TUNGSOLKHAPI AW

Written by ~ Mang Guite

“Love is the relationship between the hands and the eyes,it's like when the eyes cry the hands wipe its tears."

Itna zaw lunggimna,haksatna,khitui luanna ngen ahi.Lungnopna, Kipahna di a vang mahmah,lungnopna leh kipahna ka muh na di'n zaw,nang' kiang a ka om gige ngai leh kilawm hi. Aziakbel,nang kon Itna in hon lungsim sia sak mahmah a,nidang-a ka ki thuah pih ka lawm hoih pente toh bang hon khen lawh hial hi.Aziakbel,hn ki iit lua ahi ngei ding a,kei' sang a midang na hon neel bawl zawk hiam? Na hon houpih mun zawk chiang bang in,ka lungsim a gimthei mahmah mai a,hon itlou houh na hi diam aw!? Ka chih ni atam mahmah." ka chih leh.Hiciin hon dawng hi,"u..ken maw,hon itlua ing a,kon it ziak mah ahi ding a,nang hon hou pih louh a hon houpih masak di bang ka zum a,ka kisuanglah sek hi.Ken ko'n it louh ziak-a midang houpih hilou ka hi.Niteng-a maw..ken na melmu nuam ing a,nang mulou a le om theilou ka hi.Ko'n muh louh zek chiang a ka omdan nuamsa theilou ing a,na lawmte' kiang khong a,na omna theinuam ing a,hon na guk kan kha sek mah ka hi.Ka hon itlua u...hon ngai dam in aw." Aw neem ngeingei in hon chi hi.

Ka ki suanglah simthak zezen a,ka gen di bang ka thei zok kei hi.Alehlam ah ka lungsim a kipak petmah ahangbel adang in,akamsuak mahmah in 'kon it' chi kha ngei lou ahihmanin,tunitak in bel akam pau mahmah a ka zak ahihziak in,ka lungsim a nuam tuan mahmah hi.Hiai hun chiah in zaw kuamah ka eng kei uh,dak bang zah ging a,kua kipak a,kua dah a chihte ka ngaihsak pha baan kei uhi.Aziak tuh,tunitak ka hun nanung ahi a "summer vacation" beita ahihmanin,zingkhua hong vak leh ka siamsinna masawn diing a,mundang a paikhe ding ka hihmanin,ka ki-am mahmah tuak uhi.Huai nitak bel khapi a vak hoih mahmah hi.Fullmoon nai kei mahleh a fullmoon na diing nikhat lel in samta hi.Khapi lah vak hoih mahmah mai,a liah tu ding omlou in hon taanvak singseng a,a nuam mahmah hi.Hichi bang hun mawite toh zangkhom tamlou ka hih manin huai nitak bel ka mangngilh thei kei hi.

"Mawi" chi kawm in ka khut a liang a ka kawi na ka lakhe suk a,a lou na sepna khut,sia nelnel leh hamsim pi ka let hi. A khut ka letna bel bang chi tuk in sia leh leng huaiziakin ka itna a bei tuan kei hi. "zingkhua hong vak leh ut-le-utlou a,ko'n zinsan ngai di hi a maw? Ko'n ngai mah di maw? Bang chi'n ka va om tel diam aw?" ka gennop teng ka gen khit main,honna dawng zui pah a,"uMang,kenle ka hon ngai lua ding himahleh lungmuang tak in,na va pai dia,na siamsinna hoihtakin hon sun zom inla,Pathianin damnate hon pe ding a,dam-leh-kipak tak in,nikhat ni chiang hon kimukik sak nawn na ding ahi aw,lungliap ken aw..u?..na heina mun ah kei sang paalzaw liapaal za in tam zong,itna simthu hon lel zong un,hemlam simthu hi chiin tongdam naubang na sang ken,kei a ding in ginom inla,kei leng nang a dia ka ginom gige bang in.Na hong kik kal ngak lah tak a hon na ngak gige ding ka hi."hon chi hi.Kei gen dia kilawm teng hon gen kha a,ka gen di bang hong bei dek mawk hi.

