ELECTION DIARY
KHAMPU DIARY: Tusun bazar lam ka va phak leh Lampi zul teng ah 'Vote For Poster' tam mu sim ka ki chih leh Election hun hi dek ana hi maimah ave le. Kuateng dukan kongkhak mai ah hon belh nawn di uam maw a Poster te uh le, Lampai te bot kek dd phet..haha. Bazar lam pha khin nitaklam ann nek khit ah Lianpu te inn ah ka va hoh leh a nu un 'Huai Pa' vote dia ana jon nilouh mawk.... Phat chih tak ah ana phat ta maimah, Ka lungsim guk ah 'jesu hi jojen hya le' bang ka chi jojen hi..hehe. Ka chih na bel Lianpu nu Saptuam sung a Dorca(Nupi) pawlte President hinchin Politics lam khong lunglut het lou dd ka sak leh ana dur lua dan ahi. 'Huai Pa' vote dd thu hoih deuh ah Sermon neih khin Lianpu te inn kon pot khiak leh 'The bet khiat' mah bang jojen, ahih kei a leh ' Annsukhawl ging ki STOP chet' mah bang.., Lianpu nu in ka Diary sim kha leh bang hon that nuam phial dd ahi. Lianpu te inn hoh khin inn ah pai in TV khong en in lup ka sawm ta hi, Goodnight Diary.
KHUKHUP DIARY: Pocket money dd Sum deih huai eiciang a 'Huai Pa' a dia Volunteer din ka min ka va khum niknek hi. Volunteer chih cia ' Khut Zat' toh hon ki bang sim daih hi. Nikhat a cu 150 ki loh sam, Bangpi ki sem lou jomah lai..haha. A nawp ka sak diak na bel nitak cia Disposal Cup khat i tawi nak leh ZU free hi mai. Election den leh chih huai tawp mai..haha.
DIDING DIARY: Volunteer ah ka va pang khak ka ki sik lua mahmah, kua man hon sawl le hi lou... kei mah ut thu ah va pang..ka nak hai eh. Min cut theih khong hi leh hoih dd, huai dia le a 'tactic', chi jojen leh huai teng ki thei man. 'Buaina om leh Police te toh buaina mun delh khom di uh chin a, huai zoh Office ah report nawn bawl di maimai uh ahi na nasep di uh' hon chi unchin enle huci tatak di ana ki sa. Hucih malak salak ah Zan khat ngial houh nitak dak 10:30 lak vel ah hon ki phong in kou le kin deuh ah Jeep sung a lut pah, Huai veng lam a full speed ah ki khoh tou. Amun ka tung ua 'Huai Pa' vote di dan thu a gen komkom uah a ut lou te khet puak fefek hi mai. Kei cu ka chi khong ana ling gawp. Police te hon tung unchin hon kham dai di ka sak a leh ka leader pa uh toh Police leader pa ki hou unchin Police te pai khe vengveng nawn uh. Pathian kiang a ka thum gawp...huai zan chet cu. A ni nawn ah Innlam ka paidek ah ka Mobile Phone hon lak sak uh hi veo, paikik ka sawm nawn louh lam thei mah bang uh. Election bei meng leh ka chi veh.
PAGIN DIARY: Tuni vote khiak ni dd ahih jiak a diam ah zingkal walking ka pai leh Sepaih te lam nawl ah om ka tuak mun sim hi. Gamdang ah cu mi'n a Police te uh a muh ua le bit ki sa uh, Ei lam ah cu ki nervous mawk, a thil sia hih hi kei lele.
Ann nek zoh in Vote khia din ka va kuan tei hi, free deuh ah ei utut khiat dd ka sak leh tangval nou mi bang zah hiam in 'Huai Pa' vote dia hon sawl uh hi veo, kenle a ki houlim maimai dan ah ka dawng sawm leh hon na vau uh ana hi. 'Huai Pa' ka vote ke bel ka maban Hospital ahih dan hon hilh in ka lau mahmah hi. Kiang a ding Sepaih te kia va gen mawk leng 'H' mah ah ki pan Hanmual tan tung theih di vual ah hon vau unchin ka dam na dia lampi om sun cu 'Huai Pa' ka vote ahi mai. 'Huai Pa' ka vote khit in bel innlam ka zuan pah vengveng hi. Kua mah kia gen ngam lah hi lou, Inn ka tung tan ah lau lai ka hih ciang ah Pathian kiang a ka thum hi, kei mimal a dd kia ka thum kei a, Hon vau lau te a dd le ka thum sak thethup kha hi. Ahih hang thum khial ka ki sa kei ka chih na ziak bel ka thum khit in ka lung a muang mahmah mai hi.
THEIHTUAK:Hiai a tung a DIARY teng a TRUE STORY hi lou ahi. PERSONAL tak ah kok tuam nei ah ki gelh le hi lou ahi. Gelh val om leh SIMTUTE theih siam kon ngen hi.
Ka Ki Pak!
©Siamsinna leh Vakiangbu
Comments
Post a Comment