KA NGAIHTUAHKAL IN

Written by ~ Thang Haulai Ffetg

Hehpih di ka diam? Hehpih Lou zaw mai di kadiam? Chih ka suangtuahna ah hong kisual sual ua , Koipen tel ding kahiam chih nasan ka thei zou nawn kei hi.Amah ka en zeel a, nidang a kamuh sek bang in ka muthei nawn mawngmawng ta kei hi.

Akhut en Leng la, Mi te letsa hi a, kakhut kazam Nang in aliang en Leng la, mi ginomlou, amah thangsak te kawina ma mu zeel ing a.

Akhe te en in, ka hinkhua pen amah toh Lampi tonkhawm di Dan in gel Leng la, ka ngaihtuahna Khatlam in phal Lou nawn zeel a.Ka itna ka pe suk mai di khawng ka chi zeel a, ahih hang in a nunlui ka theih veksa ahi nawn zeel. Ka lungsim in "a sesa apan ahoih hon pawtkhe mawk chih lah omthei Lou a." Hon chi nawn hi.Lah Huaikawm Kal ah, ka lungtang Khatlam in amah lainat petmah a kah ngoih ngoih zozen zeel hi, angpom a ut a, a suse te apan in a vengbit ut zeel hi, mi ginomlou te khutma kilatnate, Ginom te khutma a Khek ka ut zeel a.

A Hoih penpen I chih te le, banghiam hoihlou leh etlah huai hetlou apan hong kikhikhiia khia a, atawp a ahoih hong suak uh hizeel a.Hiai Teng ka ngaihtuah Kal in, alungsim a om banghiam chih Leh a ngaihtuahna, a lung-gel himhim ka theikei hi. Bangmah semkhe Lou a ka ngaihtuah tuah Kal in alen tu ding dang ana omlou ahih man in, a om ngeinasa zuan ding in,malam a lametna omlouhna mun zuan in thavul ningniang in ana paisuk nawn man ta hi. Lampi ah Mi'n et in a et thoh mai ua, Mi mai le mungam lou pipi in Lampi ah apaisuksuk tamai hi, a khamkhawl dilah omlou, puantual silh te nangawn in khatvei le akhut ah Len in a khou Dai kei maimah uhi.Ka delh in ka khou diam?

Ahih keh ka ngaihtuahna a ka hehpihna om pen kasen mai dia, amah asuah suah ka suaksak mai diam??

©Siamsinna leh Vakiangbu