Ken leng chiamnuih thutak in "hong si ta zenzen leng,hong kik theinawnlou di hi'ng a maw?bang na lawh di?" ka chih suk-ek leh amah bel ana serious lua ahi "zingkhua hong vak leh ut-le-utlou a,ko'n zinsan ngai di hi a maw? Ko'n ngai mah di maw? Bang chi'n ka va om tel diam aw?" ka gennop teng ka gen khit main,honna dawng zui pah a,"uMang,kenle ka hon ngai lua ding himahleh lungmuang tak in,na va pai dia,na siamsinna hoihtakin hon sun zom inla,Pathianin damnate hon pe ding a,dam-leh-kipak tak in,nikhat ni chiang hon kimukik sak nawn na ding ahi aw,lungliap ken aw..u?..na heina mun ah kei sang paalzaw liapaal za in tam zong,itna simthu hon lel zong un,hemlam simthu hi chiin tongdam naubang na sang ken,kei a ding in ginom inla,kei leng nang a dia ka ginom gige bang in.Na hong kik kal ngak lah tak a hon na ngak gige ding ka hi."hon chi hi.Kei gen dia kilawm teng hon gen kha a,ka gen di bang hong bei dek mawk hi.Ken leng chiamnuih thutak in "hong si ta zenzen leng,hong kik theinawnlou di hi'ng a maw?bang na lawh di?" ka chih suk-ek leh amah bel ana serious lua ahi di. "umang...sih di thu gen nawn ken,Toupa'n i omna peuh ah hon veng dia,damtak-a kimu ki di hang a,kipak tak a,nikhat tei i lungtup mualsuah ding i hi."hon chi pah geih hi.Gen di ka hau mahmah mai ua,khapi lah avakpha mahmah mai hi.Theih khawllouh pi'n ka sana(watch) ka en kha laizang a,Dak 10:00 bang ana ging velvual man hi. HUN IN KUA MAH NGAK LOU CHIH MAH TAK,HEHE...Paita ni chih di lah ka khelah lua lai a,omlai dia lah,ka nu-le-pate lungnoplouh khak di uh ka lau gusim zel hi.

Huai kia le hilou zingkal ka thoh baih ngai zomah di hilai.Alehlam-ah ka mawite ka ngailua a,ka khelah mahmah,ka sana ka et khak bang ka kisik gusim hi.Sawtlou kingaihtuah dedu a ka wm leh,mawite in 'Bang chi e?' hon chih ka za guih hi.Ken leng dawng tuan selouin,sih-le-sih,dam-le-dam chi in ka ding tou a,ka khut taklam mawite ka pe suk gaih hi.Aman leng Hon theisiam pah a hi ngei ding a,hon len in hong ding tou pah hi.Ken leng "mawi,zansot simta ahih man in,ki it,ki ngai lele kikhen ngai phot ahih chiah,pai phot mai ni aw? Den chiah na nute'n hon natai kha di ua,hon hal thou u toh....hehe."

"Hon hal le-uh-le ken ka hon itna bei tuanlou,ken hon it thouthou kei ve umang"

"Na hon it a ka kipak lua mawi."

Ka omna uh ka khokhung uh ahi a,mual piansim ahi hi.Khosung bang ki musuak zihziah mai,khosung lam lah dai zikzekta a,khapi lah vak hoih mahmah lai hi.Ganhing neuchikchik hamging leh pengpelep hamging chih lou a dang thawm ging zak di a om kei.Dai lua ahih manin patauh huai chih di a bang zou hial hi.Singdang kuamah englou a,mawite toh nunnuam sawlbang hei a,tungsolkha taang nuai a lungzuan simthu sutkhawm ka hi uhi.Mite'n a gen sek uh 'Golden Chance' zangkhawm ka hi uhi.

Tuni tan in hiai hun(mawite toh ka zat khop hun pen)ka mangngilh thei kei,a biktakin,kha a hong vak chiang bang in,ka lungsim ah puanbang hong thak zel sek hi.Kei chauh om a,thawmhau tak a ka om khak chiang in,ka ngaihtuah khe kha thepthup khasek a,ka ngai thei lua lai mahmah hi.Mite'n 'past is past' a chi ua,kei a di'n ka past bel ka memory ahi.

Ka hong pai khesuk ngei ua,ken bel mawite a khut a ka let na ka khah tuan kei,khut ki leen kawm helhel in ka hong kizui khesuk uhi.Thu tuamtuam gen a ka paupau sung un,mawite te' in kong ka tung ua,ken bel ka tung lam uh leng ka theihlouh ziak in ka paisuak pih khasim hi.

