM LE KA PHUAH TAWM A HI CHIH THEI NI
3.HONG SUANGTU LE HONG PICHING SAK TU TE ZAH TAK LE ITT SEM NA DING IN KA LAAN HI.
KA KI PAK NA SIM SUAK ZEN2 A.

©Siamsinna leh Vakiangbu