"Ken ka hong kha suk phot di aw"

"Eh! Na inn uh kitungta ahi maw? Ken nang hon ngaituah lua ing a,i tung lam theilou kha kei voi"

"ken ko'n kha suk di aw..? Na inn tan uh."

awi,hiai'h khawl zual phot ni,tomchik khawng,na lut ma in."

"Mawkmawk,ngai kei,hong khak suk ngai kei
m

Mawite in ka inn tan uh hong khak suk sawm mah leh kei bel ka ut kei hi.Ama'n leng hon sel teitei ngam tuan lou a hi dia,a inn kong uah ka din(stood) khawl uhi.

Mawite kia'h,"mawi..na tuun-le-zuate'n hon hal mahle uh,ana ginom gige in aw,kei' sang pilzaw,siamzaw leh neizouzaw te'n itna simthu hon lel mahle uh,itna simthu ana sut pih ken aw..mawi,ko'n itlua." chikawm in,a khut a ka letna,ka khut khah in,a biang tuak ah ka khutte a khoih sak kawm in.Amanleng ka lungsim thei ahi ngei ding a,amitte ana khup diindeen hi.Ken leng amuk san chicheuh,kuamah tawp(kiss) khak nai louh,ka tawp sak cheuh leh honna tawp thuk tei sam hi.Sawt lou huai a ka khol nung un,ken len kana pai phot di aw,mawi? Chih toh pai ka thuah hi.

"Umang" hon chi a,a baan hon zom tuanlou in,kei bel ka kalsuan pen ka khawl kha chot zezen hi.Abaan hon zom di ka sak leh hon zom nawn kei mawk hi.Ken leng lamdang sakawm tak a ka kìhei kik leh,et leng hon en kei a,ana kuun dedu hi.Pai di chi pa'n a lungsim a khek thak a,a it mawite kiang lam a manawh zaw dai ta ve. "Bang chi e?"

g luang zungzung mawk hi.Hong huchih tak in,hon en ngam non kei,amai lam leng hon lak ngam kei a,hon ki nung hei san hi.Ken bel,ka gen di pen ka na buai sim maimah hi,ana kah pih ek di'n lah hoh kasa a ahizongin pasal ka hihna kasuah hamham ngai ahih manin ka na ki dek hamham hi.Hehnep theih khak leh chiin "mawi,tawp ou,kap nawn ken...kei hon itna,nang na hon itna sang a lianzaw ding ahi." Hon dawng kei. "Pathianin hon veng dia,damtak a kimu kik di ihi mawi.Hiai ko'n chiam di,nungak dang ka hon neih san kei himhim ding." Dawnna om tuanlou. "mawi,luankhi toh Mangpha hon khak dek maw...?khitui toh itna simthu lel kei ni,ken leng hon it lua ka hi.Hong ki hei inla,bang a na gennop hongen in kana ngai khe ding." Amit a

Hon dawng kei a,ken leng a khabe(chin) ah,dak tou a kei hon en din,ka khut in ka kaih touh sak a,amah leng awl a hong dak tou in,hon en a,'karese!' ka gintak het louh leh lamet louh pi'n,amit ah tui tampi na vung deldul hi.Ana kap chu ahi ngei di.Hong dak tou a,hon et leh,amit a tuite,a naak(kipatna) om hileh kilawm awm tak in,ho
ntui nulkawm in hong kihei phei a,hong kihei tak in ken leng ka khut in amittui ka na nulsak tatauh sam hi. "Umang,kakhi ka khaam zou kei kha a hi,hon ngaidam in aw,hon itlua ing a,zingchiah pai le chin hon ngai lua di ing a,ka mabaan di ka ngaih tuah chiang a haksa salua ing a kap kha ka hi." Hon zom nawn a, "ka nu-le-pa'n hon hal leh leng,ken ka hon itnak leh lungliap lou in ana pang inla,ka damsung a dia chibang kontel na hih mangngilh ken aw" "Hitham e,lungliap lou ding,haksatna,gentheihna,lungkhamnate thuak khawm in,anuam-ahaksa pal khawm ni." "Umang,ka phamdong nang a hi den ding hi'ng" "Tua na gen i tungsolkha in hon theih pih hen." ka gente uh nam kip in,zingkal kapai ma a,thou teitei dia vai khak kawm a,mangpha ki khak in ka ki khen uhi.

Innsung ka lut in,dak 10:40 ahita.Kavante ka nu'n hon na guangsak khin diam a,kei leng lumdia kisa in ka lum suak ngal hi.Ka nute leng lum khinta mah le uh,ka nu bel ana ihmu nai kei hial hi. "Bawi,hong paita maw...koi a va hoh e? No'ng pai hak sim e..tunitak,no'ng pai hak chiang ale,nang na om ma,innkuan kim a i lup kim siausiau ma ana ki ihmu thei tuanlou ahi."

Ka nu'n bel hon na ngaih tuah den ahi ding a,innkuan a pasal a upen ka hih mah bangin ka nute'n hon hawmthoh in,hon duat uhi.

"Nu,huai ah ka lawmte toh ka houlim ua leh hong pai hak kha ka hi." Zuau ka gen suk mai tave,zuau gen baihlam mahmah maw?Nungak neih le zuaugen kipatna bulpi khat ahi.Ka nu' ka khem ziak bel a lungsim loulam ka hih khak di ka lauh ziak ahi.Ka Nu kia'h ka nungak toh pawt kahi,chi phelphal leng nak heh in,nak lungawi lou lua mahmah ding hi,baanah skul naupang ka hih man in,nungak hel chi laizang leng,kipak hetlou ding hi.Mawite toh kaki ngaih uh bel nak theih lua hi,himahleh bang mah a gen ngeikei.Amah kia gen louh in khosungteng ah thangsuak khinta hi.'Khota' chih mah tak.Kum 4 vingveng bang ki ngai ka hih tak man un khosung ah a thangsuak louh ngaih na a om kei, i kingaih tung...

Himahleh ka nu-le-pa'bel na hu chi,na khachi bel hon chi ngei kei uhi.Hon duat u leh hon hawmthoh ziak un,ka deih ka ngette leng,neilou sasa in hon hih sak zel uhi.Ka nu-le-pa'n bel mawite toh hon deih sak khol kei mai thei uh hiven.Bangmah le hon gen ngei tuan sam kei uh.Kou inn kuan bel mi ka tamsim mahmah uh a,himahleh pasal kei' a lian pen leh a neu pen pasal ka hi uhi.Numei ka tam ziak mah uh hinte,a nuam a,inn bang leng a kem siam mshmah uhi.Kou innkuan bel a neizou lua hi kei mah le ung,kana ki tou delh zouzou vanglak uhi.

Ka-le-pa' bel mi ka eng khak di uh hon lau uh ahi ngei dia,neilou sasa in,a neih sunsun un vanthak bang christmas chiang in hon lei sak gige uhi.Singtanglamah bel christmas lou in vanthak ki lei ngei khollou hi.Ka nu-le-pa bel pathian thei mi ahihman un,pathian thu mah chiin,a hon sinsak zelzel uhi.Ka pa' sang in ka nu ka itna a lian zaw hi(ka pa ka it kei ka chih na hilou in)ka nu'n bel ka omkhawm ua,hunlemchang a neih nsk leh hon thuhilh na in hun tam a zang zaw sek hi.Kaneu akipan a hon kem a,anawitui a honvak a,a anglum a hon pomtu,hon khoiliantu a hihmanin ka ngai khol diak hi.Ka mangngilh theihlouh khat tuh ka nu'n ka paukhiattheih tung akipan a thumna hon neih pih a,hon ki sinsak hun ka mangngilh thei kei hi."Tuunnu itna"chi a mi'n laa sna phuahte uh zaw dik thei mah e....kei a ding a dik khol diak hi in ka thei hi ahangbel tuni tan ka nu'n it leh hawmthoh tak a hon kem tou den lai ahih manin.

Hiai kum in kei bel pawlsawm(10) ka hita a,siamsinna sangta ahihmanin ka nu-le-pa'n leng,ahoihzaw,asangzaw lamen a,neilou pipi a Lamka a hon kai sak uh ka hi hi.Ka sanggamte bel ka khua uah a kai theih hamham lai man un,ka khua uah a kai tadih phot uhi.Nungak nei mah leng ka laisim lam hon subuai kha lou a hidiam ah,ka exam nate uah ka hih fuh thei vanglak hi.

Ihmu dia lum himahleng ka ihmu thei zok kei,mawite kia ngaihtuah den ka hihmanin.Zingchiang paisuk leng bang ana chi dia o?Ana ginom zou taktak na diam o?A nu,apa'n hichibang a hon hal uh hi a,bangchik chiang in ka lungtup ka mualsuah dia o?chih khong ngaihtuah in ka buai mahmah hi.A tawpin zaw ihmu khong ka hi ding a,khat vei le khanglou selouin,zingkaltan ka ihmu suak a,dak5:00 velin ka thei hi.Ka sungkuante leng ana thousiauta uhi.Dak 6:30 vel ding in Bus hong ging vonvon a,hong sia henla,kipai thei kei leh ka chih laitakin hong dawk chet zomahlai hi.Gari hong tung dek ahihtak manin,kei leng ka bag pua in innkonglam ka zuan ngal hi.

Ka pawt khiak leh sak lam a kipan 'aw' nalh deuh mai hong ging ka za a,"hey!hey!" hon chi ka za hi,ka et touh leh ka itpen,ka ngaihpen mawite ana hi,hi.Hong taisuk salsal a,huih in a sam bang hon mutleng selsel a,a nuihmai hon suah a,kana en den kha zezen hi.A sakmel etlawm,a duang etlawm te'n ka lungsim na zou mahmah hi.

Bus leng hong tungta ahih manin,ka khote a zin di te'n a vante uh guang ua,ken bel a van guang sung un,mawite ka va hou pih hi.

"Pai taktak di chu nei ve maw?"

"Hon phone zel in o" ka phone no. Pia in,mangpha khak in,gari ah ka tuan san ta hi.Bus tung a tuang ka hih manin,a tung lam ah bel mitam lou vanglak uhi.Ken leng lup theih na'ng zong in,bus tung ah thazoi kisa in,ka lup hi.Ka khua ua pan lamka kikal leng gamla huntawk mahmah ahihmanin,banah lampi siat zawk mah toh,gari tuan bang ning huai man maimah sek hi.Lamka tung chiang bang a tuh to teng na gawp ta ahih manin,lup theih nak leh lup bel poi kisa het lou hi.Ka lupkawmin mawite kia ka ngaih tuahtuah mai hi.Ka pai dek a hong taisuk salhsalh lai khong,a sam huih in mut leng selsel in,a sakmel etlawm leh nuihmai ka lungsim ah a mang kei a,zaannitak ka pot lai khong uh,ka mitkha'n hong lang zungzung hi.Hah ngaihtuah lua ka hi diam? Ahihke'h ngailua ka hi zaw diam? Ka mit apan tui hong luang mawk hi.

Ka pam deuh a tu te'n honna muh khak di uh kalau gusim a,himahleh hönna mu kei vang lak uhi.Huchia ka luplup leh ka mit ka sikha a,mang(dream) ka nei hi.Ka mang in,"mawite toh paak huan nuam tak ah kana hoh khawm uhi,khut kileen helhel in paak huan sung ah ka pai uhi.A paak huan sung ah buk neu khat,abang teng rose pak in a tuam dim leh atung langva khat a om a,asung ah tut theih na di aom hi.Kei leng mawite toh ka va tu ua,ka itdan,ka ngaih dante,ka gen pih a,aman lenh hon itdante ana gengen mai hi.Huchiin nuam satak in ka om ua,sawt simtak ka om nung un,ka ding tou a,ka gei a rose paak louin,mawite ma ah,khuk din in,ka paak tawi ka pia a,aman leng nui kawm in hon la suk hi.Himahleh,gari in hon nak sing lua guih a,ka khan loh manin,ka paak piak a la man kei hi.Ka khalloh in ataktak di bang ka sa alah ka mang nahi maimah a,ka ki khuat vuaivuai hi.Ka rose piak a lak man louh pai kasa pen "Hon phone zel in o" ka phone no. Pia in,mangpha khak in,gari ah ka tuan san ta hi.Bus tung a tuang ka hih manin,a tung lam ah bel mitam lou vanglak uhi.Ken leng lup theih na'ng zong in,bus tung ah thazoi kisa in,ka lup hi.Ka khua ua pan lamka kikal leng gamla huntawk mahmah ahihmanin,banah lampi siat zawk mah toh,gari tuan bang ning huai man maimah sek hi.

Lamka tung chiang bang a tuh to teng na gawp ta ahih manin,lup theih nak leh lup bel poi kisa het lou hi.Ka lupkawmin mawite kia ka ngaih tuahtuah mai hi.Ka pai dek a hong taisuk salhsalh lai khong,a sam huih in mut leng selsel in,a sakmel etlawm leh nuihmai ka lungsim ah a mang kei a,zaannitak ka pot lai khong uh,ka mitkha'n hong lang zungzung hi.Hah ngaihtuah lua ka hi diam? Ahihke'h ngailua ka hi zaw diam? Ka mit apan tui hong luang mawk hi.Ka pam deuh a tu te'n honna muh khak di uh kalau gusim a,himahleh hönna mu kei vang lak uhi.Huchia ka luplup leh ka mit ka sikha a,mang(dream) ka nei hi.

Ka mang in,"mawite toh paak huan nuam tak ah kana hoh khawm uhi,khut kileen helhel in paak huan sung ah ka pai uhi.A paak huan sung ah buk neu khat,abang teng rose pak in a tuam dim leh atung langva khat a om a,asung ah tut theih na di aom hi.Kei leng mawite toh ka va tu ua,ka itdan,ka ngaih dante,ka gen pih a,aman lenh hon itdante ana gengen mai hi.Huchiin nuam satak in ka om ua,sawt simtak ka om nung un,ka ding tou a,ka gei a rose paak louin,mawite ma ah,khuk din in,ka paak tawi ka pia a,aman leng nui kawm in hon la suk hi.Himahleh,gari in hon nak sing lua guih a,ka khan loh manin,ka paak piak a la man kei hi.Ka khalloh in ataktak di bang ka sa alah ka mang nahi maimah a,ka ki khuat vuaivuai hi.Ka rose piak a lak man louh pai kasa pen mai!!

Lamka thazoitak in ka tungsuk hi.Dak 6:00 lakvel a tungsuk kahih manin,ka tha teng bang abei a,gimin ka gim hi.Huai laitakin bel naupang khat khong in hong chou mawk leh le pang zoulou di khop a ka tha bei ahi.Inn ka tung in ki hah zokzok in,kaki hah zoh in lupna kaki denna ngal hi.Gimlua ka hihmanin ka ihmu kha a,local news suah in ka khanglou a,ann tamlou kava nezek hi.Mawite ka ngai mahmah mai a,bangmah lah ka lawh thei tuan kei.TV et maimah ngai,adang hih di omtuan lou ahih chia.TV le sawt ka en zou tuan sam kei,ka lupna ah kava lum nawn a,nidang a mawite toh kalim kilak khopte uh ka enen mai hi.Himahleh ka ngaihna apung hulhuk abang a,lungleng deuhdeuh in,ka ngai deuhdeuh hi.Lungzuan nemtu di lah omlou ahih manin unaupa Thawnkham in asak "Nang lou in" chih la ngai in,ka ki hehnem hi.Huchia ka ngaih zomzom laitak in,ka phone ah call hong pai a,no. Vuak a hi a,kin deuh in ka pickup a,"hello" ka chi leh.

"Tungta maw,mang?" kanu ana hi. "Hi,tungta" "lamkal khong ah gari sia a,na paitheih louh khak duh ka lau a,na tung uleh tung louh uh ka thei nuam a kon phone hi." "Aw! Ka tungta uh." "lai hoihtak a nonsim di ahi aw,Bawi! Koih phot ni leh mangpha awle." "Awle nu nang le mangpha."

Mawite di kasak leh ka nu ana hi daih!! Ka nu bel ana lunghimawh lua hi'nte hon phone pah hi.Lung hih mawh huai thou di'n ken leng ka gingta thou hi,aziakbel,khatvei gari sia a lamkal a giak kha ka hih man un.

Ka kihou zoh un,ka laa ngaih ka sun zom nawm a,ka ringtone din ka zang zomah hi.Ka ngaihtuah na ah,mawite in ka nu hon it bang a hon it hileh,ka nu lung hih mawh bang a lung hi mawh hi leh zaw,hon phone lua tel di hi a,hon ittuak kei na e....peuh ka chi hi.

(Sutzop diing...sutzop IV na ah...)

©Siamsinna leh Vakiangbu